ymwemily's Profile

琴晚試咗一間好有特色嘅法式「洞穴」餐廳✨聽聞係參考法國酒窖嘅設計，旁邊仲有一條長樓梯，俾食客打吓卡影吓靚相，成個裝潢都好有心思💓Lobster Bisque🦞 $175應該係我飲過最好飲最正宗嘅龍蝦湯🤩每一啖都係精華✨質地濃稠 仲有粒粒龍蝦肉🦞真材實料！Beef Carpaccio $175本來對呢個唔算好大期望，但經廚師推介後就諗住試下 食完覺得幾有驚喜😋雖然係生牛肉 但一啲都唔腥👍🏻加埋魚子同花生碎 個味道好fresh✨Tuna Tartare with Lobster Gelatin $195呢個頭盤最有特色一定係中間嘅龍蝦凍😍 係一個重量級龍蝦精華結晶🙈味道濃郁 上面再加入正宗魚子醬😋滿滿的滿足感😚Pan Fried Sea Bass $330鍾意食鱸魚嘅朋友仔應該會俾100分💯啖啖魚肉都係非常嫩滑 好新鮮👍🏻 完全冇令我失望🤩Grilled  U.S.  Beef  Tenderloin  (5oz)  with  Goose Liver $580美國牛柳叫咗5成熟，真係岩岩好👍🏻 肉質軟嫩，同個醬汁好夾✨個鵝肝就唔洗多講啦 正🤩呢間餐廳質素高 價錢亦都同菜式質素成正比👍🏻地點都好方便，可以再encore😇…Read More

之前食過荔枝角嗰間已經覺得好好食😛而家再開咗喺太子旺區 條人龍長到爆🙈但好彩人龍都去得好快～食完都覺得係好值得排嘅！巴東牛肉飯配江魚仔椰漿飯 $83巴東牛肉真係唔度度都食到 呢間仲要有勁大舊🤣佢有醬汁放喺旁邊 少少辣 普通人都可以接受到 好惹味🌶呢個重口味嘅飯建議配冬瓜湯～招牌海南雞飯配雞雜冬瓜湯 $85呢個經典海南雞飯有3款醬 我最鍾情都係薑蓉🤣泰式辣醬都唔錯～雞都幾嫩滑，份量唔算好多但一定食到你飽🤣可以揀多飯少飯 唔浪費👍🏻配鮮檸檬薏米水都唔會當特飲要加錢 正～Susan雞翼（三隻）晚餐加配$28哇呢個真係抵食，有3隻雞鎚3隻雞翼，好誇張🤭味道都係唔錯，炸得好香口👍🏻參巴醬通菜 $20呢個係每次黎必叫 份量好多🤣但今次啲醬冇之前咁多 淡左少少🤏…Read More

正宗新加坡餐廳，呢間真係叫性價比高，每人$100樓下，正😋招牌海南雞飯配雞雜冬瓜湯 $80海南雞飯必備3款醬有齊，海南雞都幾嫩滑，重點係個雞飯好好食🤩個人覺得將薑蓉撈埋落個飯度好惹味😆如果唔鍾意食咁多飯都可以叫少飯～冬瓜湯都係好多料，味道唔會清淡👍🏻另外加咗$35配輕怡拼盤，有春卷、魚餅、滷蛋、雞翼尖😃叫咗呢個拼盤就完全可以話唔使再叫小食，因為咩都有齊🤣滿足晒所有希望🤣獅城芽菜走地雞飯配輕怡新加坡白胡椒排骨茶 $90走地雞加咗啲特製醬汁好好食！排骨茶嘅胡椒味都算濃，岩哂秋冬暖笠笠🔥仲有兩件排骨，性價比高啊👏🏻另外加咗$20要參巴醬通菜，呢個價錢以為細細碟，點知黎到好surprise😳似正價嘅一碟菜！叫咗走辣，都好惹味😋值得加錢叫👍🏻最後叫埋兩杯飲品，椰青跟餐都係加$28，好大個，又係超抵🤣…Read More

今日去左一間之前幫襯開嘅茶餐廳 多選擇 價錢合理 家常便飯都適合～一開始叫咗個燉湯 入面有雞腳有肉，味道唔錯👌🏻飲完冇口渴🤣 $15就有啦 咁抵邊到搵常餐：經典芝蛋牛肉漢堡 配迷你肉醬意粉 $58牛肉漢堡普普通通，醬汁多啲會再正啲～不過肉醬意粉有驚喜😆一來佢一啲都唔迷你，食完都飽左一半😂二來佢肉醬份量都幾多同濃味😛始祖椒鹽豬扒飯（炒底）$68每次黎到必叫🌟椒鹽豬扒好惹味🤩蒜香帶有少少辣，豬扒厚度適中～蒸扇貝 $28/pc見到店員介紹，就叫左兩隻試下，惦喎🤣蒜蓉粉絲好入味👍🏻個扇貝都幾大隻，唔錯👍🏻…Read More

見到呢間越南餐廳好Hit咁，啲野食又唔貴，結果真係有啲喜出望外🤩⭐️脆米紙薄餅 $54呢個米紙薄餅好有創意，加咗啲臘腸超級好食🤩而且有蘿蔔絲去中和返臘腸嘅膩，好推介✨⭐️越式惹味粟米條 $48唔好睇小呢個普通嘅粟米粒，每啖咬落去都有啲醬汁唧出嚟😛甜甜地好惹味！鍾意粟米嘅一定唔好錯過🌽越式發酵茶葉沙律 $52呢個沙律有少少辣，但整體都refresh 🌿佢入邊亦都加入炸咗嘅粟米粒、蠶豆粒、花生粒等等，令到個口感更豐富～差不多一尺蝦 $138呢隻蝦真係造福人類🤣因為連蝦殼都唔使揀，啖啖都係肉😍用咗蕃茄醬汁都幾夾👍🏻⭐️「嫲嫲南越湯」招牌金邊粉 $88呢個金邊粉係值回票價嘅，首先個牛腩好淋好入味唔靭，牛筋都一樣；湯底有微微嘅青檸味但唔會搶咗整體嘅牛肉味👍🏻同埋金邊粉完全索晒啲湯嘅香味，堅正！南越蛋咖啡 $35斑蘭龍眼茶 $23啲兩杯嘢飲都有啲特色，咖啡加入咗蛋香，中和苦澀味✨龍眼茶就係一種淡淡的清甜，應該每個人都會中意飲⭐️…Read More

今日去試吓呢間新開嘅茶館☕️夜晚可以叫小菜或者點心都得🙌🏻 環境好舒服 仲有卡位坐👍🏻淮山螺頭燉瘦肉湯 $48個湯都幾甜，同埋唔會好似出面咁有一層油係上面，但份量就少左啲～金銀蒜粉絲蒸娃娃菜 $68如果嗰日唔想食得咁飽，其實叫呢個菜真係好啱🤣惹味又入味嘅蒜香粉絲係最正🤩同娃娃菜又夾😋櫻花蝦蘿蔔絲酥 $38蘿蔔絲酥好脆🤩同埋甜甜地幾👍🏻不過蘿蔔絲就唔係好絲🤣幾有咬口祖傳秘醬蒸鳳爪 $28鳳爪一定係茶樓必叫⭐️入晒味，加埋啲花生一齊食，一流⭐️鮮蝦菜苗餃 $28呢個就普普通通，同出邊食嘅味道差唔多，勝在抵食大件👍🏻鮑魚北菇燒賣皇 $38/2粒 呢到嘅燒賣真係唔同啲～有粒細細的袖珍鮑魚令到成個口感更加豐富😋宮廷流沙包 $26呢款流沙包好香，食落唔算好漏，食兩個唔夠喉🤣…Read More

一間幾有feel 有得飲下酒chill下，又有好多main course選擇嘅西餐廳🥘餐廳都幾大，座位都好舒服～泰式咖喱蟹肉他他配薄餅 $78呢個小食真係喺出邊比較少見，食落係有驚喜嘅😍蟹肉他他超級多蟹肉，多到食晒啲薄餅都食唔哂😛辣辣地幾惹味🌶北海道松葉蟹腳忌廉意粉 $168見到佢係熱門推介就試吓，個蟹腳就唔算多肉，但其實意粉入面已經mix左好多蟹肉😋忌廉唔膩，加埋啲芝士都幾夾🧀西班牙海鮮飯 $248呢個要等25分鐘先到⏱嚟到熱辣辣上枱～海鮮有少少乾，但個飯好好食，粒粒都有咬口Cocktail- Lonely May Cry $92Gin, Lemon leave, Grapefruit, Elderflower, Egg White飲落都幾清新，酒味唔重，檸檬同grapefruit味都幾夾👍🏻好易入口～外型都好吸引✨Mocktail: Passion Dream $68Passionfruit, Mint, Pineapple, Orange呢杯會甜一啲，基本上就係passionfruit嘅味道😆Pineapple唔算好出～…Read More

時不時就會幫襯呢啲健康餐🤣真係會令人食上癮！今次嚟到嘢飲多咗幾款選擇，有鮮榨冷壓果汁🍹開心😍DIY自選 $88第一碗叫咗香草芥末熟蝦同蒜油八爪魚，今次嘅熟蝦多咗醬汁好惹味，不過蝦得三隻我有啲少🙈 八爪魚相對嘅份量多好多～另外再加牛油果同泡菜，牛油果接近有半邊，加$12都抵👍🏻泡菜就碎上，如果撈飯都幾好食😋山藥組合冇得輸，芥茉醬好正，同秋葵都好夾！另一碗就叫咗蒜油三文魚同慢煮天多利雞，雞胸肉就普普通通，健康既但真係靠醬汁先有味🤣反而鍾意佢個彩虹組合，有紅椒、黃椒、青瓜，好健康👏🏻 同埋好多顏色，食落都開心啲😂最後值得一讚嘅一定係佢嘅ABC果汁🤩真係天然無添加，$35小貴但比起手調飲品真係健康好多😚…Read More

佢嘅裝修幾靚幾有feel🤩同埋菜式都有好多選擇👍🏻就算兩個人去食都可以試到唔同種類嘅嘢～泰式生蝦刺身 $128食泰國嘢一定要試佢嘅生蝦啦🤣 隻隻蝦都好大隻，個酸辣汁正👏🏻每一隻蝦都跟辣椒同埋蒜頭，食落好過癮🌶🌶🌟黃咖喱豬頸肉 $98🌟泰式原味烤酥餅(2塊) $45留意番咖喱係冇跟飯～所以我哋都加咗個薄餅點黎食，最後唔夠喉再叫多碗白飯🤣🤣黃咖喱好適合唔食得辣嘅人試！佢個汁有啲似日本嘅甜咖喱，但係都有輕微嘅辣度😛豬頸肉略嫌細塊左少少，不過配料真係好多，薯仔都有4-5舊😵 所以餸飯真係好啱👏🏻值得一讚嘅係佢嘅酥餅好脆好好食😍兩塊真係唔夠🤣泰式馬拉盞炒椰菜苗 $92又係食唔到辣嘅人嘅選擇😂個人認為椰菜苗比通菜更加好食👍🏻佢仲有得揀少油少鹽，可以符合到大眾嘅口味～…Read More

呢間睇個名都知一定係關於薑🤣 仲係💛 一定要支持下啦😍🌟鱻之米線（炸魚、鯇魚腩、魚腐）$62呢個魚湯底真係好好飲🤩仲帶有少少薑味，可以暖胃，薑控一定好鍾意👍🏻 唔腥都係一個重點～鯇魚腩都幾新鮮！腩肉雞絲炸醬小窩米線 $56有薑味嘅小窩米線真係第一次試🤣原來都好特別！雞絲份量好多，豆卜就唔算好入味～追加左一個肥牛，都唔錯～呢個養生版既小窩米線適合唔中意重口味嘅人食，食完唔會口乾👍🏻個黃金花枝丸都係偏養身🤣 唔油膩～西部牛 $24呢啲嘢好特別，上面有朱古力蛋糕，溶咗之後好似朱古力奶咁，可以一試～…Read More

今日去咗一間食星馬菜嘅餐廳，性價比極高，好正，不過好多人要早啲去等位，好彩條人龍都去得快～獅城芽菜走地雞飯 配輕怡新加坡白胡椒肉骨茶 $85我超鍾意白胡椒既肉骨茶，辣辣地好惹味🤣個豬骨好淋！可以餸埋飯，豆卜都好入味。正👍🏻 走地雞都係雞髀肉，加分😍同埋佢可以揀多飯，大食嘅朋友都唔使驚～佢仲可以加唔同小食，魚餅同春卷都炸得好香口～鑊氣路邊炒裸條 $78呢種裸條同出面食有啲唔同，不過佢好多料，有魚片、蝦、蛋、臘腸，食到你飽到傻😂 建議兩個人share，一個人真係搞唔掂😂味道唔錯，抵食之選馬拉盞炒椰菜苗 $45馬拉盞都可以揀少辣/唔辣，叫左少辣都唔算辣，完全可以感受😃 都係性價比好高，好大碟，食通菜食到悶可以試吓呢款👍🏻…Read More

去左一間可以食辣又可以食豬骨濃湯既米線舖，好多餸可以揀，又唔貴👍🏻豬骨濃湯米線 $28豬骨濃湯好好飲，我飲晒成碗都唔覺好口乾🤣加左韭菜豬肉餃、醬爆豆腐卜兩個餸，味道中等，鍾意食辣嘅可唔可以加返少少麻辣，再惹味啲👍🏻秘製涼拌米線 $32撈麵最緊要多料同埋有肉碎😂佢仲加埋啲脆脆既炸黃豆，令口感更豐富～酸菜份量都好多，叫左BB辣都完全接受到，加埋酸菜有啲似酸辣🤣滷水豬手 $324件都係$32 都幾大舊🤩 唔算炆得好淋，但都幾入味幾正～蒜泥白肉 $32肥瘦適中，同埋唔係薄切，加埋醬汁好惹味😋唔算辣，不過蒜蓉可以再多啲～呢碟性價比高！…Read More

試過呢間幾次 真係覺得好好食好岩自己😂開咗喺屋企附近 所以又來朝聖下😃😃 諗唔到可以入去望下實物，好似沙律櫃咁俾人一覽無遺👍🏻DIY自選 $86+$12牛油果+$8車厘茄+$8泡菜因為太肚餓，今次加左好多餸😂泰式熟蝦有酸酸辣辣既調味但唔辣😆隻蝦好大隻好開心🍤仲有西班牙蒜油八爪魚🐙 好煙韌，蒜味唔算好重～最中意係山藥味，淮山同秋葵都好有益😍黏黏地好得意😎後加既有牛油果，勁多嘅車厘茄，唔辣嘅泡菜，每樣都好正，不過胃口細嘅朋友仔就唔使加咁多，會食唔晒🤣DIY自選 $ 86另一款叫咗吞拿魚，蒜味三文魚，沾烏冬，每款都唔錯，配埋蛋黃醬，有大量青瓜🤣 同沾烏冬都幾夾👍🏻分量就比較適合女仔食，少少地食完岩岩好最欣賞既係野飲都好養身feel，輕食/減肥中既朋友可一試💗…Read More

呢間係炮台山食已經好多人，而家開到去旺角，環境靚咗，餐牌中餐西餐都有得揀，梗有一款啱心水😃 🌟喜哥蔥油豬扒煎蛋飯 $59大推！佢嘅豬扒勁厚勁大塊，同埋一啲都唔乾，如果細食嘅 兩個人share啱啱好🤣 佢個蔥油都好正，冇出面嘅姜蓉咁重口味，唔會食到好油膩～用黎撈飯唔錯～ 羅勒蕃茄M5和牛醬意大利麵 $78瑞典香草豬肉丸伴牛油忌廉薯蓉 $40意粉份量唔算好多，但個肉醬好juicy，好多牛肉碎🤣 另外仲叫咗個薯蓉，呢兩樣一齊食好match😛 豬肉丸好大粒，不過偏淋～個醬唔錯，想健康啲可以叫呢個👌🏻燒安格斯牛肉沙律配意大利陳年黑醋汁 $88個安格斯牛肉味道好出，雖然牛肉熟哂，但一啲都唔韌👍🏻黑醋汁偏酸好開胃😋成個沙律份量好多，幾個人share會比較好～最後叫埋個燉湯清清腸胃，$38一盅都幾抵飲😛…Read More

冇諗過茶餐廳都咁多人排隊，食完真係覺得係值得一推嘅黃店💛雪梨蜜冬百合煲豬展 $28大盅其實如果叫一個飯已經會送一個湯，因為個湯實在太好飲😛所以叫多一盅～味道好清甜，有一兩舊紅蘿蔔，$28一大盅好抵飲👍🏻👍🏻真·手撕雞飯配沙薑汁 $48手撕雞唔點沙薑都覺得好夠味，好啱餸飯，唔會太鹹👌🏻🌟慢煮豬軟骨 配甘筍手工麵 $46豬軟骨勁淋！！呢款好有驚喜，啲軟骨淋到好似啫喱咁好正😍如果叫飯嘅話可以連汁撈飯，叫手工麵諗住試吓反而味道就一般，但真係好健康 唔會驚肥🤣 滷水鳳爪 $30鳳爪硬左少少，但都好入味，同埋都好大隻👍🏻下次會想試埋其他小食～…Read More