akilee0429's Profile

差，講完。（環境髒亂不衛生，設施如廁所老舊，非常不方便。幾乎沒有座位可言，就是一張張小桌子，塞到幾多人塞幾多人，很逼，很不舒服。除了湯，其他任何食物味道都不好。雖然叫做鮮豬肉片，但豬肉好明顯是蘇打粉泡軟，口感如同香口膠。雞翼味道不好，感覺是雪藏很久的肌肉，感覺似雪櫃異味而不是醃製的味道。態度差自然不必多說，會鬧客。不過似乎是自己鋪面，點都做得住。所以態度用差其實都形容不來，應該是惡劣。不過香港人都習慣了。）…Read More

難得想食焢肉飯，就算多人都選擇等位。其實呢個區域超級多選擇。自問同個收銀講野都算有禮貌，借廁所過左張飛，咪好平靜地同佢講聲囉。咁佢又唔俾反應又剩，咪望住佢囉。個收銀一臉不耐煩咁「等陣」，我心諗我都無催你嗯。由個一刻已經好似得罪佢咁。算，終於入到座。好啦，舉手叫寫嘢。唔知做咩又得個收銀得閒，來到就指住個飯啦，俾佢鬧「即係幾多號啊」，啊生，會唔會你清楚個餐牌多過我？其實係咪幫襯你係食客既錯？好啦，下次唔黎啦哈。好認真問過其他職員，唔係老闆黎。噢，係一個有性格的職員。佢同事話佢對其他人都係態度差。相信唔係針對我，好安慰。其他無嘢，但咁多餐廳，無必要貼錢買難受。講完。…Read More

本身都係想坐底食，但係人太多，walk-in要等個零鐘，最後都係揀外賣。天氣凍想買羊肉面食，佢包好曬又難拆開，上面又辣椒油又醋咁，拆開又難包返。現場數到兩個碗就算。點知返去發現係餃子。其實做咁多單外賣，點解都係咁唔小心。係隔離等咁耐，又無催你，張紙又咁明顯寫住羊肉面，都係錯，又要顧客買單。其實買外賣都係想方便姐。做客既又要給錢仲要做埋質檢，忙過打工。同平台反映，又無下文。食得黎都凍，唔知好唔好味。新一年第一個晚餐咁樣，實有點不開心啦。不推薦。就咁。…Read More

即係眼見門口有位，但又好似無人，簡單問下點解唔安排人，自問態度都唔係好差嗯，個較肥中年男職員（唔係歧視，係怕冤枉左其他同事）問完其他人話：「人地三個人啊阿姐」態度差到。想同佢理論佢又走左去窩，咁有性格唔企係度繼續講？先生，就係唔知點解先問你，你自己唔知答案怪返個客人問問題？呢啲咁有才華既人做waiter係委屈左佢，難怪咁大脾氣。多得呢位好職員，即刻走，等完。講真經濟咁差，呢類型人但願佢係老闆啦吓，如果係職員，留係度真係祝福間餐廳。呢啲餐廳本身都唔會話特別好味到上天啦，都係平加新奇姐。咁有啲咁好員工，可能影響部分街坊生意囉。俾個100分。…Read More

上得平台一定係奇好或者奇差，先會去評論。本人有機會一定會係各大平台給予青衣城東海薈拉菲特最低評價並建議所有人不要去。訂價既不便宜又不是走廉價路線，服務人員已經非常不想理顧客。今日的經理居然可以在上點心時，叫顧客給食物碗給她裝醬油。驚訝問她怎麼會無醬油碟，晦氣話一陣幫你攞返食物碗！加熱水要等非常耐，飲茶時段有茶飲不是基礎嗎？對顧客無禮，請問顧客光顧你們是欠你們的嗎？尤其是自稱經理的女士不服務顧客，向她反映更是一副敷衍塞責模樣。不要告訴我人手不足，請夠人是餐廳自己的事，客沒必要埋單。去食飯好似欠你咁，一肚子氣。貴公司好自為之。…Read More

不知所謂既餐廳。不知道為什麼屋企人會想食呢間嘢。今日第二次黎。一向態度都係好差，試過屋企人門口問下嘢，後面完全無人排隊，個門口侍應「入唔入架你」。有無必要呀，爭你錢咩。今日仲正。點左個酸菜魚。自問係酸菜魚愛好者，去邊間餐廳有都會點黎試下。但我係從來未試過係個酸菜魚上面見到有泡。我之前只係屋企臭左個煲湯到見過呢啲泡。聞落個湯臭既。叫其他人聞，都聞到臭。問侍應，堅持話係呢個味。算，費事討論，我退左佢。個侍應話一向都係咁，我話我上次食唔係，佢話係咪好耐之前，最近轉左湯。講真，酸菜魚係咩味，食開都知，你可以轉成點。我話「最近先食過。唔重要你退左佢」，佢話「退咪退囉，唔使講咁多」。大姐，我叫你退，你要拗，拗完叫人唔好講野，你係咪有問題？你係咪以為我係你啲同事。就算你係老闆，話曬都係客，咩態度。激氣到相都唔記得影。睇住個我寧願掉都唔放入口既薯粉先。食物完全唔好食，無論服務同食物仲衰過好多茶記，偏偏又唔係平。完全唔明白佢存在既必要。…Read More

我要認真地俾5粒星。荃灣呢間大廈多好嘢食係人都知。但當相馬未坐滿人，樓下啲食店大排長龍要等，真係無天理。我要做啲嘢。簡單解釋，啲牛靚！最cheap個類別都靚！同樣價錢，係旺角嗰啲係合成肉，呢度真係靚肉！（夜晚有海鮮，算啦急凍野，唔挑剔佢啦，主要係食牛肉家嘛）連豬都好味！貴少少個種牛直頭見到啲雪花！個醬油湯底真係湯底，係出面嗰啲牛咩鍋，試過要自己倒火鍋醬油落去都無味，唔知用咩黑色嘢溝出黎。我兩次去相馬，個湯底同啲牛都完美結合。蔬菜任食度度都有，見過任食羽衣甘藍未？！係任食！買一包細細都要$20啦！蔬菜選擇不能盡錄，出面放題啲白菜仔、菜心你食埋我嗰份。夜晚有炸物，一般炸物都係頹架啦，食到成口粉！錯！呢度個粉又薄，仲要有海苔調味！個醬係整出黎唔係沙律醬啊大佬！如果唔係因為食飽牛，我會成打成打咁叫。人少，個洗手間就乾淨。有幾何任食個洗手間乾淨係咪先。個心爭啲就自私，怕share左，多左人，無咁抵食。但做人，唔可以懲罰人地做得好，呢咁大段讚，係佢應得既。我去個兩次仲有訂座75折。…Read More

之前有人都提過，灣仔駱克道151號2樓全層的麥當勞員工態度極其惡劣。尤其是一位姓卓的經理，在公眾場合大聲呼喝客戶，當我對他說：我是客人，你可否唔可以咁大聲。他居然話：我本來說話的口吻就是這樣。先生，不是你本來係咁就大曬的。這裡不是拍電影。然後我問佢先生你貴姓，佢直接話：不如卑個電話你嗯？（仍係態度非常差）我問他給我的是什麼電話，他說是投訴電話。可以講，M記的投訴機制，形同虛設。無論客戶的訴求是甚麼，作為一位經理，這樣的處理，實在係非常唔合格。…Read More

系一个住宅區，可以食到同阿龍差唔多味道的咖哩，真係好驚喜。係非常正忠，老闆的上一輩在警局替當時的印度警員煮咖喱學成。味道不會太本土太港式。尤其係個小麥餅，真材實料。間嘢食物好有良心同誠意，試業期間好平。又無咁辣係附近既一定要去支持下…Read More

我唔去評論佢既粉。好一般酸辣粉，好多人都做得到。咁橋去紅磡，見啲有人都有介紹呢間，特登去試。見到有辣椒油賣，順便買埋啦！點知，佢竟然可以用舊、用過既老乾媽樽裝卑客人，我覺得衛生好成問題，好噁心。算啦，心想人地可能清洗得好乾淨呢，一打開，唔辣唔鹹都算，味道亦太過「地道」，係我眼中已經可以話係臭。係倒一啲出黎全屋都充滿，要散味咁。麻煩openrice唔需要再提醒我改，呢啲都係事實。Thanks。…Read More

向來好喜歡牛，無論係任食火鍋定係燒烤都係深得我心。當時見呢間嘢新新地想用lunch試下水溫。結果好失望。啲牛唔評論，正常做牛都應有既水準。簡單啲講佢有個海鮮湯，難食到皂水咁。向佢地反映，個處理唔係太得體（試過攞入廚房再攞翻出黎），作為新店，我好反感，以至於唔打算試個任食。…Read More