cathyhunghk's Profile

見到好多人介紹三色丼，本來都想試。但見到有鯖魚，仲要有幾款silver skin fish 的壽司拼盤，算係少見。食材尚算新鮮，對得住個價錢。如果鐘意魚味重一點的朋友，真心推介👍🏻鯖魚壽司拼盤 （$238）…Read More

好耐無岀街食飯。復活節長假期，終於忍不住要岀關。大約11點半到達，店內的坐位已坐滿了一半。我們點了everything egg Benny , 多士上面玫瑰花造型的牛油果，未食已經覺得加分。感覺頗花時間製作，感受到店家的誠意。sourdough 烘得香脆，上面塗上一層Hollandaise sauce ，配搭poached egg流心的蛋黃, 牛油果等, 味道口感豐富，很好吃。不過，唯一美中不足的是菠菜有點鹹。Everything toast. 賣想一樣很好看。…Read More

去完慈山寺，落到大埔，當然要試埋大埔名人煲仔飯啦。當日，下午五點45分左右到，門口已經有幾個人喺門口排隊等梗。我地等左十分鐘左右，店員喺門口叫我地落單。再等一下，就有位可以入去。整個過程大約十五分鐘。排隊時間可以接受。🍽滑雞白膳煲仔飯，個人認為飯可以再乾身啲，飯焦唔算多。但白膳好爽滑，正！淩魚球，味道ok. …Read More

已經幫襯左群記幾年，每過一排就會想黎食番碗金牌爽腩河。爽腩，位於牛的橫膈膜附近，與坑腩連接。帶著軟筋膜又連著少許肉，口感爽脆，煙煙韌韌，比一般坑腩貴一倍。群記嘅金牌爽腩河真係平靚正，一碗五十幾蚊，有好多塊爽腩，一啲都唔吝嗇，好爽～ 不過，個湯底就差左少少，無咩味 （印象中以前好味啲） …Read More

在元朗附近行完山，正好落山食下午茶。元朗有好多餐廳，本來只是隨便揀一間，誰不知很有驚喜。說是「有驚喜」， 真的沒有誇大。$39 的下午茶套餐，竟然有一大碟西多士，大隻炸脾，仲要有餐飲送。單看價錢，已經覺得超值。最驚喜的是食物質素都okay. 多士入邊有搽花生醬，花生醬係有花生粒嗰種，好食😋隻雞髀熱辣辣，炸完即刻上台，外皮好脆。最驚喜係入面嘅肉好juicy，而且係明顯有醃過，好入味，茶記下午茶黎講，無得輸…Read More

很久之前來過此餐廳，印象okay. 不過，今次再訪，無論是食物和菜單，像是有點不同我點了叉燒炒飯，賣相認真麻麻，份量徧少，味道一般，徧淡。不過，加了那些飯焦，撈埋一齊食，口感幾特別的。黃金炸豆腐，這個是小菜類，份量徧少，但可以理解。豆腐稱得上外脆內軟，上菜時還是熱辣辣，可以一試小籠包都幾薄皮，不過一夾起，就流晒啲湯汁⋯⋯有點可惜，無法嚐到湯汁的味道整體來講，食物質素都算可以。不過，值得一提，店內裝修蠻不錯，很適合放工與友人輕鬆飯聚…Read More

雖然幾時都想打邊爐，不過近日天氣轉冷，就更想去十下十下。我們點了台灣鳳梨雞鍋湯底，很香！自助吧 有很多火鍋配料選擇，單是丸子，都有很多款安格斯牛肉餐，肉類選擇都算ok. 上菜速度快，店員會每過一陣幫你收空的盤子。整個節奏很快，未到兩小時，已經吃飽飽😁😆我們剛下單，一陣子便一疊盤子在面前。唯一美中不足的是地板唔知點解好滑，好似有層油，餐廳真的要好好處理，萬一有人滑倒，真的不敢想像會怎樣，尤其是火鍋店。…Read More

星期日的太平山街很寧靜，同繁忙嘅中上環幾街相隔，有種強烈對比。呢條街其實有蠻多食肆，餐廳/cafe都有，今次就去咗mixo. Mixo 有咖啡同啤酒/sake選擇，好適合同朋友坐低飲嘢吹水。我點了mocha ($45), 咖啡不過不失，🍽 sourdough toast combo ($145). 整體來說不錯，蛋上加左少許黑松露，帶子大大粒，Sourdough 就麻麻地，似乎bakery 不是這裡的強項。店面細細，裝修走工業風，星期日去食個brunch , 係幾chill 嘅👍🏻…Read More

睇咗一個youtuber介紹海南雞飯嘅片，就立即bookmark 左文華雞飯。結果真係無令人失望，值得去食😋我點左無骨海南雞飯晚市套餐 （$98），雞肉很嫩滑，雞皮同肉之間有層薄薄的啫喱，皮脆肉滑，很好食！！套餐其實份量頗多的，有一大碟雞，一大碗飯，一碟菜同細肉骨茶。個油飯好香，平時食唔到半碗飯嘅我，因為太好食，食晒成碗飯。肉骨茶方面，用了新加坡的做法 （我自己就徧好馬來西亞那種）, 所以覺得這個還好吧。…Read More

這家墨西哥小店，裝飾很特別，牆及天花都掛滿了七彩顏色的墨西哥帽。平時同周末晚經過，都見到坐滿了人。今次特地選在平日中午去，不用等位。另外，原來平日係有特別的set lunch menu （starter (soup or salad) + main + drink), $98 。好抵前菜沙律，比我想像大份雞肉Quesadilla，熱辣辣上菜，tortilla脆脆的，雞肉好juicy, 仲有芝士，好好食！ 仲有三個醬 😍😋 真心推介！冰綠茶，隻杯好特別😆😆…Read More

經過門口，見到有烤魚同羊腩煲，就俾佢吸引左入去。店內坐滿人，但都係等左約十分鐘，還好。酸菜烤魚的魚肉有啲乾 😣羊腩煲份量幾細，羊肉有點韌一字骨肉質頗淋，但不夠味…Read More

好少去北角，咁啱有事去開附近，隨便入去食中午醫肚。店內明顯有明顯裝修，營造去左越南小店嘅感覺。午市套餐選擇很多，50蚊左右就有湯粉加飲品，加多十幾蚊仲可以將餐飲改做滴漏咖啡☕️，唔錯。我點左越中意生牛肉牛腩湯粉(揀左金邊粉) ($52 送熱飲), 湯粉個湯底頗有味道，湯粉份量亦算多，生牛肉牛腩各三片，大大舊，認真抵食。👍🏻牛腩大大塊整體來說，五十幾蚊食到越南湯粉，而且配料份量咁多，而家應該好少有架啦。…Read More

之前經過optimist 門口，已經俾佢嘅室內環境吸引。今晚終於有機會試。(順便一提，要早至少一個星期訂座，尤其係weekend dinner， 很快無位。)餐廳環境很有氣氛。不過，我們被安排到的二樓，係open kitchen設計， 室內幾大油煙。相信餐廳都有留意到這個問題，放了兩台座地風扇吹住食客，不過唔係好解決到問題。🍽 Tuna Tartar ($140) 呑拿魚同下面既牛油果醬好夾，個cracker 好脆。推介👍🏻🍽 Marinera mussels ($150) 味道有點淡，不試也可🍽 Grilled pork ribs ($270). 豬肋骨烤得鬆軟惹味，不過豬肋骨上撒的粗鹽有點多，咸左少少，唔加其實仲好。🍽 Northern Spain Milky lamb shoulder ($260) 羊肩經過炭燒，惹味 …Read More

同男朋友食完晚飯，喺西營盤附近隨便行吓，無意間發現這家甜品小店。星期五晚上，店内大概坐了一半食客。甜品選擇很多元化，街坊價錢。特別注意到餐牌上有木桶豆腐花 ($22) , 看起來很不錯。😍款式很多 🤩我點了宇治金時 ($40)，有五款配料 ，雲妮拿沙冰上面放了紅豆、涼粉、小丸子，仲有抹茶雪糕，小丸子🍡煙煙韌韌，雪糕的抹茶味超濃，真心覺得值得推介 👍🏻👍🏻 整體來說，味道很好，配料份量十足，絕對會再去。😋…Read More

好耐冇去花園餐廳，鐵板餐仲係好抵，價錢$110-130 左右就有交易，可惜食物質素有點令人失望，只可以講一分錢一分貨，唔可以有咩要求。點左紐西蘭grade A 肉眼扒，真係好大件，上菜時，喳喳聲，賣想係幾吸引點左medium, 但感覺好似生咗少少，似medium rare牛扒肉質有點韌，花了頗多力氣才能切開，入口就不用說了，很難咀嚼。配菜薯條, 份量可以再大方一點 😅跟餐送左tiramisu, 不過不失整體來說，花園餐廳嘅價錢，有大大塊扒，對食物無咩要求嘅話，其實算係大件夾抵食。…Read More