食神:o)'s Profile

前幾日朋友生日，聚完餐之後我們黎新北江商場行下。行到咁上下，我記得有同學講過新北江商場開左間乳酪店，就好興奮帶朋友去睇下喇。上到佢，我心裡忍唔住「哇！」左聲。間鋪佈置得好靚，好Pink！女仔都應該好鐘意。櫃台只有兩個服務生，一男一女。我地一行埋，佢地就主動向我地推介有咩食。個日乳酪雪糕有兩隻味：藍莓、原味。$18/150g，加料就$4/1。我覺得幾抵食，因為好大杯，多過$15/100g既。雖然唔係自己吱、自己加料，但係的確幾抵食。所以要向大家推薦一下！我同朋友都係揀藍莓味，我之前都係唔敢試藍莓味、石榴味，今次就破例地試下藍莓味，出乎意外地我先知道原來都幾好味。雖然取代唔到我鐘意既士多啤梨味，但係我覺得抵試。我加左兩款配料：蜜糖星星、雜果，佢俾左okay多我，我覺得抵過自己加料，因為加得多因而就重啲，但個服務生加幾多都係$4/1。同埋，呢間既乳酪無咁易溶、變水，我同朋友一邊傾計、一邊食，食到最後都唔會好似某間咁易溶成水，所以真係好正！其實我唔係好識點具體形容有幾好食，想知，大家去試下:)　真係唔錯。當然我真係話佢呢間好食到飛起，但我自己會再去食多次，加上佢地佈置環境真係唔錯、幾可愛同靚。…Read More

上次行街經過，見到有賣多款口味既饅頭，色彩繽紛，就買左袋黎試下，價值$10。雖然份量都幾大個。但真係唔好食。朱古力、士多啤梨饅頭無朱古力、士多啤梨味，算！但連一個饅頭原來既味都無。反而有種唔識形容既怪味。拎返屋企，我乜都食既爸爸都話難食，可想言之，真係唔食味。…Read More

最近因食過自助既乳酪，而迷上乳酪。為左醫乳酪癮，就走左去阿波羅買。個陣比較多人，但係姨姨收左我錢後，都盡快幫我整，我食既係士多啤梨乳酪($20)。雖然份量唔多，但係我覺得好滿足。一、可以醫癮二、士多啤梨味重，又有士多啤梨蓉口感三、奶味淡，我之前唔鐘意乳酪係因為驚奶味濃。不過下次都係會買返士多啤梨雪糕，因為價錢比較平同味道相近，為荷包，都係平平地好…Read More

某日係學校好夜先放學，就相約朋友一齊去泛后食糖水。我先嗌左個楊枝甘露($20)，後來再嗌韮菜餃子($10)。朋友嗌左雞翼尖($10)。送個楊枝甘露黎個陣，我呆左，份量真係太少啦，可能我嗌既唔係家庭裝關係，但係真係太少，只有一個碗仔咁多，我多啖就食完，咁就食左$20。如果係咁，建議去添記(就係附近)食，份量比佢大，又俾佢平。由於唔夠喉，就嗌左個韮菜餃子($10)。哇！哩次真係令我滿意。雖然得三件，但係都幾大件下，而且皮薄，煎得又香又脆，再蘸埋泰式辣醬，非常滋味。而朋友既雞翼尖，我覺得唔夠B仔既有特色，所以無試過。…Read More

我未試過麗江既米線，因為真係好多人幫襯，次次行過都大排長龍。無意中發意，新開既霸王酸辣米線都唔錯。之前去食既酸辣米線，我覺得太唔抵食，普普通通。但哩間唔同，我見到老闆娘好似係四川人，所以份外覺得好親切感。加上，人流唔多，唔係話佢唔好食，因為太偏僻了，都幾難發現佢。我鐘意靜靜地既環境。每次我都係食D餐，其實原來佢張餐單就可以混餐食，但依家唔得，Set死左。不過D餐完全合符我既口味。雞翼加左啲香料，幾惹味。腐皮好特別，又稔，好味。芝士腸佢俾好多我啊，食完超飽。我嗌左中辣，好味，我接受到個辣既程度。…Read More

第一次係試大腸麵線，覺得好好味，又夠辣！當時係冬天，食住熱熱既大腸麵線，好舒服。大腸好入味，麵線真係好正，唔識形容。但大腸、麵線份量少左啲，只湯汁多。之後，我就試左佢地既飯餐，肉燥飯同咖哩飯都有試過，當時仲可以再加兩串串燒、飲品、啫喱，加埋$30，感覺上好豐富。不過我推介大家試肉燥飯，啲肉碎撈埋汁黎送飯一流！但係咖哩飯，咖哩就甜左啲，我覺得唔係幾好食。我揀既串燒係雞立方、豬頸肉。強烈推介，如果單買雞立方，如果佢會問你要唔要泰式酸辣汁，一定要試下，真係好好味！＊ 唔加汁都好食，咬落，啲雞都會滲啲肉汁出黎，真係好正。豬頸肉燒得好脆，我鐘意。因為佢係即買即整，所以等待時間有啲耐，建議大家預10-20分鐘，電話落單，再自取或堂食。我覺得佢地既啫喱唔錯，我成日都買俾我妹妹食，佢話好味喎。另外，我特別推介炭燒烏龍茶，因為我老師同朋友都話好好飲，係咁介紹人飲。…Read More

一直都好想試下KFC啲寶盒，最近新出一款，見朋友食好似幾好味咁，特登走去買左個芝級Pizza寶盒，試下。收到個陣，只係略暖，唔知係未放左好耐。食個陣，我覺得個皮好硬，不過塊脆雞扒都幾大塊，但係無乜味，又唔辣。食到中間先有Pizza既饀料：青瓜、粟米、茄汁等，但係仍然無芝士味。到最後個層先有啲芝士滲出黎，但味唔濃。幾岩我小食芝士既人。同埋熱食好似好味啵。整體黎講，無咩特別，好似食饀餅咁，不過都可以試下，只係唔好對個芝級Pizza寶盒期望太高，因為芝士份量真係幾少下，稱唔上係「芝級」。…Read More