eddieedyau's Profile

求其喺附近搵咗間同朋友入去食，點知咁唔好彩嚟咗呢間泰國嘢。去到環境都還可以，我哋兩個都點咗香葉肉碎煎蛋飯，個飯嚟到之後望左望，好似只係煎蛋飯俾漏咗肉碎咁。我之後去問個侍應，啲肉碎去咗邊，佢話叫我自己搵吓。 真係黑人問號。。大家可以睇吓張相評吓理🤣🤷‍♂️ 請問啲肉碎去咗邊？我再追問之後，佢繼續叫我搵吓啲肉碎。。？我同我朋友都心知中伏，心諗唔怪得知呢間嘢冇人去啦。啲肉碎只有佢先識得搵。希望大家唔好再去俾錢買難受，如果得閒有錢冇埞使，可以試吓嚟呢度感受下。👨🏻‍🍼🤷‍♂️…Read More

首先，落單人好無禮貌，一黎到，落單字都無拎，就企左係度個樣好似好唔耐煩咁，好似「有咩就講啦」咁，好喇，之後就走去打單叫我地自己check下有無錯。我心諗，剛才你去拎紙寫底就唔怕會寫錯啦。飯黎到，又少。凍飲到，就用熱飲杯上，勁細隻。我地黎到拎位係話6位，有一位最後無黎到，姐係得5位，就逼我地要叫多杯野飲（6位)，因為有最底消費。😂呢個情況真係第一次經歷，俾10個趣你😂個人十分不推介呢間餐廳，十分不禮貌，附近仲有好多餐廳比佢更好。…Read More