C.chefoodie's Profile

環境 大量既植物與暖色燈光營造文青感，座位間距偏窄（凳底備藤籃放袋）。 Ambience Lush greenery and warm lighting create an artsy vibe, though seating is tight (woven baskets under chairs for bags help). 食物飲品逐項評： Food & Drinks Breakdown：🦑 炸植物花枝丸配蛋黃醬 $58外皮酥脆，蒟蒻口感彈牙有嚼勁，沾蛋黃醬更提味。值得一試。 🦑 Crispy Vegan Squid Balls w/ Mayo $58 Crunchy shell with springy konjac filling. Mayo elevates the umami—worth ordering! 🍝 泰式冬陰功植物海鮮意大利麵 $148濃郁酸辣平衡，素魷魚口感仿真度高。缺點：裝飾香茅過多影響食感。 🍝 Tom Yum ”Seafood“ Spaghetti $148 Rich, balanced spicy-sour sauce. Vegan squid mimics texture perfectly. *Note: Excess lemongrass garnish hinders eating.* 🍚 台式植物滷肉飯配蚵仔酥及炸物 $158滷汁香濃帶明顯甜味（嗜甜者適合），炸蚵仔酥脆度佳。建議分享避免膩口。 🦖因為食唔慣滷肉飯，所以同我交換左🍚 Taiwanese Braised “Pork” Rice w/ Fried Oyster Mushrooms $158 Savory-sweet braised sauce (ideal for sweet-tooths), crispy mushrooms nailed it. 🦖 traded dishes with me as she’s not a braised rice fan. ☕ Dirty $46燕麥奶與咖啡融合順滑，溫度層次分明。 ☕ Dirty Oat Latte $46 Silky oat-espresso fusion with distinct temperature layers. 🍹 紅菜頭蘋果西柚檸檬 $58清爽果酸突出，有效中和濃味菜式。 🍹 Beetroot-Apple-Grapefruit-Lemon $58 Bright citrus notes cut through rich dishes perfectly. 🍰 椰香Tiramisu $78質地濕潤綿密，椰香明顯，唔會太甜，🦕想再encore 🍰 Coconut “Tiramisu” $78 Moist, fragrant, not overly sweet—🦕 wanted seconds! 總結: ✓ 蒟蒻花枝丸口感驚喜 ✓ 冬陰功醬汁風味紮實 ✓ 環境舒適，適合打卡Verdict✓ Konjac squid balls: Textural wonder ✓ Tom Yum sauce: Flavor bomb ✓ Social-worthy greenery backdrop 📍 @cafezi.official ｜💰 人均$200-250 🟢 推薦：花枝丸、冬陰功意粉📍 @cafezi.official ｜💰 HKD $200-250/pax 🟢 Must-order: Squid balls, Tom Yum pasta #香港 #hk #香港美食 #hkfoodie #hkig #hkvegan #香港全素餐廳 #全素餐廳香港 #hkfoodstagram #hkfoodielife…Read More

🦖🦕今次帶大家殺入九龍城呢個泰菜戰場～ 誤打誤撞發現📍@thonglorhk 呢間新開嘅復古泰式餐廳，裝修超有feel，仲要座無虛席！即刻同大家share我哋嘅食評👇 This time we explored Kowloon City—the ultimate Thai food battleground—and accidentally discovered @thonglorhk, a newly opened retro-style Thai restaurant with amazing vibes and a packed house! Here’s our menu review👇 🍜【泰式濕炒河】$68熱辣辣上枱！鑊氣十足之餘仲超多料，啲河粉掛汁能力100分，🦕食到停唔到口啊～🍜 【Stir-Fried Wet Noodles in Gravy】 $68 Served with wok hei and loaded with ingredients! The noodles perfectly soaked up the rich gravy!🍢【串燒沙嗲雞】$28/2串外皮燒到微微焦香，雖然偏乾身但點埋個秘製沙嗲醬簡直係絕配！一個人KO晒兩串，easy~🤤🍢 【Chicken Satay】 $28 (2 skewers) Grilled with a slightly charred aroma and the peanut sauce saved the day! 🦐【炸蝦餅】$28即叫即炸超脆口！咬落去”咔嚓”聲，蝦肉彈牙，蝦味濃到似喺泰國食緊～配甜酸醬邪惡度爆燈💯🦐 【Deep-Fried Prawn Cakes】$28 Freshly fried to crispy perfection! The shrimp filling was so bouncy and flavorful. The sweet & sour dip so addictive 💯 🌶️【香葉炒辣肉碎飯】$68辣度岩岩好！最正係個太陽蛋嘅脆邊，撈埋辣肉碎同飯一齊食，罪惡感與幸福感同時爆棚💥 減肥？聽日先啦！🌶️ 【Stir-Fried Spicy Minced Pork with Holy Basil】$68 Perfect spice level . 💥 That crispy egg + rice combo, diet start tmw!🍜【船麵】$88湯底濃到似藝術品！香料同豬血嘅完美融合，細碗但足料，食完想再嗌多碗啊～🍜 【Boat Noodles】 $88 The broth was insanely rich — a masterpiece of spices and pork blood! Small portion but packed with ingredients. 🥗【青木瓜沙律】$38份量大到嚇親！調味平衡得超好，仲有超香口嘅蝦乾提鮮，清新得嚟又開胃～🥗 【Green Papaya Salad】 $38 The dressing was perfectly balanced, not too salty or sour, and the dried shrimp added a nice umami kick. 🦀【泰式蟹肉奄列】$78蛋控必點！外脆內嫩嘅完美境界，蟹肉份量OK但食完真係要飲涼茶（笑）熱氣但值得！🦀 【Crab Meat Omelette】 $78 Egg lovers, this is a MUST. Crispy outside, tender inside, with decent crab meat.🍹【椰汁沙冰】$48椰香爆炸💥由頭飲到尾都咁濃郁，仲要夠冰凍，解辣一流！🍹 【Coconut Smoothie】 $48 Ultra-rich coconut flavor from first sip to last! Super icy and refreshing—the perfect antidote to spicy food. 呢間絕對係價錢合理份量足，味道仲要夠地道～ 🦕已經同屋企人encore左啦！👏Reasonable prices, generous portions, and authentic flavors. 🦖🦕 will definitely be back! 👏 …Read More

好耐冇分享下我哋覺得值得幫襯既餐廳😂🦖同我講，最近見到葵芳新開一間沙嗲王分店，之後就話好耐冇食過，唔知依家啲野，好唔好食呢？依家香港啲餐飲業成日都話冇生意，大家都北上消費所以都想試下，係逆境開新分店既沙嗲王，究竟憑咩可以開新分店呢🤔記得我細個既時候都會去食，但係後尾好似愈做愈差甘，所以我都好耐冇去食，我仲一度以為佢執曬😬————————————今次我地就嗌左佢哋嘅二人套餐 $2xx （我連續兩日都有去食😂分別同🦖仲有我屋企人）我同🦖都覺得依個套餐好抵食兩個人食真係好飽，食唔曬啲飯量好多（如果少飯可以減錢會好啲，因為🦖食唔曬）蘿蔔糕係個石窩入面好保温，同xo 醬好夾炸厚切豬扒飯個豬扒好juicy🤩白咖哩個汁淡啲（下次會想試黃咖哩）🦖嗌既蟹黃飯都好食，亦都係石窩入面裝住，食到尾都仲好熱，送飯一流野飲好足料，芒果沙冰入面啲芒果又多又甜，榴槤沙冰飲到尾都仲係好濃既榴槤味🙂‍↕️見我第二日再去食多次，就知真係唔錯啦🤭第二日4個人，共消費左$400，真心大件好味抵食！🥴#hongkongfood #hongkongfood #hk #hkfood #hkfoodstagram #hkfoodielife #香港 #香港店 #香港餐廳 #平民美食…Read More

葵廣揾食團ep1葵廣真係一個好神奇既地方😂每次去揾食，都會見到啲新舖，亦都見到啲熟悉嘅面口，開咗好耐啲小店。所以想開一個專輯，專門介紹葵廣既小食店😆無論好壞都介紹下🙈第一間想分享既小食店係 @cook_your_clam 第一間介紹佢既原因，純粹係因為最近🦖先帶完我去食黎😂 我都嗌左原味重蒜，另外加左粉絲。🦖好鐘意食，鐘意到自己食咗之後，再帶我去食多次😂😂 我試完都覺得真係幾正，個湯底都幾鮮，同埋蒜味好重，佢另外再加左啲炸蒜係啲蜆上面，令到我覺得好香🤤 同埋加粉絲底真係Must !! 雖然要加8蚊，不過啲粉絲吸左啲湯汁，真係好好食，完全唔後悔加料🤭佢個舖位係條橫街到，細細個，冇留意清楚既話，真係好容易就行左龍 🫣性價比方面，少少貴，如果唔加粉絲既話，真係唔夠食🫠 #香港 #葵廣 #葵涌廣場 #香港小店 #情侶 #香港美食 #hk #hkig #hkfood #hkfoodie…Read More

最近🦖好想食自助餐，於是就去左香港逸東酒店Eaton HK 既自助餐 — 普慶餐廳 The Astor 吃左佢哋既自助晚餐，食物的種類好多中、西、日、意、印都有，除此之外，都有好多唔同既海鮮選擇，例如：生蠔、龍蝦、青口、蒸東星班、松葉蟹腳、另外亦有素食專區，有多款唔同嘅蔬菜，性價比不錯，食物味道，我會話，總有一款啱你口味😏好豐富，我個晚都掛住食，唔記得影相😂#香港 #香港美食 #香港酒店 #香港逸東酒店 #自助餐 #香港自助餐 #香港情侶 #hk #hkig #hkfoodie…Read More

📍四姐川菜 @sijie_sichuan 我地🦖🦕成個月都冇出過新post la，因為最近都比較忙，所以都冇時間出去搵好野食😋甘耐冇出post， 一於分享下我哋最近試過，覺得好好食既四川菜啦🥢依間餐廳係我哋公司經理介紹既，於是，我哋就同同事（總共5人）一齊去食晚餐，一入到去覺得環境好舒服乾淨，員工十分之友善😌印象分，加分🆙🆙套餐以人頭計，每位$360，因為我哋當日有5個人，所以我地就可以叫3個前菜，5個主菜前菜·招牌四川涼麵真係好好味呀🤩雖然個賣相好樸素，不過個辣醬真係好好食🤤麻麻辣辣甘，食完個麵之後仲想攞啲汁黎撈飯食😋·虎皮青椒唔係講笑依碟都係simple but tasty ，前排食咗間餐廳（依度就唔開名啦😂）佢個虎皮青椒一啲都唔虎皮🫣好明顯就係烚完條青椒炒幾下就算。不過四姐既就唔同，好食到我相都唔記得咗影🤣·夫妻肺片🦕我覺得好正，又麻又辣甘，同，好足料🤩啲唐芹都好夾，同，牛一齊食唔會好膩😚主菜·招牌重慶水煮魚入面好多料😍除左有大量魚片之外，入面仲有薯粉，同埋芽菜，啲魚鮮嫩無骨， 5個人食，食到最後都差啲食唔晒甘滯。·重慶辣子雞雞肉香脆多汁少少辣，眨眼間就食晒😌·四川椒鹽蝦好好食呀😍，啲蝦好脆，唔會煮過老，脆到連殼都可以食埋😳好香口惹味，好適合飲住啤酒配黎食🍻·干煸四季豆好有鑊氣之餘，唔會炒得好油膩，麻辣味岩岩好😍·酸辣土豆絲好開胃，好適合食完甘多辣野之後再清一清味蕾😌總括嚟講，依餐食真係大滿足，好有驚喜，冇諗過甘好食😋真係好值得推介俾大家食👍🏼地址：四姐川菜 (銅鑼灣)銅鑼灣耀華街3號百樂中心10樓…Read More

📍烤魚工房 旺角（登打士廣場）@howfishgongfang 最近🦖同我都好忙，所以依家先得閒出新post🙈之前我地去左烤魚工房食咗個午餐，因為自從🦖去深圳食左探魚之後，佢就念念不忘烤魚既味道🤩上網見到有人介紹依間，於是我哋就去試下啦。當日我地叫左鮮青椒味江團魚，個段時間佢哋做緊優惠，可以免費加指定既配菜，所以我地分別加左個手工麵，娃娃菜，年糕，萵苣，海帶，海苔響鈴，豆花仲有午餐肉。另外我哋仲叫左烤蠔食添🤭江團魚係要加錢既，但係我哋覺得幾值，因為條魚多啖啖肉又冇乜骨，啲骨都係好大好粗個種，所以食係上黎都好方便😍啲配菜質素就正常，不過我哋就覺得免費既配菜，份量可以細啲，或者可以根據人數而俾，因為我哋冇諗過配菜既份量都幾大，所以都叫得有少少多，食到最後好飽🫣個蠔都ok 唔會食落去有唔新鮮既感覺野飲黎講，🦖叫左杯幽蘭拿鐵，我就叫左杯芒果沙冰。🦖個杯就有啲普通，上面既忌廉麻麻，我個杯就唔錯😙不過對我依個飲開black coffee 既人黎講，就甜左啲啲😆環境方面呢，就坐得幾舒服，不過個廁所就有啲污糟。服務態度方面呢，就男侍應好過女侍應，感覺上女侍應似係新請既，仲接受緊training …Read More

The Chairman 15-Aug-2023今次係我🦕同屋企人第三次食大班樓啦😆但係我自己之前都有跟老闆去食過兩次，自己一個人都食過一次😳每次去都唔會令我失望🤩象拔蚌汁潰凍鮑魚Cold Abalone Marinated with Geoduck ClamJuice如果要我一個字形容既話，鮮！鮑魚煮得好淋，連我88歲既嫲嫲都食到😋😋😋炭火厚切叉燒Thick Cut Chairman Style Char Siu (Cantonese Roasted Pork)我之前成日都見到啲foodie ig post 係大班樓食叉燒，當時我心諗，真係有甘好食🤔今次試過之後，真係返唔到轉頭🥲係我目前為止食過最好食既叉燒🐷蟛蜞膏柚皮冬瓜Fresh Water Crab Roes with Pomelo Skin and Winter Melon柚皮食落冇苦澀味同冇渣，冬瓜同柚皮就好似海綿咁，張所有鮮味吸係身邊入面，配上蟛蜞膏，只可以話，鮮上加鮮🤤雞油花雕蒸花蟹配陳村粉Steamed Fresh Flowery Crab with Aged ShaoXing Wine, Fragrant Chicken Oil & Flat Rice Noodles我差唔多每次食大班樓都會叫既餸🦀不過我係為左佢個陳村粉而叫既😂因為我本人唔係好鐘意整污糟隻手，所以平時陪🦖食海鮮既時候，都係佢拆肉俾我食😳講返正題先，我覺得佢既陳村粉先係精粹，食落去：香！甜！鮮！雞油既香，花雕既甜同蟹既鮮味，次次都覺得唔夠陳村粉食🥺一斑二食：胡椒炒球，陳年鹹檸檬蒸頭腩Whole Fish 2 Flavours: Stir Fried Fillets with Pepper, Steamed with Aged Lemon and Fried Garlic胡椒炒球好有鑊氣，啲魚一啲都唔嚡，仲要冇骨，蒸魚都相當出色，陳年鹹檸檬張碟蒸魚升上另一個Lv避風塘蒜香羊肋骨Lamb Spare Ribs Stir Fried with Fragrant Garlic and Black Beans我好鐘意佢個羊味，少少臊味，但係唔會好難入口，外脆內軟，好多汁，上面既炸蒜令道菜錦上添花豬皮櫻花蝦燉時菜Double Boiled Vegetables with Fried Pork Skin and Dried Cherry Blossom Shrimps當日嘅時菜係菜心，剩係用左最嫩既部分去煮，豬皮櫻花蝦味道好夾，如果我唔係飽左，我都想飲埋啲湯🥺梅乾菜扣肉煲仔飯Stewed Pork Belly and Preserved Vegetable Claypot Rice作為一個華人，冇啲飯落肚點得架呢，個扣肉肥而不膩，啲梅菜亦都好好送飯，仲有啲好香脆既飯焦，所以無論我幾飽都好，我都食左兩碗🙈🙊甜品三味Desserts Trio一個好完滿既結尾，就一定要食甜品，分別有我最愛既杏仁茶，上海蘇式月餅同紅棗糕。杏仁茶既味道保持不變😍而月餅同紅棗糕都好好食…Read More

📍悅川 （荃灣悅來坊）精選二人餐$238 （不設服務費）拿拿拿！聽到個價錢就知佢勁啦🌝喱間川菜係我地同事介紹既 咁既價錢我真係無可挑剔😋 座位闊落舒適 我覺得佢鋪張台布就可媲美中西區啲高級餐廳😂 （環境方面）香鍋魷魚鬚🦑竟然有咁多配菜🫣仲有個爐仔熱住啲餸😆超級送飯呀！！（喱個set唔包飯我地另外嗌）我覺得係最好食既一道菜😋😋啲菜花仲保留住啲crunchy口感 魷魚都好彈牙😌酸菜魚🐟啲配菜竟然有啲水晶粉，如果大家想食飯建議都係叫一碗share，因為真係超飽…最後我地係食唔曬既。喱個啲魚肉都幾滑，魚片偏厚身，完全無骨😆放心食！酸菜同芽菜都好入味😜手拍青瓜🥒（蒜蓉口味）望落好似唔係好入味咁，但食落其實係夠咸夠蒜味！不過就同平時食開既陳醋手拍青瓜唔同style~ 啲青瓜好新鮮，shotshot聲😂😂份量我覺得夠4-5人食😂😂冰粉🧊成餐飯我覺得都唔錯！只能講我期望一個更好既完結🥲啲粉好硬身，啲糖水又好少🥲唔建議俾錢單點其實個餐仲包左兩塊蔥油煎餅🫓由於太好食，一上台就掛住食唔記得影相😂😂好soft發酵得好好，然後好濃蔥味，🦕話係全場最好食🌟🌟🌟🌟🌟宜家諗起都想食總括黎講，我地非常滿意喱餐飯😋😋就算糧尾都可以食大餐😌下次再去！🙋🏼‍♀️🙋🏻…Read More

Gaddi’s係尖沙咀半島酒店入面嘅西餐廳餐廳的環境很美🤩枱與枱之間的距離不會很近，窗外能夠看到香港的博物館，交通也很方便，他們的食物也有一定的水準😋由其是鐘意食佢啲麵包，鵝肝同魚。甜品就覺得ok，味道都幾大路，唔會話太大驚喜Nice food nice service 👍🏼👍🏼3 rounds refilled for the bread 🥖🍞😍Specially like the foie gras and sole…Read More

📍妹記大排檔（旺角）喱間大排檔係我第二次去食既，上次同左🦕啲中學同學試完覺得唔錯，今次就帶埋媽咪去食😋😋講下環境先，喱間餐廳好大間，座位相隔好近，成個環境都好熱鬧🤣氣氛幾好，員工好友善👍🏻👍🏻佢地上菜速度極快，我諗住嗌住兩個餸先，再望下menu揀下，都未揀好，岩岩叫既餸已經到左😨不過啲餸都好新鮮熱辣辣！我地今次總共嗌左三個餸，份量全部都好多🫣食到最後真係褲鈕都要解鬆先得😋😂咕嚕魚塊（$88）喱個魚肉好滑😋炸得外表好脆🐟包裹既粉唔會太多，送飯一流😋😋豉椒炒蜆（$98）喱度既蜆同出面食開個啲品種唔同🫣明顯係有口感大粒啲😋😋不過相比其他餸就份量少啲啲，好味到我差啲想叫多碟食😛海鮮雜菜煲（$88）喱個睇相就知佢勁啦！😂😂成碟餸有至少4款菜/蝦乾/鮮蝦/魷魚🦑 如果一個人黎食既話真係一碟夠曬飽😋 喱碟味道比較清淡，感覺好適合減肥既朋友仔食☺️總括黎講喱間鋪性價比勁高，份量大適合多人聚會！我地另外仲有嗌一個飯同飲品，埋單$314@2個人🥳 你地話抵唔抵食呢？…Read More

🦖前幾日出左個post 講 @picihk ，見佢冇post 哂啲相，甘就等我張剩低未介紹既介紹埋俾大家啦😆同埋係度多謝下🦖同朋友食完見唔錯，又帶我去食😘（算唔算放閃呢🤔😎）Tasting menu $290 per personMussel cocotte (+$20 tasting menu)我覺得佢個蕃茄汁幾好食，個汁除左有濃濃既蕃茄味之外，仲有少少辣味同herbs 味，食落既味道唔會話好單一，比出面某啲賣青口既餐廳好食😋Paccheri allo ScoglioPaccheri 係粗管麵黎，依碟pasta 有唔同既海鮮係入面，包括，clams, octopus, smoked swordfish。都幾足料下同埋佢個汁幾light，食完唔會覺得好滯😌Tiramisu🦖話中環分店既少啲餅，鐘意中環個個多啲，我就冇食過中環個間，所以冇得比較😂 我個人黎講就覺得一般🙈因為我覺得佢既mascarpone 有啲stiffPanna cotta raspberry coulis 我哋兩個都覺得唔錯☺️我覺得啲醬可以少啲啲就更好，因為有少少搶咗啲奶味。不過佢質感好滑，食落去唔會好firm總括嚟講，我都幾enjoy 依一餐☺️再一次多謝🦖帶我黎食，嘻嘻🤭由其是我覺得佢個2人tasting menu 真係好抵呀！包括左餐前麵包，兩個頭盤，三個主菜加兩個甜品，食完之後真係好飽囉🤰🏻🫄🏻🤣如果大家有啲咩好食既手工意粉餐廳推介，又或姐未食過但想我哋去試既，都可以係下面留言話俾我哋知😍我哋會好樂意幫大家試吓😜睇到依度，如果覺得依個post 都幾正既，俾個like 支持下我哋啦😆，又或者想繼續追我哋之後既post 既話就follow 埋我哋，甘就唔驚miss 左我哋既post la🥰…Read More

喱個夏天真係太熱啦🥵 等我去📍京都抹茶痷（尖沙咀分店）嘆返個parfait同matcha milk🥛降下溫先🆒🍧小山園抹茶芭菲 ($92)喱個芭菲一拎出黎，坐我地隔離台見到就即刻話要order喱款😂😂個抹茶雪糕黎講係偏甜個種，不過因為佢其他啲材料（丸子/蛋糕/脆米）都唔太甜，mix埋一齊食就岩岩好😋中間仲有啲白色忌廉好鬼正，不過食到尾無曬啲雪糕個時就比較乾，要飲返杯野中和下😂😂如果佢啲脆米分兩層中間夾啲雪糕就pectect! 🥛Ice Matcha Milk (+$32)由於我地嗌左芭菲，所以就可以用優惠價$52加一杯飲品。overall奶味都幾濃😗同抹茶味balance得幾好，而且！甜度適中（偏向唔甜）我平時最怕飲到溝好多糖水無乜味個種🫠本身今日心情都有啲緊張😮‍💨食完個雪糕，飲埋杯野成個人鬆曬，開心返🤭🥰下次會想試埋佢個焙茶雪糕🍦最後提返大家，佢係有分堂食同外賣餐單，外賣餐單係唔可以堂食，而堂食另有10%服務費既💰多謝收睇，大家如果有咩抹茶🌱正野推介都歡迎留言😋…Read More

上次同朋友去左中環既📍Pici覺得幾好食😋今次帶🦕去尖沙咀分店試下我地其實嗌左tasting menu, 不過今次就分享住幾樣野食先🙆🏻‍♀️Chef’s Selection Cold Cuts一上場啲火腿份量簡直嚇親我🤭無諗過咁多，仲要得🦕自己一個食。我自己試左啲芝士mix黑松露蜜糖都幾好食！意式辣肉貓耳朵麵喱個可以話當晚既排名第一🏅個口感好煙韌係賣非佛😳我撩走左啲肉食左幾舊😎個汁都唔錯仲可以拎黎點麵包🥖食！微微辣配埋啲番茄愈食愈開胃😙😋😋芝士忌廉汁手工圓麵喱隻麵係我上次食過覺得好好好好好食既，專登今次再黎食佢🤭不過上次係配海鮮汁，今次喱個sauce就比較濟，連勁大食既🦕食完都話食唔落甜品😂😂總括黎講我都幾鍾意佢地啲野食，價錢都相宜。不過想提返大家，餐廳係有限時既，夠鐘真係會催你走，所以如果想坐耐啲傾下計就未必係最好既選擇啦！下次見！😎 @picihk …Read More

麻糬芋泥鮮奶🥛😋😋 @milkshahk 之前去深圳玩，試左阿嬤手作，一試就愛上左麻糬飲品😂😂🥰係香港搵左好耐，竟然係迷客夏搵到😳😲啲麻糬都幾多，同幾煙韌，而芋泥既口感就幾滑同好有芋泥味。杯野飲望住去細細杯，但係飲落好飽肚，飲完晚餐都唔洗食🤰🏻。不過個員工同我哋講，依杯野既甜度係無得選擇，所以我同🦕都覺得啲芋泥有啲偏甜。細細杯承惠$43 又幾好忍😋下次會再encore試其他野飲再加麻糬🍠…Read More