yeemmanuel's Profile

今日放假同老公去左觀塘探Lulu豬🐷之前聽講觀塘有好多好野食，所以即管上網找下，找到呢間有自轉串燒任食既餐廳～～可能我地早到，所以人唔算好多～ 餐廳空間都好闊落，全部座位都以卡位為主。每張枱中央都設有燒烤爐。串燒的選擇中規中舉，以丸同加工食物為主，肉類選擇偏肥😅除左可以燒的食物之外，仲有少量熟食同冷盤亦有雪糕，不過選擇就唔算太吸引...有個小驚喜就係每枱餐廳都會送一碟烤茄子，好味除左眼見既食物之外，仲可以填紙仔向廚房order一d炸物同熟食，不過我地食串燒都已經食飽，所以都冇叫到lu～望住d串燒係度自轉真係好療癒呀💫😆…Read More

同友人去完大棠睇紅葉，搭番巴士去朗屏食Lunch。 之前已經做定research, 找到了這間Couple's Kitchen, 並預先在Openrice book 了枱。我地搭車時發現大塞車，可能會遲到，打電話去通知餐廳，佢都好好咁話可以幫我地hold枱多3個字。😊 到了餐廳，首先被綠色的外牆吸引，好有歐陸的風格。入到去，有好多聖誕報置，十分有聖誕同歡樂既氣氛～～ 食物方面，我地因為lunch時間到達，只有lunch set供選擇，不過d食物都好多元化。 燒春雞肉質嫩滑，醬汁野味～～青口意粉夠Creamy, 味道亦不錯。Pizza的三文魚都豐富，藏在芝士下層，啖啖都食到有三文魚，唔係淨係喺上面hae放幾塊煙三文魚果d～～食物整體都好有水準，性價比高。 唯一挑剔係menu d英文有不少錯誤 (如Mango 寫左Manage... 🤣)，但d特飲成分又得英文，冇中文字，睇到我地一頭霧水。…Read More

今日雖然係星期日，但老公都要返工，所以佢放工後即刻帶佢去食好野惠勞下佢：去左銅鑼灣位於Fashion Walk既Burgeroom. 佢有室內同室外座位選擇。本來諗住依家天氣涼涼地，坐係外面都唔錯，但眼見有幾枱都有人在食煙就揀番室內座位了。 Menu上有好多選擇，想要的combination都有咁滯。最後老公想要個清新d既漢堡，所以揀左個Pineapple Bacon Burger (菠蘿煙肉牛肉漢堡), 而我就揀左個 Guacamole Cheese Burger (牛油果醬芝士牛肉漢堡)。 2個漢堡都份量十足，好juicy，要出動刀叉先搞得掂～🤣 除此之外，我地都俾一樣新上線既小食吸引住：Fish Roe Cheese Fries (飛魚子芝士薯條)。飛魚子芝士薯條的芝士分量豐富，飛魚子亦充足，略嫌薯條唔係好夠脆~ 每啖都有滿滿的芝士加上卜卜脆既飛魚子，口感豐富，估唔到咁match~~ 店內既飲品含酒精同不含酒精既選擇都有，款色都好特別，有來自澳洲同意大利的有氣果汁。反而menu上有，來自美國既 Snapple就冇左，唔知會唔會同因為疫情而運唔到黎香港有關呢～…Read More

想食天丼好耐，不過成日行完街經過都排晒長龍，又唔想等位，所以食唔到~ 今次我地改變策略，食完飯先行街，終於見到冇人龍，可以直接入店就坐。黎到天丼當然要食主打既天婦羅蝦啦～🦐 其實每款餐既天婦羅配答都差唔多~ 分別在於睇你想要多d蝦🦐定多d蔬菜🍆🥬 之後再揀配飯🍚定配蕎麥麵或者烏冬。飯餐會跟麵鼓湯，但湯麵就沒有了～D天婦羅真係好有水準，剛剛炸好，卜卜脆，食落口時仲熱辣辣的～ 雖然外買回家品嘗有折會抵d，但建議一定要堂食，否則d天婦羅淋晒，d口感就差好遠了～最後，食飯的話當然要配埋餐廳提供既特製醬油：呢個靈魂醬汁比起一般的醬油較杰身～ 就咁撈飯都好好食架～…Read More

今晚駕車去左科學園覓食～ 睇唔出原來科學園都開左唔少餐廳。我地今晚選擇到一間有任食韓燒既餐廳進餐。其實餐廳有得叫set或者任食，我地咁肚餓，當然揀任食啦。牛舌係我燒烤的至愛，但很失望，試左幾塊都好韌，咬唔開，一d都冇平時爽口的感覺。牛柳粒同牛肉片都味道就一般，冇乜牛味，亦有點韌。不過說到最失望一定食個炸魷魚～ 炸粉厚同硬到咬崩牙唔在講，滿心期待著的酥炸魷魚鬚竟然被炸到變成膠狀，所有水份和油份都被炸到蒸發了，仲以為食緊炸發泡膠。雪糕選擇比較特別，有椰子味同芝麻味，一個過甜，一個味道較淡，一齊食就啱啱好了。成晚最滿意就只有牛仔骨同蛋捲 (一黎到已食左唔記得影相)，令我地encore左一次～ 不過呢間餐廳就應該唔會encore啦～～…Read More

成日經過呢間餐廳都會被佢門口既豬仔裝飾吸引，今日終於可以入去試吓啦～🐷我同老公一人嗌左一個牛肉飯同豬肉飯黎自製雙拼飯。 升級做餐的話，會配埋沙律同埋味噌湯。和牛嫩滑，入口即溶，分量亦很充足。豬肉片切得夠薄，一D都唔韌，好容易咬得開，但一定就冇和牛咁嫩滑啦～雖然間餐廳嘅賣點係豬肉，但其實我覺得佢既牛肉飯好食D～🤪 可能一分錢一分貨啦，話哂個牛肉飯係貴過豬肉飯一倍。😝除此之外，我地仲點咗啲小食：兩款小食都係新鮮煮好，上枱時仲熱辣辣。…Read More

自從買左車之後，一直都係度搵一d可以駕車去到同有免費泊車既餐廳進餐，今日就俾我地搵到呢間在錦田既餐廳。餐廳冰冷既黑色外牆同充滿温暖佈置的室內形成強調對比～食物方面前菜：蝦餅分量豐富，厚度啱啱好，炸粉唔會太厚，加埋泰式甜酸醬一齊食，配答一流。主菜：起初以為可麗餅分量會好細好薄，一定唔會夠飽，點知原來餅內有豐富既椰菜絲同沙律醬，加埋薄餅面的三文魚同太陽蛋一齊食，口感豐富，味道出奇地夾。意粉個汁夠Creamy, 好似食緊carbonara咁，青口亦好新鮮，好味～飲品：相比起熟食，飲品反而比較一般，可能點d特色飲品會較有驚喜。用餐之後，可以到餐廳外走動走動。 餐廳外有一大片人造草皮同庭園裝置供食客打卡同俾小朋友放電～…Read More

今日和友人飯聚，找上了一間充滿櫻花樹的餐廳晚膳🌸，希望一止我們掛住日本的渴慕。餐廳沒有book位服務，但可以在早一天打電話黎留位。本來餐廳幫我地留左較舒適的沙化位，但我們被餐廳中間的櫻花樹吸引，所以要求掉到較近櫻花樹既枱坐，而餐廳都配合我們的要求。:)每位食客餐廳都會給一張書籤，可以寫下願望再掛到櫻花樹上～雖然餐廳內怖滿櫻花，但原來餐廳係食台灣菜的。我地毫無懸念地點了每枱都點的九宮格2人餐。呢個餐有齊晒各種伴碟小食：有台式腸，無骨醉雞，花枝丸，一口鹽酥雞等等，可以幫有選擇困難既顧客省卻很多煩惱～～ 只須要選飲料同主食(櫻花蝦炒飯/鹵肉飯/牛肉麵 3選2)就可以了。本來還想點甜品，不過食完都已經好飽，甜品唯有留待下一次吧~食完之後，門口有不少櫻花樹的怖景可以打卡，餐廳員工都好樂意幫我地拍照📸，值得一讚…Read More

冇得去旅行，唯有係香港尋找旅行的感覺。今次黎到石澳呢間Cafe就俾度我有如置身泰國的感覺～🇹🇭同老公去完石澳的情人橋同大頭洲遊覽過後我地都好口渴，返到石澳巿內即刻被佢門口個飲品餐牌吸引了入內，一人叫左一杯Smoothie杯Tropical Smoothie 同 Pineapple Smoothie 都幾真材實料，飲到擔擔果肉🍍🥭🍊，仲有d渣tim ～之後我地就一人叫左一份All Day Breakfast。味道一般，如果片toast🍞係熱既會更好。間餐廳外國人幫襯為主，店內環境優閒清靜，同對面間嘈吵既茶餐廳形成強調對比。…Read More

多得消費券，得到唔少商場提供的飲食coupon，所以便把握機會去一d平時少去的餐廳試下菜。今日去左喺Yoho開左冇幾耐既 享慢煮意 Fast Gourmet。有個咁地道既中文名令我初時以為呢間係一間港式西餐廳，坐低先知道原來係食法國菜的～Menu有很多頁，不過其實好多內容重複，如果精簡d會較易睇。 我地最後選擇了幾道招牌菜，包括龍蝦湯牛角包食呢個包有d似飲緊酥皮龍蝦湯既感覺，好味～主菜我地就叫左至尊酥皮海鮮火山煲跟餐有個錘子俾你破開個酥皮，同bombshell蛋糕有異曲同工之妙 海鮮同湯都好味，但略嫌分量少左d經典雪梨酒燴和牛面頰和牛面頰加上個磨菇蓉，提子乾，同合桃碎既配答令口感好豐富，味道亦很夾黑熔岩芝麻牛角包最後呢餐以另一個牛角包作為甜品做終結黑芝麻味係有，但冇熔岩既效果，有少少失色左～…Read More

因為屯馬線開通左之後，多左機會去土瓜灣覓食，今日就同友人去了位於土瓜灣既呼吸星球。其實餐廳位置都唔係太近地鐵站，反而係喺土瓜灣站同宋王臺站既中間。餐廳內布置好有特色，好多特別嘅擺設，好有去左沖繩既感覺。我同朋友起初被安排坐在比較入的位置，座位比較窄，燈光比較昏暗，好有壓迫感。好在之後可以轉番去坐在近窗的卡位，感覺比較良好。至於食物方面，我同友人分別叫左：兩款定食都好有水準，伴碟小菜都好好食。叫飲品時發生左一件小插曲，話說店內要求所有食客都一定要叫一杯飲品。我地就直接依我地對水果的喜好叫了2杯有「推介」既飲品，冇詳細去睇個飲品的全名，只係我地order時先好奇問侍應 「燒酎」點解，先知原來係酒精飲品，好在都有好多無酒精飲品選擇。…Read More

因為疫情關係，冇得去旅行，所以想搵一間有啲去左旅行既感覺的餐廳黎慶祝特別嘅日子。最後搵到呢間喺黃金泳灘旁邊嘅餐廳。來到沙灘旁邊的餐廳，我們當然選擇坐在外面，吹吹海風，不過餐廳始終同過海有段距離所以啲風都唔係太強，但都聽到微微既海浪聲，好似去左泰國咁～。餐廳好貼心咁喺每張枱都加左檯燈等環境唔會太昏暗，亦有提供蚊怕水俾顧客使用。夜晚嘅餐牌有唔少set dinner 揀，我地揀左個尊貴2人餐，因為d主菜吸引d。主菜個牛面頰入口即溶，根本唔洗咬，好想encore另外仲叫左個黑毛豬架，有啲驚訝點解會問我地想要幾多成熟，侍應話黑毛豬可以好似牛肉咁唔洗一定全熟。不過我地為安全起見都係叫番全熟最後因為我哋喺預約嘅時候講明係慶祝紀念日，所以有個點心拼盤送，大滿足！另外因為我哋俾現金所以有隻鮑魚送tim!…Read More

因為疫情關係，好耐都未同一班朋友去過茶樓飲茶，今日難得嚟開大圍，朋友便推薦去佢屋企附近既新強記共進午餐。首先我地點左新強記既有名菜式：乳鴿。乳鴿皮脆肉嫩，非常juicy~ 一人食一隻都唔會覺得膩～必叫之選！其後亦叫左各式各樣嘅點心，我最欣賞嘅係酥炸豆腐同埋燒賣。點心都係新鮮出爐，上枱時都係熱辣辣，特別是燒賣上枱時，好似流沙包咁大粒，好震撼！我地嗌到成枱都係點心，最後食唔哂要打包，真係好滿足嘅一餐~！…Read More