Q__Q的個人專頁

屋企附近開左間海南雞, 每次經過門口都係好多人排隊, 係咪即係同日本一樣多人排就好食呢?  佢地既海南雞同口水雞都係去左骨既, 所以我呢啲懶人點都要試下同老公一人一款雞油飯(去骨海南雞油飯同去骨口水雞油飯), 送到黎見到其實2款既雞飯係一樣, 只係醬汁唔同午市特價餐$42送湯, 可惜湯冇送到, 或者係送晒卦$42呢個份量好合理, 食去左骨既雞的確係好方便, 雞都好滑, 不過冇乜雞味; 口水雞個汁堅係好辣; 海南雞只係比左一款醬汁; 油飯唔夠香…查看更多

尖沙咀既Espuma正評好多, 成400個笑笑, 好想試但經常都fully book, 唯有book後啲先慢慢試。6pm黎到, 得我地呢枱客, 好快已經決定叫一個set dinner (appetizers, soup, mains, dessert, drinks)。呢個set要$468+10%, 可惜想食既小牛膝西班牙炒飯已經唔係個set到。Appetizers - 西班牙黑毛豬火腿配蜜瓜 (味道: 好) + 煙三文魚勺草欖油多士 (味道: 好)Soup - 龍蝦湯 (味道: 好)Mains - 蕃茄海鮮扁意大利麵 (味道: 一般, 以main黎講呢個份量係小左啲, 三色椒個份量仲拍得住啲意粉)+ 香脆鹹豬手(一磅) (味道: 一般, 骨好大, 肉只得6小舊, 皮好脆但肉超鹹; 底下應該係酸菜-唔好食, 加上個啲係汁定酸菜出水...個賣相唔太討好)Dessert -  Brownie (味道: OK)Drinks - coffee or tea (+$15@轉飲手搖咖啡 & Latte) 手搖咖啡味道唔錯, 反而latte奶味太重以呢個set黎講, 好難可以有咁多笑既食評, 或者下次叫其他試下啦…查看更多

一個人食晏, 最喜歡外賣自取, 更喜歡外賣自取有discount 。一間唔起眼, 係巷仔入面既台式店外賣自取減$5, 堂食12:40前埋單有9折。12pm開門, 好難講可唔可以12:40pm前食完埋單, 反正自取都有折, 點都幫襯一次先食評唔多, 但全部係"笑", 咁差極都有限卦。不過, 口味呢啲野真係好個人既11:00am, Whatsapp落單, 已經好快有人覆我, 有效率。係佢地FB見到like佢地個page仲有2粒椒鹽花枝丸送, 咁簡單既野冇理由唔做啦睇左幾次menu, 睇埋食評睇埋相, 對肉燥咸香雞脾飯+羅漢果茶最有興趣。講低左12:10pm到取, 時間真係夾得好準, 又唔會早左好多放係到凍左先等你黎拎。如果唔係上網見到呢間食店而就咁經過既話 我諗我未必會見到佢食左先講: 先黎椒鹽花枝丸, 唔會因為送既而冇質素, 相反, 好彈牙, 好好味跟住肉燥咸香雞脾飯, 都咪話唔夠食, 一隻大雞脾, 雞皮有啲調味料, 有啲醬汁, 味道唔錯, 加上雞肉都入到味同juicy; 肉燥飯唔同出面個啲既味, 有少少咸, 有啲甜, 有少少炸蒜, 好特別; 飯係珍珠米, 份量都唔算少 …查看更多

網上介紹鰂魚涌開左間冰室, 主打日本滑蛋, 報導介紹佢既滑蛋牛肉飯好好味, 由其係佢既甜豉油。間冰室咁近公司, 冇理由唔試下架。Lunch set係唔見有滑蛋牛肉飯, 但有自家制叉燒配日本滑蛋飯/ 蝦仁配日本滑蛋飯/ 或者雙併。我叫左個自家制叉燒配日本滑蛋飯, 叉燒係自家制, 會係點架呢...12點到門口叫外賣, 但已經有好多人堂食緊, 門口仲要係拎籌等位中, 都幾誇張。5分鐘外賣搞掂, 返到公司打開, 膠盒, 都OK, 可以再用黎裝多幾次野; 打開個蓋, 以外賣黎講佢個賣相都唔錯, 起碼唔係打晒風個啲。第一時間食蛋, 果然係滑, 再食多啖有甜豉油既蛋, 得, 個甜豉油好得; 叉燒, 佢係比起你係燒味檔買既叉燒飯既叉燒薄啲, 但係真係好淋, 會唔會真係因為薄既關係呢?呢個lunch set, 跟杯熱飲$55, 比一般茶餐廳既$4X係貴啲, 但食左之後就唔會覺得佢好貴。希望佢會一路keep住水準或繼續進步!…查看更多

每次係銅鑼灣同朋友食晏, 為左諗食乜都真係頭都爆。唔想次次都食同一間, 又驚試新野會難食。無他既, 憑住伏一次就算既心態去食會好啲既。名館係希慎廣場14樓, 極之方便我同朋友係公司坐MTR黎食晏。12:30pm黎到, 只有2, 3枱客。地方好大, 裝修環境同個view都好舒服。坐低之後好快有侍應放低2杯茶, 好香, 個香味唔識形容, 飲落甘香, 原來係蕎麥茶。Lunch set選擇多, 價錢唔算貴, 我同朋友叫左豚王五菜陽春麵+唐生菜+凍豆漿 & 黑松露滑雞蒸飯+生煎肉末蓮藕餅+蜂蜜杞子菊花茶&混醬豬腸粉。豚王五菜陽春麵+唐生菜+凍豆漿 - 好大樽豆漿, 陽春麵好香濃, 麵有五種顏色。呢set係朋友既, 見佢食晒飲晒都應該冇問題黑松露滑雞蒸飯+生煎肉末蓮藕餅+蜂蜜杞子菊花茶 - 又係好大樽菊花茶, 不過好彩唔會好甜, 有好多菊花同杞子, 蓮藕餅3件厚身, 好熱但唔算好脆, 不過味道都唔錯, 竹筒蒸飯好似好細, 但for女生係夠食, 雞好滑, , 有香茹, 汁好味混醬豬腸粉 - 好味, 但下次會試其他野…查看更多

每次去台灣都會去食度小月, 總是叫人回味的。知道香港開度小月, 真係唔敢抱太大期望去試, 因為大多數既過江龍都係...伏的!開張2個多月都仲叫新既餐廳, 真心好怕要等好耐位, 所以同老公6pm未夠就去到。好好彩, 唔駛等, 用餐時間90分鐘。地方唔算大, 時間仲早所以都大把位。不過, 係我地落完單後已經幾乎坐滿。望住張menu, 硬係好似揀唔落手咁, 最後由老公發辦 - 擔仔麵, 祖傳肉燥飯, 台南芋糕, 紹興酒香雞, 黃金蝦卷, 安平鮮蚵湯, 櫻花蝦高麗菜擔仔麵 - 味道好, 唔夠熱祖傳肉燥飯 - 好咸, 唔夠熱台南芋糕 - 好味道紹興酒香雞 - 份量OK, 唔入味黃金蝦卷 - 蝦... 我真係唔覺有蝦味, 同埋入面啲肉唔彈, 外層好淋安平鮮蚵湯 - 只係飲到好薑味, 唔夠熱櫻花蝦高麗菜 - 超多櫻花蝦, 碟菜煮到好多油, 唔夠熱呢餐飯上菜時間好快, 幾乎呢頭入紙, 即刻上菜咁滯 (除左要蒸好耐既芋糕)。就係因為咁, 食物只係暖的 (除左紹興酒香雞)。加上食完之後堅勁口渴, 味精味超重。價錢貴, 食物一般。所以...你明的!…查看更多

出街食晏諗食乜真係好頭痕, 唔想食飯, 但又唔想食salad, 咁搵下有冇粉麵類比較吸晴啦。Openrice到搵搵, 見開左間車仔麵, 離公司又唔遠, 試下會唔會好過上次定再伏先…兩餸, 三餸, 四餸定八寶麵呢? 通常我都係魚旦, 豬皮, 豬紅, 蘿蔔。如果叫呢個四餸麵都$39, 咁不如叫個八寶麵試下算啦, 好食咪encore, 伏既話…都係一次啫所謂既招牌八寶麵, 係包括: 牛筋腩, 雞亦, 魷魚, 豬紅, 豬皮, 魚旦, 蘿蔔, 老水旦。堅係好多款, 我揀左油麵同清湯, 試下咩料子先打開個蓋既第一個反應係, 點解老水旦咁淺色既? 粒魚旦咁白既? 牛筋腩咁多肥膏既? 牛筋腩 – 好多肥膏, 好乾雞亦 – OK魷魚 – OK 豬紅 – OK 豬皮 – OK 魚旦 – 冇味蘿蔔 – OK老水旦 – 基本上佢唔算得上係老水….旦油麵 – OK清湯 – OK, 但我以為清湯真係清的….整體黎講$48食呢個招牌麵係可一不可再, 因為唔值呢個價錢…查看更多

坐緊月既日子突然間好想食拉麵, 唯有極速咁去尖沙咀食人氣拉麵 - 霸嗎拉麵閒日又過左食晏時間當然唔使點樣排隊, 但店內其實都差唔多滿座, 所以都真係幾人氣記得第一次黎個陣, 叫餃子同炸雞, 拉麵一碗係豚骨湯, 一碗係辛辣。食過第一次之後, 基本上每次同老公黎親都只會叫呢啲 (一碗炙燒豚肉味玉拉麵同埋炙燒豚肉拉麵, 加多份炸雞, 唔該! ) , 但每次都好回味, 特別係炸雞, 好juicy炙燒豚肉味玉拉麵炙燒豚肉拉麵唐揚炸雞…查看更多

每個weekend湊完BB都想好好咁食番餐, 上次係置樂係泰國野既時間已經講左下次食呢間, 果然, 真係有驚喜!星期日, 晚飯時間1830到置樂, 仲諗緊肯定周圍都係要等位。點知, 我同老公既target - 聚福樓, 一個客都冇... 晚飯時間冇客?! 伏的機會多的是... 但一場黎到, 伏咪一次囉, 反正會寫食評share比大家。入到去, 地方唔大, 冇乜冷氣, 眼見只有吊風扇 (心諗天氣咁熱, 唔係卦...), 好多 應該係侍應既人係到吹水。吹水還吹水, 都好快比水同menu。有set dinner同a la carte, 最後我地揀左要set (Set A & B)。Set A - 紐西蘭媽媽慢慢煮肉眼Set B - "魚立"魚薯蓉with dill cream sauceSet dinner包括餐湯, 沙律及餐包 一隻碟放齊三樣野, 有好香蘑茹味既蘑茹湯, 藜麥什菜沙律 (個汁好好味, 但可以多少少), 餐包係法包一片, 好香脆, 好味跟住係Set B - "魚立"魚薯蓉with dill cream sauce個賣相唔錯, 依然有頭先既沙律, 但多左杞子。魚好滑, 下面既薯蓉好出色, 仲好味個魚。再來係Set A - 紐西蘭媽媽慢慢煮肉眼同樣既沙律, 牛既份量OK, 佢慢慢煮, 所以好juicy, 牛味重, 最下面係甜薯, 食食下有少少膩最後, set係連埋飲品, 我地叫左杯latte同埋pineapple apple green tea杯latte拉既公仔有得, 而且沖得好味; 但杯green tea就一般冇咩特別…查看更多

生左BB後第一次返去醫生到覆診, 見仲有時間, 不如嘆番杯咖啡先啦。尖沙咀coffee shop同cafe多的是, 間間都好似好好咁。老公話唔想飲starbucks個啲, 想搵啲精品咖啡既cafe試下, 咁一於試下呢間啦 - Espresso Alchemy重慶大廈地庫...我同老公竟然行左入重慶大廈入面搵, 真係大鄉里出城。終於搵到Espresso Alchemy, 係商場入面既一個open area, 地方唔算得上大同埋清幽, 但佢既裝修格局都唔差。11:30am, 未到食飯時間人流唔多, 我地揀左一杯Black Eagle Brew 同埋Filter Coffee, 再加煙三文魚沙律。呢到冇人幫你落單, 你要自己去收銀個到點餐。點知佢同我講沖咖啡個師傅未返, 宜家只係得latte, cappuccino個啲, 真係想鬧佢... 算啦, 咁唯有叫2杯latte啦, 下次有機會先再試過啦咁。落完單返埋位, 隔離枱有2個女人, 佢地叫左湯同三文魚蛋沙律多士, 食物上枱個陣佢地見咁大份量嚇親, 我同老公見到都話乜咁大份既。好彩我地個份煙三文魚沙律既份量都唔少。可惜既係, 呢2杯latte係暖得黎偏凍, 真係麻麻地。…查看更多

是日下午day off, 點知落雨, 真係乜mood都冇。約左老公係銅鑼灣食晏, 想係百德新街露天既地方慢慢嘆個lunch都唔得... 都冇計, 落雨都要食野架。Burgeroom既食評同評分都好強勁, 既然一場嚟到即管試下。老公知我鍾意食大茹, 所以叫左Portobello Cheese Burger (大烤茹芝士牛肉漢堡), 佢自己就叫左Mega Cheese Burger (Combo) (特量芝士牛肉漢堡), 加多份Melted Cheese Twister Fries (芝士旋風薯條)。Portobello Cheese Burger (大烤茹芝士牛肉漢堡) - 麵包好軟熟, 大茹好juicy, 牛肉既肉汁好濃, 好多汁, 一啲都唔膩, 好味道!Mega Cheese Burger (Combo) (特量芝士牛肉漢堡) - 分別在於少了大茹, 多了芝士, 芝士多到老公食唔晒, 佢話好膩, 當然啦, 仲有個芝士旋風薯條嘛!  不過都係好好味既!芝士旋風薯條 - 其實我好想叫牛油果醬個款架, 可惜老公唔食牛油果。呢個芝士旋風薯條份量多, 芝士醬好味, 但真係好快會食到膩。如果啲薯條可以粗啲會仲好啲!…查看更多

呢個星期日日都出街食, 又唔想晚晚或者隔晚食相同既野, 唯有試下芽莊。此芽莊唔知同平時太古城食既芽莊有冇分別呢...都係向門口望真啲有咩啱心水先入去, 老公話試下招牌野, 應該冇死錯人既, 咁我唔算好餓, 叫個橯檬都OK。9pm仲有2枱客, 商場未關都應該冇咁快閂門既。望多次個餐牌, 其實種類唔算多, 加上免加一, 咁一個飯, 一個檬再加多份雞翼試下啦。招牌會安雞飯 - 我以為都係海南雞既油飯, 點知原來只係得個色; 雞既份量少過上面啲葉, 幸好都算juicy。但用嚟做招牌既話, 我諗佢要檢討一下先得燒牛肉橯檬 - 唔知係咪臨近收工定還是本身份量係得咁多呢, 好似同價錢唔成正比, 賣相都...差。個兩條燒牛肉黑到我將影相個燈光較光啲都係咁, 食落仲要好乾好乾牛油雞翼 - 4隻$48都唔算貴, 但當你咬落去你就會知道 - 你伏了, 因為外層超超超厚, 你個4隻雞翼其實只係好細細細隻。不過, 佢好熱, 熱到係咁出煙, 都好多汁。只係食完你個口會渴到爆…查看更多

市面上好多間鮮魚湯既食店, 下下講到個湯好鮮味, 冇味精。呢間魚米, 經過好多次都見到唔少人幫襯, 一於今日試下。夜晚9:15都仲有2,3枱客, 我同老公係門口決定好食原條魚後先入去。落單個陣問下啲姐姐有咩魚冇咁多骨, 佢地推介左口魚 (啲姐姐今晚都係食呢款, 話好大條好味), 鯇魚腩同比目魚。結果我叫左原條左口魚米線, 老公叫原條黃花魚, 但賣晒, 唯有叫原條紅鮪魚飯。等左約10分鐘有得食, 所有原條魚都係炸既, 魚既大細都不一定, 但我地呢餐叫既魚都OK大條。原條紅鮪魚飯 - 好彩魚係另上, 如果同相一樣放埋一齊一定會食得好麻煩。魚炸得好脆, 一啲都唔油膩, 但係唔會食到魚既鮮味。湯同飯都係分開上, 飲一啖湯就知道有味精同頗咸下, 飯都只係暖的。原條左口魚米線 - 因為米線同魚上枱時間差距都幾分鐘, 真係餓到等唔到條魚一齊影而食左少少米線, 否則米線本身既賣相都冇咁差的。一樣, 湯是有味精加上頗咸的, 所以唔會好似平時咁米線連湯一齊食。左右魚上枱, 都好大條不過好油, 係油得好緊要, 基本上拎開條魚成碟都係油, 真係唔知食完個面仲食唔食個底好。為免老公話我浪費食物, 我都將魚既另一邊食左一半。…查看更多

Happy Friday加half day off, 當然要約埋老公食個靚lunch。基本上我地係香港係零燒肉, 因為一係唔好食, 一係貴到飛起, 所以通常都係去旅行個陣食既。但係呢一間既lunch set唔算好貴, 仲要話係和牛, 既然係咁咪試下囉, 好唔好都一餐啦。Lunch hour去到3pm, last order就2:30pm, 我地book左1:45pm, 黎到等一等執埋張枱就可以入座。雖然係1:45pm, 但都仲有唔少人係到食緊。環境唔錯, 美中不足係樓下裝修緊, 好多裝修既聲音破壞左。餐枱擺設簡單, 燒肉用的夾很精美, 同一般燒肉店的夾子很不同。我鍾情牛舌, 所以點既set入面一定要有。Lunch set 由$88起到$390(兩人份)都有, 如果要有牛舌, 都有三款選擇, 視乎你想試幾多款既牛啦。老公就心大心細, 因為佢覺得lunch叫一個set要二百幾蚊係好貴既, 既然係咁, 就等我幫你決定啦 (話晒好日唔食嘛)。結果我叫咗:1) $250: 純和牛三色牛排午餐 - 油脂好靚, 分佈均勻, 肉質軟腍, 入口已經溶化, 正 (如果份量多少少就好喇)。呢個價錢都值得食既, 但男人應該都唔會飽肚2) $180: 燒肉三色拼盤(三款)午餐定食 - 日本和牛牛排肉 (半份), 日本和牛紅肉 (半份), 牛舌 (半份) - $180可以食三款牛, 三款口感都唔同, 最愛始終都係牛舌, 厚薄適中, 燒完食落爽爽(基本上以上既牛都唔需要點醬汁都好好味)午餐包括:味噌湯 - 基本上唔鹹已經嬴左, 呢到既味噌湯勝利沙律 - 酸酸甜甜十分開胃小吃 - 紅蘿蔔絲外我都唔肯定係咩黎, 味道冇咩特別, 爽爽地既白飯 - 飯好味, 軟綿香, 但好細碗…查看更多

今日老公放假, 我就搵定今晚放工後去邊搵食。之前係openrice已經見過呢間burger既comments好好, 但我又想食意粉又想食burger, 經過我自己數手指抽籤後, 決定係你喇 - Urban United Burger & Bar。話晒係星期五, 好多人都會出街食飯再行下先返歸, 所以都係打電話睇下有冇枱先, 好彩都比我book到張枱, 唔係大住肚等位好慘架...差唔多七點去到都已經坐左好幾枱客, 門口亦都有人等位中, 好彩留左枱咋。入面地方唔大, 但好有格調, 好舒服。我地只係2個人都比左張4人枱我地 (冇比其他人搭枱)我一早已經睇中左達拉斯烤茹牛堡, 其他我老公都決定好:-達拉斯烤茹牛堡 $88 - 個burger好有睇頭, 個茹好大, 可惜係叫左廚房切開, 攪到企極都企唔穩 (要用隻杯頂住, haha), 下次都係影左相先叫廚房切開)。不過個茹真係好juicy, 好好味, 但牛肉漢堡就乾左少許。整個burger加埋啲汁係真係好味既。紐約雙層八安士牛堡 (combo) $118+$28- 老公食呢個雙層八安士牛堡, 賣相一般般, 同佢幅相係有啲出入既。入面2層牛, 上面個層juicy啲, 下面個層乾啲, 係咁架?  Combo有薯條/墨西哥脆片, 同埋飲品, 我地揀左薯條, 夠熱, 夠脆Parmaham Caesar Salad $58- 份量唔算好多, 以呢個價錢嚟講都OK啦, 只係parmaham咸左啲, 同埋少左啲兼且痴埋左一舊分唔開Buffalo Wings $58 - 好多時出街食飯見到有水牛城雞亦我都會叫, 但十間九間都只係得個辣字, 唯獨係九龍塘個間食極都唔厭。呢到既Buffalo Wings, $58有6隻, 抵試既。佢地既wings係蕃茄味濃郁啲, 同出面食既唔到, 少少辣而且雞亦都有啲脆口, 我同老公都推介老公係最後個半個burger入面食食下覺得有啲硬物, 一吐出黎係骨, 點解會咁, 點解burger有骨...點解...…查看更多