紅塵夢醉的個人專頁

同另一半特登過黎紅磡打邊爐! 因為呢間餐廳對我地有特別意義!:)一到步, 慶幸好快有位坐, 環境依然保持乾淨, 最重要唔會好焗, 因為大家都應該有經驗, 去過一d火鍋店, 成間店都係蒸汽, 感覺又熱又焗, 呢間絕對唔會有呢種情況!我地先叫湯底, 招牌鮮奶雞鍋, 味道好清甜好滑, 原隻雞隻放落去煲, 冇話斬件形式咁偷工減料, 要讚!小食我地叫左泰式冇骨鳳爪! 咬落去爽爽脆脆, 又唔會話太過酸, 算係開胃!牛肉我地叫左雪花肥牛, 咬落口好林, 點少少豉油, 味道一流! 我好喜歡食菌類食品, 叫左個拼盤, 有成三四種類別, 分量算唔少, 可以一試!仲有叫左白鱔片, 好脆好爽, 一咬好有彈性, 似係新鮮魚!打邊爐黎講, 呢間餐廳算係幾有水準! 我地會再黎, 因為之前另一半就係係呢度向我表白!:)…查看更多

已經光顧過忍者居好多次, 今次晚上九點後進場, 所以可以有優惠!每一次我同朋友都係大規模咁叫剌身! 款式仲係咁多元化, 三文魚, 北寄貝, 油金魚等等! 當中只有三文魚係限叫, 其他既真係任叫唔嬲!其他食物, 叫左炸三文魚皮, 鰻魚壽司, 多春魚, 牛肉鍋等!三文魚皮:煎得香脆, 色澤鮮艷, 食落唔覺油膩!鰻魚壽司:比唔上香港水準, 但可能係深圳其中一家做得有水準的!多春魚:唔掂! 因為要少少過火, 個味有少少苦.牛肉鍋k! 肥牛唔硬, 個湯算鮮甜!一舊水都唔使, 有咁既水準, 抵讚!…查看更多

由於有時需要返大陸出trip, 所以會經常路經上水! 前日返香港既時候, 路過好耐冇試過既財記, 心諗好耐冇試過呢種港式美食, 於是決定再試下.我選左魚旦同紅腸. 魚旦咬落去好彈牙, 加上有馬蹄粒打底, 感覺唔油膩! 紅腸方面, 大大舊魚肉相連, 都算幾足料!據我所知, 上水好少地方有做煎釀三寶, 呢間財記係其中一間! 仲要講既係, 佢地 d 煎釀三寶好多時即叫即整, 保證夠熱!價錢都好大眾化, 五蚊四件! 抵!…查看更多