vickie's Profile

我一直喜歡支持辛苦經營的食店， 光顧此店是因為傳媒報導，欣賞老細的信念。但這店只做外賣， 午餐時間總喜歡外食的我身在荃灣， 這間只可以做後備。有幸今日幫襯， 一早做定家課， 買了湯餃及炸餃， 用手機先落單， 準時去店取， 奈何到達後， 仍要等， 正面同自己講，即整好味D 。 因為一早諗住會為此店寫食評， 等待期間影了兩張相。10分鐘後（真係即整:(:(，明明我早30分鐘落單的）, 終於可取， 炸餃以膠碟裝上，沒有膠袋， 放在湯餃上算了！小店麻；好吃就得啦。即回辦公室，4分鐘路程， 回到office即打開湯餃，真係好薄，薄到夾唔起， 只可用羹匙“不”。 “不”起一隻， 嚇親我， 餃子碎的。好碎。如何吃？！？買8隻， 碎4隻，其他的都非常林， 完整只是表面那隻？！ 真係好唔開心， 唔知自己在食什麼。。。小店麻， 當自己做善事！唔好意思， black listed你。永不幫襯！…Read More

父親在天堂， 父親節食自己， 選吃餃子，簡單快捷。這店超多好評， 於是跟老公一試。二個人， 當然一湯餃一煎餃，湯餃叫了梅菜餃 7分， 口味甜爽， 好味:) 湯有椰子味， 湯味淡淡， 應沒有味精， 更加了好多水煎餃選了紫羽甘餃，跟預計一樣，清新味淡， 所以我們叫了煎餃，剛好。另外加了薯粉及羅漢果茶，正常味道。這個我沒有意見。店內店員多， 但多在傾計， 一個不停玩手機， 得一個主力落單跟單，令我 感覺一般。不知是否跟我們早吃有關, 我們近6時到達， 吃完約6.40分。 走時開始多人叫外賣。。。員工才開始認真D工作。…Read More

如果用四個字來形容這店，我會用“大魚大肉哈哈哈哈二星期前，跟老公去廟街吃蠔餅和鴨舌，路過發現這小店； 小店新開，有不少海鮮， 且價錢好實惠，於是決定改行程一試。店員姐姐有禮，我們叫了白灼蝦， 沙巴龍_等", 蒸雞。，好味好味到我離開時,同待應姐姐講：“我一定回頭。” 我們兩個無飯夫婦，今日又口痕，本來訂了翔壽司，但討論過，兩個都想吃魚吃蝦(大魚大肉（蝦））多D， 決定再到“冰室小菜館”。。。都係果句， 好好味呀！ 白灼蝦， 新鮮大隻， 10/10分。下次嚟， 都會再叫！ 見圖蒸紅鮋，魚味濃， 廚師應該是蒸魚高手， 兩次叫的蒸魚均剛剛好。。兩次都被我完全KO9/10分 （今次條魚較mini， 扣1分:)， 但真係好鮮味）菜膽雞:)，上次見好多人叫， 今次就試試， 8/10分， 菜好吃, 量多， 但我喜歡海鮮多D， 所以8分不得不推介 這店的例湯，真材實料， 是冰室中少有的靚湯。非常多謝老細及店主任Gary, 送靚湯給我們，令這餐更完滿疫情下不小小店結業，願小店生意興隆， 成為我們的食堂（目測店主是年輕香港人， 加油）…Read More

光顧此店超過十年， 不是牛腩河就是牛什河， 因為一定好食！ 牛腩有肉香， 要肥要瘦， 跟師父講聲， 他們會盡量配合！牛雜河有肚， 肺，腸，膀，肚一定是金錢肚， 腸也有肥有瘦。。處理得好好。。夠淋但不過火.此店的湯底充滿牛香， 跟粉和牛腩好配合。正。以前我一星期光顧一次， 現在因為疫情， 放工後只可外賣。。。因此， 光顧少了。 今日星期日， 專登5時左右到達，叫了牛雜河， 師父好好記性，知我要多蔥蒜。 牛雜河到， 超驚喜師父表示生意大減， 現在唯有努力捱 ，希望明天會更好！這店是良心店， $32大大碗河粉， 西環街坊請多D 幫襯！ 另外，雞飯都好多人叫， 但我不喜歡食飯！…Read More

聽過不少街坊讚美此店的豬手，今日透過外賣App, 終於一試。店東好有交帶， 因為我於約定時間遲到未取食物， 他們會電話提醒我。。謝謝！今次叫了豬手雲吞撈粗， 非常十分好吃！ 豬手淋，論味道，我認為好過可可店和附近香港仔品牌粉麵，推薦 撈麵量大外， 汁也撈得均勻，每口均好美味，可見師父（老細）是非常用心烹調， 這份對食物的態度， 作為客人， 是福氣。另外，我們叫了咖哩牛筋撈伊麵。。。這是推介之二。現在有伊麵吃的麵店愈來愈少。。有機會， 一定要試。。咖哩不辣， 老少皆可吃， 下次都會叫。最後， 我們也叫了牛筋飯， 牛筋外也有牛腩， 這款， 男人一定喜歡。 飽肚， 肉多這小店由兩夫妻經營， 食物定價好街坊， 相信店主二人是想更多人可品嚐他們的美食。 …Read More

在尋食App 見到客人均好評，於是跟老公一試。在禮頓道附近食街，都易找。 店員招呼我倆坐下後，我告知他我用App訂枱，大頭蝦的我應該沒有按confirm 制，找不到那訂枱記錄。 店員得知， 主動跟我們說，“既然來到，不要緊”,更給予我們折扣， 真係喜出望外， 可見他們服務之優質， 真係多謝哂！說回食物， 點了煙三文魚沙律， 好好吃， 煙三文魚質感超好， 味道不太咸，我倆超like, 另外， 量也大。詳情見附圖。主食我們叫了牛奶蟹糕沾麵加大版，再加隻蛋，一人一隻， 這個超超超得，牛奶湯汁好好味，我即跟老公表示下次我要食湯麵 另外， 要讚那蟹糕。。我老公不用點湯， 蟹糕撈麵最後我們點了炸雞， 即叫即炸， 雞汁豐富， 下次會再吃。此外， 要店主，炸雞伴蛋黃醬及檸檬。。細心最後，感謝年輕男店員，謝謝招呼，下次見…Read More

曾經惠顧過太子店， 非常抵吃，店員又十分有禮。知道他們在港島有分店， 近我， 當然要試下。，我們叫了火車頭湯河。。。超級好味，材料豐盛，有肥牛，牛筋條、牛丸、扎肉。。要特別讚扎肉，厚切、微煎，好好味， 牛筋條好淋。。超得， 另外， 我跟店員說要多湯， 店員超好， 另給我一碗湯。。。不是清湯，是有洋蔥及香料的湯，感謝！。。超好味好大碗， 夠2人吃才$52。第二味送上是黑醋牛油雞翼，即叫即炸，配上黑醋，變得份外靚。。 好似食法國菜。。可見chef 的認真。。。超好吃另一半主動表示他吃3隻。。。即我吃2隻第三碟是軟殼蟹沙律， 當然也是即炸。。。好脆又軟嫩， 我加了此店自製的“xo 醬”， 更有Vietnam feel, 但另一半不認同， 他喜歡原味。最後是甜品， 炸榴槤。。D24, 榴槤愛好者要試， 好榴槤。。我倆就。。一粒就夠， 不過， 要讚chef 的用心，炸彈榴槤裝飾 好靚好靚， 大家一定要看圖片， 有銀色糖和星星糖點綴，一個$4x 元的炸D24 已是超值， 冇想過上枱是有如此美麗的糖果作伴， 都係果句， chef 用心做每一度菜。。。因此， 我一定要寫食評， 非常滿意的一餐！…Read More

疫情下，世貿中心非常靜， 商場為吸引顧客，推出不少優惠。我及另一半非常樂意支持小店，現有優惠，我們當然更樂意幫襯。 晚上六時半，我們不用等，被安排坐在店內其中一個角落，好舒適的，每枱有一樽檸檬冰水，自行飲用，好企理。 店內選擇不多，有拉麵，丼飯和小食。準備落單之時，店員告知商場的優惠不能如單張上使用，因店電腦系統問題，匪夷所思，找來店長，問題當然解決，感謝！我們叫了雞丼，非常好吃，現在想起都想食。雞是即炸，多汁， 飯也好吃。見圖男盛熟成拉麵，這拉麵我也喜歡，特別是湯底，充滿雞味，好鮮的雞味。 拉麵是幼圓麵爽口，還有2件雞，2片豚肉， 流心蛋，波菜等， 非常豐富，$89,好味抵吃。 我哋也有叫小食。。忘了真正的名字，有木魚碎在面的餃子，這個小食。。都係小D食，哈哈哈。。好難吃， 我不喜歡，於是叫另一半處理它！下次，會為炸雞而來。後記， 店長主動話請我們飲汽水，以表歉意。我哋唔貪心，婉拒了。無論如何，感謝你們禮貌的招待。…Read More

題目是我的信念，因此，身體力行，言出必行。哈哈哈！事實是好味有心的食肆根本是我常光顧的，齊柏林員工主力是年輕人， 對社會有承擔，我喜歡。。一星期差唔多光顧一次。來來去去是"芝味熱狗“好多芝士。。有相， 熱好吃口，冷了更好吃。。個人口味， 有興趣，你可買個試試。另外，我也常買Aussie, 有芝士有波羅，有千島汁， 香腸是豬肉腸，唔想太多芝士，這是好選擇。另外， 最簡單基本的熱狗也是我的喜愛，唔記得咗個名， 最平宜的就是。。哈哈哈。。所有熱狗均為即叫即做。。好味呀。…Read More

COVID19 影響下，假期等於只可在家附近走走。平時早出晚歸， 非常十分耐沒有吃過此店。此店在西環已有少少歷史，有一班熟客，想食川菜，此店啦！想吃粵菜，這店也不錯。 套餐選擇多， 50元已有即炒餸，白飯，例湯及+3元有飲品。今天跟另一半，叫了毛血旺中辣及粟米魚柳套餐， 因原本沒有諗住食食評，沒有相，但我倆好滿意，食得好開心，一定有下次，下次補償相。毛血旺有鴨血， 牛肉，牛柏頁，非常好吃，不算油，好過非常多所謂川菜店。粟米魚是超水準，有6塊左右魚柳，香脆且有香味，干吃魚都滿足，粟米汁撈飯。。最後，兩碗飯完全被我倆幹掉。。。好飽好滿足。最後飲奶茶，不錯呀。。會多支持，加油，老闆老闆娘。…Read More

今晚再次光顧，星期六黃昏，客人不多，店員招呼我們坐下（車仔麵店有招呼，多好）🤩🤩店員勤力， 每張枱清楚整齊， 車仔麵店，少有。今次我仍然食福州丸，因為真係好好食。另外， 試了豬手，好得，好入味。另一半叫了牛肚， 他超喜歡， 大件有chewing ,也叫了豬紅，墨魚丸， 粗麵。。粗麵底，好大個。。麵條好滑， 非常好味。上次我哋晚上7時多到此店， 客人多， 招呼好；今天6時多光顧，人少及服務更就到。多謝前多謝後， 老闆有眼光， 二個男店員均服務優秀。…Read More

我是來多碗的粉絲，從觀塘吃到他關門，再在荃灣發現他開分店，試了，再見旺角店試了，幾好，有回頭，到今日發現佐敦店，嘩，超好，好到我決定要寫食評分享。先說回頭，荃灣店已被我列入黑名單，因為去了三次均說壞冷氣8月9 月，好難頂，更有蚊， 第4次外賣， 多收我錢。。。唔老實！唔見啦，荃灣大把野吃！佐敦店是我去過的4間分店中最大最光猛，更有裝修（見圖）此分店落order的方式有別其他店，客人埋位落單，舉手，有待應收單及送上湯麵， 態度好好，超讚！ 食完先出去俾錢！其他分店：在門口叫麵叫餸俾錢，自己攞埋位.（荃灣店我試過跟同事去，同事想找位坐下先， 俾阿姐阻止，嚇死我同事。。🤦🤦）說回食物，當然好啦， 一定要試秘製辣醬， 福州丸，豬紅，魷魚。我今晚叫了2麵2餸麵，1碗4餸湯，共96元，老細好好送了2汽水， 我好快再回來。…Read More

跟朋友約會的好地方。此店是我邀約朋友的好地方，店員用英語溝通，有圖可以點菜，店員不會迫你落單，一餐飯傾下計坐2小時都不會趕你，好難得。非常推介飲後到此店食甜品， 賣相靚，又非常好味，我嚐過跟朋友2人只叫一甜品， 店員都冇黑面， 讚。推介：焦糖蘋果牛油可麗餅煎帶子可麗餅肉醬意粉甜apple cider自家製檸檬汁/水不推介： 咖啡奶茶 真係好難飲！如坐好耐，不建議叫有雪糕甜品， 因為溶得快， 另外，可麗餅會淋左。。。影響口感，也不健康。最後，店內有厠所，都ok 整潔。…Read More

這店好多店員，全是婦女，應說是師奶，是非常愛說是非的一類，基本上每日都見她們大聲說是非，有時都好攪笑，例如， “班人遊行完，聽日咪攞病假，民咩主”, ”,有書唔好好讀，香港咩都有，幾幸福幾好“ “細路警察唔拉， 大哂呀”...超難聽， 但可知她們水平。如你是街坊你可能也見她們自己在店內鬧起來，完全沒有理會客人，佩服！另外，也見過店員把包用手執番上盆去賣，明明有夾，為什麼用手執， 大家諗下。。我有出聲架 ，女店員居然回應， 你咪唔好買囉， 關你咩事！ 吓！？！忍了好多次，今次決定要寫出來跟大家分享下： 今早有個排我前面的客人，好瘦好斯文，買了2 個egg tart, 本應好快俾錢走得， 女仔企在等店員，個肥臉馬尾店員用對眼瞪著女仔， 原來肥臉店員把一個邊皮爛了一半的egg tart俾左個女仔， 斯文女仔同店員講：“我買2個， 一個碎左， 我行到番屋企，冇得吃” 肥臉女店員居然回應：，“我唔得閒，唔做你生意。。。” 女仔無奈走了。當然肥臉女店員在女仔走後重話她麻煩，“一啖食左啦，蛋撻就係易碎。。” 認為自己好有道理！希望女仔不要受傷， 世界上有人有良知的， 我唔會再幫襯這店。我極少負評店， 但，今次，唔俾唔得。…Read More

深水埗區處處美食，我雖然不是當區居民，但也愛覓食。此冰室是我bookmark 想試之一。此店在長龍腸粉那邊的深水埗，我不太熟路，花了點時間找。入到去，好有禮貌的女店員即上前招呼，我看中了晚餐，焗牛舌意粉，晚餐包老爺靚湯和熱飲，剛掃完街的我吃不下意粉，問店員可以外帶嗎，她態度有禮回應，可以的，收盒錢1元，好合理呀。跟著，她即送我靚湯，叫我慢慢飲，焗意要十多分鐘，湯真的是靚湯，好味，似老火湯。熱飲原本叫了熱檸檬茶，後來，又想試此店奶茶，於是，我問可以改嗎？ 女店員即走去茶檔幫我看出左未，幸運地，可以改。奶茶到了，好興奮，好攪笑，冇想過用這中國特色杯，於是，我即刻攞電話影影影。。再仔細看，那“福”罐是盛沙糖的。。。有心思。店鋪小小，牆上四周貼了不少懷舊海報，有張國榮， N年前的戲。。可見店東花了不少心思。吃得好開心💖💖💖望此店能保持水準，…Read More