fatdoynfood's Profile

慶祝屋企裝修完畢 緊係要食餐好 諗下去邊？緊係日式餐廳喇當造季節緊係食下靚海膽 - U IZAKAYA餐廳環境非常好 地段位於銅鑼灣食街 餐廳環境寧靜 好適合同朋友伴侶一齊黎慶祝頭盤 - 磯煮鮑魚鮑魚煮到好似刺身咁 無腥味 仲帶鮮味同甜味 好爽口仲要唔縮水沙律 - 牛油果虎蝦沙律配黑松露蜜糖沙律最怕係有好多沙律醬 呢個沙律不但無加沙律醬 仲要用牛油果做主要食材再配上虎蝦肉令成個沙牛律帶黎不同食感同埋味道麵包 - 竹炭麵包配海膽醬雖然麵包食唔到好強烈既竹炭味 但配上海膽醬 無搶味之餘 仲帶有海膽鮮甜味 如果海膽醬多小小會開心啲壽司盛盒 - 海膽 磯煮鮑魚 黑松露帶子 吞拿魚腩松葉蟹肉 火炙左口魚邊 牡丹蝦 油甘魚以上八款除左鮮甜之外 仲非常新鮮海膽除左係主角之外 無搶到其餘食材既光環 壽司既魚類仲非常飽滿 新鮮既食材緊係一口完成先對得住佢地手卷 - 火炙帶子海膽手卷 加 三文魚籽海膽手卷海膽依然冇令人失望 再配上肥美既帶子 同三文魚籽 帶黎兩種口感同味道 一個鮮 一個肥美 串燒 - 厚切牛舌心 蘋果豚肉卷 雞頸肉 雞翼牛舌冇騷味仲要非常厚肉 有別於其他既薄切牛舌蘋果豚肉卷係豚肉既夾擊下蘋果都不失光彩係四周帶點果香雞頸肉一咬落去有別於其他雞肉既感覺 一大串雞頸肉起馬要廚師細心咁將肥肉起出 再燒 師傅手流一流雞翼係一字骨 怕骨既朋友可以一下就起哂啲雞肉出黎 讚！天婦羅 - 虎蝦天婦羅一條條肥美既虎蝦 配上天婦羅既做法 將虎蝦蛻變成啖啖肉既天婦羅 剛剛好既熟度配上酥炸既外皮 yummy!主食 - 海膽魚子醬帶子意粉海膽完完全全咁融入左意粉上 令意粉披上金黃色的海膽 再加上帶子連魚子醬 係口入面帶來富貴既沖擊肉食 - 黑毛豬肩肉豬肩肉再上慢煮既做法 令到豬肩肉無左太熟既*鞋*口感 反而帶黎嫩滑既感覺 再加埋配菜 剛剛好中和返食肉既邪惡感覺甜品 - 海膽雪糕 菠蘿雪葩店員好有心咁 幫我地寫上記念日既盤 配上原隻菠蘿 菠蘿雪葩入面有微粒既菠蘿唔會太甜 甜而不膩重點甜品 海膽雪糕 海膽配雪糕 無腥味之餘 反而帶黎味蕾既刺激 甜中帶小小海膽既咸味 飲品 - Forest, Summer FiestaForest 最適合鐘意飲酒人士 酒味偏重 入口順口最後會帶點果香Summer Fiesta 呢種比較會偏向妹酒 偏向甜味 酒味較輕 飲多兩杯都得…Read More

樓上cafe 非常多，之前食過有啲質素強差人意，今次去到孖啡，食完感覺食物絕對對得住個價錢，係性價比之選。雖然孖啡係樓上cafe，但位置處於旺角同油麻地站中間, 交通相當方便。身為一個大食既為食貓/豬(?) 緊係落個order 食肉，一睇到menu 二話不說即刻叫左份BBQ 烤豬仔骨配薯條($158)。原本只係諗住佢4-5條骨。一黎到係double ，無睇錯，係一倍份量既豬仔骨。豬仔骨份量完全可以多人分享，但對我黎講就岩岩好！份豬仔骨咬落爽口，BBQ醬味完全唔會覆蓋住豬肉既味道。表面仲有小小焦脆香，岩哂食肉獸們開餐！！！之後再order 一杯非常值得夏天飲既開胃飲品，塔羅特飲-審判（青蘋果，菠蘿，薄荷，檸檬沙冰）($52)一飲落口，先由青蘋果打頭陣衝入味蕾，再而薄荷接棒，之後由菠蘿帶出甜味，再由檸檬收尾。一杯沙冰由不同食材帶出四重奏刺激味蕾，非常推薦各位小朋友飲下。…Read More

一間隱藏係銅鑼灣既奧媽家姐-HANAGAI花貝，雖然唔係咩特別日子但係開返晚市加長到12點都要食餐好既。人生第一次既OMAKASE就比左花貝一入到去就見到打卡位-一棵唔知叫咩既迎客松入到去就見到Menu 有四款選擇-唔知係咪自己大份就簡左最多野食既菊-KIKU前菜（Appetizer)-水雲蕃茄 涼拌螺肉 配 螢光魷魚酸酸甜甜既開胃菜 用黎打開味蕾一流刺身五品（Sashimi)-赤睦魚 甜蝦 赤貝 ？？ 大拖羅店員就建議由右至左開始食，一件件刺身放入口，馬上被分解 因為太鮮甜 一口即溶 變到好浪費咁🥹燒物（Grilled Dish)-厚燒帶子帶子非常厚身 再配埋 三文魚籽加魚子醬 成個帶子既鮮味再升多兩層🤩炸物天婦羅（Deep fried dish)- 南瓜 蕃薯 海膽😚由南瓜慢慢食到海膽 店家用料從不手軟 海膽x2😋😋 好好味煮物（Simmered)-蜆煮冬粉蜆肉足料加埋冬粉 好食到連湯都飲哂食事（Starch)-海膽飯再次主角海膽出黎 今次加埋配角甜蝦加魚子醬就好似三角戀咁 互相係口入面爆開衝擊口腔止椀（Soup)-松茸魚湯湯入面有好重既魚味 所以廚師薑都加重左小小 但都冇遮到魚湯既味 反而帶左小小辣出黎🤤甜品/果物（Dessert and Fruit)-哈密瓜配綠茶黑芝麻奶凍奶凍有好好好重既芝麻味 建議用插到最底先食，啲黑芝麻係底 要撩一撩先哈密瓜就係懶人專食-鮮甜爆汁 唔洗咬 妹妹下就爆哂汁題外話：咁岩撞到個老闆係店到 仲比佢偷聽到我係到笑 佢臨走行過黎話：大隻仔，我聽到你係到偷笑利申只係肥仔🫣…Read More

係尖沙咀行街街到攰 又唔知搵咩地方食野好，女朋友又想食拉麵，即刻搵間未食過既。居然開apps 就見到 - 金色不如帰佢座落係H Zentre既地舖 唔係由地鐵上就見唔到佢係邊。搵搵下先知係商場既入面雖然麵既種類唔多，就同女朋友兩個各叫左兩碗唔同既拉麵，分別係佢既主打麵-貝汁醬油拉麵 同埋煙熏黑椒豚骨拉麵貝汁醬油拉麵身為主打麵，有教埋人家點先可以食到原汁原味既麵 同觸嗅味覺不去親近碗麵，湯底一飲就不同海鮮既風味再黎煙熏黑椒豚肉拉麵既味以豚骨湯為主打果然係車軚一星有主食緊係滿足唔到我，叫左一口芝士脆豚。 一咬開一半，係可以拉絲，好重料，非常推介🥴再叫多個涼盤-涼拌黑松露紋甲墨魚。呢個墨魚既口味果然不同， 清新同別有一番風味。最後緊係要叫埋野飲- 白桃焙茶 同埋試試蕃茄梳打汽水，雖然梳打加蕃茄好似好奇怪， 但係飲落係好好飲又唔酸…Read More

同女朋友行行下街，係銅鑼灣諗唔到食咩好！！！突然間係腦海諗起一間好多花花做主題既餐廳白胡子啲fd "白房子-White Hse.", 少女心即刻湧起 即刻狗衝過去睇下Menu 居然有芫荽，係芫荽呀 身為一個荽控之達人 即刻落單 - 香蒜芫荽雜菌炒意粉，啲芫荽係一座山呀-芫荽山 完全冇令我失望。芫荽冇搶走啲蒜味 兩者既混合係重口味人士之選一碟緊係唔夠食，再叫多個香草芝士拿破倫煙肉蝴蝶粉，一上到黎 嘩！！！ 啲煙肉好似唔洗錢咁 成碟都係 啱哂我呢啲食肉獸啲蝴蝶粉煮到啱啱好 加埋啲蕃茄同芝士 可以搵 小二 再來一碟有食物緊係唔小得野飲 同女朋友一人一杯啦 少女心爆棚既我緊係落單叫一杯 玫瑰花釀紅茶 玫瑰花味好重 又唔太甜 啱哂我呢啲減肥人士同埋一杯 凍榛子朱古力 一飲落去 好大陣堅果味 再飲多幾下 啲榛子同朱古力味 完全無違和感 食完野緊係要叫埋甜品 - 紅絲絨蛋糕 紅卜卜 啲cream cheese 🥺 好食到難以形容 睇黎減肥又要再押後了…Read More

於鬧市中尋找森林係銅鑼灣行街行到肚餓，又唔知食乜好。即刻搵下有乜好食。居然係渣甸坊搵到間成間森林咁既舖頭，就用踩雷心態去食-CHIMPZ入到去坐低原來間係試緊業，見啲價錢都親民，餓餓緊係叫兩份野食食左先喇見到個餐牌有All Day Breakfast 仲要有隻馬嬲二話不說就叫左- 猩猩迷宮，黎到係一個九宮格，入面乜L都有仲要碟仔仲要好得意身為食肉獸，見到有肉緊係叫多份-黑毛豬鞍架配菠蘿汁，見到即刻心心眼😍。舊肉成個斧頭扒咁仲要大過我隻手。食落去就知廚房幾有心機去處理，塊扒入哂味仲要成寸厚，食一塊飽成日黎到就試埋佢個例場-甘荀濃湯，係濃湯，飲落去就知真材實料，啖啖都有甘荀陪住入口有主食同湯，點會少得甜品-蘋果批加焦糖燉強（蛋），一個字-絕，啲甜品即叫即整，有心思。再叫埋兩杯野飲-mocha latte同埋朱古力，兩個野都係小糖，好驚黎到好似飲甜水咁…Read More

作為一個巨型食肉怪，間中一餐燒肉是必須的。既然無得去旅行，唯有食下韓燒解下心癮。二人份量又唔想諗食咩，叫個套餐就剛剛好，仲可以加錢飲特飲🍹釜山海之旅行套餐 ($698) 包括左好多部位既牛肉同釜山特產鰻魚同八爪魚🐙釜山八爪魚：估佢唔到一啲都唔韌，質地係軟滑帶點爽，唔需要調味都食得出八爪魚的甜鰻魚：只有少量的骨，魚皮會燒到少少脆，魚肉調味會更加好食，我就將佢點醬油同海鹽牛肉：分別有韓牛前胸肉，霜降牛小扒，和牛肩肉，牛舌同埋蔥蒜牛五花。牛舌爽脆，肉質軟滑就有牛小扒同牛五花，胸肉同肩肉就有口感，因為切得比較厚同大舊，全部都好香牛牛味🤤青肉蜜瓜梳打 ($48)梳打有少少雜果味，加上差不多三份一杯咁多的青肉蜜瓜粒，非常解渴青肉蜜瓜沙冰 ($48)成杯都係蜜瓜的味道，每一啖都係蜜瓜味，仲要係沙冰，食完燒肉飲係透心涼另外餐廳的前菜，除左沙律都係任食，仲有圍爐的雞蛋同粟米芝士都好好食，感覺好豐富…Read More

有返咁上下大胃，間中都要食一餐任食放題，今次食呢間有火鍋又有日式料理刺身，一次過滿足晒兩個願望前菜沙律👇🏻日式既冷盤真係好開胃，叫左八爪魚，螺肉，海蜇，蟹籽沙律，作為大餐前小食，有種清新既感覺刺身壽司👇🏻瘋狂食刺身，叫完又叫，食得最多係帶子，本身都中意食，加上新鮮度都足夠，當然要大吃特吃豬牛雞羊👇🏻 每樣肉都最少食左一碟，極上牛絕對係食得最多的一款，牛肉肥瘦程度剛好，又有芝麻醬同蒜蓉豉油，一啖肉一啖蒜不過份😎 薄切豬肉都幾正，口感不錯火鍋配料👇🏻好多種類的丸，芝心丸年糕魚蛋等等經典打邊爐必備食物全部都有。仲有多種海鮮，連蠔都有。菜同麵就要出去自己拎，竟然有薯粉！即刻攞左d，吸收完湯入味又好食熱食料理👇🏻即炸天婦羅熱辣辣好好味，一品料理例如蟹蓋，串燒，雞泡魚乾，一定要配啤酒食，好惹味送酒一流飲品甜品👇🏻飲品唔洗講，乜都有，熱飲可以飲茶。甜品都好多選擇，窩夫出奇地好食，脆得來又軟綿綿，仲有綠茶新地同芒果糯米飯，平均黎講都好食，甜度正常味道平均價錢👇🏻成人平日$228鴛鴦鍋加$18加一服務費…Read More

雖然呢間牧羊少年咖啡館主要飲咖啡同食意粉，但我自己就覺得佢d甜品真係幾好食，值得吹奏。法式蘋果撻配雲呢拿雪糕: 平時食都會好甜，但呢個整的甜度啱啱好，仲有少少蘋果的酸同清香，撻底都好脆，最值得吹奏。心太軟配朱古力雪糕: 要時間等，因為落單先做，所以都好新鮮，流心流得好靚，而且佢仲有鮮忌廉，好肥好好味。牛油果香芒烤雞沙律: 芝麻醬令成個沙律好日式，烤雞肉嫩滑，芒果同車厘茄都好甜，整體配搭好好。黃金鹹蛋苦瓜忌廉雞肉意粉: 好特別的一款意粉，忌廉汁入面加左鹹蛋黃，苦瓜切成一片片，味道不算太苦，反而有食上癮既感覺。蜜桃乳酪：好重桃味，酸酸甜甜好好味。…Read More

主打食茶漬飯的日本過江龍餐廳，好多款飯都可以當茶漬飯咁食。豪華魚生丼定食: 前菜都有一兩款，丼飯可以就咁食，或者加湯變茶漬飯。呢個定食叫左蝦湯，個湯清清地但係好重蝦味，同海鮮味道好夾，蝦同帶子仲要幾新鮮。原條鰻魚丼定食: 鰻魚真係好很大條又厚肉，昆布湯味道比較清淡，當湯飯食味道都不錯。小食加咗個薯餅，炸得鬆脆，外脆内軟，有陣香香的肉味。抹茶蕨餅: 有糖漿但又唔需要落太多，會太甜😂邪惡的芭菲: 望個樣都知道有幾邪惡，士多啤梨雪糕幾好食，質地似雪葩…Read More

係黃金海岸酒店staycation, 晚餐近近地去酒店內的餐廳食野。本身都不抱太大期望，但竟然食到好好食的麥皮牛油蝦。開邊大蝦本身已經無腸，炸到皮脆，可以連殼食，浸滿香脆的麥皮牛油，配上肉質爽口彈牙的新鮮大蝦，完全係滿滿的幸福感，食完蝦肉，仲可以一大啖淨麥皮咁食，都好香口。巴東牛肉有少少似乾身的咖哩，肉質比較瘦同唸，牛肉吸晒d汁，每一口都好入味。用印度薄餅伴巴東牛肉食就最夾，鬆化的薄餅好香牛油味，配醬最好食。…Read More

.一次過滿足晒四個願望的Pizza.每次嗌pizza食都會諗好耐，尤其是兩個人食的時候，一人食半個，叫左一個唔太好味既，都要食晒佢，好彩比我發現Glass House有個四季pizza, 一次有四款味，黑松露菇，five cheese, 蕃茄羅勒同牛油果，而且四款都好好味，批底夠薄夠入味.同場加映軟殼蟹Caesar salad同妹酒一杯.妹酒真係幾靚，老冰未溶的時候飲，感覺會比較烈，等d冰溶返少少再飲，味道先會似返妹酒…Read More

長洲賓客人數多，喺長洲角落門口排隊的人仲多😂😂這是一家很飽肚很好喝的乳酪店，有疑似長洲地鐵站的一道牆，店面相當之靚，打卡一流，只是遺憾飲不到限量20杯的花雪角酪。於是叫左甘露角酪同月見角酪，一杯平均40蚊左右，價錢不算平，但係就真材實料，飲一杯已經好飽肚，入邊有水果粒同比例啱啱好的乳酪，算得上一試難忘。月見角酪飲完仲可以食埋杯蓋裏面的蜜桃，有種健康的感覺😂 利申: 呢一杯好似係當時期間限定的飲品，如果去到冇，請節哀順變😂…Read More

鮮奶真係好好飲芝士奶蓋仲好飲曾經試過係茶飲店ig留言，問有無芝士奶蓋鮮奶飲，無一間係有得賣🥺然後有一日係尖沙咀行呀行呀行，仲唔比我搵到你🤩 仲有不同口味，又不膩，飲完已經想encore😂前後飲咗兩次，士多啤梨牛奶同埋朱古力牛奶相比，都係水果類牛奶比較好飲。 水果同芝士奶蓋味道比較夾，水果奶之中仲有少少水果粒，新鮮得來又有口感，真係好加分。朱古力牛奶其實都好好飲，不過就同芝士奶蓋冇咁夾，而且始終都係用可可粉沖出嚟，個人鍾意水果多啲。…Read More

最近真係成日聽到呢間熱狗店的名字，見到佢又平又大件，忍唔住都要過嚟試吓。今次叫咗個洋蔥圈熱狗，一個個洋蔥圈包住條香腸，賣相已經好得意，仲要幾好食，另外再加錢食咗個薯餅， 不過薯餅就麻麻哋，overcooked…Read More