sc0703's Profile

得知越南的錦麗獲得23，24年米芝蓮必比登推介，所以就同朋友來食。用餐的環境好舒服，D位都好大，裝修好越南feel，冷氣好足。我地點左個牛油果米紙卷同特色小食拼盤，我見好多人都推介，就一於試下先。個米紙好薄，食落好煙嗯，加埋d蔬菜同牛油果，又健康又好食，五星推介。至於個拼盤就有齊曬d小食，雞亦，豬扒都好脆，味道唔錯。最令我印象深刻的係個蔗蝦，d蝦肉好彈牙，食到尾個蔗仲可以咬，好甜好多汁。之後主菜方面就點左胡志明綜合粉，距仲可以加8蚊換購即刻炸的油炸鬼。個油炸鬼真係即炸，好脆好熱，真係毫不誇張講句，成世人食過最好食。將距擺入湯又係另外一個層次。正！至於個綜合粉有好多牛腩，肥牛，兩粒牛丸，全部都好有牛味，個湯又好香濃，真係好美味！D牛丸仲要勁多肉汁，咬落去又好似品乒乓波甘彈。真係好唔錯！之後再點多杯椰子沙冰降下暑，入面有d椰子肉，幾有咬口，而且吾會好甜，又好香口。唔錯唔錯Overall黎講味道確實係一流，而且價錢唔會好貴，性價比好高，下次會再黎！…Read More

今日約咗朋友，喺屯門市中心搵嘢食。見到茶木，有好多唔同嘅台式食品，見到個Menu好吸引就入咗去食啦入到去店員嘅態度都好好， QR code落單可以睇清楚食物嘅圖片慢慢揀，啱晒有選擇困難症嘅朋友，就好似我同朋友咁我哋點咗啲台式小食，兩個主食，甜品，台式飲品，真係飽到好滿足食物都好快上枱，而且熱辣辣，首先嚟咗一個櫻花蝦花枝餅，配上一個甜辣醬。呢個花枝餅真係有花枝肉喺入邊，而且外脆內軟，唔使點醬都好好食一個小食又點滿足得到我哋呀，因為我哋太多心，揀咗呢個有幾款小食嘅路邊攤小食，包括有炸雞扒，台式香腸，同埋呢個最驚喜嘅包心肉丸。呢個肉丸真係爆曬汁，好好食。嚟到主食，都好有驚喜呢個烏魚子元貝手作麵，估唔到咁好食，因為本身好鍾意食卡邦尼意粉，呢個手作麵真係好creamy 好香，兩粒元貝好大粒，好彈牙肉排骨肉燥飯，雖然肉燥唔算好多，但係油香十足，排骨亦都炸得好鬆脆飲品方面，我叫咗一杯咁酸萱先芒果奶蓋，茉莉花綠茶茶底，初頭怕茶味太濃會瞓唔着，嚟到又OK喎，滿滿嘅芒果汁同埋奶蓋，真係好啱我嘅口味呢杯係朋友嘅金萱檸檬愛玉最後，叫咗一個冰淇淋拼芒果吉士可頌窩夫，窩夫好鬆煙韌，雪糕仲可以揀士多啤梨味，抹茶味同埋曲奇味，我哋今次揀咗士多啤梨味，食完真係好滿足…Read More

辛苦工作過後，梗係要行街，食下好嘢獎勵下自己，去到旺角兆萬樓下，好多放題可以揀，同朋友都鍾意食日本野，揀左呢間神戶屋試一試！一出𨋢，就見到好多男仔都好鍾意的日本漫畫海賊王的拼圖，充滿日本的感覺一坐低，店員便講解，我地點餐可以用QR,同埋幫我地落第一單刺身叫左個和牛壽喜燒轉眼刺身已經來了，三文魚好大塊好厚，好鮮甜赤蝦刺身同埋泰式生蝦刺身也好爽口赤貝同北寄貝好新鮮成個刺身擺盤都好靚仲有海膽或生蠔送，我同朋友都揀左海膽，叫左啲壽司和卷物吞拿魚蓉軍艦，花之戀，牛油果軟殼蟹卷好多不同炸物，鍾意食榴連的朋友，一定要食榴連炸彈，超好食，encore 左飲品方面，有的特式飲品，呢個椰汁紅豆冰都唔錯，入面真係有紅豆，幾特別，仲有啤酒飲甜品櫃有奶凍，泡芙而係門口位的雪糕櫃都有好多款，仲要係韓國雪糕雪條，外面買一條都唔平，十分有誠意服務方面，食物都上得快，服務員經常過來收碟，又問我地有無野未上齊，讚…Read More

辛苦返工後就想搵餐好野食下，約埋朋友放工去嘆返個西餐就梳乎。 今日去左出名多野食既山林道發掘美食，最後盲中中揀左呢個deep sea 西餐廳。睇個名都估到應該係出名食蠔同牛扒，雖然佢餐牌都有唔少其他選擇，但都揀返招牌食物既生蠔同牛扒啦。 我地2個人就揀左呢個深海套餐。前盤有沙律菜、刺身、生蠔同埋鵝肝多士，睇落好豐富呀。刺身都係厚切既。生蠔跟餐有4隻我地又另加多2隻，蠔一蠔佢啦。食完一輪前菜就到主食，我地揀左牛扒，肥美既牛扒配埋薯菜，正個餐仲會跟住拉麵，一定唔駛驚唔夠飽呀🤭🤭🤭🤭…Read More

今日放工約左兩位朋友食飯輕鬆下，揀左大家都就腳既尖沙咀，見到呢間居酒屋有刺身有串燒有燒酒幾吸引就book位！平日八點黎到，坐無虛席。一入座，店員好快就送上餐前小食，每人三款，好味開胃👌🏻我地每個種類都叫左d。刺身方面，三文魚同油甘魚係好鮮甜！有少少入口即溶既感覺。串燒呢，個牛舌真係厚切，香口嫩滑，一咬去勁juicy😍推介👍🏻👍🏻個明太子雞翼一送到黎，勁香噴噴，即刻食呢個先！啖啖明太子，滿足😬另外值得一提係個明太子蛋卷，d蛋岩岩好唔會過老，入面有明太子同少少沙律醬，成個配搭係好夾，好快清盤！🤣其他菜式不過不色啦。同朋友一邊食一邊吹水，眨下眼都留左兩個幾鐘。有機會會再返兜！…Read More

今日心思思想食邪惡既野食，做完運動就走去美麗華食呢間漢堡包，呢間餐廳都有唔少漢堡愛好者推介，有信心既保証。內在環境都唔錯，坐位係寬躺舒適。呢度真係漢堡愛好者既天堂，有超多款既burger，有選擇困難症既人可能會有啲困擾🤣🤣🤣不過個餐牌都分得好清楚，有牛 雞 同海鮮類。佢仲有好多款小食同啤酒。真係少少時間去揀下食咩…最後揀左鵝肝牛肉漢堡，炸雞翼同牛油果薯條。牛油果薯條份量好足，仲有好多芝士，岩哂芝士控。炸雞翼真係俾到驚喜，上枱熱辣辣又夠脆，好味道。到重頭戲既鵝肝牛肉漢堡，餐廳好細心幫我地切開，大大塊牛肉再加鵝肝，呢個配搭真係好惹味，比平時既漢堡更滿足🥰🥰🥰值得一提，呢啲除咗食物唔錯，服務都幾好，食得好開心既一餐😋😋😋😋…Read More

今日突然約左老死黎元朗打邊爐，上網睇定食評，見呢個餐廳都有幾多好評就黎試下😆😆個招牌好搶眼，好易搵到間餐廳。入面裝修係行懷舊風。有好多唔同款既湯底，仲有好多唔同既配料，仲可以揀半份，岩哂我呢啲鍾意食好多唔同款野食既人😌😌我地揀左馳名魚鰾湯底，湯底偏乳白色，因為加入了大量魚鰾、豬骨、粟米、菇等等熬製，鮮甜美味而不膩。靚牛：雪花靚、有牛味，叫小份都夠三四個人食仲有個好特別既配料 - 墨丸水上飄，好大粒，魚鰾裡面釀滿墨魚滑，頭頂再點滿蟹籽。配搭比想像中夾，食完好滿足。我地仲配左檸檬百香果茶同檸檬冬瓜茶，配打邊爐好正😆😆…Read More

今日同阿b去左附近playhouse, 就黎左呢個川菜食辣野😌😌，因為同阿b玩到3點先食野，已經係下午茶時段。 我同老婆大人分別叫左麻辣雞翼米線同口水雞米線。雖則係下午茶茶餐，但餸都有唔少，麻辣雞翼有4隻，口水雞都唔少。我地都係叫左小辣，唔算好辣，可以挑戰中辣😛😛口痕仲叫左泡椒鳳爪，我好鍾意爽皮雞腳。下次同b黎玩可再食。…Read More

同事誠意推介呢間酒樓既椰皇燉奶，今日一行四人就黎試一試，一黎到瘋狂叫點心，燒賣、牛肉球、腐皮卷等等。。。重點當有椰皇燉奶😌😌整體上飲食都唔錯，燒賣大粒都幾好味，奶皇包都好味道。炒魷魚🦑聞到隔離好香我地又叫左一碟，好大條🤤重點既椰皇燉奶，好味道。重點要用鐵匙食，先可以食乾淨個椰皇…Read More

同事誠意推介我試鼎爺既火焰叉燒，今次相為一班為食既同事黎試下先。我地叫左叉燒、和牛、芥蘭煲同姑娘炒米粉，全部都係廚師推介😛😛。前菜和牛好有牛味👍🏻叉燒真係正～肥瘦適中，外脆內軟😛😛😛其他無特別影相但都幾好味。黎既話一定要試叉燒👍🏻…Read More

而家茶湯會除左有珍珠奶茶等台式飲品外，仲有中式既點心賣，早餐時間去左買糯米雞黎食，無乜人黎買早餐，因為無乜人朝早黎買珍奶吧！個糯米雞份量都唔少，充料同味道唔錯，汁唔會太多。買早餐都唔錯，唔駛排隊。…Read More

相約朋友係中環食dinner, 食完飯大家話要食甜品，中環好似無乜甜品鋪，行行下見呢間台灣餐廳有芋圓就試下啦～本身間鋪頭都關門，但佢地好好話做埋我地呢枱客。我地就各自叫左熱同凍既芋圓仙草。原來熱既仙草係好似涼茶咁～哈哈，早知叫凍ga la。不過味道係ok既，芋頭味既粉圓係真係有芋頭粒。雖然我地係阻住人收工，但待應姐姐都好nice, 又幫我地影相又話唔阻收工，服務態度一流👍🏻下次lunch可以過黎一試佢既台灣定食😛。…Read More

同事誠意推介cwb榮記車仔麵，咁就專誠黎試下，價錢唔算貴，$43三餸，我揀左推介既墨魚頭、豬紅、韮菜雲吞米粉，本身諗住加咖哩汁但原來要4蚊，咁就算啦～～～個豬紅好juicy, 墨魚頭都好有咬口，好味道👍🏻👍🏻 …Read More

趁放假既日子同老婆大人去食好西，今日留係屯門搵食，去左虹橋搵下有咩小店，老婆大人睇中呢間西餐廳，就順下佢意試呢間啦～～D set lunch唔貴，$80有埋野飲，加$10仲有埋餐湯。選擇都有唔少，有8個餐可以揀。我同老婆大人認真咁揀左牛肉漢堡配薯條同all day breakfast配芝士烤雞，我地都加左$10加餐湯，叫左菠蘿紅茶。呢間餐廳有酒吧，下次可以同兄弟黎飲返2杯。餐湯係蘑菇湯，味道不俗，好香濃既蘑菇味。菠蘿紅茶入面真係有粒菠蘿😛All day breakfast 有炒蛋、番茄、腸仔、大菇同烤雞，味道唔錯，份量都唔少，我平時食唔少都夠食。個芝士漢堡賣相不俗，老婆大人話味道都唔錯。食物質素不俗，價錢又合理，性價化高😌…Read More

日日返工真係忙到癲左，今日要放肆一下，準時收工去吞下pot。早收工去吞pot, 餐廳無乜人（因為d人都未收工🤣），真係爽。有雞煲或者火鍋湯底揀，雞煲都有幾款可以揀。最後同朋友仔左揀右揀決定左叫火鍋湯底。火鍋配料選擇都有唔少，我地就叫左牛脊肉、十寶丸、四寶餃、嚮鈴、芋絲等等。。。本黎諗住叫皇帝菜，但待應妹妹話而家唔當造，無貨。咁唯有叫過第二樣啦。因為有朋友係唔食辣，就叫左紅白湯底。湯底入面都分別有菇。麻辣湯湯底都有d辣（利申平時有食開辣）。等左一陣，d火鍋配料已經拿拿臨上哂菜。我就like d餃子同丸，朋友就鍾意牛脊肉。鍾意d丸都夾心饀，尤其喜歡有鵝肝果款。呢度飲品都係大大杯，所以係餐單上見到大檸樂、大檸茶，係代表左杯飲品係大杯裝。放工輕鬆一下吞下pot真係幾開心。…Read More