andrewhei's Profile

琴晚同我最好嘅朋友s去赤柱The Boathouse慶祝生日,給佢一個難忘嘅2X歲生日!!上個星期已經訂定枱, 一貫嘅作風~不能不叫嘅係佢個Mussels bucket!!!唔知係咪太耐無食, 覺得佢好似細份咗~雖然味道都係幾好味, 不過有啲唔夠喉Mussels bucket - My favoruite!!! 佢個汁係白酒+ 蒜蓉, 完全將酒嘅香氣同蒜蓉嘅味道引出mussels嘅鮮甜! 最好嘅地方係佢有額外嘅汁喺旁邊, 無個汁個味道就爭好遠lu...有趣嘅地方係啲mussels跌晒落個bucket底度, 開頭拎親都係得啲殼, 好彩浸喺底嗰啲mussels 好好味同都唔少!!Boathouse salad and ravioli - I love the taste of the ravioli and it reminds me for my happy time in UK!個沙律好得意, 用咗唔同嘅菜同生果, 再加上佢個微酸嘅汁, 食落好fresh!好少喺香港食 ravioli, 因為通常都貴夾唔飽, 有香濃嘅龍蝦味, 正!!!好特色嘅甜品!! 不過唔記得個名 - 有士多啤梨, CREAM, 焦糖 & 雪葩 依個甜品最好嘅地方就係香得嚟唔會好甜, 仲有一大塊嘅焦糖脆脆, 不過食完真係好痴牙呢~好細心嘅生日心太軟!! 味道不錯, 但係個蛋糕質地好粉~唔知點解~~…Read More

琴晚同阿媽去咗屋企附近嘅雲貴川食晚飯,本來我哋兩個都鐘意食辣架,不過琴晚大家都唔食得...唯有食住雞湯湯底先~佢個雞湯都幾夠味, 不過好似味精味重咗啲咁!!啲雞肉口感唔錯, 不過佢嘅墨魚丸嘅質感就怪怪地...佢啲紅薯粉好有咬口, 比米線更好食成間鋪頭都有好香嘅麻辣味, 整到我勁想食又無得食!!!下次要試下佢個麻辣湯底同口水雞先得!…Read More

返工實在太悶啦, 用手機打下食評先話晒大喜慶都係私房菜,仲要淨係$138就有成八道菜, 點都要試一試佢, 所以買咗佢個團購套餐! （佢就話本身個餐原價要$400! lol） 星期日仲未打風之前個晚就同屋企人一齊去試下, 三家人(我阿媽排第六, 加埋八姨同最鍚我嘅十姨)加埋有要有八個人,八個仲送一隻高師父頭抽雞添!!! 賺到喊!!! WAKAKAKA!!!!!等我話你知傳說中嘅私房八道菜有啲咩啦! 紅燒花膠絲黑松露蝦多士鮑汁蝦籽扒柚皮西蘭花班塊士多啤梨焗肉排頂湯焗芥蘭度蝦籽姜蔥炆麵蛋白杏仁茶+ 高師父頭抽雞本人係不折不扣嘅食肉獸!! 最正係個士多啤利焗肉排同個隻正頭抽雞, 第一係兩碟都好香, 第二係大家都好惹味! 由於本人比較懶, 唔多鐘意「吝」骨, 所以個排骨啖啖肉好啱我; 隻雞就更加唔洗講, 只可以用肥美去形容~!!! 我之前無食過頭抽, 仲以為無咩分別, 食完之後只可以怪自己係井底之蛙, 頭抽嘅味係香濃好多架!!!! 完全可以好成功咁吊到隻雞嘅鮮味出嚟!除咗香之外, 隻雞啲肉都好嫩, 啖啖鮮味雞肉真係無得頂~!! 黑松露配蝦多士就真係無試過啦! Fusion嘢, 一個字,正!! 用筷子夾起一舊蝦多士就聞到黑松露既香味，上碟個外型都幾吸引架!阿媽+阿姨s好鐘意個紅燒花膠絲, 話食落好痴口, 應該有好多骨膠源, 對皮膚好喎! 我就鐘意佢啲惹味嘅雲腿多啲啦! 唔講你唔知, 個紅燒花膠絲裡面竟然有翅, 當然個份量唔係有好多, 不過都係值得一讚!!!!個鮑汁蝦籽扒柚皮就係啲好晒功夫嘅菜式, 聽講淨係整都要整起碼三日先整到一碟! 佢用咗鮑汁同蝦籽煮個柚皮, 非常入味呢!!!我就比較欣賞個鮑汁蝦籽扒柚皮, 因為佢係啲好晒功夫嘅菜式, 聽講淨係整都要整起碼三日先整到一碟! 佢用咗鮑汁同蝦籽煮個柚皮, 非常入味呢!!!依度嘅西蘭花班塊味道不錯, 只不過不及其中的菜式特別; 頂湯焗芥蘭係用好正嘅上湯去煮個芥蘭, 味道很香, 不過我覺得芥蘭炒會好食啲~總結: $138 八道菜真係好抵, 仲要味道唔錯, 值得推介呢!…Read More

琴晚放工同個朋友仔返去POLY探下啲孫仔孫女,順個靚便去尖東食埋飯!行過Bubbles Dream Cafe,之前都無留意到佢啵!!!決定要試一試, 扮下「食家」先!鋪裡面個感覺好舒服, 朋友仔好鐘意佢張紫色梳化!一睇個MENU, 只係用咗5秒,已經決定咗想食我的最愛 - 鮮帶子墨魚麵!!!基本上用墨魚汁整嘅菜式我都好鐘意架!!!不過一定要好味!!!好嘅嘢食啲香味可以傳千里, 就好似依度個墨魚麵咁,真係好正!第一,個樣整得好靚個麵本身又好彈牙, 好有墨魚味我最唔鐘意食啲無口感嘅麵!最估唔到係竟然有咁多帶子!!!!!!!!!!!!!!無得彈!!!太掛住個墨魚麵, 無幫朋友個PIZZA影相添, 下次嚟食補返, haha同埋都想試佢啲甜品!…Read More

琴晚有好耐不見嘅豬朋狗友聚會,有人提議到得龍吃晚飯，睇嚟大家都想豪食一晚！明明唔係好多人,都要叫兩個燒味拼盤=_=”，有油雞、燒腩仔、燒鵝、燒排骨同滷水紅腸，味道不錯。(雖然返工都成日食燒味飯)唔記得邊個話要叫個冬瓜盅，試下無壞呀! 我就最鐘意佢多料同夠熱,湯唔熱邊好飲架?!?!男人們的最愛 - 金錢雞來了，其實都唔係好知佢有啲咩料,淨係知有雞肝囉～哈哈！阿戍話啲食評寫佢用一片瘦叉燒和冰肉夾著一片燒雞肝，用整叉燒個啲蜜汁去燒架，片冰肉好似係肥豬肉。唔理LU，食咗先算！ 我最鐘意成大舊金錢雞放入口，勁滿足！鴨腳包又係依度嘅撚手嘢！佢啲燒鴨腸包住個包，好煙韌，最正就係將所有材料一次過放入口，咁樣個味道就會好突出喇！又有叉燒嘅肉香，腩肉嘅軟滑，最正當然又係雞肝的甘香。死肥仔喺度話佢肥唔食，試完都唔係咁鐘意，唔識欣賞，等我可以食埋佢個份！！叫砵酒焗桶蠔完全係自私嘅行為，因為只得兩個人食架。賺咗賺咗！「索索聲」嘅生菜加埋烤焗到好香嘅蠔，不過好似爭少少蠔味，可能啲汁和乾蔥太濃啦！我都係好鐘意食架！！食就唔係叫咗好多，不過飯就起碼每人兩碗，真係傻架～哈哈哈哈同埋下次可唔可以俾我影一影相先食呢...?? =_="…Read More

啱啱約咗個客喺沙田食晏,我真係好耐無踏足過沙田啦!四個人每人都係百零蚊,就已經食到個新出嘅海鮮拼盤,穀飼牛扒同豬扒個海鮮拼盤好正,可能係因為用烤嘅,所以味道同香味都好足喎!之前好少食穀飼牛, 今日佢俾我嘅感覺係好鬆軟, 一啲都唔韌! 正!!!豬扒俾我嘅驚喜就最大啦! 因為我一直都覺得豬扒係好韌同唔好食, 原來好睇佢嘅煮法架!!!今日終於知道啦!好欣賞佢個豬扒雖然所有嘢都好好食, 不過我就覺得應該叫多個,事關我係一個大食嘅人,四個人食三個,邊夠我飽呢...?下次要叫多啲!!!…Read More