fungling_0131's Profile

自從港鐵西營盤站開通之後，多咗好多媒體介紹呢邊既餐廳，難得朋友仔肯過黎陪我食晚飯，梗肯要食好西啦！我之前已經黎過呢間Cafe2食lunch，不論食物、環境、價錢都覺得唔錯，所以想試埋Dinner會唔會更好呢？！先來既係黑松露牛肝菌雜菌湯($58)，個人偏好菇菌類所以就叫咗呢個湯，一上檯已經聞到淡淡既松露香，飲落味道更香更濃郁，個湯一方面好creamy、另一方面有雜菌蓉，口感豐富！順帶一提個蒜蓉包都好香好鬆脆，加分👍🏻好友是雞翼控，所以佢就叫咗檸檬蜜糖雞翼($88) 本身以為隻雞翼係用檸檬蜜糖醃咗or 加咗檸檬蜜糖去焗，原來兩樣都唔係，係炸單骨雞翼配自家調配既檸檬蜜糖芥末醬汁，初初係有少失望既，但食落又ok喎，雖然係炸，但外面脆卜卜，咬開雞翼入面肉嫩之餘仲有肉汁架，至於個汁係亮點，酸酸甜甜但又有少少黃芥末味，清新減少油膩感！之黎再黎一個炭燒海鮮拼盤($288)，見到隻大蝦已經流哂口水🤤仲有整隻魷魚、帶子、螺。大蝦、帶子啖啖肉仲帶牛油香，魷魚、螺配上泰式辣汁，更惹味，好快就食清喇！是晚晚餐重頭戲T-Bone Steak(35oz)($538)，呢個夠哂震撼，起碼有2吋厚！而且一次過試到兩個不同部份，一邊是西冷，另一邊則是牛柳！兩個都很香牛肉味，但個人比較喜歡牛柳，比較軟淋，很juicy，唔使點芥末醬都已經好好味。鐵板朱古力布朗尼伴雲呢拿雪糕($58)，女生飯局當然唔少得甜品，brownie加上朱古力醬，在鐵板上暖暖的，鬆軟但不鬆散，又不至於太甜，再配埋雲呢拿雪糕，冷熱交替，加倍滋味呢！食物質素有水準，當然價錢都有返咁上下，但物有所值既，會繼續幫襯。btw 平日夜晚都幾full，好在有book位咋！…Read More

近來愈來愈多餐廳落戶荃灣、葵芳，新界牛唔使下下山長水遠出九龍過海開飯。早排成日都開OT，好耐無同男友二人晚餐，所以想食好少少兼可以坐得舒服d，就揀咗呢間係荃灣千色廣場隔離既稻八日式火鍋炸物刺身放題。我地揀咗中價既極上安格斯牛小排放題（$238），再揀埋牛乳湯底。因為星期三晚唔算好多人，好快就將湯底、牛肉、豬肉送到。除了肉類、刺身，其他火鍋配料、小食、飲品、甜品，都是放係出面自取的。種類都好多，尤其是蔬菜類，一般出街食都肉多過菜，呢度岩哂想食得健康d既人，而且最緊要夠新鮮嘛！我就拎咗d蕃茄淆下湯底，仲有我鐘意食既南瓜、旺菜同冬菇！唔想食熟菜既話，仲有沙律吧比你自己揀配料、醬汁，自己撈tim！另外仲有日式小食，中華沙律、蒜味螺肉、芝麻八瓜魚、蟹柳、枝豆！講返個火鍋先，牛乳湯底碌完既野食都有淡淡牛乳香。主角安格斯牛小排的質素幾好，脂肪不算多，不會太「鞋」太韌，仲有牛柳粒碌完再點點少少岩鹽帶出肉味，就已經停唔到口，暴風吸入😂另外點咗少少刺身試下，三文魚、北寄貝、希靈魚、甜蝦、八爪魚、螺片等大路野，至少唔係薄切，三文魚都ok，但甜蝦就有少少「梅」，淺嚐後都係留返個肚食其他。呢度最盞鬼既地方係自己既天婦羅自己炸，自己係凍櫃揀完放入炸爐度炸，再自己調味，男友整咗海老天婦羅，又幾好食喎！甜品我主打雪糕、雪米糍，口味多多，任君選擇。仲有Dryers' 藍莓芝士蛋糕味，一d都唔失禮！啪返杯再食多幾粒雪米糍，好飽呀！總括黎講呢度牛肉質素幾好，火鍋配料或者火鍋以外的食物選擇都多，而且有多個價錢揀，豐儉由人。…Read More

是晚有地膽說要帶我來這裡食好西，雖然間中會行經駱克道，但卻沒留意這是餐廳，一直以為是酒吧而已！🙈我倆點了芝士牛肉漢堡、雞堡、黑松露薯條及蒜香雞翼，飲品則點了Cookies & Cream Milkshake & Peachy Mocktails，擺到成檯野食，好壯觀！個黑松露薯條一放上檯，已經聞到濃濃既黑松露香，相機食先之際，口水多過浪花咁款😂快拍完就一條接一條，停唔到口喇！但底個d薯條就冇乜黑松露喇，如果換成黑松露醬代替茄汁會更好！另一小食蒜香雞翼，外脆內嫩，蒜香加上甜酸醬，非常惹味，雞翼控友人表示叫得6隻，每人分得3隻唔夠喉，早知就叫12隻啦！但兩個女仔邊食得哂咁多，淨係食完兜薯條同雞翼都飽飽地，因為呢度野食既份量都唔細架！再講Burger，芝士牛肉漢堡，漢堡包邊烘熱後脆脆的，牛肉好juicy，加上半溶既芝士、蕃茄、洋蔥，一口咬落去，多種口味，非常滿足！雞堡內塊雞扒幾厚切，惟邊位煎得乾咗少少，咬落有d硬，反而雞扒中間就ok，同埋好在醬汁味道幾好，加返分，可以加埋芝士就更好喇！最後講埋杯飲品，Cookies n Cream Milkshake 味道不錯，口感creamy，但比較甜同頂層既cream可以少返少少，而且加多d餅碎會更好！而友人個杯Peachy就幾fresh，香甜桃味配上微酸青檸汁，混合雪碧，味道都幾夾，又不會死甜！雖然今餐熱量超哂標，但好食既通常都係比較邪惡既，最多聽日食返清淡d囉！哈哈！結論係呢間burger可以再encore既！…Read More

剛開張的時候也來幫襯過幾次，到現在見有新menu，甜品款式比之前更多，更有我喜歡的紫薯系列，所以跟男友吃完晚飯過來試試新口味！位置方便，天水圍輕鐵站一下來，向村屋方向沿路行5分鐘就到。揸車的話仲可以泊在一糖對出車位！周三晚上9點多，人不算多，直接入座不用等位。天氣熱既關係，我們先點了兩杯飲品，蜂蜜白桃梳打 及 蜂蜜荔枝梳打(HK$32)。原來由梳打水、蜂蜜、白桃/荔枝糖漿是分開上，由自己沖調，這樣也好，較容易控制甜度，不夠蜂蜜的話可以再refill。荔枝的味道濃、較為突出，而白桃則較清淡，香甜荔枝/白桃蜂蜜梳打都很消暑解渴，一口氣就啜了三分一杯！男友點了焦糖燉蛋（HK$28)，面層焦糖夠厚夠脆，內層微暖、不會太稀軟或過於實淨，口感非常creamy，甜度適中，確實有驚喜，男友說比Paul Lafayet 好吃！而我最近愛上了紫薯，所以我點了紫薯棉花糖(HK$32)。整個粉紫色配白色，賣相已覺吸引，面層是棉花糖，底層是紫薯蓉，紫薯蓉本身甜度不高，配上棉花糖吃就剛好，想甜一點可加朱古力醬。但紫薯蓉可以淋一點、糊一點會更好。剛剛點的甜品份量不大，肚子還有位置多吃一個甜品，於是就點了芒果腸粉(HK$45)！反而這個芒果腸粉份量較大呢！滿滿的芒果汁，外面捲了4-5層腸粉，很滑、很香椰汁味，中間夾住一大舊芒果，很香甜的芒果，一點也不酸，啖啖冰涼芒果肉，很滿足呀！總括來說，甜品的質量屬中上，但價錢也不過五十元，相比那些動輒七、八十元的''特色''甜品好得多呀！一定會再來幫襯！但夏天等位記得做定防蚊措施....哈哈！…Read More

「燒雞翼，我鐘意食...」作為食肉獸同雞翼控的我，BBQ簡直是我的賣飛佛。但平時的BBQ都幾麻煩，又要買叉買炭買野食，又要叉，尤其是雞翼，叉得唔好又會轉黎轉去，所以我就鐘意食重慶燒烤！呢間係大尾督既巴希雅，真係食完會再去架！重慶燒烤，又唔洗拮野嚟燒，一串一串燒，一嚟方便啲，二來可以試到平時BBQ食唔到既野。巴希雅好多食物都冇經過調味，但有孜然粉同七味粉調味，再唔係搽返蜜糖又得，隨自己喜好自由發揮。主角緊係講番食物的質素喇，肉食類嚟講，有豬牛羊雞，最鐘意食牛仔骨同豬頸肉，肉質軟淋仲好juicy，好香油香架。仲有魷魚串，配埋孜然粉，彈牙又惹味。而巴希雅呢度都幾特別，會有比較多蔬菜類去俾大家選擇，照顧到客人唔同口味同素食者。平時BBQ我好少燒蔬菜食，因為燒到乾爭爭，唔好食。但黎到呢度我先知，燒蔬菜要先沾水，邊度邊加少少水，等佢唔會燒到乾，咁樣食冬菇、茄子原來好好味架，再加埋蜜糖甜甜地，一流！不得不提佢個蒜蓉法包，細細地一片，放上爐面烘一烘，脆脆地，但係再係另一面搽埋蜜糖，味蕾既享受呀喂！仲有好多丸類，腸類等等，要試哂真係聽日早餐都唔洗食😂係呢食野，仲會每人送一隻大蝦，一件菠蘿，每爐會一包蒜蓉金菇，勁多蒜蓉，但好正！仲有送一煲蜆，d蜆都幾新鮮，但有時會有沙。每六人仲有隻蕉，燒完可以出去counter加朱古力醬，當甜品咁食！環境來說，都幾近海邊，所以都唔會好焗同迫，仲有免費泊車，適合駕駛人士。總括嚟講，食物質素完全對得住個價錢，一班朋友同一家大小都好適合。…Read More

夏天天氣熱，媽咪懶得煮飯，所以決定一家人出去食放題，但又唔想特登搭車出九龍區食，都係留返元朗食算！老實講係元朗食放題的地方唔算多，媽咪的朋友就話雋太幾好就試一試！平日5:45pm個場只有幾檯人，座位夠闊落唔使逼。點餐紙分咗好多張，而加$38升級，就會有得任食生蠔！趁野食未到就先拎飲品，係雪櫃自取就得，選擇都幾多，汽水、茶、果汁飲品等都有。不過荔枝玉露入面有椰果，但就冇粗飲管提供，飲到啜著咗⋯⋯生蠔每次每人最多叫3隻，size都中等，唔會好細隻，食落都幾爽口，但冇乜海水咸味，對得住個價錢就是了。而呢度特別的地方係有韓式蒸多層活海鮮（4人以上先會有），頂層有扇貝、三文魚，第二層有蝦及蜆。第一次食這類型的海鮮鍋，即使不加任何調味料，都非常鮮味呢！也很少放題會有得食海鮮鍋，夠特別，比大家有多一個選擇！而刺生的選擇都幾多，質素都幾好，三文魚、甜蝦、象拔、榮螺，唔覺有雪味，而數量都會比足！至於炸物同熟食都不錯，夠熱、唔會覺得好油膩，尤其是紫心香芋丸，甜甜地、香芋味濃，真係忍唔住食多兩粒！牛油煎帆立貝同蒜片牛柳粒調得幾入味，但牛柳粒就煮得韌咗少少喇。最後甜品一人一杯movenpick! 另外雪櫃仲有果凍食，但實在太飽已經食唔落喇！價錢方面呢，我覺得都幾抵食，$178一位，計埋加一都$200有找！就算升級任食生蠔$38位，連埋加一先$237.6～ 食物質素OK，職員態度不錯，上菜快也沒有漏單情況，唯獨餐廳冷氣唔係好夠，坐角落位有點悶熱。 …Read More

第一次去酒店食brunch buffet，而不是食Dinner Buffet!但原來brunch buffet 一點也不輸蝕，食物非常豐富，由11點半食到3點，才$319一位(HK$290 加一)呢!巡一巡場睇下有咩食先~首先係回本系列... 加拿大雪花蟹爪、熟凍蝦、淡水小龍蝦、花甲、藍青口、翡翠螺!!睇落都幾靚幾新鮮呀~話明早午餐就梗係要有麵包啦~ 但有迷你yogurt杯就較少見! 一定要食呀!熟食類都好多選擇架~~野菌牛肉卷配照燒汁、香草燒雞、椰香燴羊肉、醬烤燒排骨、牛油香烤鱸魚柳配番茄汁燴雜菜德州風味蟹餅、香草白酒炒青口、千島汁明蝦薄餅、炒薯蓉麵團配鮮冬菇及菠菜、雜菌燴黑意大利飯 、牛油蜜糖粟米脆炸鮮冬菇、荷蘭汁焗青露笋、橄欖油烤雜菜.....太多肉類都要食返d輕盈健康Salad羅馬生菜、車喱茄、粟米粒、青瓜片等等...最後係我至愛的甜品區～！芒果拿破崙、美式芝士蛋糕、雜莓慕絲蛋糕、香蕉朱古力撻、紅酒燴梨、法式小圓餅、朱古力慕絲杯、迷你泡芙..飲品方面有橙汁、咖啡之後，更有紅白餐酒!!最後不得不提這裡有任食Movenpick 及 Haggen Dazs 雪糕呢!!巡完場終於可以拎野食喇~~先來早餐類的 香料鵝肉醬配烘麵包，鵝肉醬好香加上脆口麵包，仲有芝士加滑蛋，簡單得黎又好好味!平時較才食到的菠蘿味乳酪，酸酸甜甜好開胃呀~ 但為咗可以試多d其他食物，忍口唔食多杯喇~再來海鮮及熱食，蟹爪肉質結實仲有海水味，而且蝦肉都不會「梅」。Pizza 好香、口感鬆軟，燒雞皮脆肉嫩，燒排骨非常入味、肉不會過韌。重點係甜品，水準很高的，尤其是signature 芒果拿破崙，芒果香甜，脆脆拿破崙中間夾住少少cream，正呀!另外Cheese cake 好濃郁芝士，加埋消化餅底，好食又唔會膩~朱古力mousse 好滑好creamy，仲有macaron 外脆內軟，濃濃朱古力~最後梗係要食返兩杯movenpick 雪糕啦!!雖然可以食到3點，但太飽再食唔落，實在太滿足喇~ …Read More

話說高中年代，曾經來過這裡BBQ沒想到事隔多年會再跟朋友來gathering~跟我記憶中的模樣好像差不多 :) 不同的當然是收費啦~ 現在假日成人$130，額外收開爐費不過可以跟朋友們慢慢食慢慢傾，都不過$150，都可以啦~喜歡這裡地方夠大夠空曠，不會把BBQ的煙、味困住食物種類都很多，而且這裡是由職員夾食物，感覺比較衛生。至少不會有人夾完又放回去的情況發生... @@每位都包1罐飲品及1樽水，即使不夠再買，這裡的收費也算公道。普遍食物味道都不錯，腌得夠入味特別推介黑椒豬頸肉、牛仔粒，肉嫩而不韌，黑椒口味令人想一食再食，而且平時在其他燒烤樂園中很少會食到，另外的蜜味雞扒甜甜地啖啖肉、咖哩魷魚調味調得幾好，好惹味!!其他丸類也不錯，沒有雪成結冰的狀態，食落也不是淋淋的粉感。另外有烘蜜糖方包及蒜茸法包，烤一陣已經勁香蒜茸味!另外值得一讚，就是廁所乾淨喇~haha…Read More

是夜跟舊同事食飯，而她的弟弟介紹這間燒肉放題。其中燒肉的款式最多，日式放題那些就只有刺身、天婦羅、小食、烏冬我們二人都點了柚子茶，結果來了一壺，一定夠飲啦~ 刺身質素還可以，但只是每樣叫10也沒有比足夠..唯有食完再下單...還有蟹籽沙律、螺肉小食，都是穩陣類，天婦羅也OK，炸粉不太厚，也夠熱喇~燒肉也有分海鮮類及普通肉類，海鮮的喜歡食帶子，至於普通肉類我就喜歡牛肉粒。另外也有蔬菜選擇，不用只做"食肉獸" !最後也是用甜品作結~是日精選甜品是Tiramisu，味道還可以吧~…Read More

我並非抹茶控，但身邊有位抹茶控朋友..然後她約我到這裡lunch，更說一定要食飯後甜品!這裡全日都有套餐，不用被強制散叫食物，比較划算呢!由於我預計到會食到好飽，飲杯茶可以消消濟..而這壺皇室特級紅茶，來頭不小，由錫蘭紅茶、萬壽菊、紅玫瑰花瓣、蘋果、提子、草莓等調配而成，所以呷一口，口腔中已經充滿果香，微甜而不澀，好refresh。日本產溫泉蛋海藻烏冬 (跟餐還有沙律及反卷)這個看似蕎麥麵的其實是海藻烏冬，用上日本小麥粉和含有豐富的食物纖維、多酚、褐藻糖膠、維生素、纖維質的海藻所製成。海藻烏冬比較爽口，口感有點似蒟蒻麵，配上的溫泉蛋亦非常嫩滑，味道比較清淡，健康之選!跟餐仲有甜品 -- 黑芝麻蛋卷這個也很值得試的，因為芝麻味很香濃，蛋糕軟綿綿，中間cream滑但不太甜膩!本來我已經好飽...但說好的飯後甜品...還是點了...抹茶芭菲我是朱古力控，本來就不喜歡綠茶的苦澀味，打算給面子淺嚐就算，卻首次食抹茶食不到苦澀味，只是很濃的茶味呢!一問之下，原來這裡只選用最靚的茶葉，還不連莖，所以茶味濃而不澀!除了頂有抹茶雪糕，還有抹茶mochi、抹茶jelly、cream、海綿蛋糕、粟米片!!份量也夠大，加上之前套餐..飽飽飽!最後，友人已計劃好下一次食抹茶軟雪糕芭菲 @@女生對甜品都特別瘋狂..........…Read More

在朗豪坊完成工作後，偏好台式肉燥飯的我，便去了隔離朗晴坊的屋喔午飯，相對比較少人，可以坐得耐、舒服一點。點了台式雞扒肉燥飯 跟 蜜桃乳酸， 雞扒肉燥飯的賣相很吸引~至於蜜桃乳酸不太甜，帶少少酸，透心涼又解渴!講返個台式雞扒肉燥飯，賣相OK之餘，份量都幾多架~雞扒大件酥脆，咬落啖啖肉，又不會炸得太乾，又不會太多炸粉!隻溏心蛋夠入味，肉燥拌飯，又唔太肥膩，整體都唔錯!食完飯都意猶未盡，再點一個法式焦糖燉蛋，迫同事一齊share脂肪~哈哈!但焦糖剛燒好就唧忌廉，上到檯已經溶咗一pat..影響賣相塊脆焦糖可以厚少少，燉蛋都ok滑，還可以啦~$60 lunch set 價錢都可以，但法式焦糖燉蛋就可以做得好d喇~…Read More

下班後跟同事晚飯，順道抒發悶氣，大吃一餐又可以坐耐一點的就選放題吧~行到兆萬剛巧有職員派傳單，就姑且一試啦~平日晚上六點多都不算多人，但剛好長檯隔離有人，所以可以把簾放下，有較好的私人空間，這個設計非常貼心呢!好多張點餐紙..要逐一逐一揀都要花點時間~ 哈哈!交完紙仔，去揀飲品喇~ 款式都幾多，有500ml樽裝架~刺身的質素都唔錯，但數量就唔係好足~ 但三文魚都幾厚切，甘香，蝦夠新鮮大隻!有我喜歡的日本蕃薯仔，好甜架~比較少有的溫泉蛋呢!!炸物都幾好呀~ 尤其是雞軟骨，香脆好咬口，再encore還有芝士年糕、紫心香芋丸都ok。串燒牛肉粒沒有燒得過火。仲有創意壽司，還可以啦~最後當然要食返杯雪糕同雪米糍啦!連加一每人都是$212，放題來說都算平喇~…Read More

老實說，身為元朗人，著實不太喜歡食x仔罐頭生果涼粉，區內其實還有好多其他出色甜品店，就帶來自九龍區的朋友一試~ 整間店內都是鈕的圖案，貫徹店名「小糖鈕」。行到熱就馬上點杯飲品 -- 芒果蜜桃特飲 因為杯底放了乾冰，所以就不停「噴煙」，香甜芒果蜜桃味，飲落好夠凍，透心涼呀~小糖鈕精選拼盤 一翻開menu就把我吸引住，一次可以試整5款特色甜品，不用左揀又揀啦!左上: 黑加侖子拿破崙黑加侖子mousse 好像食黑加侖子糖一樣濃烈，加上脆脆拿破崙，正呀~右上: 富士蘋果撻配雲呢拿雪糕一向都喜歡食apple crumble，這個加入爽口富士蘋果粒粒及不少餅乾碎，再加雲呢拿雪糕，口感很豐富!左下: 雜莓芝士忌廉杯草莓果肉鋪面，不太酸，再加滑滑 cheese & mousse，酸酸甜甜，好味呀!下行中間: 白朱古力忌廉及意大利黑松露配橙香燉蛋白朱古力忌廉很creamy，黑松露味超香濃，加上淡淡橙香燉蛋，又一力作呀!右下: 意式蕃茄芭菲配紫薯慕絲um... 紫薯慕絲ok架，但係意式蕃茄芭菲就不太岩我口味喇~ 好濃蕃茄味，有d似食茄膏~ haha冰鎮玫瑰荔枝燉蛋放了乾冰不停「噴煙」，連埋玫瑰花瓣好fansy呀!!食落好香甜玫瑰荔枝味，燉蛋又夠滑，味道清新不太甜!這裡的甜品水準高，又有心意，值得去!…Read More

對於住新界的我來說，不用過海返工已經好幸福，更好是在尖沙咀，不愁無"好西"食。想要特色菜式? 一樣有!韓式辣醬豬肉沙律 (HK$98)日式餐廳有韓式菜，但都好食wor!因為豬肉有少少辣，配埋滑嫩凍豆腐，開胃小菜~三文魚他他併柚子味噌 (HK$108)輕炙過的三文魚配上酸甜柚子，仲有黑魚子，又一清新開胃前菜!刺身七點 (吞拿魚、油甘魚、三文魚、黃鯛、甜蝦、赤羽太、帶子)款款厚切，齋睇都覺得吸引!!新鮮就不多講，魚油甘香、肉質嫩滑，無得輸呀!海鮮茶碗湯 (HK$98)食完刺身飲啖湯先~有蝦、帶子、蜆、吞拿魚，所以湯有非常濃郁鮮味，但有點太咸...燒呑拿魚鮫我很喜歡這道菜，因為外層皮脆可口，內層肉質幼嫩，非常魚香味重而且juicy~~ 蕃茄豬肉配鱈魚片 (HK$128)這個也一定要試，鱈魚片燒得香脆，配上豬肉碎，特製醬汁很好呢!甜蝦山葵醬油漬壽司 (HK$38/件)甜蝦都幾粗身，好鮮味，加上辣辣wasabi，好剌激味蕾呀~哈哈!去開尖沙咀的朋友仔可以試試!…Read More

之前食過X八韓烤之後覺得失望，因為初初開業都OK，到後來每況愈下...所以就想搵地道少少既韓燒，暴風吸入全店都是Oppa / Onni，所以就想試下~點了二人套餐、牛舌及海鮮魚餅湯(小)後，很快送上醬料及配菜。餐牌中有特別介紹秘製醬料，非常有心思呢!牛肋肉、豬頸肉及牛舌都到了，食指大動，但在想從何入手之時，Onni就走過來幫我們燒，而且排得非常整齊，一點都不馬虎呀!重點是他燒得一定比我們好，再配特製烤肉醬汁，令牛舌味道更突出!之後當我們把牛舌食得七七八八，又有另一位Oppa幫我們燒牛肋肉及豬頸肉，用火槍封鎖了肉汁，不會燒得太乾太韌，然後這次再分別配咖哩鹽及蔥油，令其更加惹味!!尤其是咖哩鹽，平時在其他韓燒不會試到，既特別又惹味，想不到跟烤肉如此夾呢!另一個樣的特別食物是洋蔥蛋，平時洋蔥炒蛋可能食得比較多，但以洋蔥盛載蛋再慢慢燒熟，很吸引呢!跟餐的還有海鮮蔥餅，有芝麻及蔥香，煙煙韌韌，不錯呀!另外還點了海鮮魚餅湯，送餐時有點被嚇到，好多料呀~~~~~~海鮮中有青口、蝦、魷魚、還有魚餅，單是吃湯料都飽了....湯加上胡椒粉，是帶出鮮味，但咸了點。最後埋單$840，但其實點得太多，好飽呀!!…Read More