近排見到好多酒店做點心放題，就直接係Openrice book左間做緊優惠既餐廳黎試試。星期六都多人食，但係台同台都分隔得好開，坐得好舒服。仲有好好彩地前面張大台冇人坐，望住個海景好chill。交單後，侍應就會上餐具，D餐具應該消毒過好熱。好快就上凍盤小食，手拍青瓜爽脆，冰鎮豬手好彈牙encore左3次。咖哩魚蛋同7-11味道一樣，椒鹽豆腐粒，外脆内軟唔錯。蒜香雞中翼，外脆仲keep住肉汁。 蝦腸粉同牛肉腸粉正常發揮，珍菌松露上素餃冇咩味，蝦餃燒賣好好食，皮薄又唔會好厚。雞粥得好重姜味，黑金流沙包超級推薦。最後到每位一份既食物，花膠瑤柱灌湯餃，花膠好厚個湯好飲。芝士焗蟹蓋味道一般，鮑魚撻個餅皮濕。…Read More
