tungtung_daphne的個人專頁

今次去咗呢間新餐廳 好正啊位於是銅鑼灣中心位置，所以好容易搵到因為知道係燒烤店，但入到餐廳，感覺舒服餐牌選擇好多，生啤仲有買一送一今次當然不少得食烤魚我們點了孜然味烤清江魚 對於我平時勁憎芫茜的我 今次d朋友係咁落 但個汁係濃味到可以蓋過d茜味我勁中意魚肉又香又滑 仲可以追加午餐肉啦蝦啦牛啦 咁大碟都係300幾蚊 夠4個女仔食跟住嗌咗好多燒物 個茄子又係好抵讚睇相都feel都有幾大條埋單雖然唔係平但真係物超所值 食到好飽好滿足…查看更多

每次一放lunch，觀塘都會逼爆人，今日12點上到餐廳，未有人，原來岩岩開門，不出半個鐘，餐廳已經坐滿人，大部分都係白領，想出來relax下點解我會話抵食呢？因為佢既set lunch由$82-142，包湯/沙律、蒜蓉包、主菜、飲品，甜品，好豐富，最後我同友人揀左c餐炙燒三文魚配明太子卡邦尼扁意粉，同埋D餐和風照燒汁雞扒配玉子燒定食樂園單好快就上咗餐湯、蒜蓉包同埋奶茶，餐湯係椰菜花忌廉湯，淡淡椰菜花味，夠熱，配上熱辣辣既蒜蓉包好好味，餐廳對待餐湯同餐包都係認真既。奶茶一般，茶味唔夠，亦唔太夠熱。意粉好creamy,質素好過出面好多收百幾蚊碟既cafe，三文魚量多，而且岩岩好熟，加上明太子好香，份量睇上去唔多，但食落好漏，兩個人share岩岩好！照燒雞扒配玉子燒有驚喜，雞扒好多肉汁，雞皮燒到香脆，切開4件方便食，玉子燒上有熟洋蔥，煮到好淋好香甜，玉子燒偏甜，吸收啲雞汁好味，飯係珍珠米，無咩特別甜品竟然係泡芙同埋芝士蛋糕，味道唔係有咩驚喜，但係就令人好滿足，值得一讚！賣單每人100蚊左右，好抵食，食左個full set餐，餐廳都無話限住用餐時間幾耐，食得輕鬆，環境都幾好，好坐，係放飯一個好選擇…查看更多

本新好中意食哩間野，今日諗住再去食，俾一位操內地口音，紮馬尾既女店員激到要即走唔食是日星期日，夜晚6點幾打去問有無位，話無得訂，叫我walkin 7點40上到去，話而家無位，有張就黎走，叫我等一陣，問我有無安心出行，我話無一路等，等到8:05，入左好幾組有安心出行既人，問哩位店員先知，有安心出行可以入先，因為間餐廳分左寫紙同安心出行既枱我同另一組填紙等緊位既食客即時覺得個店員好有問題，一開始無解釋過餐廳有劃分區域，等左半粒鐘，問先講？店員態度惡劣，不停話尊重我哋填表，不過填表就無枱。最後，另一位食客開左個假既安心出行俾店員睇，順利入餐廳。我都激到一肚氣無心情走左餐廳要劃分枱我覺得無問題，但而家店員既態度俾人覺得歧視緊填表既人，對哩間餐廳徹底失望…查看更多

喺openrice見到哩間野，好似唔錯，係open area黎，喺門口等左好耐無侍應，喺第二個入口見到個女侍應話2位，無回應，遠處有個男侍應話2位埋邊，幫我地量體溫，安排座位，坐低左一陣，又有另一個男侍應又走埋黎問我地有無訂位，我地話無，佢就叫我地離開，真係離哂譜，我叫佢brief下另一個侍應啦，佢話會架啦門口哩邊，服務態度好差，邊有可能無位啲侍應會唔知，仲要安排左客人趕人走，仲要啲態度差成咁，憑甚麼…查看更多

今日同朋友黎到哩間餐廳食飯，之前食過尖沙咀分店覺得好味，今次黎銅鑼灣試下我地叫左一個套餐，包湯/前菜、主菜同埋甜品，再散叫左一個意粉我地揀左蘑菇湯，一上枱已經聞到好香，飲落超濃菇菌味，鹹度岩岩好，一啖接一啖停唔到，旁邊塊多士就麻麻，乾硬左啲主菜揀左安格斯肉眼扒配黑松露薯蓉，塊牛扒真係煎得好出色，五成熟岩岩好，唔會出哂血水，又唔會熟到咬唔開，好多肉汁，而且有炭香味，認真唔錯。黑松露薯蓉好香滑，不過略嫌有少少漏，兩個人share岩岩好散叫既香草鮮蠔芥末忌廉意粉都好美味，估唔到芥末同忌廉係咁夾，扁意粉好掛汁，啲蠔好鮮味，無腥味我地仲叫左一杯Ruby sunrise,有菠蘿同橙既香味，好fresh最後上埋套餐甜品，今日是日甜品係芝士蛋糕，擺盤好靚，味道普通總括嚟講，700蚊兩個人食到好飽，環境好，食物質素高，無論牛排同意粉都好推介，服務員都好有禮貌，會再嚟食…查看更多

對於壽司、刺身，一直都有要求，新鮮固然不在話下，有時有2、３款刺身不合胃口，就會覺得食得不夠過癮、不夠盡慶今次試這間，感覺很乾淨，地方也闊落又舒適，裝潢很日系很亮眼餐廳主打當然是勝手丼 ── 源於日本北海道的自由搭配刺身蓋飯，豐勝手丼提供30多款時令刺身，包括最受香港人歡迎的日本海膽、吞拿魚腩、深海池魚和牡丹蝦，大家可隨意挑選幾款喜愛的刺身，度身炮製一碗啱自己心水的海鮮丼！餐牌、酒牌選擇多丼飯有三文魚子丼、大拖羅丼、赤蝦丼，睇照片已給經很吸引，賣相吸睛，今次選了三つの国雲丹丼($298)，啖啖新鮮的海膽，未食已經感覺有種幸福滿足感不可以錯過的雲丹丼，是指海膽丼，原板韓國海膽、加上濃郁甘甜的日本海膽，以及必試的加拿大海膽，我是海膽控，一定不會錯過再配上一杯梅酒真心好…查看更多

一入到去，要搭枱都算，不過無隔板，我等對面既人食完我先叫野食叫左個豬排芝士撈丁，包奄列同埋多士奄列同多士好快就到左，普通質素，多士都算脆，奄列好油然後等左半個鐘，個撈丁都仲未黎，問個店員係咪漏單，佢第一句同我講what’s up?咩事而家，同你好熟？同佢講漏單，佢竟然同我講豬排即叫即煎，唔幫我追單。過多5分鐘，真係火都黎，叫另一個店員黎，終於肯同我追，話3分鐘即上，哩個高大店員禮貌就好啲，識講唔好意思。豬排係新鮮煎，但味道唔特別，說不上秘制。芝士味好甜，汁唔夠，撈唔到成個麵煎塊豬排要半個鐘有多？咩豬排咁巴閉？仲要當時餐廳得幾台客。餐廳要做好店員培訓，唔係黃店就會有生意。服務差真係死罪，何況食物真係一般？順帶一提，餐廳冷氣唔夠，長期頭頂開住勁多大風扇頂住，啲食物極速凍，個人都未涼最後埋單58蚊，食到一肚氣真係唔抵…查看更多

一入門口，店員的服務態度很親切，有種像是很久來過的感覺（雖然第一次去）首先看到的是落地玻璃；日系的裝修想起日本的居酒居有種深夜食堂的感覺蒜子蕃茄沙律一來店員送上很開胃的蕃茄沙律，酸酸的口感很舒服，加上外面很熱，吃一口很舒服！白金豚肉流心蛋捲豚肉很嫩，包上流心蛋，真的很讓人意外！一口咬下去，很好吃！白金豚腩肉燒得很香，還保留了豚肉的油汁，咬一口味道超棒！燒豬皮意外地好吃！燒得很脆，加上有點粘粘的口感，想一直吃！會再點難得的晚上可以和朋友一起邊吃邊等燒物，感覺很好開心又輕鬆。…查看更多

店員態度很好，很快就有位🙏🏻而且很細心講解有什麼好吃！見到有期間限定，於是很快決定地點方便，很容易可以找到。環境舒服，以綠色和原木色為主調，令人感到溫暖！今次見到有期間限定龍蝦menu~~真心想試 因為對於蝦，真是忍不住！招牌龍蝦Pizza . 店員一擺上來，會燃點火焰！好驚喜！外脆內香的Pizza , 很滿足！從龍蝦湯到龍蝦Pizza, 再到龍蝦芝士通粉！套餐還包菠蘿特飲，真是食得好暢快！龍蝦湯很濃郁，材料夠足！這一點加分…查看更多

已經唔係第一次嚟呢間餐廳，呢間餐廳交通唔算方便，即使係牛頭角地鐵站行去都要15至20分鐘，但冇咗我去呢間餐廳嘅決心，因為啲食物真係特別得來又好食兩杯好靚嘅菠蘿汁，味道正常，唔會太甜，解渴又開胃蘑菇湯有一粒粒蘑菇口感，好creamy,不過修量如果再多啲會更好，隻碟比較淺蕃茄蟹肉意粉係翻兜之選，出邊嘅蟹肉通常配白汁意粉，呢度滿滿蟹肉，加埋酸甜番茄，係好夾味架，而且唔會漏，份量好大份，兩個人share岩岩好上次叫咗蟹肉墨西哥片，今次試吓肉醬墨西哥片，滿滿嘅墨西哥風味，有少少孜然味，又有少少酸瓜味，加埋辣椒仔嘅味道，熱辣辣脆卜卜好正，份量好大，我地兩個盡哂力都食唔哂忌廉薯仔雞肉批絕對係我嚟呢間餐廳嘅最大動力，因為好少地方有得食，超滿足，忌廉煙肉蘑菇洋蔥蘆筍加埋真係香到不得了，薯仔同忌廉非常夾，蘆筍令到成個菜式冇咁漏，美中不足係略嫌鹹咗少少，應該係落鹽重手左啲黎個大合照，睇番都想食番。賣單548蚊，絕對係三人份量，不過貪心樣樣都想試就叫多咗，絕對會再嚟…查看更多

好耐冇黎呢間新派台灣菜食飯，今日去咗大館行，行完就黎呢間餐廳食飯，係出面等左一陣，好快就安排入座。餐廳入邊播放着台灣歌曲，好啱我聽，基本上隻隻都識，好有台灣feel前菜叫咗雙色台灣香腸，基本上兩隻顏色味道差別不大，香腸揸到好香脆，上面嘅大量炸蒜令整道菜生色不少，冒着口臭嘅風險，都要食晒啲蒜佢我哋冇叫到傳統嘅牛肉麵，膽粗粗叫咗一個黑蒜香油牛肉麵，結果冇令我地失望。台灣刀削麵好粗條，口感十分煙韌，好好咬口。糖心蛋蛋黃漏心，好好吃。湯底充滿黑蒜油嘅香味，值得一讚嘅係有大量炸過嘅蟲草花，出奇地同呢碗麵好配合。豆腐卜同油炸鬼炸得有啲過火，唔係好索到汁日式鰻魚起司粟米蛋餅一上枱香氣撲鼻，蛋餅略厚，蛋餅入邊有好多芝士同粟米，口感豐富。一整條鰻魚上邊有芝士同木魚，鰻魚香甜，有少少韌。呢度嘅招牌菜Oreo奶奶麻薯，麻薯真騰騰，好香牛奶味， 十分冰涼，木薯粉份量適中，所以食完唔會太膩賣單四百蚊左右，價錢合理，會再黎食，值得一讚嘅係員工服務態度好好…查看更多

想試呢間餐廳好耐，今日終於有機會試。餐廳位置唔算方便，牛頭角地鐵站都要行15分鐘，鄰近觀塘海旁，食完飯可以去散步。餐廳客人都幾多，好多都係樓上嘅打工仔放工你飲杯酒，食餐飯relax下。先叫咗一杯菠蘿汁醒醒神，唔係鮮榨，係盒裝果汁，冇咩特別。蘑菇湯飲得出用新鮮蘑菇打爛，唔係用生粉水溝出黎，所以有粒粒蘑菇嘅口感，十分香濃。前菜叫咗蟹肉nachos,焗到個碟勁熱，好多蟹肉忌廉汁喺上面，加上邪惡嘅芝士，好香脆好惹味，不過食完成晚都覺得有啲口渴主菜叫咗番茄蟹肉扁意粉，好多汁，唔會乾爭爭，蕃茄味十分香濃，加埋一絲絲嘅蟹肉，味道真係好夾芝士焗雞肉薯仔批唔係度度都有得食，一見到就即刻嗌，因為成個配搭一聽就知好好食。忌廉汁香濃，好多芝士鋪喺面，加埋煙肉蘑菇洋蔥，十分香口最後埋單每人唔使$300 ，不過今次係貪心左，所以兩個人食都覺得好膩，建議3人以上黎share…查看更多

哩排好少約人食飯，今日同朋友去天后搵食，食好耐無食既西班牙菜叫左一杯virgin colada,有波羅味，淡淡椰子味，仲有7喜味，第一次飲有氣既virgin colada，可以落多啲椰汁會更香叫左個truffle bikini,多士好薄，火腿好香，仲有松露同芝士，味道岩岩好唔會過鹹松露愛好者一定會叫既薯條，新鮮炸起熱辣辣，點松露醬或者茄汁都好夾主菜叫左肉眼，5成，唔會血淋淋，好淋唔會咬唔開，有炭烤味，好大塊，好鹹香最後點少得甜品，叫左一個crispy chocolate and caramel,焦糖蛋糕質感似cheesecake,消化餅餅底好香甜，加埋士多啤梨蛋糕減輕甜膩感，我係焦糖愛好者我好中意，不過朋友就覺得甜左啲賣單每人三百幾，飽到捧住肚走！…查看更多

用料好+服務好，漢堡包叫左芝士漢堡同埋牛肉辣椒漢堡，個包甜甜地，好似提子麥包既味，十分鬆軟，仲要烘到好脆，牛肉好厚，有得揀幾成熟，揀左7成熟，好似熟左啲，早知揀5成，入面既焦糖洋蔥超好食，好香甜。辣椒漢堡唔辣，多左啲醬汁同酸青瓜。另外叫左炸雞柳，個醬汁有孜然味，我唔中意但朋友超中意！另加左個辣肉醬薯條，好香脆，唔辣。值得一提係服務好好，特別讚賞戴眼鏡女服務員，問我地食物好無食，主動拎好多唔同醬汁俾我地，最後想叫甜品既時候，佢仲主動送左個oreo甜品俾我地，個甜品超正，係oreo雪糕，即場加暖既朱古力醬，再加上Oreo 碎，好完美既句號。有時候服務真係會為成餐飯加好多分，一定會再黎食！…查看更多

好想食燒烤又唔想自己燒，就黎到安安燒不勞而食，唔係第一次食，今次係第3次翻兜先叫個冬瓜檸檬沙冰解解渴，因為一陣啲串燒辣辣地燒娃娃菜入哂味，保留少少爽口，好惹味牛吞好厚，而且好淋好淋，鋪滿孜然粉沙嗲豬頸肉個醬好正好香，可惜豬頸肉略韌，唔係幾咬得開燒芝士腸都燒得個面夠香脆翠肉瓜好好食，爆汁，又清甜。四季豆都唔會乾，味道正正常常。安格斯肉眼牛柳串都好淋，但肉味唔算好濃日式煉奶燒麻糬超好味，麻糬外脆內軟，又夠煙韌，沾埋花生煉奶好滋味燒茄子夠哂熟，茄肉唔痴皮，勁多蒜好入味燒墨魚仔好爽口，味道岩岩好燒雞中翼不過不失，雞翼唔算肥美，雖然話係秘製醬燒，但同其他串燒味道唔算太大差別蒜香芝士撈丁每次必叫，芝士加蒜香上加香，食完個口勁臭，但都值得2個人食到捧住個肚走，叫到忘我都係400蚊，哩個份量其實3個人食都夠…查看更多