eatingismylife96的個人專頁

未開門，已經好多人係出面排隊，建議book定枱。2人套餐 $298，包好多野食，而且份量大，計埋加一，平均每人$170，可以玩兩個鐘，幾抵玩。- 餐湯: 南瓜忌廉湯有絲絲南瓜，飲落有驚喜。- 小食拼盤有炸魚塊、爆谷雞塊同脆薯，雞塊味道似麥樂雞，係回憶中既味道。脆薯唔太脆，有啲失望。- 三重芝士意大利麵意粉偏硬，有咬口，係我中意既硬度。肉醬食到粒粒蕃茄同洋蒽粒，食落有啲似牛肉，好好送飯。- 安格斯牛肉手工竹炭漢堡 配脆薯一上枱，超震撼，因為好大份，竹炭包鬆軟，漢堡有成四層，上下分別有蕃茄同沙律菜，中間係車打芝士同勁厚既安格斯牛排，牛排係自家製，仲食到粒粒洋蒽，好juicy。 -Oreo脆脆朱古力雲朵冰沙 (跟餐加 $20)天氣咁熱飲沙冰就最岩!- 400次薄荷朱古力 (跟餐加 $20)前排好hit，仲有多款選擇，濃郁既薄荷朱古力奶蓋，唔會太甜，好正!…查看更多

#長沙灣 #cafe餐廳生意好，建議去要訂位。Menu要掃QR code先睇到，有啲唔習慣，但上菜速度好快，值得一讚。主菜每人加 $20，可轉set，包餐湯同甜品。主菜#巴馬臣芝士意大利雲吞 野菌忌廉汁 $108一份有約8粒雲吞，都幾飽肚。雲吞皮厚薄適中，有咬口。咀嚼下，超香芝士味。#法式油封鴨髀配藍芝士忌廉汁 $118呢個要等耐少少先上枱，整作需時。鴨髀超大份，有兩隻，好抵食。外皮煎得香脆，但肉質偏鹹，一定要配個藍芝士忌廉汁中和翻! 非常配搭，可惜醬汁得好少。甜品#藍莓芝士蛋糕是日蛋糕，唔會好甜。#Tiramisu 經典甜品，蛋糕濕潤，cream幾滑。飲品#玫瑰花水果茶 (跟餐加 $20)花茶養身消滯，有超多生果，飲落甜甜地。…查看更多

裝修型格，地方寛敞，好岩同一班好朋友一聚。強烈建議要book位，因為7點開始已經坐滿人。既然叫慢煮工業，就叫左款慢煮牛食。36小時紅酒慢煮牛面肉 $158既然叫慢煮工業，就叫左款慢煮牛食。面豬登肉軟稔，雖然冇咩肥膏位，但帶膠質，食落唔乾柴。底下有蕃茄、紅蘿蔔和薯仔墊底，薯仔吸收晒肉味，芝士温泉蛋大咖菇 $88成日食大咖菇都有陣草臭味，但呢間冇。一切開切流心，蛋味濃郁，配搭味道冇咁濃既mozzarella，好滿足。日式煙三文魚粟米薄餅 $88煙三文魚份量十足，啖啖都食到，餅底尚算脆，但有啲部份比較硬。慢煮紅酒梨配雪糕 $48其實第一次食呢款甜品，梨充份吸收晒紅酒，煮到好淋，食落有肉桂味，微温上台，配搭vanilla雪糕，一熱一凍，口感有趣。荔枝接骨木花特飲 $38接骨木花其實冇咩味道，飲落甜甜地，好岩配濃味既食物。餐廰仲有多款手工啤，但朋友唔飲酒，唯有下次先試。歡迎follow IG: fatsnow02…查看更多

有左限聚令，加上鋪頭唔算大，座位唔多，所以決定叫外賣。可能因為星期日，午餐時想叫三文魚玉子蟹籽飯，可惜話冇玉子，所以叫左三文魚蟹籽飯。睇落唔差，點知其中一盒飯有條橡根係飯盒內，直接接觸到魚生，實在唔衛生，尤其係咁既時候。另外，飯內wasabi仲黐左塊魚鱗。已經同店鋪反映，雖然話可以換個盒，但我地都廢時再行多轉，只希望情況有改善。講翻食物質素:角切魚生飯 (前)$70 同 三文魚蟹籽飯 (後) $60飯偏硬，刺身份量算多，三文魚都幾厚身，咁既價錢就食到，算OK，仲會附送蟹柳。…查看更多

由IG做到有實體店，一直有留意同支持，水準一直維持，仲要係黃店，一定要大大力懲罰先得。粒粒紫薯(前): 紫薯味唔算好重曲奇流心(中): 好重曲奇味，但係食多幾淡有啲甜蜂蜜味(後): 出奇地好香，蜂蜜味濃…查看更多

餐廳裝修行懷舊風，甜品選擇多。整體甜品唔算甜，價錢可接受。豆花紫花園 $38超多料🤤有黑糖水晶,紫米,豆腐花,芋圓...黑糖水晶似有甜味既涼粉，配埋一齊食，幾好食。本身最期待冰烤紫薯雪糕，食落雖然滑，但冇咩紫薯味。另外，芋圓食落煙韌，還過得去。椰汁西米配包心芋圓 $29係有饀既芋圓😍真係第一次食，總共有三款，每款都包左唔同饀，地瓜圓最好食👍入面包左芋泥，煙煙韌韌，碗仲有好多粒。只有兩款糖水跟有饀芋圓，如果其他甜品都可以加就好。…查看更多

沙田少有既黃店，每次黎都排長龍。#Peking Duck Bun北京烤鴨放入漢堡包入面，雖然烤鴨皮已經唔脆，但醬料濃郁，配包又幾夾。甜品永遠冇令我失望! 又靚又好食!#Apple Crumble即叫即焗，配上香草味雪糕，蘋果酸甜，面層既餅碎鬆脆。#Green Tea Waffles窩夫外脆內軟，好多配料，有抹茶同香草汁，中間個球以為係雪糕，其實係番薯球，仲有抹茶雪糕同抹茶crumble，隔離有蘋果提子醬，有啲似apple crumble既饀。#Earl Grey Tea Toast非常推薦，一切開非常流心，食到earl grey 既苦澀，又比上面既雪糕中和翻。一苦一甜，一冷一熱，好豐富。…查看更多

#草莓奶昔奶昔可選多款味道合併，發揮創意飲落唔係好假既草莓味，順滑杰身，雖然價錢比較貴，但勝在好大杯，食包同食薯條食到口乾，一定要飲野，咁先完滿。#普通漢堡塊漢堡一啲都唔乾身，煎到有少少脆口，又有肉汁，可自選多種配料同醬汁，都係個句，價錢有少貴，但都飽肚，同值得試下。…查看更多

環境優雅舒服，午餐set包前菜同甜品，全部$200內搞掟。#柚子海鮮沙律有少量大蝦、魷魚同帶子，主要有青瓜同柚子，醬汁清爽，幾開胃。#越南生熟牛肉牛筋湯 可選金邊粉或河粉，加啲辣椒更加香，湯好濃郁，但飲得多有啲口渴。牛肉切得簿，入口唔韌。另外仲有粒牛丸同一兩塊牛栢葉。#越南咖啡 必試!!! 咖啡帶甘甜，入口順滑，有啲榛子既香味，可能飲開齋啡，完全唔使落糖。甜品有芋頭西米露，西米煮得好淋，芋頭好粉，食完好滿足。…查看更多

岩岩開張時，每日排長龍，宜家堂食雖然少左啲啲人，但外賣條龍多左好多#秋葵牛丼女仔食，簡 S size，岩岩好，加多左隻蛋，係飯中央挖個窿，打隻蛋落去牛肉汁可免費另加，加左更香。加埋秋葵有啲滑潺潺又爽脆，成個口感好正。…查看更多

2點後有下午茶餐，$50就包埋特式飲品。#炒金邊粉有幾隻開邊大蝦，個人覺得花生碎好重要，成個粉夠香靠佢，金邊粉夠鍋氣，份量都夠多。飲品叫左紅豆冰，可惜紅豆好少。…查看更多

#鴨舌超爽口彈牙，調味剛好。#水煮魚睇落好辣，但食落越食越滋味，佢有大量薯粉係底，吸晒所有精華，魚肉份量都多。#羊扒好驚羊騷味，但呢個一啲都唔騷，仲有羊肉味。羊肉煮得剛好，好易切開，入面仲係粉紅色，雖然旁邊放左好多小辣椒，但唔辣，反而為羊肉帶黎香味。模仿片皮鴨，附上椰菜絲、薄餅皮和兩款味粉: 辣粉和孜然粉。羊肉表面燒得香脆，脂肪比例較高，入口淡淡肉。雖然個人覺得都係片皮鴨好食啲，但呢個幾創新，可以一試。…查看更多

Foodcourt座位多，好易揾位，見唔多地方可以試到新加坡菜，所以試下。通常唔會對foodcourt期望太高，但呢個炒麵實在又貴又唔好食。有兩款麵炒埋一齊，會附送青檸比你中和下重口味，但都唔夠，實在太油膩。…查看更多

支持黃店，翻版吉野家，當然一分價錢一分貨，下午茶價錢平，仲包飲品，凍既只有汽水，熱既有玄茶，但份量就少左啲啲。#牛肉飯 $20牛肉有啲過肥，見咁平就算，但同圖片有出入。#薯餅 $6 #脆辣炸雞 $5所有小食全部$10以下，薯餅幾食，薯蓉好滑，仲有粒粒粟米。炸雞都唔錯，新鮮熱辣炸出黎，肉質幾滑。#牛肉米粉 $22牛肉少得可憐，得個兩三片咁，湯底比較清淡，食得唔飽肚。下午茶時段好多人，但翻枱翻得好快，唔使等好耐位。…查看更多

建議book定枱，walk in 等左起碼30分鐘，不過都值得既，餐廳環境靚，每道菜都有個好靚既碟，賞心悅目，係少有擺碟咁細緻，價錢中上既中餐廳。#馬蘭頭百頁素千卷 $80味道清淡，一口一淡，馬蘭頭帶少許草青味，未必個個人受到陣味。#烤北京填鴨 (半隻) $180必叫既一道菜，幾乎每枱都會叫。外皮脆卜卜，包著青瓜一齊食，可以消濟，兩個人分都好夠。#川味蒜泥白肉 $88麻味比較重，豬肉肥瘦適中，肥膏部份彈牙，愈食愈滋味。#土雞湯小雲吞 $68湯好濃香，清清淡淡…查看更多