kasey_kayiiiii's Profile

好日都唔黎海港城 難得黎到都突然覺得口渴 見到有間coffee academics 一定唔會死，點知入到去坐到 地方狹窄都唔緊要，個地場好焗 完全焗到，好似抖唔到氣咁🥲 咁見有outdoor 有一張空枱 問職員A可唔可以坐 例牌一句冇任何聲調語氣 就話唔得。問職員B 就話要先出去埋單先可以坐出面 都無所謂 但想講返 場唔爆 我落左單20分鐘 我叫左一杯手沖咖啡，一枝有汽水。手沖咖啡要整要時間明白既，但係咖啡試左之後一枝咁簡單係雪櫃拎出黎既有汽水都未上到 係咩原因呢？職員態度都態度可言 講野無尾音又唔太helpful，感覺今餐係比錢買難受，一定無下次😡…Read More

平時每年都會飛兩三次泰國，但係今年係疫情之下邊度都飛唔到🤐 今日行行下突然之間就係好想飲果種偏甜而有橙橙地色，茶同煉奶嘅奶茶🤤 忍都忍唔到要即刻飛扑去買一杯以解家鄉之愁🤤飲過嘅人都知，佢哋奶茶不嬲都係偏甜，所以佢哋飲品都係爆冰，之後等佢慢慢用嘅時候就會稀釋返，不過唯一同泰國唔同嘅係，佢哋用嘅冰係有分別，因為泰國係小碎冰，但係香港就用正常正正方方型嗰隻冰，可能呢個就係嗰種美中不足🤭 如果可以用埋小碎冰就十分之好，就更加又返咗泰國嘅感覺👍🏾 …Read More

如非必要，其實係而家疫情底下，都應該減少外出用膳。但係屋企個雪櫃真係乜都冇，唯有落街食個晏，再入貨補給下🤔 唔想阻到有需要堂食既人，所以食個快既車仔麵！車仔麵世家，平靚正！$55有五個餸仲包埋野飲。特別推薦佢個豬腸/冬菇同豆卜。不論係麻辣定滷水麵係咁好味，冬菇細細粒炆得好入味，然後豆卜應該同蘿蔔放埋一齊煮，所以豆卜有蘿蔔清甜既味道，下次要試下叫黎食先。另外，想講店內全部姐姐麵好多禮貌，而且野食都速度好快，而且d湯汁唔會成個碗都係，係一碗好整齊唔會好油咁一碗麵上，十分欣賞🙏🏾…Read More

寫返早兩星期個疫情仲未再嚴重返嘅一餐🥺 話說嗰日要去做完婚前檢查，但又未諗到食咩，之後一直喺電話度search🤔 最後決定去診所附近食，其實都好耐冇食過呢一間但係水準都保持得好好🤤 為咗慶祝做完檢查可以食餐好！食過呢一間嘅人都知，呢間fish & chips 都真係冇得輸，魚嘅炸漿又做得好，油而不膩，一咬入口嗰種香脆，即刻又流口水🤤叫咗另一個三文治，兩個人都食得好飽，跟包你嗰醬料又係無敵，唔點又得，點左個包嘅味道層次就升級🤤🤤 希望今次第三波疫情快啲過，各行各業都可以快啲好返，咁就大家都可以繼續食好野🥺…Read More

點解天氣可以咁熱🥵但係就係因為咁熱，更加想令人食碗好熱嘅麵。喺34度下嘅高溫，仲要搭電車去石塘咀，好彩距離電車站好近。而且咁啱去到又唔使等位，店內阿叔阿姐都好好，咁岩見到個阿姐拉緊面，仲有一部好舊式嘅收音機，完全感受到呢間舖頭係有歷史。一坐低就忍唔住想嗌碗牛腩雲吞麵，湯底都係咁好味，雲吞裏面嘅蝦好爽脆，一種淡淡嘅鮮味，令人好想再繼續食多粒，牛腩都炆得好入味，咁啱師傅俾咗舊牛筋我，嗰種軟綿綿嘅感覺真係好正🤤本身食完碗麵，想加多碟炸醬肉絲撈麵，不過都係等下個禮拜再嚟食啦。飲埋啖可樂就走，正🍜…Read More

難得星期日瞓到自然醒😎 起身都2點，當然要出去hea下食個好既下午茶，之後睇下openrice屋企附近有咩食，搵搵下就搵埋過西環，見到間泰式船麵🧐 因為之前食過一間覺得唔好食，對船麵的確有保留。但見呢間有好多，咁就比次機會佢啦!泰式奶茶係每次去泰國必飲，見到佢寫住自製都忍唔到手叫左一枝，味道好正呀，我相信佢係比正常既小甜左，需要佢用樽仔裝，但好岩我呢d每次食飯都一定飲唔晒既人👍🏾呢碗麵不得了！顛覆我對船麵既睇法🤤 佢個湯好不得了呀，所有野都好夾，睇落好似好細碗咁，但原來唔係架！食完好飽肚，一定會再返黎食多次😋😋呢個小食不過不失，可以唔叫既，不過下次想食佢個炸蝦餅😍😍😍我已經好想快d到下星期六又去食多次呀🤣…Read More

好耐無出街食飯啦😂 至從搬左港島區就真係少左過九龍區食飯🍽 因為之前社交平台見到朋友tag左我話想食呢間新開既餐廳，加上佢又生日，好啦！咁我就出山陪佢食個飯😂我地收工8點約定係門口等，果然係新開餐廳，門口已見人龍，但係條龍都好快，大約10分鐘已經可以安排入坐😀 同時職員都會係門口比定menu你睇，等你一坐低就可以叫得！啱晒我呢d每次食飯都要諗好耐嘅人🥴其實一坐低餐紙都有教你應該點去食呢個鐵板漢堡扒，但職員都好細心，係每次上餐都會再講一次。 而且因爲係鐵板同熱石，佢地都會好小心去上餐同收餐，擔心d醬汁會滴係客身上😚落單後，職員都會重覆一次落既食物然後提醒我可以先拎面前餐具可以自己再消消毒，之後佢就會拎個餐具筒令到枱有更多既空間，咁有心既職員真係要加分💯每個餐都有飯+湯+沙律+泡菜+調味(鹽+燒肉汁)，食晒所有都真係已經飽飽。講返味道：每件漢堡扒都好多肉味，大概因為係和牛關係，就算點煎得乾，肉質本身都一定既油份，加上有唔同既配搭，味道真係出奇地match🤤🤤🤤.最值得一讚係，你依為燒肉後一定會有好濃烈既燒肉味痴係身？你錯啦，因為佢抽風真係做得好好，食完行出鋪真係一d味都無！勁！…Read More

今日可以瞓到自然瞓, 表示好感動😭 星期六當然要飲個茶咁先叫美好既weekend🥰 周記個名就聽過好多次, 每次都懶唔願郁. 今次終於的起心肝去試試佢😆食完我決定下次要再返黎食佢其他野🤤菠菜蝦肉餃一咬落去, 餡料非常之充實, 完全係大件夾抵食, 佢一籠有三隻, 而且每隻外形都包得好好, 夾起唔會散, 絕對沒有overcook.咸蛋黃流心西多士呢個應該係周記名物啦! 一切開真係流晒出黎, 唔會過咸, 凍左又唔會難食, 兩個人share一份就剛剛好, 識食一定會揀佢🤤…Read More

好耐都無寫個食評啦🤦🏿‍♀️ 自從搬左屋, 轉左新工都好耐無得閒過🤷🏾‍♀️ 呢日咁岩係PP做完野, 然後同同事又唔知食咩, 行到的士站附近見落雨有排等, 又肚餓不如食埋自返公司啦!一入到去可能因為都過左lunch time, 客人都唔多, 安排我地坐左張角位枱, 都算舒服, 不過就有d焗.Double Cheese Burger 味道好豐富, 牛肉味濃, 麵包唔會比牛肉汁整到淋晒. 不得不提薯條好脆, 調味方面剛好, 唔會只係得鹽味係會有啲辣味. 食完成個都會飽嘅🤤Beer Cocktail (唔記得個名)星期五當然要TGIF, 我見同事們都burger配咖啡, 都真係唔太夾🤦🏿‍♀️ 我忍唔到要叫cocktail去配burger. 呢杯好似係beer+lime+soda, 酸酸甜甜, 去油膩一流👍🏾下次去可以食佢啲cake, 因為種類都多, 值得回頭🤓…Read More

今日話說睇左某假期既廣告就特登返入元朗食飯，一心期待佢有個優惠，可能係自己唔夠細心，原來特價優惠只適用於平日3-6點，禮拜五六九點至11點🤷🏾‍♀️咁冇優惠都照食啦，其實本身價錢都OK，一般粉面價格，份量都足料，可能比廣告吹虛得太好味，食落同自己想像中都有大分別。豬肉船麵（叫左粉絲底）唔知係臨收舖定還是係點，塊豬肉煮得有啲老，粒豬肉丸係OK嘅，但略嫌湯底比較少，而且啖湯佢哋標榜係牛骨整嘅，但係唔知點解最後啖湯有啲怪🤷🏻‍♀️唯獨是比較出色嘅係塊炸豬皮，食一次就夠啦。青木瓜沙律個沙律係夠辣嘅，但係舊蕃茄同啲配料有啲Hea🤦🏿‍♀️如果係講到自己咁正宗係泰國人整，點解連粒花生都要冇花生味🤷🏾‍♀️而且份量都比較少，整體上仲有好多進步嘅空間。酸辣凍雞翼呢個係我唯一一個冇影相嘅食物，因為已經差到唔值得去影，一碟有六隻，但我哋只係食咗兩隻，因為雞翼上枱嘅時候本身已經好爛，師傅好似完全冇揀過咁，雖然佢係凍雞翼，但係呢種硬嘅程度完全未能接受，而雞翼入邊完全沒有味道，完全好似浪費左$42🤦🏿‍♀️唯一會讚嘅就係老細嘅服務態度，因為係埋單俾錢嘅時候都會問你味道如何，我都有如實同老細反映以上嘅問題，希望下次再幫襯嘅時候問題會有改善，佢值得多一次機會👍🏾…Read More

好耐冇去銅鑼灣廣場食通天覓食啦 之前一直想試呢間餐廳 聽聞”Mad for garlic”喺韓國開過黎香港已經想試下 同埋見到D牛扒相好似幾吸引 終於約左兩個friend去試下 一入去覺得裝修都ok喎幾舒服～  我地嗌左招牌Garlic Steak~ Garlic Cream Mussels~  BBQ chicken pizza 同  Scallops with Basil Cream Fettuccine! 本身想試下杯特飲 後尾見到周圍環境擺左好多酒成個酒窖咁 就轉試下d酒 嗌咗兩杯house red～環境～食物都幾好 下次再去試下其他野食Garlic steak_Rib-eye好多炸蒜片^^ 一直覺得韓國啲蒜頭好好味~就算生都唔辣口 唔知係咪都用返韓國啲蒜頭呢 食落口好香 愛蒜人士唔好錯過 不過唔知牛扒係咪放左喺鐵板 過左medium 建議可要求碟上或者上枱後拿到碟上 Garlic Cream MusselsMussels好嫩 份量都幾多 淡味左小小 我自己加D黑椒再撈下 D汁點包好好味BBQ Chicken Pizza有surprise喎 個BBQ sauce好味 再加埋rocket leave同雞肉好match pizza邊脆脆地Scallops with Basil Cream Fettuccine帶子煎得好 個cream sauce都整得幾香 Dream Carbinet Sauvignonhouse red 黎講幾好飲喎 唔太甜 後尾再encore多杯 …Read More

今日差不多六點幾見肚餓去食飯，難得興致勃勃想食炸豬扒。一入到去埋去坐低，呀姐斟水就斟得果三分一杯，咁不如唔好斟啦？落單，眼見到兩個人，明明講左要兩個餐加一份炸雞，都可以落漏單唔覺得出奇。食物上係無問題既，雖然份炸雞每份細得可憐都炸過龍，都算啦，起碼所有野都叫入得口。去到最後，因為都剩得多食物，唔想浪費，所以想拎外賣盒拎走。成間鋪得幾枱客，又扮見人唔到，員工繞埋雙手企埋一邊，都係想拎個盒入完就走，佢仲可以慢條斯理繞住雙手慢慢行過黎問你要咩，嘩，好似佢先係客咁。第一次覺得呢間野差，以前食過其他分店都覺得無問題，但今次食完以黎都真係唔會要幫襯。真係寧願比多d錢食Tonkichi就算，完全係貼錢買難受。…Read More

因為轉左新工，所以比較忙😩 都好耐無寫食評啦🌝 今次就終於約到朋友收工去旺角登打士20/F試下間cafe🤘🏿呢棟野大家都知多cafe選擇，lunch time果陣openrice左一陣就決定左呢間。因為食評話佢既carbonara 好味道😋 上到去環境舒服，坐既位置又唔迫，真係好岩約朋友傾計😆 食物方面，佢有set dinner選擇，我就選擇左要set dinner, 因為佢有湯同蒜蓉包。主菜要左煙三文魚carbonara, 小食叫左蜜糖雞翼🤘🏿所有食物都好滿意👍🏻 而且佢真係一句都無吹過叫我地交枱，要傾計唔趕時間既你下次可以試下😊…Read More

又放假! 最喜歡放假去食知好既下午茶同SHOPPING😎 見咁開心既日子, 我就約左個朋友係銅鑼灣希慎食飯:)見到希慎14/F有間新野開左, 就當然唔可以放過佢啦!!!環境入到去好舒服, 而且燈光好好，而且空間一D都唔迫，就算我估晚市黎都唔會迫!一坐低姐姐就好有禮貌咁放低餐牌，個餐牌好色彩繽紛，重點係餐牌入面影既相又勁吸引! 攪到我同朋友好多野食都好想叫😍 飲品方面: 我地其實見到人地叫左燈泡形既飲品，勁吸引!!! 不過因為果日有小小凍，最尾我地選擇左[檸檬薏米水] 同 [金桔蜜柚子茶] ，大杯而且抵飲!鮮肉一口小籠包，係OPENRICE見到好多人都有推介，超喜歡食既我，又點可以錯過呢:) 新鮮熱辣黎到，一口啜左佢啖肉汁，真係不得了！真係少有高水準既小籠包，皮好薄，而且肉汁好豐富，應該要叫多一籠先岩!!亞瑪遜椰子川貝炖䲔魚湯，姐姐一放低餐牌見到燉湯果陣，我已經雙眼發光!! 因為平時我懶，都唔會係屋企煲湯所以出到街食飯，當然再補補佢啦:) 味道勁鮮甜，而且好香濃椰子味，完全唔覺係味精湯！因為我飲完都唔口乾!飯焦鳳凰蝦，飯焦粒粒勁脆! 成個飯好有鑊氣，份量又夠大，3個女仔都相信夠食! 蝦本身大隻之餘又爽口，唔覺唔覺絕對會食左好多碗!金銀蒜蒸娃娃菜，多蒜好多蒜:) 一直估唔到呢個組合可以咁好食，淡淡甜味既娃娃菜配上香蒜，要比鴛鴦黑芝麻湯圓，女人就算幾飽都總會放得落甜品，豆粉同椰蓉各自包圍黑芝麻湯圓，好好咁完左呢知下午茶…Read More

生日其實係下個月，但知道下個月會比較忙，所以先約左爸爸媽咪先食生日飯❤️去感激咁多年前生我出黎😆 想搵個舒服又靚景既地方食飯，就突然諗起友人成日就好平好抵食既"朝陽飯莊"👏🏻頭盤：淆肉，係一個冷盤。媽媽就有係屋企整過，但重點跟肉黎個汁真係幾好味，酸辣適中，好岩開胃。香雞粟肉，因為媽媽想食類似刈包既野，加上睇到openrice同友人都有介紹，所以就叫左，味道的確唔錯，而且個包好新鮮。羊腩，肉味好足，食得出佢本身肉味好香濃，真係咩都唔需要落，值得試👏🏻一鴨兩食，烤鴨訂枱就可以留架啦，就只係$350一隻，兩食加$78 ，咁我又覺得幾優惠。蔥油雞，我唔記得影個汁，但個汁其實係重點，雞本身炸得好香脆，絕對不能錯過！生日當然要飲返杯慶祝下啦🍷🍷🍷🍵…Read More