JohnnyLam9175的個人專頁

平時都有食開下午茶今日午飯時間咁啱經過未夠十二點都已經9成坐滿人樓面靚姐好好笑容又幫我搵到個位去試下佢嘅午餐一般午餐$6x見到"美國安格斯"牛扒定食(跟飯) $78仲可以跟一杯即磨咖啡又幾吸引 即管試下我唔好白飯 想轉意粉可惜個set冇得轉上枱賣相唔錯唔係牛扒係兩條牛柳 又粗又厚仲有少少沙律菜跟嘩！輕輕一刀已經切開個心粉紅色 爆曬汁配黑椒汁 唔杰身 啱我口味自己加咗少少辣椒仔鮮入口嫩多汁牛柳無筋唔黐牙$78 牛柳質素超預期 超值杯即磨咖啡 都可以樓面姐姐見我食淨成碗飯叫我下次可以考慮跟薯菜或者沙律不過就唔跟餐飲牛柳高CP值 會返食😋…查看更多

同家人慶祝生日餐廳現來過幾次職員態度好 現場有結他手伴奏同唱歌經openrice訂七點入座主餐牌有六折龍蝦湯四客 牛肝菌湯一客蘇格蘭生蠔半打法國four season生蠔半打叫一打生蠔送紅或白餐酒一支煙三文魚凱撒沙律水牛芝士沙律32安士斧頭扒辣肉腸pizza夏威夷pizza一磅tiramisu 寫壽星名+happy birthday上蛋糕時 工作人員會擺放氣球裝飾結他手同工作人員會埋枱 彈奏生日歌兩首亦會拍片影相送返去訂枱人嘅whatsapp埋單$1933性價比高 會經常去支持一下…查看更多

10個月前 見你新店 又平又衞生麵包西餅 高質好食 經常幫襯投你一票 仲寫食評支持你地新張後 開始加價 質素好 俾多少少 無問題之後出啲空氣麻糬波 唔掂唔緊要 仲有其它包點菠蘿包 蒜蓉多士 依然脆皮酥皮蛋撻新張時 酥皮應該係廚房自己做依家係交嚟鍚紙兜酥皮又濕又淋 酥唔起 仲要貴過曲奇皮做壞自己招牌好在曲奇皮應該仲係自己做皮都仲有選擇蛋糕早幾日買咗兩個蛋糕慶生壽星想食Tiramisu 三點到店 訂Tiramisu 6點取店員問廚房 師傅話做唔到失望芒果蛋糕 高分 抵讚栗子蛋糕 冇栗子香味 偏甜 只可評合格希望餅店可以改善下 招牌蛋撻 栗子蛋糕 唔再有伏製作優質包點 造福一眾支持者再係咁差落去 只可用腳投票另選優質餅店…查看更多

想食懷舊風 街坊價 值得一試平時下午茶 我食鮮油菠蘿包餐$22非常抵食 性價比高 熱奶茶唔錯菠蘿皮夠脆 鮮油夠厚 有機會補番相其它多士餐都係$22雙拼三文治餐好似$30(多士/三文治未試過 不評論) 街坊話炒嘢得又試下佢干炒牛河唔錯 河粉爽囗 牛肉有汁韭黃 芽菜 青蔥脆口無青味 加分乾身唔會好油 伙計主動遞上辣椒食完碟底測試理想凍飲＋$2, 啡一般下次都係飲返熱奶茶 老店一間 古舊裝修 街坊小店只做早 午 茶餐 街坊價錢 街坊服務午餐都係$40 出品亦對得起價錢老闆帶點傲氣 不做晚市 星期六全日休息…查看更多

去崇志街食街食完午飯，路經煥然壹居，被牛油香味吸引，見到蛋撻$3.5一隻又好靚仔，未試過嘅新包店，買定半打3.3都唔錯，試大掂唔掂。入到店内，仲有 $3.5 一隻細 size老婆餅同合桃酥 ，8隻有盒裝，又買8隻，買多兩隻义燒餐包($7/隻) 同加麥方包做明天兩公婆同細路嘅早餐，唔覺唔覺，買咗好多，店員態度好，收銀亦快手。到三點三，沖定咖啡嘆下先，老婆餅用平底鑊白鑊加熱三分鐘，一流，兩下就畀人清哂，所有包點都好得，性價比高，家人都讚蛋撻同老婆餅好食，連义燒餐包都畀人食咗個，唔係空氣包，質感好。第二朝食加麥方包做日本蛋治，依然鬆軟清香，配日本蛋，唔錯唔錯。街坊價錢，高質素包點，新店衛生唔錯，店員有禮，會繼續幫襯。…查看更多

平時去開Frites灣仔店食午飯， 比利時菜，雖然價錢唔平， 環境好質素高， 午飯性價比高。適逢太太生日， 佢又鍾意食青口，見將軍澳海濱新分店，所以安排咗去Frites食Mussel Monday星期一 青口放題， 兩個仔唔食青口，就食牛扒。試齊5款青口：House mussel， 忌廉味濃，滑身Hoegaarden啤酒煮青口，有麥味Laksa馬拉叻沙，椰香少少辣Mediterranean地中海式，咸香Garlic 蒜香Tomato 番茄煮，開胃青口肥美鮮甜，先食番茄煮，開開個胃，當中house mussel最好食，encore再encore，其它都好味。Classic steak，Black Angus rib eye，medium，都做得唔錯，星期六日有 steak night，會再試。環境唔錯， 放住輕音樂， 太太生日， 安排咗個生日心太軟， 用大碟上點蠟燭，寫happy birthday， 甜品上枱時會放生日歌， 氣氛好好，每人一份甜品，好full。$200/1小時免費泊車， 最多累積三小時， 食咗兩個鐘， 留返一個鐘拍拖行海濱， 時間啱啱好。整體上非常滿意…查看更多

新開的cafe，兩公婆去試下新店😋星期日，車泊門口，有幾個錶位。工商閙市，但假日都唔多人，仲同大廚傾咗幾句。Set lunch 兩份 （跟沙律 檸檬茶）1.黑松露risotto $88松露香味濃厚，飯身夠韌度，汁夠企身，非常滿意👍2.烤春雞 $78 廚師夠自信，半隻烤春雞原汁上碟，毋須另外加燒汁。烤春雞夠滑口又多汁，雞胸都夠味一啲都唔鞋口，以為用慢煮再烤脆皮，同大廚傾咗幾句先知係直接烤焗，果然好手勢，真係唔需要配汁。薯條鬆脆可口，全碟食哂，非常滿足。＋$20 轉飲凍美式咖啡 夠香濃 ＋$18 轉飲latte 夠滑身Set lunch CP值高再另加兩份甜品芝士餅（$58） 柑橘餅（$58）有酒店水準完美午餐😋下次試晚餐…查看更多

第一次寫負評。一家幾口，2:45pm行街經過，見人唔多，雖然冇下午茶餐牌，反正未食 lunch，平均$100 set lunch，咁就食 set lunch。坐低就覺得唔多對路，餐枱好鬆，間隔板有污漬，餐具有印。落 order，黑面女侍應落單，叫 rib eye， medium，問要幾成熟(吓?!) ，卡邦尼意粉，幾杯唔同類嘅咖啡。去洗手間洗手，衞生尚可，甚多雜物，非常狹窄。等10分鐘，咖啡先上，因為枱面鬆，放低時倒舍咗唔少，一句唔好意思都冇，算！又過5分鐘，唔熱嘅忌廉湯嚟喇， very thick，雖然接受唔到，但都冇退貨。又過左20分鐘，rib eye到，overcooked，接近全熟，再過5分鐘，卡邦尼碎上，談何 Al dente。BTW, 食到尾有舊塵飄落意粉度，算，反正差不多食完。戴眼鏡男侍應埋單，同出一轍，黑面，可能我欠咗佢，想反映下都慳返。唔收咭，畀現金。下次仲敢去咩！等等等....等到唔熱嘅餐湯幾近全熟嘅medium rib eye觀察所得 全店黑面！！硬件失修，軟件唔掂…查看更多

第一次去，崇潔街小店，家庭式老師傅經營，主打車仔麵，我反而冇試😅人情味濃，生意做得不錯，一碟扣肉飯，韭菜豬紅大腸，凍啡小甜，埋單$65，起值，要支持下。梅菜扣肉飯雖然不是正宗客家手勢，但肉淋甘香，扣肉不肥不漏，梅菜香甜，配合甜豉油，不錯！韭菜豬紅大腸上咗枱我先問可否加葱，老闆娘話當然可以，仲問試唔試下加麻辣，好正云云！加了麻辣汁又真係唔錯！廚房係大鬍子老師傅主理，留意咗一陣，都覺得係用心做。樓面應該都係自己人，服務周到。支持街坊小店…查看更多

食德國菜 我會諗起King Lugwig, Beerliner 前者食過 做埋會員及常客後者易食過數次但感受唔多好King Ludwig 完勝Beerliner 平日主菜買一送一 星期一 食客唔算多經理態度好 環保衛生裝修略嫌不夠特德國風穿紅格仔衫較年長女侍應近距離叫兩次兩次見到都掉頭走傳菜態度亦差招牌菜脆皮豬手前後叫咗兩隻 坐低第一隻好細隻尾聲第二隻又特別大隻落差都幾大叫脆皮豬手 不但豬皮唔脆而且又硬又韌唔爆皮非常失望 前後兩隻水準一致差唯一係豬手唔太鹹 味道適中什錦德國腸一大碟呢樣對版 皮脆美味香口小食 下酒一流麵包籃新鮮熱辣例牌幾款德國啤酒Lager清爽 黑啤味濃店內有wi-fi供應可惜不提供password問侍應 又話無wi-fi但訊號爆燈 扣咗唔少分５大５小 每人兩杯兩豬手 兩什腸 兩麵包籃炸雞鎚 兩炸魷魚圈Free １豬手 １什腸埋單$17xx 價錢平但所謂招牌“脆皮”豬手有好大改進空間…查看更多

旁邊是德國Bar 入咗佢地嘅飲食會 旁邊有間同集團的川菜餐廳 於是試下 之後就成為面譜的常客 職員服務殷勤有禮 食物水準亦高 裝修有特色 辣度亦非常貼心 有些菜式可走辣或辣另上衛生程度非常高 洗手間非常乾淨 當晚客人不太多 還留了有間隔的廂房给我們４人，再加分新春期間 更為你送上沙糖桔做甜品 放在有乾冰的盆上 上枱時 如仙境的霧氣奔流出來 赢得滿枱賓客的掌聲，又加分最喜歡的是素脆鱔$78~88有兩串的串燒份量足 愛吃羊的必試口水雞可以一試(辣另上)担担麵有辣有唔辣兩款都好好味即場堂做的拔絲香蕉有睇頭亦好食最後還點了酒釀丸子團圓一下既滿足亦滿意…查看更多

點心質素無庸置疑招牌點心樣樣掂衛生質素亦満意茶膽普洱可以唔飲服務員態度水平可以穿黑白格仔衫帶位姐姐服務態度極差眼見得罪唔少客人地點方便又有免費泊車(消費滿200元)…查看更多