kingie's Profile

唔好成日話香港人好鐘意投訴，而家咁多人返大6飲食因為物價同服務都雙輸，但係依然有班唔會返大陸嘅香港人係要食嘢嘅，有人黎食都唔做好自身或者諗啲計仔，口卑只會越來越差。我以前食過呢間餐廳，食物都幾好，但今次真係令我好失望。大約11:00，餐廳只有一張枱有客，我仲未坐低，竟然有對情侶打我尖。我當時帶住兩歲嘅小朋友，站喺餐廳門口（即係已經企係餐廳入面），打尖..根本可以問下我先。然後，店員過嚟見到我，問幾位，我話係兩位（我同我小朋友），跟住佢竟然問我小朋友係唔係食固體食物，我答係，佢就唔客氣咁話：「咁你哋要叫人頭餐，一人一份。」佢個語氣好唔客氣，真係令我好失望。最後，我真係忍唔住，攞低菜單，轉頭走咗。我想講，唔管呢間餐廳食物幾好食，如果服務態度咁差，真係唔值得再光顧。對顧客咁冷漠又無禮，真係唔知佢哋仲做唔做餐飲業。真係，如果佢哋想繼續做生意，不如換行業做啲粗暴嘅咖哩牛腩麵，佢呢啲服務態度就好啱洗。最後，我即刻轉去隔離間cafe食（係小朋友/寵物友善嘅），有位，店員又友善，仲同我小朋友玩，嗰個反差真係好大！…Read More

第一次係九龍食Omakase , 今次約左幾個朋友食飯, 算係幾即慶..好多城中有名氣食店短時間內根本訂唔切檯, 大家決定試下呢間..19:30準時入坐, 一路食到22:00都只係我哋一枱, 就好似包起成間舖咁, 唔使怕唔夠privacy :-) 本來食店有播音樂, 但食唔夠第二道菜就一路無左, 講嘢都唔敢太大聲。 廚師由頭到尾無同過啲食客溝通, 我終於知道一個識同客人交流嘅廚嘅重要性, 不過個侍應反而好專業同有禮貌, 為我哋介紹酒 （該讚就讚）！食物我唔多評論, 不竟各人有各人口味, 我自己就只會俾3/5粒星啦, 😉…Read More