kanson0905's Profile

Avenue75尖東同尖沙咀相比就好似穿越番80年代的香港而海旁一帶就林立左好多不同特色的酒店Avenue75係一間好有藝術氣息的酒店牆上的壁畫同cocktail定期都會出新畫作同飲品今次黎到本想試下see my pearl, 店員話果款係上一期,介紹我地試下fiest和ukiyo-efiest外型似足木瓜奶，杯面分開灑上肉桂粉與花椒粉，亦注入左藍莓味的奶泡，面頭甜甜地隨後又有龍舌蘭的苦甘味，飲落幾搞笑，係杯成熟又甘香的木瓜奶。ukiyo-e呢杯ukiyo-e的造型都好悉心設計過，圍住左一塊藍色的武士衫，味道有茉莉綠茶的清酒同柚子汁，酸甜適中，飲完清新又解渴。燒白鱔白鱔魚肉厚身偏爽彈，表面脆皮，味道鮮甜。脆皮燒雞店員話呢隻燒雞燒前會浸酒後再焗，佢最正係每個部位都好多肉汁，肉質超級鮮嫩，外皮又脆口而佢附上左泰國酸汁都好開胃，一次過試到兩款味！燒雞底層用左油飯做配合，油飯煮得香口偏軟身，好食燒原條牛肋骨配菠蘿沙律外面睇落無咩特別的牛肋骨卻成為左我今晚最喜愛的菜式榜首牛肋骨的肉質好柔軟亦吾會鞋不得不讚廚師處理肉質的手法非常厲害同樣亦好有肉汁依附係牛肋骨的燒汁充滿焦香成舊肉有幾種層次的味道好鬼好正食到成口啖啖肉揀粒菠蘿食下解下油膩一流燒雞同牛肋骨呢兩款我都好推薦呀…Read More

好耐到未食過大餐，今晚就帶埋女朋友黎食燒肉，入到黎地方又大又舒適，抽風系統做得很好，食完到沒有油煙味係未黎主菜既時候可以食住前菜先，前菜有醃辣芽菜及醃酸瓜，還附一籃生菜，最鐘意就係生菜囉黎夾埋燒肉一齊食，無咁油膩仲有多d口感，以上前菜食完仲可以叫職員refill，爐邊仲有芝士同埋泡菜玉子蛋漿餐牌有好多唔同肉類同部位選擇，我地2個人就簡左一頭牛既套餐，貪佢可以食到牛既五個唔同部位，份量又夠2個人食五種肉分別有喜來烤肉、牛五花、特級牛頸、牛肋骨肉及調味牛排骨，各有特色肉質又鮮又嫩 燒至七成熟再食 淨食肉抑或點醬汁食同樣咁好食，最鐘意就係捲成花形嘅喜來稀肉，買相吸引外，仲有陣甜甜既牛肉味…Read More

難得今日放假，約左朋友食午市放題，埋單人頭200到唔洗夠哂抵食，我地11點9黎到已經好多人排緊隊，餐廳環境好大，我地就被安排到一張卡位到好闊落，用手機咁就掃二維碼就可以睇哂有咩食同自己落埋單，好方便行過飲品區望下有咩先，有無限量供應凍果汁及汽水，鐘意飲酒既到有啤酒同清酒，相當豐富刺身款，有三文魚、吞拿魚、劍魚腩、甜蝦、八爪魚、帶子等，厚切肥美壽司有好多款選擇，最吸引當然是炙燒三文魚，油香滿溢。熱盤種類相當豐盛，酥脆的天婦羅，黎到到仲夠熱，炸衣做得薄身，另外仲有多款串燒任點不夠飽也有炒粉麵填肚，有拉麵、烏冬及炒飯，單看餐單已叫人口水直流！…Read More

近排因為疫情加上限聚令的關係，已經好一陣子冇食過大餐,同朋友講起,佢就提議帶我去南區一間隱世又好食既酸菜魚,一講起酸菜魚即刻想起個種辣味加上酸味又刺激既湯底，真是垂涎欲滴,即刻叫佢帶我去黎到個鋪頭真係幾難搵,要係巷中入去,坐低睇睇個餐牌,好簡單酸菜魚辣,一定要配寬粉,再叫多個白飯係等既過程已經聞到侍應端菜時一陣既複雜又刺激的鮮香,一大鍋期待已久的酸菜魚終於上枱,口流係咁流,即刻起筷魚十分香口。魚都切得薄厚適中，而且所有魚都已經全部去骨,入口即溶啖肉,最啱我依D鐘意食又唔識挑骨既人啦酸菜到夠爽口好夠味,鍋裏面到有很多寬粉,食完夠哂過引,又可以夠頂閉關一,兩月啦…Read More

早前一直到有留意依間日本過江龍既壽司店，依間係佢地係香港開既第一間分店，岩岩開個陣仲有好多人排隊，店裡佈置簡潔乾淨，餐牌上壽司定刺生既款式到好多，有咩問題到可以問店員，甚至問佢有咩好食，佢地到好樂意推介首先叫左個特上壽司拼盤十二貫， 裏面係包括埋大中拖羅各一件，平平地又可以食多幾款，又食到拖羅夠低食由於真係好鐘意拖羅所以叫多個，吞拿魚壽司三貫 大拖羅處理得非常好，唔會咬到有筋， 油份豐富入口即溶中拖羅相對就韌身，比較有咬口，食到有更多魚味既甜味，但同樣到做到小小入口即溶既感覺吞拿魚就無上面個兩款咁矜貴啦，但就可以更加確實食到吞拿魚既美味，本身魚既質數到唔差另外仲單點左幾款壽司分別有針魚丶灸燒黑喉魚丶柚子大根壽司丶灸燒中拖羅佐柚子醋果凍壽司日式料理除左食物品質高之外，職員既服務質數到係一個吸引既原因，依間壽司店既職員就做到，除左一般服務好之外，仲同我地講解左好多關於壽司魚既種類部位又講左好多閒話之談，有種好似係日本小店既感覺，如果有機會下次會再黎試埋佢個Omakase…Read More

Burger joys$108-$150 /1 👧🏻-店家向米芝蓮大廚購買了漢堡食譜-使用USDA品質保質的安格斯牛肉-牛味濃郁非常多汁-麵包超級鬆軟有牛油香-厚切牛肉-推薦芝士牛肉漢堡美式漢堡嚟講，佢都算係我心目中嘅榜首。食過幾間出名的， 但由於份burger好大份吾能夠一啖咬，只可以用刀切開嚟食好唔過癮。Burger joys漢堡的大細就岩岩好，牛味濃郁之外，佢款醬都好惹味😊加上佢用的麵包充滿牛油香，愈食就停不了口。Burger Joys灣仔駱克道42-50號君悅居地下E舖…Read More

以往去諾士佛臺飲嘢多 樓上嘅餐廳都比較少試今次 黎到 原來樓上五樓新開咗泰國菜仲送甜品 一於食完再飲野香茅冰香茅冰飲落好清新,食咁多重口味飲完即刻解膩泰國龍眼冰龍眼冰甜度適中，冰涼解渴。馬拉盞炒通菜通菜上枱時香噴噴，蝦醬味再配薑絲，味道鹹香可口，配飯一流。泰式豬頸肉飯豬頸肉碎係舖哂係面，炒飯夠哂鑊氣,夠惹味冬陰功冬陰公係我最愛,每間餐廳既味道到唔同,依個冬陰公湯底酸辣個平衡做得幾好好易入囗，又開胃,仲有好多蝦,最好既地方係有個爐係到可以一路keep住冬陰公既溫度尖沙咀諾士佛臺1號5樓…Read More

Deus cafe近年時裝品牌IT 裝修後都開設輕食甜品店。今日逛完IT, 決定試試這裡的Deus cafe. Deus cafe空間不大，但店舖設計休閒舒適，以水泥及木製家俱為主。食物方面主要是輕食及手沖咖啡，例如：沙律丶乳酪丶多士等。法式鮮果多士 $72店員將麵包沾咗蛋漿再煎成金黃色的外表，配上楓葉糖漿及多款生果，整碟多士增添不少顏色。多士的口感非常軟熟，每啖帶點纖維的麵包，再沾上忌廉，多重口感好豐富。煙三文魚配水士蛋多士$62大量的火箭菜做早餐係健康的首選。再配埋流心蛋及煙文魚一齊吃，鹹度適中又美味！兩杯咖啡都拉左花，相當漂亮。泡沫咖啡 $36泡沫咖啡口感順滑，奶泡棉密，咖啡較清淡，算是大眾的口味。朱古力咖啡$36朱古力咖啡非常香濃又提神。雖然deus cafe以輕食為主，不過份量對女孩子黎講都夠飽，食7成飽亦係健康的指標。…Read More

灣仔春園街後面新開了一間燒肉店門面睇落都幾簡潔高雅地下呢層係專食廚師發板，因為full左無得食，想食一定要預約。今日食左佢地個午歺套餐店員推介要試純血和牛大盛佢係澳洲和牛，廚師會燒成三成熟，再調制自家 製造嘅燒汁。純血和牛大盛$238店員教我地先食左和牛的原汁原味先之後再點燒汁試下最後再撈埋啲洋蔥夾埋一齊食。三成熟的澳洲和牛質感非常柔軟，牛味十足，每啖都充滿質感。三種食法我哋最鍾意係點埋燒汁一齊食燒汁鹹酸適中好開胃。酸忌廉慢煮牛柳丼$188食咗一陣再試埋呢款賣相好吸引嘅牛柳丼，店員教我哋一定要撈埋舊流心蛋黃同酸忌廉連肉一齊食， 食出嚟就會好滑， 加上牛柳慢煮咗， 成件事滑上加滑。…Read More

前兩日幫朋友慶祝生日 想大家圍埋一齊傾吓計食下野 壽星鍾意食辣野 所以揀咗佢恨食好耐呢間渝味曉宇重慶老火鍋睇吓係咪真係咁正 一埋位侍應就上咗碗糖水俾我哋 係雪耳紅棗糖水 好清潤 唔太甜食完已經開咗個胃 餓到打晒鼓湯底我哋揀咗鴛鴦鍋一邊係必食嘅招牌麻辣湯另一邊係山珍菌湯 招牌麻辣湯底啱晒我個friend夠麻夠惹味 一邊仲加咗好多唔同嘅香料鍾意食辣嘅人真係必試 但對於我呢啲唔食得辣嘅人 菌湯都係一個好好嘅選擇 一開始係我抱住一個是但揀個唔辣嘅湯底試嘅心態 但一上枱見到個菌湯有三四款唔同嘅菇餚制而成 菇味好香好濃 我就諗住飲一啖 同阿媽係屋企煲嘅湯一樣咁好飲 一啲都唔求其我哋叫既野食全部都好新鮮 特別推介安格施肥牛打邊爐必叫咖啦 雪花牛睇見已經留晒口水，油脂分佈又平均 一啲都唔膩 紐西蘭精品羊肉卷 一早已經解好凍 仲捲好左一條條 唔會有啲冰痴住晒 聞落冇乜羶味 配上麻辣湯底同菌湯底色完全兩個風格 兩樣都要試呀跟住我哋叫咗個紅糖糍粑 因為香港好少地方食到 所以都心郁郁叫咗黎食 咬落外脆內軟 紅糖汁清清地唔太甜 唔會好滯 搞到我哋忍唔住encore叫多咗一碟最後飲返杯洛神花茶 酸酸甜甜仲好足料好清熱 打完邊爐飲番杯即刻冇晒熱氣感覺…Read More

羡慕在內地可以經過喝到的酸奶！今日發現香港都有酸奶買啦！而且好像係深圳有見過💕招牌吃米酸奶 $29酸奶＋紫米的組合紫米吾算話黏，算係粒粒分明但食落煙煙韌韌與酸奶幾夾！而酸奶的酸度係比想像中甜，可以話係迎合大眾口味！作為酸奶迷的我，覺得吾夠酸🤣不過都好好飲！！！我是酸奶君旺角豉油街60 -102號地下A舖我是酸奶君旺角豉油街60 -102號地下A舖…Read More

今日去一間好特別既餐廳,依間餐廳係冇餐牌既,一黎完全唔洗諗食咩,而且因為你唔知係咩黎,係食個陣仲可以估下係咩黎頭盤係一個荷蘭番茄沙律 ,淨係個賣相到已經好吸引,主要係用左4種唔同生熟程度既荷蘭番茄,除左外觀有唔同外仲有4種唔同既口感,簡單配埋沙律汁,就已經食到好清新開胃既感覺另外仲會有個夏日凍湯,材料係用左當造既時蔬整成,感覺好清新,同樣到係可以係主菜前醒下胃香煎帶子配黑松露,帶子兩邊煎到金黃色,上枱後會再面前即埸刨一D新鮮既黑松露片,帶子好好食,但最特別依道菜,會有粒外相同帶子好似既雞脾菇,連味道到好食唔似雞脾菇,所以依道菜真係好特別好有驚喜黑毛豬配蘆筍蓉,黑毛豬肉嫩，每一舊肉汁好豐富,配埋蘆筍蓉同d香菜中和膩感,仲有d冬菇擺埋一齊原來到好夾,好好食再最後仲有個甜品係合桃豆腐桂花配黑松露,中間好似仲有d乳酪,成杯個感覺係係好CREAMY同好清甜,間中會咬到一d合桃粒,個下會特別甜d,令到你好想繼續搵到下粒。…Read More

之前大熱見好多人介紹既十二味熱辣火鍋莊,見近排天氣涼左小小,就約埋朋友一齊去食入去填好紙仔之後,店員好快就一次過黎齊哂d火鍋同湯底,唔會逐樣逐樣黎湯底叫左個鴛鴦湯低分別係Q版熊貓牛油火鍋同港式番茄薯仔鍋, 牛油係隻好得意Q版熊貓,睇住佢慢慢煮溶左到幾搞笑, 番茄薯仔鍋就出奇地甜,到好好食用既火鍋料感覺到係好新鮮,所以就咁滾完點小小醬油到好好食,農家土鴨血$58,墨魚滑$68,日本烏冬$28,美國雪花肥牛$88,時蔬拼盤$58,響鈴$38另外再叫左個沸騰脆鱔片,水煮鱔魚用左幾種唔同既辣椒上枱個陣同時迎來一陣水煮香辣酸既香味, 真係未食已經流哂口水,紅油同高湯內仲有黃豆芽,吃上一口,麻而不辣, 鱔魚質感細緻嫩滑,讚既地方係佢真係同佢個名一樣係沸騰,黎到個陣係熱到出煙,,紅油一唔夠熱就會膩,冇咁好食,依到食到最尾到可以保持到係熱辣辣食完咁多野,飽到冇得飽,2個人計埋雜費加一個d到係$800到,以依個質數又唔算貴,鐘意食重慶火鍋或者水煮魚既朋友一定要黎試下啦…Read More

之前睇到有人介紹新蒲崗有間西餐有得威靈頓牛柳,之前係冇食過,心思思就約左班朋友特登去試下牛油果雞肉墨西哥餡餅, Quesadilla份量到好夠,有6塊,我地4個人岩岩好, 餡餅煎得香脆煙韌, 雞肉調味咸咸地配埋牛油果好夾, 咸咸甜甜,想要飽肚小小既前菜,依個就岩哂另外仲叫多左個香辣雞翼配薯條小食,雞翼炸得外表金黃,裡面仲保持好嫩,有小小辣好惹味北海道帶子露筍天使麵配黑松露忌廉汁,依個我覺得係今晚最好食既一道主菜,天使麵質夠煙韌,黑松露忌廉汁夠稠身掛係天使麵到一齊食,一陣好濃郁黑松露係口腔到徘徊, 黑松露好多時食食下會覺得膩,但佢有配埋露筍,食到咁上下,再食露筍就可以減淡個種油膩感到今晚最期望既主菜威靈頓牛柳,因為諗住試下,所以只係叫左1人份量,但4個人share到夠,牛柳叫左medium, 酥皮外口感鬆脆,仲保持熱熱地先講,牛柳切開唔會有太多血水流出黎,影響個到酥皮,整到散開哂,而且生熟既程度到岩岩好, 牛柳好嫩咬菬去到有好多肉汁,鐘意可以點小小芥辣一齊食龍蝦忌廉汁海鮮意大利飯,有2隻大蝦, 意大利米口感煮到岩岩好結實彈牙,仲吸收哂海鮮既鮮甜味其中2個主餐加錢要個SET,可以有晚餐沙律同餐湯,餐飲就叫左白桃香橙沙冰同士多啤梨沙冰埋單差唔多$300.,4個人除反,唔算好貴,但個個食到飽哂…Read More

今日同朋友嚟到依間充滿懷舊風味嘅火水爐，香港好少餐廳會有咁嘅裝潢擺設咖，好有特色。平日黎都好多人食，所以要黎嘅朋友記得要打去book位啦！我地食左花膠雞煲、海鮮拼盤+安格斯牛個火鍋套餐：花膠雞煲勁惹味，超級大舊花膠，真係唔怕你食，只怕你蝕！雖然佢有成車火鍋醬汁配料比我地自己調較，但食完成個雞煲，都忍唔住要留返碗汁黎點火鍋配料。海鮮拼盤入面有蝦、魚片、生蠔、墨魚滑同埋蜆。所有海鮮都好鮮甜，啲蜆入邊仲一啲沙都冇，洗得好乾淨！一個價錢就可以食到，如果打邊爐鍾意食海鮮就啱晒！安格斯牛嘅肉質彈牙，冇雪味，個人覺得比肥牛更好食！鍾意食牛嘅話叫埋十碟八碟已經返本！依間野仲可以任飲汽水，唔似其他火鍋店要再額外加錢！打完邊爐之後個人燥燥地，食返碗涼粉就啱晒！清熱一流！個雜果涼粉紅豆冰唔太甜，涼浸浸，好好味！而且好有本土特色，都算係呢間餐廳嘅一大特色！用佢黎收尾簡直完美句號。…Read More