patzzz's Profile

今日我地一行4人,去完永珍之後番個肚打算食甜品,咁岩對面又見到呢間野,咁就走入去,d野黎左之後就好後悔.1.合桃糊+ 湯丸:湯丸得兩粒,味道極普通,皮浸到發晒,仲有一陣怪味,d糊又稀,味道亦不見得好.食剩4份3.仲要21蚊,叫佢收檔.2.燉蛋:落左custard.一上檯之後發覺顏色極黃,已經覺得唔對路,一食就食到custard味,完全唔覺自己食緊燉蛋.食剩一半.有點實實地.3.南瓜珍珠露:食唔到瓜味,味道都係好普通,反而d珍珠好特別,特別難食.食剩一半.4.薑汁撞奶:等左5分鐘有多,但係唔好食.唔多撞得起,好稀,係面頭有陣衣囉.食剩一半.大家都好傷心.盛惠76蚊.以上既野食剩咁多,都係迫得不已,我地已經好盡力,一面食, 一面掛住地MOU館,又一次證明,唔好貪新鮮,嗚.....~…Read More

早兩星期同家人慶生日就去左呢度食,一早訂左位,雖然係星期六晚都唔洗點等。食左好多野,都係700幾蚊(12個人),算幾平播,個豬肚包雞湯幾好味!不過炸豬腸就削左少少。個出名雞ok,滑不過雞味不足,梅菜扣肉夠入味又淋身,不過咸左少少,好在唔係好肥,肥瘦適中!其他送都唔錯,值得再去!不過可能旺場啦,坐得好迫,而且冷氣唔夠,唔舒服!…Read More

同意,一句講晒,勁難食!上次去係因為去到和民真係好full,咁岩又想食日本野,於是就走左上去。壽司細件,舊魚唔掂個烏冬又無送既......總之唔得,賣廣告賣得幾行都係咁話!…Read More

今日出左去買野,之後就順路兜左去佐敦間阿龍咖哩食野,我朋友話呢間係最正宗既,係佢做開左,個條街先咁多乜乜咖哩物物咖哩,正唔正宗我唔知,不過就幾好味,而好抵食。我地兩個人7點去到,岩岩唔洗等位,但係都要搭檯。食左咖哩雞同咖哩牛利,一個跟飯一個跟咸薄餅,另外叫左個甜薄餅。咖哩汁濃,辣味岩岩好(可以自己揀幾辣,我個fren唔食得辣所以只係要左小辣,下次去得一定試下中辣!),而且佢d咖哩汁唔係水咁,係好杰身,好多渣,有碎洋蔥同其他香料等,撈飯食一流~佢既薄餅夠熱,而且唔油,唔會食到成日油又飽飽濟濟!之前怕個甜薄餅同咖哩汁唔夾,點知好好味,可能我鍾意甜野啦,我覺得仲好食過咸薄餅!清晒!咁樣食法都只係唔洗100蚊,兩個人攪掂一餐,抵呀!走個時8點,已經有等位,呢樹菜式選擇唔算多,都係咖哩乜乜咖哩物物,我諗鍾意食咖哩既人應該一試!不過佢既位就迫左少少又要搭檯,想坐下傾下計就真係唔洗諗了!…Read More

唔該openrice既editor可唔可以加埋佢附近間阿龍咖哩?呢間先係正宗架播,今日食完想寫下食評呀,唔該!…Read More

仲想你加埋旺角利苑(lei gourmet)間sweet daddy呀!<br />thanx!…Read More

叫得自己做餅店,d cake好難食,佢邊有面子見到餅界既鄉親父老呀?tiramisu唔掂,食空氣,勁多cream,衰過美心blueberry cheesecake比一督仔blueberry jam就當係,cheesecake一d都唔香其他cake都唔得,硬到痺,好明顯係雪左好耐,價錢就值頭貴啦,佢既cake咁細件,我寧願比多少少真係去食大酒店好過!起碼唔洗比4星價錢一星品質都無!…Read More

早幾日行經呢度,見?既日式蒸蛋糕做緊promotion,之前又有人話過好食,於是走入去買左4隻,2隻綠茶紅豆,一隻芝麻,一隻栗子。買3送一,平均4.5蚊一隻(特左價)綠茶紅豆味唔知係?落得太多綠茶粉定係d紅豆唔靚,有苦味,唔得,我個fren仲話太甜!芝麻:一d芝麻香都無,係食到一粒粒既野,但係唔好味。栗子:切碎左既栗子鋪係面頭,有栗子味但不濃,咬落去淋pat pat,唔得幾個蛋糕可能都係蒸既,所以口感比較差,唔鬆化,而且可能?落多左糯米粉類野啦,好un口但又濕濕地,唔好食(我自己就唔鍾意!)所以拎左兩個返公司試下焗左佢黎食,抽干左水,好少少啦,終於食得晒!胡~…Read More

好香好正好好味,一次可以食兩個啊!不過落左好多牛油所以會滯一d,裏面仲有我最鍾意既提子干,呵~無得頂!星期六日就好多時候賣晒,要早d去啊!…Read More

真係摺左,唔知黎緊會開咩呢?…Read More

係銅鑼灣行完街街唔知食咩,忽然想起天樂就走左去白沙道食。去到時係7點10分,無咩客人,好意外。兩個人食左以下既野:1.瑞士汁雞翼:無得講呢個係必叫,鎮店之寶喎,點都要食下。雞翼上檯時熱辣辣,有成8隻,食到我地好full。呢味野好食就好多人提過我就唔多講,反而佢隨雞翼而上既西蘭花好食,唔係一般西餐廳跟佢黎個d白烚無味菜。2.瑞士汁炒牛河:一上黎碟野好黑,仲以為好多老抽好甜,點知食落口又唔係,味道岩岩好,係濃左少少,河粉唔會散修修,有咬口,牛肉先好味,一d都唔un,加埋甜甜地既菜心,成碟食晒!3.焗梳乎里:佢話就話係2人份量,但係上到黎好大,3-4個人食都得,味道中等,唔太甜,但係真係要趁熱食,因為我地兩個人當時好飽,食食得慢左少少,頭個幾啖好好味,但係一凍左就唔掂,不過呢個應該係梳乎里既問題,唔關天樂事。因為個河粉有餐飲送,我地另外叫左杯熱檸水,呢餐成為240蚊,唔算平,但係味道不錯,服務態度都ok,有時d侍應忙左少少,要人提先識jump水,但係好有禮貌。走既時候8點半,反而多左人等位,對面cafe 21水靜河飛,太平館亦未見人龍,可見天樂係白沙道都算係熱門選擇!值得一去!…Read More

我搵唔到文華Coffee shop既地址,只好用佢餅店個位寫住先。今日同個best fren去左文華食tea,入左去佢地下間coffee shop。下午4點鐘去到,無咩人,係得d西裝友係度同鬼佬high tea,環境清靜,好relax,地方夠大,坐位闊落,夠privacy。我食左佢既blueberry cheesecake(55蚊)同飲左杯佢推介既coffee(唔記得左叫咩名,c字頭既......),cheesecake正就唔洗講啦,blueberry好足料,cheesecake唔太硬,又大件,食得滿足,上面個舊白朱古力好好味,成餐既點綴!杯咖啡好細杯(比人地d expresso大少少,45蚊),但係好濃味,夠香,唔苦,正!我朋友食左?既英式muffin(65蚊),一籃4件,同老麥既muffin比起上黎真係天同地,尤其是跟muffin上既玫瑰果醬,好味啊!另外既cappucinno好大杯,朋友話好味但我就無飲過。兩個人食左200幾蚊,食個tea黎講係貴左少少,但係野食有水準,傾到計,服務態度好好,會主動帶人客去賜ake,又推介野食野飲,食完仲問你comment,好笑容夠主動又唔煩,好有禮貌!唯一唔好既係我唔明一d叫做都幾高級既地方,都有一d清潔嬸嬸係度,人地一邊食野佢一面用除塵紙拖把掃地!有d礙眼!!…Read More

上次同班姐妹去,5個人食左唔少野,都好飽,但係唔貴播,每人百領蚊,算係咁啦,又一城黎講都叫ok.反而係佢既服務麻麻地,好多野叫人提叫人吹,唔識jump水唔識收碟上菜又慢,同埋佢d特飲好難飲,成班女仔貪新鮮一人一杯點知個個人都飲唔晒!怪味!上次食仲有香茅豬扒送(唔記得左係咩credit card有優惠),雖然唔大碟但係送既算係咁。坐既位置好迫,同隔壁檯好近,唔係點傾到計,而且坐唔耐。…Read More

本黎想去太古食翡翠拉麵小籠包,點知兩點鐘去到都要等40幾張檯,兩點幾仲未食kunch已經好餓真係等唔到,於是就周圍兜下,見呢間野ok就走左入去。兩個人食左牛腩撈米線,艇仔粥同油炸鬼,真係好-唔-得!!!牛腩撈米線米線一早淥定,太淋,上檯時立立亂唔夠熱好似一池死水咁,色香味無樣得!艇仔粥有尤魚豬皮魚片生菜花生肉碎等材料,算係足料不過味道一般,普通有味粥。最不知所謂係油炸鬼,5蚊份都無人地兩蚊條咁好食,佢剪開左一粒粒成碟上,個度恐怕連半條都無,又凍又淋,唔知炸左幾耐,焗到un晒,見到都唔開胃啦!兩個人食左49蚊,粗粗地叫做食飽左個肚,真係唔可以要求咁多。…Read More

聽過咁多人比食評,今日特登由彩虹坐車去到呢樹食佢既cheesecake。我個人黎講就最鍾意食blueberry既cheesecake,,可惜今日去到佢竟然賣晒,真係好失望。我地兩個人走到入去時,岩岩有一對情侶食完坐左係樹吹水(唔好忘記個度只係得兩個位for堂食),另外有一對老婦係度揀cakes,等左一陣,對情侶終於走人,我地就想坐低食啦(個時出面又落雨,我地行左一段路先搵到teresa,已經好倦!),點知兩位老婦一dut就dut左埋去,個賣餅小姐就話"呀乜太同物太,今日想食咩呀?"完全漠視左我地既存在!我一時間都啞左啦,出現呢一d情況唔該你就出下面講下,唔係當我透明咁就同d熟客打牙較!嬲嬲地就諗住買外賣出街食!叫左一件marble cheesecake,一件american cheesecake,本黎想叫埋佢個焦糖燉蛋黎食,但係見佢得番一件仲出晒出係面頭,真係唔係好想送$比佢洗。兩件cheesecake,每件28蚊,幾貴下,marble cheesecake佢話係獨門方法炮制,但係我就覺得無咩特,餅底係幾好食,夠香濃,但係未算好impressive. american cheesecake好勁,濃到死,實在係好味,一路食一路笑!好滿意!總括黎講兩件cake都唔錯,好味,不過等位事件令今次搵食團蒙上陰影,而且佢d cake選擇太少,以cheesecake黎計,除左我呢兩件就無一d比較濃既cheesecake賣(可能賣晒可能一日整唔到咁多款,我都唔知)其他有2-3款mousse cake,2-3款light cheesecake,選擇唔多,想試多一d都唔得。可惜!…Read More