megggchan's Profile

今次一行七人挑戰團購炸雞，其中一位團員之前挑戰過覺得抵食同不錯。由於入面無大檯加侍應靈活性低（其實只要安排少人既食客坐埋一邊，絕對係可以放到7個人入去坐）所以我地起門口都企左一段時間。我地買既係團購二人餐-$95 包炸雞加兩罐soft drink，店內侍應都係韓仔，不懂廣東加英文非常一般，無奈到滴汗。我地叫左兩個辣味炸雞，一個蒜味同一個醬油。個set 會有前菜，同一個沙律。前菜非常一般，所以試下就夠。沙律其實幾好，但個dressing 真係好難食，所以佢上第三碟沙律黎果陣我地就叫佢走沙律醬。我自己覺得辣味最好，無咁乾增增。同埋有汁可以點d薯條同炸年糕。總結係如果有團購我可能會再去…Read More

話說起灣仔番學，某日同學拉隊去呢間店，因為大家都巳經中曬雞蛋仔雪糕毒，所以我都跟隊試下。早早起網上見過好多雞蛋仔雪糕既相，本來我都不算好迷雞蛋仔，所以一直都無乜興趣到，直到果日食完，我先知，原來雞蛋仔加雪糕係咁_ 好味！我最欣賞唔係雪糕有幾滑，而係整個配搭既細緻。食物既mix and match 就好似fashion 咁，由甜酸然後清新，成個配搭好好。首先，個雞蛋仔就算無雪糕，我都覺得好正，當約食到一半，覺得開始食唔到落去，就食到熱情果凍，熱情果同朱古力確實係完美既配搭，開胃後，起底仲有香蕉雪糕，真係好正。平時食甜品習慣性食一半，我全部食曬，實在太瘋狂!希望小味能繼維持水準，同有更多出色作品比大家品嚐！…Read More

難得出現起深水埗，當日係極度想去食豆品，可惜腳踏四吋高踭鞋，仲要背住5kg野，所以決定去附近商場好好食個飯算。本來打算去食碗拉麵，但係當時約下午四點，隔離既拉麵店落緊場，於是我就誤打誤撞到呢間餐廳。話說當日去到時，餐廳幾乎全滿，但幸好有得搭檯。餐廳起商場一角，位唔算多，有小小逼。我叫左兩樣野，明太子__意粉同埋焦糖香蕉雪糕窩夫意粉我覺得真係不錯，有幾分似wired cafe剛開店有既明太子意粉。$70 絕對抵食窩夫一向都係果幾樣材料，不過值得一提，呢個窩夫真係脆…Read More

琴晚好想食泰菜，於是這來友人推薦既呢間泰餐廳。我地叫左柚子沙律，細size冬蔭公，泰式炒椰菜苗，泰式炒金邊粉。柚子沙律，非常開胃，入面有腰果，蝦，魚露，蒜片，少量乾蔥，作為前菜，非常不錯！我平時一向不太喜歡柚子，但呢個我覺得絕對值得叫。第二樣琴既係冬蔭公，個細size 都夠兩個人食，料都幾足料，唔錯泰炒椰菜苗，有淡淡酒香，幾惹味…Read More

最近天氣比較熱, 自不然會特別想食雪糕之前路過見到個樣咁FANCY,於是就入去呢間'立食'雪糕店, 點知就中伏喇入面有4 款雪糕可供選擇, 每個CONE都好靚,甜品難食起上黎,真係會有想自殺的感覺,所以穩陣起見, 所以我選了鹽味, 友人選了朱古力(menu 仲有薰衣草同栗米,勇者歡迎挑戰)好. 等大約3 分鐘. 好快就出左朱古力味雪糕既''火牛牛''我第一下. 真的傻了眼. what spring autumn 阿?舊棉花糖好大. 個雪糕溶得好快. 成日都係雪糕. 棉花糖糖粉. 媽我好亂!還好,佢有提供紙巾. 當你不停阻住雪糕溶,努力將佢吸入體內.不要忘記果舊棉花糖.最後. 我用匙插住舊棉花糖. 係無錯. 最後係順利食到個雪糕. 味道方面:棉花糖都係棉花糖咁既味. 朱古力雪糕係非常一般既味. 上面既生果. 生果咁既味.第二個係水牛牛. 我真的不太想再記起.....食完一啖.我就想哭.我呢刻才發現自己掛住initial 既眼淚雪糕.呢個水牛牛實在差太多皮. 還未計個cone太厚. 好似放得耐.有點'林'仲有半個cone 係放coco 可可趣趣, 當然雪糕還是需要五分鐘內完成.因為溶得好快…Read More