s.blythe's Profile

同閨蜜好耐無見啦，早前約咗佢一齊去上環DK Cuppa Tea嘆個夢幻下午茶，順便慶祝母親節。DK Cuppa Tea呢個夢幻下午茶係「幸福之約」，真係夢幻而精緻。呢個tea set仲有個特別既地方，就係食tea之前會有香薰治療師教我地點樣放鬆身心，先抽一張magic card，配合其香薰油，放鬆心情，慢慢享受下午茶既夢幻時刻。-幸福之約-鹹點美食有珍寶北海道帶子薯蓉、法國蝸牛、番茄水牛芝士、莎樂美腸奶酪餡餅，驚喜萬分。甜點就有彩虹馬卡龍、迷你甜甜圈、Tiffany Blue Scone配玫瑰果醬、Tiffany Blue & Baby Pink馬卡龍同一杯「天使之霧」，充滿夢幻甜美色彩。飲品係Soothing Love薰衣草朱古力有機茶配合香薰治療師嘅精油，更有效舒緩壓力和情緒。最後唔好咁心急離開，記得填埋問卷拎禮物。…Read More

早幾日放工去交收，趕唔切買餸煮飯，諗緊買咩外賣返去嘅時候，老公話想食燒味，即刻係附近搜尋一下。 行行吓見到佢哋嘅叉燒好吸引，而且價錢都好親民，最後買咗叉燒飯、桶子豉油雞半隻同牛展返去食。 黑毛豬叉燒飯，純種西班牙黑毛豬，肥適中帶點焦香，色澤均勻肉質軟腍，滿足味蕾。桶子豉油雞，肉質嫩滑多汁帶點香甜。滷水牛展，滷水汁入味軟腍，配飯一流。依家買飯類除咗有飲品外，仲有一條自家製臘腸，肥瘦適中，香甜可口。另外都有出售自家製臘腸，鐘意食臘腸嘅朋友唔好錯過呀。…Read More

同閨密每年都會一齊慶祝生日，不過之前因為大家各有各忙，終於係新一年來臨之前約去食我地嘅生日飯。我地兩個都好鍾意食日本餐，於是搵咗間評價唔錯嘅日本餐廳食lunch。我地聽師傅嘅意見選了 穗．日替定食，而且準備定食之前仲會問我地有咩唔食，非常貼心。穗．日替定食有帶子﹑中拖羅﹑ 鰆魚、深海池魚﹑鱆紅魚﹑熱食：煎雪魚前菜茶碗蒸，香滑幼嫩。南瓜軟棉香甜。帶子，厚身鮮甜爽口。味道鮮甜。中拖羅，肥美厚身，色澤均勻，入口即化。鰆魚，質感爽滑可口。深海池魚，肉質鮮嫩肥美，魚油甘香。鱆紅魚，爽口有咬勁。熱食：煎雪魚，肉質嫩滑美味。最後有品或咖啡選擇，我選了綠茶蛋糕，鬆軟香甜。…Read More

同同事食lunch傾開要等到聖誕先可以放假休息下，諗起都有啲down，所以食完lunch去買咗杯手調飲品為自己打氣。嚟自台灣嘅吃茶三千，主打現萃茶湯，用特製萃茶機即席沖泡六款台灣高山茶。店員知道我哋係第一次嚟就建議我哋選購前可以先聞一聞茶香再決定想飲咩茶。店員細心介紹各種茶底既特色，由茶種、調味及配料都選用最好，最後店員提議幾款熱門配搭，令我更清楚知道自己想飲邊款茶。我覺得玉露青茶好特別，帶有奶香味，不過今次我選了水仙桂花做茶底，好鍾意水仙桂花嘅清香味，自選加百花香蜜同仙草，清潤解熱。如果唔想諗點配搭，可以選人氣熱門茶，好似同事就要國王珍珠奶茶，係鳳眉紅茶配皇家厚奶同國王珍珠。原來呢六款台灣高山茶都得到iTi國際風味評鑑風味絕佳二至三星認證，飲住自己嘅自選茶加埋店員有禮而細心嘅服務，心情即刻靚番，下次試埋玉露青茶同其他味道。…Read More

老公突然放假過嚟搵我食lunch，難得二人世界，我地去食日本餐同時慶祝多次結婚紀念日。今次係openrice訂位有8折優惠！Lunch set都有好多選擇，三心兩意之際，老公已經幫我決定咗。特盛雜錦刺身茶漬丼定食︰精選3點前菜、季節碗物、特盛雜錦刺身丼 (時令刺身8款) 、鰹魚出汁、焙胡麻及漬物刺身丼有8款刺身，新鮮鮮甜各有特色，仲可以加湯變茶漬飯，多一種味道，不過個人唔鐘意加湯。熊本A4和牛丼贅沢御膳︰松葉蟹肉沙律、玉子燒、時令刺身 (2款) 、藏味噌漬銀鰤鯧、熊本和牛月見丼、季節甘味和牛入口即化，如果多一兩件會更好，銀鰤鯧肉質香滑幼嫩，玉子燒香甜可口。如果服務態度有改善，加上有折或優惠券都會考慮再幫襯。 …Read More

上星期六本來想去某餐廳食飯，點知去到見到門口有花牌先知原來轉左新餐廳，八卦入去望下順便想睇menu，原來新開店暫時只接受網上預約。行行吓老公話星期日晚去試吓，所以今次預祝週年紀念就去咗呢間充滿日式昭和風洋食屋。店內外懷舊裝橫成又一打卡熱點，運行中嘅火車更增添置身日本車站感覺，配上柔和暗調燈光，充滿浪漫氣氛。輕食。三點烤飯團味道分別有三文魚、松葉蟹肉、日本宮崎A4和牛，飯團較鬆散，蟹肉同和牛味道比較香濃好味。主食。吉列北海道十勝豚伴飯香脆酥軟，粉漿唔會太厚，醬汁再多少少會更加好。主食。和風旋風蛋包飯蛋幼嫩香滑配茄汁肉粒炒飯份外香甜美味。甜品。是日甜品，檸檬撻略酸但可接受，撻底鬆脆。飲品。什果冰茶，白日夢什果冰茶一般無特別。白日夢，雲呢拿特調飲品，清甜有驚喜，仲有棉花糖作點綴。地方座位有限，建議預約。…Read More

終於有時間嚟嘆杯咖啡，襯今日公司中秋節放早，即刻約老公去。好彩等咗陣就有位，見到keep住都有人出入，好熱鬧。斑蘭咖啡，目標明確，我嚟係為咗呢杯咖啡。底部係斑蘭糖醬，同咖啡好夾，甜度剛好，香濃咖啡味配上清新斑蘭味，頂部有椰子雪糕，雪糕加咖啡又係另一種享受。其實我覺得仲有少少進步空間，斑蘭味可以再多少少，冰就一定要減，太多冰，無足夠位置去均勻味道。朱古力，濃濃朱古力味再加上朱古力雪糕，無得輸，不過又係太多冰，想食雪糕嘅時候就係食到冰，冰嘅份量可以少啲，或者下次叫少冰試吓先。炒蛋、西班牙火腿、黑魚籽酸種多士，因為未食lunch又唔想食得太heavy，就叫咗多士。蛋炒得好滑而且份量多，配火腿同黑魚籽嘅咸味剛剛好，如果多士可以脆少少會更好。…Read More

除咗帶小B落樓下公園放電之外，有時都會帶佢去其他地方行吓，今次見好好陽光就去咗黃埔行吓。去咗公園玩咗陣又行陣超市，係時候醫肚，問咗住附近嘅朋友仔有無餐廳推介，最後去食呢間日式餐廳。店內環境都好舒服，我哋坐窗口卡位，望出去係馬路，小B見到車同巴士最開心。原來呢度係自由配搭前菜同主菜等，我哋都無話特別跟足，主要選啲小B都可以一齊食嘅嘢。海苔醬飯：小B食白飯食得好開心，海苔醬略咸同無乜海苔味。蕃茄味噌豆腐漢堡：呢款好味，酸甜味適中，豆腐漢堡唔會散，超推薦。醬油金菇飯：撈飯一流。白味噌慢煮石斑柳，厚身啖啖肉，肉質鮮嫩，有驚喜。牛肉壽喜燒，味道中規中矩，牛肉份量多。甜品：焦糖布丁，質感幼滑，甜度剛好。米気雪糕，米味重，米飯控唔好錯過。…Read More

Lunch食來食去都係嗰幾間，有時真係唔知食咩好，行過見到呢間日本餐有外賣自取有88折，見又未食過就試吓。入到去收銀位叫外賣，見到都多人堂食，可能依家做緊優惠買三送一。原來中午堂食係order食物後再搵位坐，有店員拿食物到你坐的位置。鐵板炙燒牛柳粒飯，肉嘅份量都多，肉質軟淋，醬汁味道適中唔會好鹹，整體不過不失。…Read More

呢年因為疫情關係唔可以到餐廳慶祝食聖誕大餐，唯有外賣啦，最後選擇lunch外賣聖誕餐，選擇咗呢間之前經過成日都好多人嘅餐廳。睇個餐牌上嘅食物都好吸引，最後要咗燒西班牙黑毛豬配薯菜，清炒北海道帶子天使麵，由於我唔食墨魚麵，店員都好好話幫我轉天使麵。哈密瓜瓜煙三文魚沙律：不過不失，就係唔見有哈密瓜。蘑菇湯：味道同口感可以再濃少少同creamy啲。燒西班牙黑毛豬配薯菜：黑毛豬都好淋，薯角最好食。清炒北海道帶子天使麵：平平無奇，味道一般，可能轉左天使麵，帶子細粒仲要得兩粒，有啲失望。甜品：加咗錢甜品轉tiramisu，不過返到屋企發現無甜品，打電話返去叫我哋再去拎或者下次再去食飯扣錢，其實來回都要二十分鐘，真係無言兼掃興。…Read More

依家食lunch多數買外賣返公司食，唔洗等位又可以坐得舒服啲，不過食嚟食去都係嗰幾間，真係會悶，最近見到有新野當然要試吓。佢哋賣熱食方便拎返公司可以即刻食，佢哋都有賣冰鮮飯餸，放工拎返屋企整熱就食得，好方便。栗子北菇炆雞飯，雞肉嫩滑，多栗子，味道香濃，如果醬汁多啲就更好。梅菜扣肉飯，超級好送飯，唔會太咸，甜甜地，肉質肥瘦適中，入口即化，我同同事都回購多次。定期更新菜單，次次都有驚喜，又有素食選擇。最近食咗個咖哩茄子（好似係印度咖哩），真係唔錯。佢哋啲飯餸唔覺有味精，最重要係好乾淨，飯餸分開，已經係我嘅飯堂。…Read More

終於抽到時間享受二人世界❣，本來十月尾book咗Staycation慶祝結婚同拍拖紀念日，不過最後因為酒店嘅關係而取消，老公知道我唔開心，就建議去食Omakase補數。今次去咗老公同事推薦位於銅鑼灣嘅日本餐廳，餐廳環境同氣氛都好舒服，司傅會同我哋傾吓偈了解吓我哋對食物嘅喜好同埋到店嘅原因，之後一切交俾司傅決定，我哋就享受呢個短短嘅甜蜜時光。Omakase-Gin前菜3種盛：墨魚鬚配芝麻醬，爽口彈牙鮑魚配三文魚籽，以金箔點綴，鮮甜美味水雲酸味味，酸酸甜甜，好醒胃刺身7種盛：北海道原隻海膽，鮮甜肥美薄切右口魚配酸汁，結實爽口酒煮粒貝，微微酒香燒北寄貝，鮮嫩可口鰤魚，油潤柔軟秋刀魚，鮮甜美味牡丹蝦，爽甜彈牙和食：螺片，美味可口燒雞翼，鮮嫩多汁天婦羅：沙嘴魚、秋葵、日本青椒仔、菇、茄子，皮薄香脆不油膩壽司五貫：針魚，質感爽口金木鯛，甘甜可口黑陸魚，油潤滿分超拖，入口融化北海道海膽，鮮甜濃郁汁物：魚奶湯，魚味香濃甜品：靜岡蜜瓜和紫薯奶凍，先食奶凍，幼滑唔會好甜，蜜瓜多汁香甜。仲有兩款廚師推薦，都係我哋鐘意食嘅嘢：阿波尾雞沙律，我鐘意食沙律，第一次食阿波尾雞沙律，外貌似魚片沙律，食落去似煙熏三文魚嘅味道，再配柚子味沙律汁，好味又開胃。鰻魚豆腐，老公鐘意食鰻魚，呢款鰻魚豆腐好特別，外脆內軟，兩款食材好夾。…Read More

十月份係我同老公嘅結婚紀念日，咁啱撞正中秋又有個long weekend，諗住帶埋小b一齊食飯慶祝，所以近近地搵到呢間食日本菜。第一次嚟，有驚喜，食物質數高，下次會再去。之前見到有二人餐都幾吸引，入到去就直接叫份「將軍二人御膳」。前菜漬物，原來係三文魚鼻軟骨，爽口鮮甜，加上醋味同海帶，口感豐富。三文魚明太子沙律，沙律菜新鮮，三文魚厚肉。刺身三品盛，好新鮮好鮮甜。單點炙燒左口魚裙邊壽司，入口即化，好好味。汁燒美國牛扒，肉質嫩滑，味道香濃。燒明太子雞翼，微辣香口，雞翼飽滿。松葉蟹糕蟹肉炒飯，炒得乾身，飯粒分明，香氣撲鼻，蟹肉份量多。鯛魚濃湯，雪白色濃湯，好香魚味，咸味適中。…Read More

自從公司搬咗之後，我多數係太子轉車返屋企，唔知放工特別肚餓定係點，成日係巴士度都會聞到好香嘅蛋糕味。上星期又俾我聞到好香嘅蛋糕味，真係唔係幻覺，見到有人拎住袋蛋糕，八卦嘅我就記住盒上面嘅名字。之後做下research，原來呢間舖嘅蛋糕係最近好hit嘅手工古早蛋糕，於是放工就即刻去買返屋企食，佢哋有好多款味道，我就買咗原味同朱古力味。原味：蛋香味重口感鬆軟有彈性，回味無窮推介凍食朱古力味：滿滿朱古力粒層半溶朱古力醬，美味可口推介熱食…Read More

唔經唔覺又到六月啦，不過因為疫情關係，都無乜約朋友出去食飯慶祝，但係老公話點都要同我出街食飯慶祝，所以早幾日放工去咗「日本野」食日本野，哈哈。環境寬敞舒適，日系簡約設計，可以放鬆心情忘記煩惱。原來可以自選刺身丼，有多款刺身選擇。各款刺身都新鮮肥美帆立貝大件啖啖肉，油甘魚厚肉鮮甜，八瓜魚爽口彈牙，北寄貝同蟹籽都好鮮美可口。必點人氣「石燒吉列霜降牛小排」見到大受好評而且差唔多每枱都有人order，當然要order份試一試。牛小排油脂均勻，酥炸四邊，鎖住肉汁，令肉質更鮮嫩，在熱石上燒一燒，肉的鮮味更加顯著。晚餐套餐性價比高，唔怪之得咁多人order。追加：和風柚子雞翼，香甜柚子味減低雞翼的油膩感，必點之一。追加：厚燒鰻魚玉子，質感嫩滑，厚身足料。牛油果軟殼蟹卷，軟殼蟹香脆配合牛油果提升口感。…Read More