Cheetah612's Profile

見到佢有片皮鴨，專登黎試下！ 用餐區地方不大但非常光潔亮麗，枱與枱之間距離寬敞，感覺良好！ 當日因為人少，只點了片皮鴨二食及一個菜類，甜品！片皮鴨亦有師傅操刀，一貫酒店中菜廳嘅儀式感，鴨皮充滿油光，一看已垂涎三尺，尤其鴨胸皮入口即溶，鬆脆甘香，配以桂花黃糖，更加可口除了桂花黃糖，其他配料有山楂，哈蜜瓜，蘿蔔絲，青瓜，蒜蓉及京蔥，師傅刀工亦精準，沒有半點多餘脂肪之後嘅鸭鬆生菜包亦夠鑊氣，好好味，鸭肉油香發揮得好好，你係會追住食落去，我掛住食嘢，冇影到相其他食物都發揮到！ 服務亦主動，細心！好一次愉快嘅用餐體驗！ 總括而言，我會再去嘅一間中餐廳值得試下個片皮鸭…Read More

平日lunch 嘅時間约左朋友，唔full, 環境理想，枱與枱距離合理，没有傳統酒樓嘅喧鬧及人多！食物係想走decent 少少嘅路線，不是sell 抵食大件，如牛肉腸粉會標榜係用安格斯牛肉，點心伴碟會用上食用花，還有熱門老牌食物蝦多士及鳳城水餃等，價錢比一般酒樓高，尤其碟炒。點心味道正常好味，但甜品質素一般，唔會有幸福感比到你，當日點了西米焗布丁及楊枝甘露，芒果酸，布丁表面唔夠焦！同鳳城舊舖差好多，兩樣甜品似没了靈魂，可惜！但用餐環境及服務可補不足，想同朋友食飯暢聚，總可一試同家人聚會，建議去舊舖穩陣D😂…Read More

知道新桂香好耐，以前出名係燒排骨! 好耐之前試過真係好食! 大大話話話幾年未再食過，見綱上評論毀譽參半，又咩揾笨全肥又咩香港第一，好吊詭!咁大差別真心想試多次公道D寫下好唔好食! 平日下午點幾仲有叉燒賣，問下如果下晏5點幾洗唔洗拎定籌，亞師傅回應3點5點仲有出爐，平日唔洗攞籌，黎排隊可買到! 咁就5點鬆D去排隊，龍唔係好長，10 個左右! 嘩！D叉燒靚到癲排隊見到狂吞口水! 到我啦到我啦！原條3粒外賣成為兩舊水! 個汁係完美地將條叉燒封住，油光满滿! 食前用碟盛著放飯煲面翻熱，香到企唔穩! 以叉燒黎講我唔敢講係咪第一，但绝對物有所值! 酒店中菜廳一碟黑毛叉燒接近3舊水，新桂香以平民叉燒黎講算貴,但值! 一舊肉有齊爽、淋、肥、滑嘅口感確係唔簡單! 仲有，****記得叉燒係一定要單買**** 唔好叉x 飯，完全唔係嗰回事! 仲有，如果要食瘦叉我勸你不如唔好食!唔诜同師傅講咩切细舊D! 師傅切嘅厚度係最適中嘅大舊叉燒! 嗱！購買貼士講左啦， 非常建議一試嘅!…Read More

每當想到要食buffet, Grand cafe 是我不二之選! 愛它的不擠迫，環境寧靜，及永遠體貼的招待! 其實老實說，食材選擇不多但夠食，每次也不能把所有食材吃勻一遍! 不用多說，一開始必要試龍蝦海鲜湯，鹅肝，和牛扒及海南雞，之後會試上湯龍蝦，梅菜蒸龍躉片，辣酒花螺，天婦羅! 如果仍有胃口，會食自家制雞肝醬! 抖下就是自家制雪糕及甜品生果時間! 雪糕水準之高已可凌駕一些名牌雪糕有幾款食物今次無食，刺身不肥美更没有帆立貝，凍海鮮看起來好一般! 也没試蝦及羊架 喇沙及中湯，cold cut沙律，意大利芝士海鮮飯，也許留待下次罷! 水準穩定是意料中事，但今次爆哂冷，天婦羅及辣酒煮花螺係最正縱使如此，它還是我buffet 首選值得一試…Read More

又是一間不可多得嘅老店! 水準穩定! 初初光顧這老店已是幾拾年前，由爸媽帶着的女孩！每次來到必點韭菜花，蠔油加1蚊另上! 愛它的淋滑嫩，每次水準很穩定，绝不會有差池! 另外一定叫水餃，爱它結結實實的，不會咬一半散開，饀是實際吃到的肉粒，有咬口，很實在飽滿! 湯底有淡淡的大地魚味道，没有喧賓奪主，恰如其分帶出水餃的層次感，清楚吃到水餃的肉香，雲耳及冬姑味，好正! ! 當然還有調較過的紅醋，余均益辣椒醬，同水餃雲吞係绝配! 又是錦上添花! 今次没叫雲吞，因雲吞有很多食肆都做得好好!由細食到大嘅味道，很地道! 這間食肆亦是會令我專登過來食嘅老店，值得推介! 我亦特別推介豬手!非常入味，不太淋，大件頭，試過你就知正略嫌水餃湯比較少!看到加湯收5蚊，算了吧! 下次再來! …Read More

行赤柱見新開，亞囡想試，咁啱有位咁就試下啦！裝潢好靚，歐式垂纱窗配吊扇，美! 绝對係打卡聖地，但坐位略嫌迫夾，再看menu, dishes 選擇不多，主力Pastries 同sandwich ,都幾肯定呢間係打卡餐廳! 同場各枱女仕狂擺姿勢，扭哂腰咁，以最好嘅姿態打卡，也許會在IG上一較高下吧，我看著覺得好好笑! 講返食物，點左Insalata caprese, burger, plasta同Lemonade, 沙律正常味，portion 算大份，可以一份食飽左! Burger 牛肉好厚，味谈D但肉汁夠! 薯條好食，脆同多! 但plasta herbs味太重，我覺得好一般! 我哋一心諗住快食快走，車泊門口方便走鬼我見佢D tart 呀，pastry 好似好得，下次著靚D化行粧黎Tea 打個靚卡先…Read More

其實香港地揾食好難! 間間排到癲! 見呢間新開同個receptionist 係咁推薦，又唔诜等位，咁就試下! 我哋無揀鐵板燒，食西餐。裝修環境係Fine dine 格局，幾grand！ 但一坐低，好嘈! 有幾枱講嘢好大聲，同現場氣氛格格不入! 影響食慾! 我哋點左兩個set dinner 同另加一個burger同個湯, 頭盤鹅肝有驚喜，真係做到外脆內軟! 配個 berries 汁好有層次，正! 仲有另外一款Scallop salad ，都好食但失色了，是鹅肝太出色! Main course 係牛柳大蝦，蝦好大隻，但略為煎得老左少少，同樣外脆內軟，牛柳火喉亦處理恰當，burger 也好食但没驚喜，薯條勁正! 用餐過程除左環境嘈，其實等左好耐! 上頭盤後30 分鐘還未到main course, 可能新開還未上軌道，其他枱亦有同樣情況! 仲有客投訴上菜好慢! 侍應亦禮貌跟進! 最後甜品亦出色，mango嗰款好清新，芒果味道好出， 比朱古力撻好食，朱古力撻嗰款太甜了! 雖然嗰次用餐經歷一般，但我念念不忘佢個鹅肝! 再比多次機會佢去食多一次，今次我3人想坐卡位，佢有吉卡位但拒絕比我哋話要book！係都要比中心位我哋，雖然嘢係好食，但service 咁，我未必會再去! 個卡位其實到我埋單走都係無人坐嘅:(我比好評係比D嘢食! 都推薦大家試一次嘅…Read More

同囡上完課外活動，不如食埋飯先返屋企，就試呢間吧！ 叫左兩碗拉麵，天婦羅及餃子，一般! 再黎拉麵，好多料，好大碗，視覺上看似很美味!但不知怎的，係食唔到拉麵嗰種濃郁嘅湯底，很無奈! 我一口又一口地尋找舌尖的滿足，但就是味道不夠! 從碗裹滿滿的肉粒(我點的是麻辣），湯及配料，本應好滿足，但湯不夠熱，各種配料都有味但湯底唔得嚴重影響左味道，同佢外表反差好大! 再也提不起食欲! 可能我點麻辣是錯了 最後還是放棄了!如果可以，揀其他! …Read More

天氣悶悶熱，想食D湯粉滋味嘢! 諗起安利，任性的即刻去! 如以往一樣，中午例要排隊，幸好還早! 只等5分鐘，甫坐下，點了蛋河加腩汁，片頭撈粗，鮮油多及凍飲! 今日唔係好想食牛腩所以無叫! 我獨愛佢D柱侯腩汁超夠味，反而佢D切腩係爽，有咬口嘅! 撈面都偏硬身，但加D湯就好perfect！ 另外不得不提就係佢個辣椒油，簡直係劃龍點眼無得輸! 仲有個熱辣辣嘅鮮油多，超好味! 凍飲18蚊無咩特別，其實佢有细支可樂只係7 蚊! 食左二十年安利，佢都算係可以令我專登去食嘅其中一間食肆，水準都keep 到下! 未試過可以一試…Read More

限聚及疫情下，除了在家晚飯之外，突然想吃一頓舒適好味嘅晚餐! 記起之前黎過飲茶，不如試下晚飯.因即興，所以無預約情況下walk in, 好彩有位! 地方舒適，枱與枱距離適中，沒有壓迫感! 有D似酒店中菜廳feel, 更有落地玻璃海景view, 好正! Menu 有幾款combo，片皮鴨二食+叉燒，另外一個餐又有龍蝦伊麵+ 蒸魚，只係大约498 同698，至緊要係用餐環境舒適，地方骨子寧靜，沒有大酒樓嗰種喧鬧嘈雜，但出品就是大酒樓的水準，没有誇張！慢慢的靜靜的享受着美食，望下海景，簡直一樂也! 下次應該要自備紅酒chill 下! 別浪費如此美景，美食! 值得推介💕🍷…Read More

過江龍梗要試下，之前只試過另一間過江龍SS，今日試埋FG, 來了個cheese burger，牛肉味係有嘅，但味道醬汁比SS 更好，juicy 好多，all the way 嘅配料比例更恰當! 真係要評價，我會覺得FG 好食D! 點都好，比麥當當的好! 環境方面，坐位非常闊落，令你覺得自己置身在US 嘅FG! 連外藉店員嘅面口都係一樣嘅～黑口黑面:)我嘅評價係唔會專登撘車去食!只屬中規中矩，但不妨一試，點都好過麥當當嗰D所謂signature嘅! …Read More

得悉得發重開，決定要以探一探老朋友嘅心態去食! 記得第一次到這間大排檔，還是個拖着父親手的小女孩! 轉眼數十年，久不久來幫趁，就是吃那份老情懷! 裝修後，周圍環境没變，只是把熟食檔口及坐位從新規劃，眼見坐位集中在中心，比從前更密集，有D迫，在29·c 嘅天氣下，係熱嘅! 我在平日下午2:30到達但依然很多人等位! 好了，有位，決定來一個丸雜河! 牛丸依舊有陳皮香，牛肚淋及夠入味，不知怎的，覺得湯頭比從前淺色左，淡左D! 但不失美味，35 蚊的丸雜米，探過老朋友，食份情懷，還可以吧! 但一碗未必夠飽肚! 怕熱的朋友最好等天氣涼D先去幫趁! …Read More

疫情下，原本有好多好食嘅燒味食店失色! 也許是貨源或成本問題，令貿素下降了! 但棋哥嘅燒鹅依然保持到水津，肥瘦適中，皮脆肉滑!還吃到陣陣柴火香! 仲要當你熱辣辣買成隻燒鹅，攞住上車，嗰種香味勁到全車嗅到，沒有誇張! 下午茶嘅燒鹅瀨也绝不欺場! 茶餐也做得很好！發覺好多人 捨得食$102 蚊嘅鹅肶飯，我下次一定要試試其實$498 1 隻咁好質素嘅燒鹅一D都唔貴!超推介! 如果真係想試下好食嘅燒鹅，又唔想長途跋涉去深井，去棋哥試下會有驚喜!…Read More

一年總有幾次因不同原因要去花墟，每次時間許可嘅總是會到這裏吃個下午茶! 愛這裏的老格調，現在這樣的老餐廳越來越少! 企理得黎舒適，沒有那種高不可攀的高竇!食物款式選擇多，味道也好! 至愛的薯仔沙律就是home made 的那種味道，[車厘歌夫]的那種! 下午茶有很多選擇，炒粉面，焗飯，意粉，沙律，三文治，不能盡錄! 最後選擇了3 個set 牛脷沙律，豉油皇炒麵及焗肉酱意粉! 有飲品，埋單只係200 元! 置身這舒適環境，同樓下闹哄哄車水馬龍的完全不一樣，有點像進入了時光隧道，讓自己身心慢下來休息一下罷!食物也非常美味，會keep 住再來! …Read More

皆因我同老公嘅飲食嗜好幾唔同，所以久不久我哋會去食buffet！疫情關係，又限聚，今次是今年我哋食嘅第一次buffet，見有龍蝦，生蠔，海膽及蟹做主題又有74折，好耐無出街食飯都非常期待! 一入場例牌量體温，入口處有提供搓手液及酒精纸巾，場內亦有提供，枱面亦有mask cover 提供! 坐位有隔板，訂坐時安求梳化位，但最後入坐並没有安排到! 當晚係星期日9/20, 目測應該係full house, 人好多，前菜沙律頗多款，更有Prama ham, 及我至愛嘅意大利Insalata Caprese,唔係好common嘅buffet appetizers 都有，但似乎客人更愛海鲜熱葷，無咩人問津! 入席後，侍應會奉上龍蝦，其後7點半之後可到海鲜bar 枱自取, 其他主題食物亦有供應，應該有的都有，绝無欺場，魚生質素係一般壽司店質素，不能用omakase 2xx 一塊嘅Toro 比較! 海膽亦然，加拿大嘅本身質素入口唔及日本嗰隻鲜甜，生蝦係大隻嘅，係亞根亭红蝦texture本身係淋，呢D蝦大隻反而入口唔太好，赤蝦反而會甜D好D! 都係嗰句，唔好用omakase 嘅質素比較! 蠔，即開，試兩隻偏瘦但ok 啦，我每樣只係淺嘗，魚生及海鲜質素未至於令我攞第二轉! 鹅肝ok, 但不得不提，千其咪食片皮鴨，個鸭皮完全唔得，好似柴皮一樣!没有油香，不試也罷! 甜品我亦只吃了waffle ＆ movenpick， 佢個Lemon sorbet favor 好正! 其實我們家食量不多，食buffet 係蝕嘅!每樣淺嘗一轉已飽，但爱buffet 選擇多，睇下都開心! 經理亦有每枱問候有何不足，亦有细心跟進! 之後兩三日還有兩次電話跟進，之後得知原來是有其他顧客投訴! 但我們食後並沒有任何不妥或不適!整體而言，我覺得魚生海膽質素可再提高一個grade, 畢竟收費不算便宜，同其他幾間收呢個價錢嘅5 星酒店buffet嘅質素係有D距離！ 客人有期望有比較係正常嘅！定係疫情下，成本也因供求提高了不少? …Read More