做冬果晚老媽話不如出街食, 費事煮到身水身汗, 身為孝順仔女o既當然say yes。 但係元朗區好多餐廳吾係限時限刻, 就係環境侷促得令人坐一陣已經好想走, 我地一家八口難得出來聚一聚, 當然想坐得舒服d, 係完全relax冇壓力o既環境下食下野傾傾家事。 老媽同我地都超喜歡食日本野, 知道屋企附近開左間新o既日本餐廳, 環境清幽寧靜, 格調高貴, 非常吸引, 即管登門一試~~~果然, 餐廳內部很寬敞, 枱與枱之間有一定的距離, 客人可以保持私穩, 真係一個Gathering 的好去處!我地一家都係刺身怪, 所以點了兩大盤刺身, 滿足一下食慾! 當兩盤刺身被侍應棒出場的時候, 大人細路都不禁嘩嘩聲, 真係不得了! 單係賣相已經引死人, 令人食指大動, 睇得出是刺身師父誠意之作, 應該花了不少心機吧!? 超讚!!! 刺身拚盤絕不欺場,有牡丹蝦、帶子、海膽等等…除左賣相極讚之外, 亦都很有實力, 鮮味無窮! 最憎市面上有一d平價海膽食落口又腥又有一陣木板味, 不過呢度o既海膽絕對是濃濃o既海膽鮮甜味.之後我地點左d燒物, 如牛舌串、雞軟骨串、雞肉棒串、大蔥雞、燒冬菇、燒鰻魚等等, 全部都係即叫即燒, 味道尚算不錯! 但特別一提係燒鰻魚, 好肥美, 配上濃濃o既醬汁, 真係好正! 聽侍應介紹, 佢地o既銀雪魚西京燒亦都係他們餐廳的代表作之一, 下次再泥一定要試下了!另外鵝肝一定要試一試,鵝肝既份量同墊底塊法飽差不多咁大咁厚,超抵食~~阿妹再點左個鮮蝦什菜天婦羅, 同樣炸得出色.最後, 我地點選了牛肉烏冬和鰻魚炒飯, 為今晚畫上完美的句號!雖然我地第一次幫襯, 不過老闆非常好客, 熱情招待, 細心體貼, 又請我地食前菜, 甜品芝麻雪糕, 簡直有五星級酒店服務和享受既感覺!聽老闆講遲d仲會增設鐵板燒, yummy yummy, 真係引頸期待呀!…Read More
