走地鴨's Profile

HK$108一位, 湯或前菜二揀一, 主菜係自選3款食材既PASTA (有蝦, 魷魚, 牛柳絲, 雞絲, 磨菇 ....), 再揀白汁, 茄汁或者龍蝦汁.  飯後甜品或咖啡茶.  之前佢地只係做晚市, 我見午餐咁平, 估佢會好細份, 又唔係噃, 份量好足, 而且同晚餐一樣質素. 我碗周打蜆湯好濃郁, 有好多蜆肉, 鮮甜.  同事既煙三文魚沙侓, 好大塊三文魚  而且D菜好新鮮.  最正係個意粉, 芝士味濃, 好CREAMY.  龍蝦汁天使麵都好惹味.  食埋藍梅芝士蛋糕, 真係大滿足.  食物水準高, 呢個價錢真係好抵食…Read More

朋友聚會, 本來都抱幾大期望.  HK$350一位, 有8成既菜式都係小食/冷盤... 仲有係無任何難度既菜式.  第一道菜係涷蕃茄, 一人一小楷, 多一件都無, 份量細得可憐.  之後食左涼拌荀絲, STRAWBERRY醬點生牛膀, 炒茶樹菇, 洛神花水浸蓮藕片.... 嘩, 幾片野浮浮下又當一道菜.  仲食左一人一條炸春卷, 水煮花甲, 麵包蟹蒸蛋白, 不過成盤水咁囉.  話有5個主菜, 食咩?  除左豬肚雞, 其他既真係估佢唔到咁"實惠" - 響鈴放係D菜上面 (無錯, 原來響鈴已經變成上菜), 仲有一碟炸芝士魚豆腐, 唔係呀, 現成買番黎既魚蛋炸左佢又係一道主菜. 仲有一個牛肉餅之類既野, 超細件囉.  成晚最好味係個湯, 一人一盅, 湯渣多過湯.... 我明白私房菜唔易做, 成本要控制好.  但係真係唔好咁過份囉, 賺都咁盡.…Read More

一行四人去食龍蝦, HK$72一人限叫一隻, 雖然細隻左D, 不過好鮮甜, 蒜茸蒸同埋芝士焗都好好味. 仲叫左糯米蒸聖子, 幾好味噃. 燒乳豬半隻, 皮脆肉滑, 不過唔明點解咁細隻BB豬都會咁肥? 之前係其他餐廳食過BB豬, 好瘦下架. 重食左醉鴿, 唔得, 肉"梅"又唔入味. 啫啫唐生菜, 好香, 不過正如樓上話齊, 得幾條菜. 最後叫左個三鮮焗飯, HK$99, 張圖見到有帶子... 上到枱, 只有雞肉, 豬頸肉同埋蝦仁... 味道一般, 超多飯勁少送. 我覺得蒸海鮮做得唔錯, 其他就普通. 不過服務真係差到無人有. 食完龍蝦一碟都係殼... 無人換架, 叫就換啦, 成個場得幾丁伙記, 想搵人沖水都好難. 因為有特價龍蝦, 我會再幫襯... 不過唔知特到幾時... 要自己打去問下.…Read More

上次同朋友去過一次, 好正, 今次再去當然要食翅. 一樣咁好味, 一梳梳, 又入味, 又滑. D湯好濃, HK$880夠6個人食. 其他小菜都幾好, 值得推介.:)…Read More

同阿媽家姐細妹一行6人去澳門玩, 先去新濠天下睇一幕SHOW. 本來訂喜迎樓, 但係又EVENT無得訂. RECEPTION好GRAND下, 坐下等帶位, 入面都唔錯, 我地坐右邊角落頭張大檯, 好似VIP房咁. 點心OK, 食左蝦餃, 燒賣, 牛肉腸, 蘆筍雞粒餃, 炸奶黃包, 排骨, 雞扎, 干炒和牛河等. 排骨好重味精, 其他都幾好. 不過SERVICE 真係麻麻, D員工好有禮貌, 不過佢地做野真係超慢. 加水要等好耐先有人黎, 收左個POT又要好耐先拎番黎. 點心都係要等..... 等...... 無野做去HEA番半日飲茶都幾好, 好RELAX, 又無咩人打攪.…Read More

星期一, 同女友試新野. 去openrice search私房菜, 銅鑼灣有幾間, 決定試下意大利菜. 其實個名幾特別, zone-d, sounds like 兄弟 in mandarin? Environment was OK, it was half full that night. I ordered 2 set dinners, the 2 apetizers are pretty good, hot one is Italian soup, the beans are soft and the spaghetti inside is chewy :) the green salad is fresh too. For main course, I had lamb chop and girl friend had fish (silver cod), the silver cod is nice, mine is so so. 甜品係apple pie 加cream cheese, 幾好味. 雖然無驚喜, 但係整體都幾平均. 個waiter哥哥幾cute喎, 順帶問下佢zone-d係唔係兄弟咁解, 原來真係 …Read More