we we we 's Profile

有一段長時間冇入大埔，今日舊地重遊，要學人懷舊一下，去些之前成日去地方，食些之前成日食食物。 大埔墟街市熟食市場真的唔陌生，假日又撞正午市時間去到仍然人頭湧湧，等了一陣位先有得坐。 耐冇來連規矩都唔知，依家係食物一上到枱即付錢。 不過咁都好，可以吃飽即走，唔使等理單。 今日碟炸魚皮好似比之前細份，不過味道仍然十分鬆脆。 好在那碗牛什河丶牛腩米份量仍十足，絕對大大碗吃到飽，最緊要就係唔覺得有味精。 咁多年食物質素也保持得咁好，真抵讚。…Read More

入到黃金海岸除了行沙灘商場之外，當然唔少得食嘢啦！ 商場细細竟然都有好多餐廳，有中西美食也有好似貴茶餐㕔格餐廳。 不過咁遠入嚟，冇理由食得咁普通又唔特色。 最後搵到間有地中海炭燒食物餐廳，入到餐廳見到部大電視播足球比賽，氣氛正到爆。 餐廳安排厨師站在戶外即場燒，可以見到厨師熟練燒烤手法。 看到紅紅炭火令食物燒至鎖緊肉汁，更散發出令人垂涎炭燒食物香味。原隻燒魷魚，size 大隻，燒完也冇縮水，夠份量。燒菠蘿，看到外型也感到好得，正。啤酒配燒烤食物，當然係最佳配搭，但配這個薄荷賓治，竟然味道意外地夾。…Read More

Pad Thai 泰式鮮蝦炒金邊粉，吃過這個泰式炒金邊粉多次，通常也會會酸酸甜甜好開胃又好食。 但今次這個一看就非常失望，個粉顏色已經非常冇色，吃落去味道似濕炒一樣，唔乾身味道又淡，絕對唔吸引。 同我去其他店食嘅，相差實在太遠了。 連蝦也炒左入粉裏邊，完全見不到配料，賣相十分不吸引。這個肉鬆臘腸炒飯又炒得幾好味，夠鑊氣丶配料又多，又臘腸又肉鬆，蛋又夠多，越食越滋味，正。湯粉夠大碗，不過餸菜配料份量少了一些。…Read More

在K11  Musea food  court  見到 piggysmoke 碗飯放得幾吸引，而且又不斷有人來柯打。 （其他的太差，中伏過不會再吃）。 所以決定試一試它，看看會否再中伏。 不過溫泉蛋剛缺貨，改為煎蛋，俾錢之後也給了個響機，方便坐著等機響。 但一等就差不多15分鐘，走去追先發覺原來它是一次過出幾碗。 不是一接order就即切出來。 最後等到取了，外觀看來也幾靚，飯面共有三片厚度適中叉燒丶一片日式叉燒丶一條茶丶一隻蛋，更灑了大量蔥花及豉油。 不過一吃原來飯不熱，只是微暖，肥叉燒配唔熱既飯，感覺令人失望。…Read More

今日有事去尖沙咀一轉，忙到忘記吃飯時間，忽然感覺肚餓，遠遠看見有間華嫂冰室招牌。 行近看看餐廳裏面坐滿人，餐廳設計簡單樓底高中間有幾張大圓枱，兩邊有多張四人座位。 以茶餐室嚟講食物都算少選擇，只得幾款。唯獨是檳城喇沙算特別少少，見到係限量供應就試下它。選了豬扒喇沙，好快食物已到，睇落去及聞到香味也感到應該幾好味。豬扒肉夠嫩又唔乾又夠大塊喇沙湯底味道夠鮮濃味不過這杯鴛鴦就十分失望，唔香唔滑，得咖啡味苦味。 …Read More

見到呢間海南雞飯大排長龍，之前朋友試過排左10幾分鐘之後，裏面先有人走出嚟同佢哋講話準備收午市唔做。 今日我哋早到，也等了半粒鐘才可入坐。 餐廳午餐價錢其實算係貴，但竟然也要搭枱坐。 海南雞套餐望落去都幾好，有湯有飯及包埋飲品，但味道就一般。 個湯就似生菜魚肉湯味，湯冇味裏面只得生菜絲。 個飯就幾好食，夠香又不太油膩。 主角嘅雞反而非常一般，雖然已細心去骨，但肉質就有參差，一部份係滑一部份肉是粗糙。 反而奶茶就夠茶香味，餐飲也算ok 。…Read More

見到朋友提到這間法國牛國酥名牌，今天下午經過見到長長一條排隊人龍。 雖然我想買，但太浪費時間我不會做。 而且向內看見到架上排到密密牛角酥，門口密密人龍，看到也慼沒有興趣了。 同朋友吃完晚餐，可能已夜了，看不見門口排隊長人龍了。 店內看見到仍有它的出名croissant，也見到有baguette 買了牛角酥及baguette 包裝方面尚算OK買回家紙袋也沒有出現滲油外層圏圈層層香脆，牛油味超香醇。Baguette 味道及質感非常一般，沒有小麥香味，味道淡已無味，吃了一個也沒有衝動想再吃，另一個只得留回明天再吃吧…Read More

我好喜歡吃越南菜，但係好多越南菜都失去原有味道。 今日誤打誤撞又找到間幾好味越南餐廳，最緊要又在尖沙咀又唔貴又好味。見到有好多款式選擇，越看越吸引。更有下午茶優惠，可加配小食及飲品。好多細餐廳也慳掉提供紙巾，要客人另行購買，但這間就每枱也放了一包紙巾，方便客人，夠細心。一放上枱已看到好ok ，香料夠足。湯底夠濃，帶香濃牛肉骨味，䶢度適中。下午茶價錢也有多片生熟牛肉，非常足料。朋友要蝦餅撈檬，份量比湯粉細，不過擺碟十分整齊。蝦餅新鮮炸起夠熱，不過蝦餅口感差，唔彈牙又粗糙。不過熱檸茶也有4片檸檬，都捨得落本。…Read More

尖沙咀區去細商場，人少夠靜行起來也舒適。 見到有間好多外賣員在門口等送外賣，一個個接着送貨。 我就去門口睇，原來係間簡單日式料理。 門口超簡單只放咗兩個雪櫃同埋有個廚房，其餘旁邊有幾個座位。 選了滑蛋豬扒丼及多多沙冰。 俾錢之後就等大概10分鐘左右，不過可以坐住等。 到個滑蛋豬扒飯丼整好，即叫即整好夠熱。 豬扒炸面唔脆，配料竟然有青椒丶金菇及白芝麻，個汁又好稀，味道一般。 不過個多多沙冰唔甜，用加配價錢都ok 啦。…Read More

之前去了間出名嘅茶餐廳吃lunch ，就在茶餐廳旁邊見到都有間麵檔。 門口掛了一幅價錢牌，可以單吃也可有套餐，套餐有很多款式配撘，$53有湯麵丶小食及飲品。 今次去幫襯叫咗一個水餃麵丶一個風沙雞翼同埋一杯檸檬茶。 水餃麵有三大粒水餃在裏面，咬開每一粒水餃也有蝦丶木耳等，餡料豐富餃皮滑，麵質爽口湯底香濃。 風沙雞翼即叫即炸，新鮮炸起十分熱雞皮十分脆，而且把雞翼切半成單枝雞翼，方便進食但味道就偏甜。 檸檬茶就一般啦，茶膽略淡，但員工服務態度好，雖然店細細但也感覺十分舒服。…Read More

一連兩次在這商場幫趁食物也中伏，味道強差人意。 今次唔搏了一於食返大品牌，應該味道有信心保證。 入到去見到食物價錢同平時買嘅一樣沒有高級商場收費更高，不過座位安排真的太小。 如果沒有找定座位，買了也不知應該坐在哪裏食。 選了一份公司三文治，有即時烘加熱服務。 俾完錢找了位坐下等，很快也烘好。烘得好靚，紋路非常清晰，見到都覺得好好食。麵包表層烘得脆，也烘至芝士溶化，好味。雖然係free drink ，但味道及服務也無偏差，令人飲得enjoy 。…Read More

今日又到尖沙咀行新開商場，見到有間百福麵家開了，從玻璃向到厨房位十分乾淨企理，煮麵廚師手法純熟。食物價錢唔平，不過高級商場，預了也是這個價。要了一碗原汁牛腩麵$55俾完錢之後，就給了一部食物提示機，坐著等提示機響，點知原來食物煮得好快，找到位一坐下就已響，又要即再行去取麵。碗麵份量不大，但見到碗印了店名，又放了一塊大牛腩在上面，看似也ok這塊是平時正常size ，也帶有少少牛脂不過其餘下面的也是偏瘦湯底味濃但鹼水味超重牛腩竟然瘦到同瘦肉一樣…Read More

行行下街見到有間賣韓國熱狗店，最近香港好似突然好hit 吃它。 反正未試過就走去望望。間店廚房好似幾大，有點似食物加工工場。 雖然好大幅拉架，遠遠也看見，不過相片拍攝手法及文字也不太吸引。見到做緊promo 買熱狗送飲品，我選了Italian mozzarella 外賣$35 。 不過如果單買一支 corn dog也幾貴，不過送飲品就抵好多。 見到佢把熱狗放入去炸，最後放入個長形盒中。 不過一咬開裏面芝士仍是原條芝士沒有拉絲或溶芝士感覺，原來把兩粒香腸頭尾放，中間就放一條長mozzarella cheese 。 可能我放了幾分鐘之後吃，味道感覺一般。…Read More

尖沙咀開了個新商場k11 musea ，反正去尖沙咀覆診就去睇下個商場有幾靚。 原來出口駁了在尖東站，由地底過不怕天氣突然轉壞。 去到商場好大好靚好多名牌店，行了一陣見到B2 有food court 。 不過就得幾個counter 開了，而且食物價錢以food court 來説是貴。 看到船塢好多人排隊，可能另外嗰兩間也有好多食物沽清。 不過見到佢哋員工合作性未夠，運作十分混亂。 食物也一tray tray 爆滿countertop ，但也沒有人取，可能是取食物提示器壞了吧！三重芝士鮮茄焗豬扒飯$68盛食物器皿看似好靚，連個tray 也是金屬不是膠，有點型格。 不過食物賣相就不合格，個焗芝士面焗溶芝士就算，少少金黃色也冇。塊豬扒又細又薄又冇味，飯粒較硬，除了汁夠多之外，其他也不合格。…Read More

之前經過幾次它的總店，每次也為了工事也冇得停下腳步嘆一嘆。 終於今日放假經過它的尖沙咀分店，可能假日餐廳唔忙有位，今天有緣見到，冇理由再錯失它的奶茶。熱奶茶夠香夠濃又夠滑，完全正宗絲襪奶茶味道，十分正。蔥油雞扒撈丁蔥油香，雞扒煎得皮夠金黃，肉質仍嫩，不過份量略細。凍奶茶雖然加了冰塊，但奶茶仍夠香濃，看到奶茶面浮出細緻泡沬，就看到它的香滑度。豬肋骨喇沙湯米豬肋骨炆得夠林，不過喇沙湯底一般。迷你奶油脆豬仔包外層烘得夠脆，好味。…Read More