fafa2009's Profile

朋友介紹，午餐又多左個選擇，12點半黎到，等左一陣就有位啦！第二次黎，上次個麻辣都唔錯，於是繼續叫返麻辣系列，揀左豬軟骨刀削麵，最鍾意呢度送同麵分開（好似只係麻辣系列），咁個湯底就唔會太辣同油。雖然人好多，但好快就有得食，一小碟豬軟骨大概有四五舊，視乎大小而定，炆到好林，一啖肉一啖麵，好味😋刀削麵除左感覺上健康d之外，口感亦都好好，有少少QQ感👍…Read More

第一次食私房菜，出乎意料之外嘅滿意！今次尾牙飯揀左套餐C，十二個人，每人298唔使加一。雖然環境唔係好闊落，但d送真係比酒樓好味好多，真材實料，又唔會好油同鹹，剛剛好，幾位長老都好欣賞，性價比高👍👍印象深刻嘅菜式係個瑤柱扒西蘭花，師父切完仲會堆砌返原狀上碟，心思之作；另外個花雕蛋白蒸蟹勁鮮甜，蛋白好滑又有蟹嘅鮮味；仲有個炒飯好好大碟，炒得好乾身，粒粒米分明，好味😋😋甜品同生果都值得讚！下次會再黎🤗…Read More

韓國菜愛好者諗唔到食乜就一定食佢！呢間黎過幾次，價錢偏貴少少，但今次三個送都略鹹！我地兩個人叫左個豆腐湯，牛肉石鍋拌飯同一隻醬油蟹。係其他餐廳食，一般湯類都會跟白飯，不過呢度要另外叫，個石鍋太熱嘅關係，搞到個拌飯好多飯焦，個湯一開始覺得好鮮甜，但飲飲下就覺得好鹹，希望下次廚房可以輕手d，哈哈！…Read More

朋友介紹嘅甜品舖，毫不起眼，但食完好有驚喜。小舖經營，得店主一個人，一手包辦所有嘢。我地一人揀左一樣，分別係梳孚里pancake串燒同三兄弟。雖然呢度出名係燒雪糕棉花糖，但本身唔好棉花糖就放棄左。呢度係即叫即製，等左一陣就聞到好香嘅pancake味，一上檯都幾surprised，個賣相好靓，滴滴色色，加埋d生果，顏色配搭好靓。個梳乎厘pancake蛋味好香，軟軟綿綿，芒果超甜，下次經過會再黎。…Read More

一行三個人做完運動，轉一轉韓風，銅鑼灣幾間韓國餐廳都食過，水準都差唔多，就揀左間最近嘅。可能已經九點幾，唔係好多人，打開餐牌睇中左好幾個，最後篩選左豬手，石鍋拌飯，泡菜煎餅同埋大豆芽湯，最後都係食唔晒，有半碟豬手要打包。係香港黎講，呢間嘅味道算貼近韓國，前菜都好味，不過韓國嘢晚餐都幾貴，除開每人都差唔多三百，偶然食下都可以嘅。…Read More

心血來潮唔想食肉，朋友揀左公司附近嘅齋舖，之前經過好多次，都無食過，今日終於可以一試。職員帶左我地上去1樓，唔使搭檯，望完個餐牌好多都想食，但我地得兩個人只可以點兩樣，叫左個齋滷味同一個羅漢齋飯，不過師父整左炒麵底，見個樣唔錯就照食。食物就無特別，勝在lunch hr都可以慢慢坐傾計。…Read More

第一次食係係上海，個時覺得好驚喜，話晒第一次食鹹嘅crepes，覺得好特別。咁啱見到團購有午餐，就約埋一齊去食，有個main course+dessert +drink，78蚊算抵啦，service都幾好，食dessert 會主動換一套🍴，又可以慢慢坐👍…Read More

無意中發現左呢間嘢，午餐時間路過見到有人排隊朋友話不如就呢間啦。雖然平時我麻麻地越南嘢，但食完呢間我會想再食。裡面是是正正，唔係好多張檯，老板超好服務，雖然好忙，但都會不時加下水，態度好好。個牛柳河粉湯底真係一流，濃郁得黎唔似平時個d太重香料味，牛柳一d都唔鞋，一個字正！下次會再黎😋…Read More

朋友生日想食西餐，見到食評唔錯就試下啦，服務員知係生日主動問要唔要準備底碟寫happy birthday，呢樣值得讚嘅。7點去到無乜人好靜，到八點左右先多返幾檯，我地叫左澳洲M9和牛同岩鹽香煎銀鱈魚扒。扒嘅價錢都正常，但魚扒加埋一成三百幾，又唔係厚身，薄薄一片，雖則個餐包埋自助沙律吧，但唔吸引，所以覺得唔抵食。呢度勝在夠靜，其他就不覺不失啦！…Read More

做完運動9點幾又唔知食乜，見到順德菜就試下啦⋯⋯可能過左晚飯時間，得幾檯客，我地3個人被安排坐係卡位，位置好闊落，都乾淨，一坐低阿姐好快就拎左壺玄米茶同水過黎。揀左半隻雞，個人覺得個皮唔夠脆，肉質無乜特別，比位骨頭位置仲有dd紅色。鳳城水餃，個湯有d似公仔麵湯底，水餃略鹹；上湯枸杞浸菜苗，還可以啦；鳳城招牌炒飯唔知係咪有番茄粒，唔係太乾身；大良炸鮮奶就有d失望😞皮較厚，裡面鮮奶唔知係咪溝太多麵粉同糖，質感同味道都奇怪左dd；薑末炒芥蘭係幾好味。…Read More

之前聽朋友提過刀削麵，今日終於有機會食到啦！12點半左右去到排左5分鐘就可以入座。我揀左麻辣豬軟骨，朋友揀左麻辣牛腩。最欣賞係麵同送分開上，咁就可以試到原汁原味嘅湯底👍豬軟骨同牛腩都好入味，麻辣程度都剛剛好，個麵嘅質感都非常好，軟硬適中，第日會再黎！…Read More

朋友話想食壽司飯，即刻諗起久違嘅doraya，尖沙咀同銅鑼灣分店都有食過，兩間嘅水準都唔錯，不過銅鑼灣就細間d，今日揀左尖沙咀，上到去唔使排隊，照舊叫左粒粒魚生飯同自選壽司飯（揀左赤貝，中羅同帆立貝三款），仲加左10蚊轉蜆湯，今次個蜆大粒左好多，啖啖肉，個湯都好有味，不過飲飲下就有dd鹹！兩個飯嘅魚生都好新鮮，仲跟左兩個細細碟嘅配菜同蒸蛋。今日戰鬥力麻麻，兩個都剩低半碗飯，已經好飽，食唔曬，唔知下次可唔可以叫少飯呢🤔🤔…Read More

有時weekend同屋企人想簡單咁食個午餐/下午茶，茶記當然係首選，不過附近無乜選擇，只有兩間貴得黎唔值嘅，而家終於有多個選擇啦！雖然要排一陣隊，但可以接受，我地三個人被安排坐四人卡位，一坐低即刻研究食乜。今日特餐係三蔥豉油雞扒，望一望隔離檯，舊雞扒同圖一樣，好大塊煎得好金黃，即刻拍板！另外，仲叫左個滑蛋叉燒飯（午餐限定）同豬潤通粉，再加5蚊轉奶油豬，呢個幾欣賞，之前係其他茶記，多士係無得轉，只可以另外比錢order，而家加5蚊就食到，感覺好抵😆…Read More

之前試過係度飲茶同食晚飯，今次大家都無乜ideas又想食小菜就揀左呢度。可能平日嘅關係，7點半去到都無乜人，同之前假期差好遠，唔知係咪人少嘅關係，服務都幾好，阿姐又會過黎望下洗唔洗加茶。四個人叫左四個送加兩個壽包，以為會食唔晒，點知清晒條🐟都幾滑唔老，炸子雞個皮都好脆，薯仔炒牛柳粒就略油，同埋牛柳粒可以再多d就好，瑤柱扒豆苗個汁可以再淡d！…Read More

終於齊人緊係食好d，朋友想打邊爐，咁啱見到呢間食評唔差又可以網上訂座就即刻訂位！餐廳裝修以中式為主，有d復古feel，但乾淨企俐，安排左靠牆嘅座位，都坐得幾舒服😌野食方面選擇都算多，牛肉同響鈴最值得推介，出面街有d響鈴好油，但呢個浸完都唔覺油，好有豆香👍服務都算OK，職員不時會過黎睇下有乜需要，又主動加湯。…Read More