sodium_fcl的個人專頁

今日去咗朋友介紹嘅一間Cafe，間Cafe 一入門口感覺好開陽、好光猛，同一般嘅Cafe好唔同，白雪雪感覺好乾淨。門口好易搵一出lift就見到招牌行前大約四個舖位就到Cafe 見到呢個牌，左轉就到門口啦嗰日早咗啲度，所以餐廳未算有太多人，我哋兩個各自叫咗兩個晚餐，另外再加咗$38要甜品加沙律，晚餐會送一杯$38嘅嘢飲，如果唔啱飲嘅話就可以補返差額叫其他飲品，我就叫咗朱古力奶昔，二女朋友就叫咗青蘋果乳酪上菜速度好快大約5分鐘到就送咗兩個沙律上枱。兩杯飲品都係餐廳推介，我自己就叫朱古力奶昔覺得好濃好好味🤤煙三文魚惹菌忌廉會闊條麵味道好濃郁，好Creamy，三文魚好有心思整到一朵玫瑰花咁黑松露帶子先菌會意大利飯，飯上邊有芝士可以利用返嘅熱力去溶咗上面啲芝士撈埋就可以做到拉絲嘅效果啦甜品方面有三款蛋糕揀，我哋叫咗紐約芝士蛋糕同埋朱古力蛋糕…查看更多

熱辣辣係旺角諗黎諗去都唔知食咩好😮‍💨🙈 咁岩行過波鞋街，見到人地係度食緊鐵板牛肉，隔住塊玻璃都聽到「炸炸聲」，就係咁樣比佢吸引左入去食喇🙈🤭🤣店舖好大間，有得揀坐吧枱啦、或者坐卡位啦，一係就坐普通枱呢我今次坐左普通位，因為貪佢夠涼爽🙈🤣 坐離開門口涼好多我今次叫左野菜燒牛肉定食再額外加左一隻溫泉玉子，而女朋友就叫左旨辛燒牛肉定食。兩個定食上菜前見到枱上面有啲醬汁同調味料，唔知定食上菜岩唔岩用呢🙈野菜燒牛肉定食加溫泉蛋，有好大量既菜，牛肉好濃味😋 大大碗既飯，沙律菜最驚喜，個醬汁好好味，好熟悉但唔記得邊度食過🤣旨辛燒牛肉定食上面有啲泡菜，仲加左七味粉同埋溫泉蛋，不過唔食辣既朋友就要注意喇…查看更多

近排食黎食去都係日本野，都想搵下其他野試吓，咁岩呢幾日睇完電視旅遊節目介紹泰國菜🤩 望到啲泰菜泰式鳳爪、冬陰公就流晒口水喇🤤🤤今日出左日本行過女人街見到呢間泰式既車仔麵叫篤篤車🤩 上網睇相當多好評😀 一於就同朋友入去試吓先😋😋店舖雖然係外面睇好似好細咁，其實入去坐低好舒服，仲會播泰文歌，真係好似去左泰國旅行食野咁🤣🤣今日我地兩個人叫左兩個套餐，第一個係冬陰公湯底配油麵，配三個餸：牛肚、墨魚丸、及貢丸。仲有一個小食炸魚皮同埋金銀蒜菜心。而另一個套餐就要左咖喱湯米粉，配三個餸：豬大腸、牛筋及豆卜。小食要咗泰式鳳爪同埋腐乳生菜。另外仲叫咗一杯青檸梳打同埋一個吉列炸蝦餅。…查看更多

今日落雨濕濕去到旺角都諗唔到食咩😮‍💨 行到信和附近顎高頭一望見到呢間樓上Cafe，咁就決定同女朋友上去試下啦🤭大廈門口好光鮮好靚，坐𨋢去到4樓就到餐廳門口，一入去餐廳就見到出面彌敦道街景，不過當日有人訂左枱，所以就睇唔到街景了。我地去到都接近7點，叫左兩個晚餐，一個係煙三文魚意大利烘包配薯條呢個餐仲配左小小沙律🤩 烘包好鬆軟，薯條啱啱炸好夠熱又夠脆，餐飲跟一杯餐牌內$38或以下既飲品，朋友叫左xx梳打，而我就叫左青蘋果綠茶我叫左個香蒜白酒蜆意大利粉，意粉軟硬適中，小量沙律菜，仲有大量既蜆😋飯後仲叫左2個甜品食🤩🤩第一個係芝士蛋糕，芝士唔溜，唔似紐約芝士蛋糕咁rich 會漿住個口格仔餅配雲尼拿雪糕，呢啲咁熱既天氣食雪糕透心涼呀🙈 仲有個board game corner 可以同朋友慢慢玩添…查看更多

好耐無食過真日本野喇～ 平時就算食日本野都係去壽x郎，食黎食去都係壽司，無得食鰻魚飯、魚生飯！今日朋友特登帶我去食十和田，出名丼飯大大碗，飯同魚生比例接近1:1🤩 今日就黎睇下試吓係唔係先🤣今日我地叫兩個飯，第一個係北海道凡立貝松葉蟹丼係咪大大碗好吸引呢🤭接近成碗都係松葉蟹肉😦凡立貝好大粒又鮮甜另一個飯就係鰻魚飯喇😍 鰻魚飯上菜嘅時候係用個蓋蓋上既，不過我影唔切相😭成件事好有儀式感🤩 一打開蓋既時候，鰻魚飯既香氣就出哂黎，即刻流口水🤤 鰻魚夾落去唔散無骨，店員仲話介紹我可以落小小山椒粉食，可以提升鰻魚既層次😳 咁就緊係要試吓佢有冇吹水啦🤭 點知真係口感唔同哂，又試到一個新既食法🤩…查看更多

有朋友係外國返左黎香港，今日約見面嘅時候想食拉麵，行過金馬倫道見到呢間外面好特別既拉麵店就比佢吸引左入去開飯了🙈一入去就見到好多日本鬼既公仔同面具，座位有分四人枱同吧枱。入面座位好闊落，坐吧枱可以一路食一路睇廚師料理食材。我地叫左兩碗拉麵，玉米筍辣麻味噌拉麵🤩 （小辣,高麻,走蔥走豆芽菜，走韭菜，味玉，玉米筍）朋友唔食得太辣，所以揀咗小辣，又覺得玉米筍唔係其他地方有得食就額外加多左一份😃 食拉麵又點小得食流心蛋呢😍 而我就叫左辣麻味噌拉麵(中辣,高麻)，味玉。拉麵硬度適中，叉燒煮得岩岩好，入口即溶，又唔肥另外除左食拉麵之外仲叫左一個肉碎飯share，原來係用叉燒黎整，食落就好似台灣既肉燥飯咁，只係味道唔同食完仲見到招牌添…查看更多

難得放假緊係要遠離市區既煩囂啦！今日特登抽時間早起身出發去大尾篤踩單車🚴 一開始食完早餐由大圍出發，沿途慢慢踩去大埔，天氣好好又有小小涼，最岩踩單車啦踩到半路經過科學園就開始有少少肚餓，於是乎搵下有啲咩食啦！行過就見到十和田，之前係尖沙咀都見到想入去試吓，但咁岩約左人去食其他野，今次有緣份見到就無理由唔食啦🤩我今次叫左三色丼，分別係蟹肉蟹膏、海膽同埋吞拿魚蓉。未上菜既時候我以為係一個大碗入面個底裝飯，之後個面分三份。點知上菜就見到係分開三個杯黎裝，幾特別，好有誠意！三杯都好新鮮好鮮甜好美味！初嘗試就可以試吓食另一樣叫鹽燒鯖魚定食(配湯,蒸蛋)，鯖魚燒得岩岩好外脆內軟，上菜既時候好香，食指大動流晒口水，仲配麵鼓湯同茶碗蒸！…查看更多

恨左好耐既日本燒牛丼今日終於食到喇🤩之前岩岩黎到香港要大排長龍先可以食到，今日襯住長假期完左既第一個工作天，一放工就即刻去朝聖，希望唔太多人排隊入座啦!我放工坐東鐵旺角東落，沿火車橋行過去大約五至10分鐘，舖頭就係麥花臣球場斜對面，地點十分方便。去到嗰陣未有太多人，一入去就即刻有位坐，有Bar 枱同卡位揀今次我坐卡位，座位好舒適寬躺，仲有貼士教埋我點樣食牛丼先最滋味今次我叫咗一個溫泉玉子牛丼一個壽喜燒同埋兩支茶牛丼同溫泉玉子係分開上既，牛丼有店員送上嚟嗰陣香噴噴好吸引，加咗溫泉蛋喺上面之後撈埋牛肉汁啲飯吸收晒牛肉汁同埋溫泉蛋嘅精華，食落鮮甜美味。冬天就最啱打邊爐啦，咁啱又見到有牛肉壽喜燒加烏冬，凍凍地就梗係要食埋啦🥰 除咗有壽喜燒汁同牛肉之外仲有芋絲大蔥菜豆腐冬菇，個鍋真係好大份，可以兩個人share 食…查看更多

椒鹽班腩飯只係得3舊😓😓今日食既炒河明明全店嘅相都係粗河但佢竟然上幼河。今日呢餐間野玩舊式開放式廚房加關冷氣😓😓最重要係唔平，竟然貴過油尖旺😓😓😓…查看更多

放假起身已經接近一點，但起身之後又唔太肚餓，去到商場見到呢間新開既日本餐廳，見到係輕食就入左去試三式刺身魚生飯餐廳既招牌菜 不過有啲失望 刺身唔算太新鮮 有小小腥 希望可以改善下啦…查看更多

今日天陰陰想落雨，但係諗黎諗去都唔知食咩好，見到一間好古式古香既茶餐廳，於是就入去試試啦今日快餐揀咗咖哩牛腩飯，咖喱汁好香，牛腩好腍，薯仔好搞笑係用脆炸薯條代替🤣…查看更多

琴日去咗大冒險家餐廳，食咗一頓好豐富同好好味嘅晚餐，食咗好多嘢，但我最鍾意嘅，係隔籬朋友嘅Main Course慢煮豬腩卷，仲有大家千祈唔好錯過嘅Mango Lassi…查看更多

近來好多人移民 我都有朋友即將離開香港喇 一班人就黎食飯farewell 啦一大班人坐低就叫左啤酒通行證小食併盤食德國菜點小得咸豬手呢德國香腸墨西哥脆片燒豬肋骨烤雞肉沙爹巴馬火腿pizza 酥炸魷魚其實今日重點都係飲酒🤣…查看更多

襯住屋企人食自助餐有會員優惠，所以就食左好耐都無食過既自助餐喇食自助餐魚生係必食既😋 好新鮮好鮮甜壽司花多眼亂 每樣食一件都好飽喇😵我本身唔食生蠔既 因為怕腥 但今次都係試吓 但今次食落居然覺得唔腥 仲反而食左好多隻添🤣必食鵝肝 見到好多人都排左好耐隊先拎到 大大塊 入口即溶…查看更多

放假入左赤柱一日遊 行到攰攰地見到一間外表好豪華既餐廳 一於入去試下啦火腿火箭菜班尼迪蛋 荷蘭醬顏色唔同我所認識既 呢度既顏色比較偏橙 有小小似千島醬咁 不過味道就一樣既 其中一隻蛋廚師有小小失手🙈 住熟左不是流心蛋了黑松露炒蛋牛角包 牛角包好鬆脆 配搭炒蛋一齊食 有外脆內軟既感覺 …查看更多