SAM00666's Profile

講真個價錢又真係唔算話係好貴，呢個炒飯夠晒日式style，每一粒飯都沾滿左汁，賣相係唔錯既，但食入口有失望囉。:)雖然個飯味道甜甜地好開胃。一粒粒鯛魚已經融入一粒粒炒香咗嘅飯裏面~另外啲鯛魚都幾好味，不過餐廳為左節省成本，鯛魚既份量就真係少左d，汁雖然好香但整體黎講個炒飯唔係好夠味，我上幾次食，個炒飯都會夠味，今次味道就比較淡左些少啦，令到今餐有少少掃慶丫。希望餐廳係品質控制上面做得好d啦，唔好整到一時好食一時唔好食咁。…Read More

印尼炒飯賣相都幾吸引炒飯一上台已經陣陣香味撲鼻！個飯炒得好香好有鑊氣！唔會太乾唔會太濕:)將隻煎得剛剛好既太陽蛋撈勻啲飯一齊食，炒飯變得仲好味！食落多d質感，炒飯既飯粒粒分明，絕不含糊。蛋白煎到邊少少脆，蛋黃少少流心，同個飯好夾丫！！仲有少少火腿、紅辣椒，全部撈埋一齊食，好惹味，有少少辣但成個飯又juicy左d雞翼整得好香口好脆！！飲品要加錢比較貴！！但淨係個飯51蚊價錢合理，唔算太貴！…Read More

拉麵食入口好彈牙同煙叨，排骨肉嫩而且皮脆！調味適中，排骨真係炸得剛剛好，炸粉唔會厚，麪既份量足夠，係一個滿足之選小籠包皮算薄又唔易穿，食入口熱騰騰，可以話係上海姥姥既招牌菜，唔單止賣相靚，每個小籠包圓渾平均，人手摺皮摺得好靚，即叫即製，食入口濃郁而帶香甜，肉餡鮮味多汁。:)海膽同蟹粉呢個配搭構思好新鮮，其實海膽同蟹粉二樣野我都幾鍾意食！呢款拌麵係季節限定。海膽味道鮮甜，加埋蟹粉，口感一流，拌麵口感彈牙，的確好好味！可惜係限定，遲d無得食番食完幾碟主菜，見到有甜品當然要試試！忍唔住食左兩件，南瓜皮好煙韌，有淡淡南瓜味，一咬即有奶黃汁流出，二樣材料味道好相配，又彈牙又好味！:)…Read More

今日嚟到ESPUMA品嚐冬季限定嘅特別甜品好期待試試佢地既限定甜品火鍋!!!!! 我哋叫咗2杯飲品，分別係香芋紫薯奶蓋同埋一杯綠茶白朱古力奶。 綠茶白朱古力奶嘅味道非常香濃，飲得出係用咗靚嘅綠茶粉沖制而成，同埋飲到陣陣好香濃既牛奶味真係好creamy同rich，呢杯熱飲飲完真係覺得非常溫暖，甜在心丫:)綠茶火鍋方面，有好濃郁好香濃嘅綠茶鍋底，食得出由好多綠茶、香濃牛奶同埋濃郁嘅朱古力製作而成。火鍋配竹炭泡芙，綿花糖，日式福餅，窩夫，鮮雜果! 鍋底味濃而且帶有陣陣甘香綠茶香！ 講下各樣配料先！:)泡芙感覺新鮮軟綿綿， 口感好好！ 窩夫就好香脆！夾埋日式福餅黎一齊食都係一個好味既食法！外面軟再加上抺茶既香甜，非常有層次！雜果都非常鮮甜，今鋪真係做到一鍋多味！ 同行朋友話杯香芋紫薯奶蓋都好好味呢！ 微温紫薯蓉令整杯飲品變得暖笠笠，凍天氣飲真係好正！！配埋幼滑奶泡，味道唔會太過甜， 同抹茶火鍋都幾夾！！…Read More

黑蜜炸雞炸得非常香脆，食得出沒有過量既人造調味。味道比較自然。比起出面普通既炸雞，呢間食得出新鮮好多，鬆脆香口外層加埋滑嫩雞肉，雞肉口感十足，配埋黑糖一齊食，味道好夾，香香甜甜咁。上枱時其實牛肉湯係分開上既， 比你食果陣先倒入去:) 咁就可以避免麵浸得耐會淋左啦 值得一讚係手打麵夠哂煙韌 ，而且牛肉已經炆到好淋同入哂味 加埋香濃既牛肉湯 (及得上出面啲專門食牛肉麵既鋪頭)咪睇佢個碗細細個 ，但其實肉同麵都好夠份量架飲品方面就點左顏色好吸引既水果茶 :)同餐牌圖一樣都係好多好多水果係入面 水果茶茶味唔算好濃，不過芒果味十分之濃郁又唔算好甜。飲哂成杯好似食左個甜品咁因為實在太多水果喇，好足料！！…Read More

平日一講食西餐，個腦只諗到肉類，好少會同海鮮掛鈎。其實西餐一樣有海鮮食，當然同我哋中式蒸煮同汆熟有唔同。:)人各有喜好，我就比較鍾意西式嘅煮法，起碼無咁單調，多啲變化！早排生日，女友知我鍾意食蝦，就帶左我黎呢間餐廳食。餐廳主打係西餐，不過唔係淨得食肉，都有唔少海鮮菜式:)女友話有味加勒比海飛魚籽海鮮球我一定鍾意食。初初上枱時睇落以為只係肉丸黎，一咬先知係魚肉同蝦肉嘅混合體:)口感比中式炸蝦球有過之而無不及，配埋個有好濃蕃茄味又酸酸甜甜醬汁，味道認真一流，真係一試難忘。主打我梗係要食好啲，我叫打左碟波士頓龍蝦天使麵，更加無令我失望。隻龍蝦足有五六吋長，開邊配上芝士焗出黎非常香口老遠已聞到香味，食落口更龍蝦味十足，絕對唔似外邊啲冷藏貨無黎味道蝦身又夠晒肉地，連天使麵都用龍蝦汁煮過，碟麵已經值九十分，配上美味嘅龍蝦，直頭滿分享受！ 最尾食埋甜品先走！…Read More

夜晚係觀唐區shopping完，想食西菜但又唔想太貴，揀左花園餐廳:)dinner set有幾樣選擇，我揀左蒜茸汁煎雞扒配薯菜。煎雞扒肉質鬆軟嫩滑、雞皮煎得幾香脆，我偏好蒜茸汁，薯條就普通啦，不過不失。埋單連埋加一$8x蚊，唔算太貴，但幾好味。:)…Read More

今日黎食個下午茶，呢間餐廳d座位都幾舒適，環境唔錯叫左芝士魚柳腸仔意粉食，因為呢排唔想食中國野個芝士汁好香濃，配意粉都唔錯，但好似配撈公仔面正d哈哈，下次試下先！魚柳炸得好香脆，好味道，腸仔無咩特別。呢個下午茶set$33蚊，ok抵呀連野飲。…Read More

賣相真係非常出色, 上菜時乾冰噴出好多煙, 一黎到就好有氣勢，乾冰冷煙緩緩飄，有睇頭。有迷幻既感覺！！ 麵條夠彈牙, 混入泡菜,青瓜絲,甘荀絲,紫菜絲加埋辣醬一齊食真係好正冷麵除左口感清爽，配上清淡既素菜伴餐一齊食，感覺好健康！:):)燒牛肉卷卷每件都份量十足，比一般韓式飯卷大，卷加上蔬菜，味道清新而帶淡淡咸香一大盤炸物再沾上濃郁既芝士汁黎食, 先將炸物沾上芝士汁再加紫菜食就最正, 食到中間時就可以剪細個麵包來食.呢大盤食物有炸雞, 炸魷圈, 炸翠肉瓜, 炸年糕同泡菜 等等其實所有炸物都炸得好脆我自己最鍾意就係炸翠肉瓜, 估唔到咁厚身既瓜去炸係咁好味入面仲好多汁！！雞肉都唔錯包埋脆身紫菜一齊食再加少少泡菜又可以去除芝士同炸物既油膩感.呢盤芝士盤趁熱食就最perfect池啦！！呢道炸雞算係一個新穎既配搭。外層舖滿了綠茶粉和杏仁片，食起來有綠茶甘甜味道，而且蜜糖既甜度適中，火喉剛剛好，做到外脆內軟效果，唔會有太油膩既感覺:)正餐廳原來就係LCX入面，真係好方便。The joomak 餐廳既裝修令人感覺原始，同有一份溫暖感覺。端出來既時侯配有小火爐，魚料十足。淺嘗一啖，魚湯味道鮮甜！！湯底磨姑同蔬菜更把魚湯鮮味發揮得林漓盡致。魚蛋軟綿淋身，有得飲之餘又有得食好開胃既一道菜。魚湯用料實而不華，但絕對能媲美韓國人參雞湯。:):):)凍奶昔，好好味，上面仲有好多忌廉，朱古力味濃，奶昔夠滑雪。豆腐呢個係有驚喜既甜品啊！:):)首先賣相好吸引 拎開個蓋之後勁多煙散出黎其次就係味道！呢個其實係一個豆腐味既慕絲甜品味道相當香濃幼滑！另配上黃豆粉一齊食， 口感豐富左好多 ！:)…Read More

呢間放題餐廳位於旺角兆萬中心，食完仲可以去附近購物，地點非常方便，食物選擇好鬼多。上完扶手電梯後轉電梯就直達餐廳。食物上枱嘅速度好快，唔需要客人等太耐，侍應服務都唔錯，態度非常好。加多少少錢就可以食升級體驗食物，有好多款式可以選擇。例如有和牛壽司、日式蒸蛋、帶子刺身等等。和牛壽司：和牛肉味香濃，經過輕燒。燒到鮮紅色好吸引帶子刺身：好新鮮，食得出食材靚刺身：三文魚刺身好厚，好新鮮，顏色好鮮艷。甜蝦細細隻都幾清甜好鮮味。總結嚟講呢間放題嘅刺身真係質素唔錯。:)馬刀貝刺身口感好爽脆，好有光澤口感好清新。虎蝦刺身嘅份量都幾大，食入口啖啖肉，仲食到啲蝦膏都幾甜。點埋豉油同Wasabi一齊食直情一流啦。揚物：炸嘢我哋叫咗吉列炸豪同埋胡麻炸雞柳。炸豪整得好新鮮，外層炸得好香脆，外脆內軟，非常滋味。炸雞柳呢就用左好大塊嘅雞肉黎炸，同普通出面放題嘅炸雞有少少唔同，肉比較多同埋味道比較清淡，但一樣係炸得好味既！:)用上牛舌的厚部位，厚燒上碟，外層燒得好香口，唔會乾身，食到柔軟感，咬落好彈牙，配上少量香料。食起上黎好有口感！！蛋好滑，仲用咗蘑菇同蟹柳等材料，細細碗好好味。:)…Read More

西餐掂唔掂，都好睇塊牛扒煎得好唔好既講真。有時唔係一味厚切牛扒就係好食，就算係靚野，都要個廚煎得好先得:)，否則都係浪費緊d食材。呢間餐廳既牛扒做得唔錯，我食開七成熟，侍應先生介紹我食五成，佢話佢地牛扒肉汁豐富，五成熟先試得真，咁就依佢意思，果然無介紹錯！牛扒唔係老練咁厚個種，師傅煎得手勢好，切落去都唔韌，入口又香又多肉汁，午餐黎講我真係好滿意！同行友人見我食得咁滋味，佢都話要食牛，咁就叫左一碟保加利亞牛仔配忌廉薯蓉食，其實係我自己想試多d，就說下佢都叫牛，哈哈。呢碟牛仔肉個埋相真係好靚。保加利亞牛仔肉都好有「牛」味，肉身又夠軟，食得出廚師功夫同埋食材係靚。…Read More

手打烏冬熱騰騰香噴噴，湯底非常香濃美味，d烏冬好有水準，好滑。味道真係好香，同埋係新鮮滾熱辣！！烏冬吸收咗入味嘅湯底，超正丫，豚肉口感好彈牙，食得出d食材靚。:)店員好熱心介紹唔同既牛比我地選擇，仲分享左好多食燒肉既心得！！獲益良多！一口牛嘅口感好好丫，睇上去賣相非常新鮮。:)加少少海鹽一齊食更加帶出到牛肉香味。牛肉油脂平均分佈，牛味香濃。燒一陣就可以即刻食。燒完之後肉汁仍然保留到。由於已經切成正方形狀，真係非常易燒，入口即溶。韓國和牛肩肉油花好足夠，肉感細綿幼滑，同日本和牛比較既話，少d濃香感覺，但口感比較彈牙。好味道除左呢杯飲品，我仲叫左杯巨峰果汁，但無影到相，巨鋒果汁唔係倒d普通梳打入去，飲得出用左真巨鋒汁制作而成，個味道鮮甜得黎唔會係好假果d甜味。…Read More

好多人食拉麵都怕唔夠飽，或者驚個拉麵唔夠料，不過呢款特盛炎燒豚肉拉麵大大份！豚肉仲要唔止一塊，係幾塊，件件都好大好多肉，用料十足！！經過炎燒既豚肉，每咬一口都會流出燒汁同脂香，絕對滿足到所有「食肉獸」既慾望，哈哈，而原本清甜既豬骨湯滲有豚肉燒汁味，食完個拉麵之後飲埋個湯就更滿足啦！我叫既呢個lunch set有得揀埋配一份燒餃子or一份炸雞，我叫既燒餃子大大份，餡料同肉汁十足！絕對唔係出面普通既煎餃，呢到d食材同廚師手工勁好多，加埋燒餃金黃外層，同埋多一塊薄脆片，薄脆片鬆脆香口，口感真係一流，再點埋佢地既自家制醬汁，滲入到餡料到，食到回味無窮，記得趁熱食丫！…Read More

同成班朋友一齊聚會，中餐人少既話難叫餸，咁一於揀食西餐啦。咁啱有同事去完呢間餐廳話環境好兼食物正一於帶埋朋友去試試啦。近年西餐廳都好興做Fushion菜，用年糕入饌一向唔係西餐所好，我地叫左碟松露煮日本年糕做頭盤，味道認真一流。年糕嘅煙韌，再加上松露嘅香味，食落別有一番風味，朋友都讚不絕口！跟住叫左個無骨黑毛豬焗飯，根本無得同平時晏晝快餐店既焗飯相比。豬肉肉質鬆軟不在話下，就算經過焗製，仍保留住豐富嘅肉汁，入口口感一流！而且醬汁恰到好處，食落絕對唔會成口油，同埋價錢都唔算話太貴同埋叫左碟蝦肉醬蘑菇意粉配煎鮮蝦。意粉我自己就好鍾意食既，啲鮮蝦真係好香好入味，煎得金香得黎口感又好，而且鮮味十足，絕對唔係雪藏貨色！呢餐飯真係無令我失望，都叫做對得住個價錢啦！ :)…Read More

龍蝦包:好多龍蝦肉，麵包好香脆，配合牛油，一齊食非常夾。龍蝦份量真係好多，啖啖都係肉，麵包好軟，飄出香香嘅牛油味，配埋龍蝦肉同埋火箭菜，食起上嚟好鮮甜。烤蒜蓉牛油龍蝦:配上炸薯條同埋炸番薯， 炸得好香脆又有口感，炸番薯充滿甜香，同埋唔油膩。龍蝦用牛油同蒜蓉去局，香氣陣陣，鮮味十足，絕對有高級西餐廳嘅級數。蛋好滑，龍蝦好鮮甜，蛋味好濃，份量非常大，真係啖啖都食得好開心。:)本身好鐘意飲龍蝦湯，呢個龍蝦海鮮烏冬真係好正，一撈起已經見到好多既海鮮，有青口、八爪魚等等，比起平時西餐既龍蝦湯更加鮮味，加上彈牙既烏冬，成碗比我飲哂一滴都無淨Masterkama有好多綠茶既甜品，我就簡左呢個有蕨餅、水滴餅同抹茶雪糕既〈屋〉抹茶蕨餅加上附上既黑蜜煙煙韌韌好好味，相反水滴餅就無咁煙韌，反而似啫喱，不過加埋黃豆粉一齊食都幾得意:)…Read More