wt_ling318's Profile

一行十二人訂了枱，好久之前聽朋友推介，來到之後食了一次唔會要番轉頭，成晚食飯只有我地一圍枱，說好了送長腳蟹並沒有做到，十二人邊食邊媽媽聲，因為比起一般酒樓食物質素真的太有距離，意大利飯好似翻叮再翻叮既咁，叉燒又乾又柴皮，象拔蚌同海膽刺身超級腥同出水，最正常只有個菠菜，冷氣又大令人愈坐愈凍簡直趕客，其實如果沒有心經營，不如算數吧啦影衰晒私房菜呢個名，真係茶餐廳任何一樣野都好食過佢，大家如果想中伏可以不妨一試。…Read More

以前食開和牛放題既餐廳敵不過疫情執笠，諗住試下呢間尚八標傍自己係和牛既放題，晚市7點入座$458/位加一，另有個餐叫特式和牛要$668/位，有款$388/位，我地揀左$458。首先話有特別刺身拼盤，真係幾特別，特別普通同特別細塊兼特別薄身，諗唔到有咩壽司店比佢更差。跟住唔洗點佢會跟一盤聲稱自己係A5和牛拼盤比你，唔講咁多大家睇圖片自己分析，一般甜品都應該有比較眾所周知都識既雪糕牌子，佢有韓國雪條同甜筒（真係失望x3000)款式真係見人見致，總括黎講都唔會再有下一次，同埋和牛放題係冇得挑選你揀邊款黎點，係每次都係"拼盤"咁點，可想而知，佢係幾有誠意有野讚，佢冇生菜但有波菜，d 小食既唔差，雖然炸野得幾款但佢真係即炸夠熱，係咁多。…Read More

晚市搵下有咩好食。見到咁多like 話去試下，叫左一個牛肉麵同雞排肉燥飯，蚵仔煎加一杯奶蓋烏龍，首先要說明呢間餐廳光速般咁上菜，亦光速般咁收盤先。七點幾呢個食飯時段都好多吉位既，麵到，好香呀不過飲落湯係冇咩味只有些少藥善味，飲品奶蓋冇味茶都冇味（當然本人深信係溝水），雞排正常所謂肉燥就勁喇，乾真真同罐頭肉燥既味道一樣，個蛤仔煎得四粒蠔仔，大粒指甲少少，木薯粉勁多，雞蛋都唔多隻，上碟入面仲出緊水，真係好難食，仲要$46，毫無誠意，簡直呃錢！所以對呢度既食評真係好好好懷疑，浪費左我寶貴時間同錢。…Read More

紫薯控！茄子控！一定要黎！路過見到新開業既串燒店，無薯不歡既我睇見門口貼上紫薯雪糕既照片再加上熱辣辣既旺角真令人忍唔住入黎試！結果真的無令我失望雪糕底下仲配襯左暖暖地既紫薯蓉，冷暖紫薯一齊向我嘴入面溶化......價錢既吸引又好味搞到我埋單前追加多一份！後來仲見到茄子燒（無錯我都係鐘情紫色XDD）因為即點即燒大約等左十分鐘左右，香味濃郁加大條！先$32咋！如果加埋啤酒....真係一流下次要試埋四色蠔等分享～～～～～…Read More

話說成日係尖沙咀已經見到呢間野，個裝潢同環境其實都算吸引，終於今次黎試下佢。。話說佢話係新加坡既coffer shop.咖啡，奶茶，鴛鴦，吐司，都出名，咁我同我老公就點左1個咖哩雞麵同1杯凍奶茶，餐廳是你先出去點餐，再拎部識叫機仔去座位，等職員送餐比你的。奶茶黎既時候，係「熱」？原來收銀果位聽錯，就話凍要補多6蚊。我即刻「下？」即係杯凍奶茶無錯，係要28蚊!!都唔緊要，我地不嬲都好鐘意飲奶茶，邊度奶茶好飲我地都已經試過晒，即管試下佢係龍定鳳啦！我望住位職員，拎我杯熱奶茶到出餐處，企係裡面位哥哥同呀姐跟手收返，隨即拎轉背拎起隻膠杯，不冰，一個手勢。！！！！！！！！！ 無錯！佢係咪將杯熱奶茶倒返落去呢？隨即放上出餐處。然後我思索緊果杯奶茶到底係唔係自己既時候，我看到我跟著點既咖哩雞面同糖心蛋逐一到來（後來比多10蚊去食兩隻蛋）.但果杯凍奶茶依然孤零零咁放左起度，卒之，眼看果位職員將果杯凍奶茶放係我地面前！！！！！！！OMG....我已經用眼神示意比我老公知，佢地真係咁樣做!!!!!我老公飲左1淡，唔出聲，低頭食果碗麵，而我，接過果杯奶茶飲左一口，揮手同職員要求換過另外一杯。因為，只係得冰既味道！兩分鐘後「重新炮製」過既凍奶茶來到面前，我和老公飲完之後，大家都心有靈犀地知道這間餐廳不用再幫襯了。因為原來本身已經係「淡而無味」。。。。真係好坦白講，一杯奶茶，如此低成本既飲料，造得如此差劣，最慘無乜?毫無誠意呀！沖過一杯奶茶有幾浪費你地時間，其實有幾浪費你地既資源呀？講落去，咖哩雞麵，有兩隻切左件既雞全翼同麵，無記錯有d炸蒜既物體無上面，無其他材料架啦，味道？真係不敢言，如樓下既食評一樣，自己煮仲好食過佢。 我老公平時已經可以講佢係垃圾口，但今次佢真係忍唔住，佢食左一舊雞同兩淡麵，就無再食，因為佢同我講，呢間野真係好難食，同埋唔會再黎幫襯！！果杯凍奶茶，呢世都記住。麥當勞果杯仲好飲過佢…Read More

由於男友喜歡放題,睇見呢間新開所又不妨一試訂位既時候都已經睇左下面幾位CHING既食評!BOOK左7:00PM,我地55分已經上到去,好彩唔駛等就即刻有服務員帶我地入去,一坐低,當然就點野食啦,點左好多款.有刺身,壽司,串燒,料理.唯獨成晚冇得係飯同麵類.而上菜既速度都比教快,等左2~3分鐘就已經有刺身同料理上.先黎3文魚刺身同甜蝦,刺身好麻麻地既,但佢有個牛柳XX係OK既然後就黎串燒.有一口帶子,燒粟米,鹽燒雞翼.雞串.雞腎等等..先講個帶子,格硬到唔格硬,好似將D帶子煲熟就淋汁上咁.VERY BAD 然後個粟米燒到勁硬,一咬落去係乾爭爭.....雞翼同個雞串最穩陣.不過不失.而雞腎又係燒到韌要無味之後黎左蝦天婦羅..D粉好多,比平常其他日本放題既多....但我都覺得無乜大問題.一口炸豆腐,唔錯,皮脆豆腐滑有一樣係紅油抄手........呢個簡直係晴天霹靂唔辣又冇味..粒水餃仲要勁厚皮!!BAD!!鯖魚,呢個味道好好,但係你點1既份量係等於大約1/3 條食到咁上下我男友已經耍手又擰頭..因為D天婦羅同D串燒AND個紅油抄手已經令到佢好唔ALRIGHT見佢停左手.咁我就唯有試下叫其他野食睇下有冇其他可以補補穫,叫左個美極豉油煎海蝦,出奇地好食 .佢1個份量大約有5~6隻到,我後來都追單追多2個比自己食之後有個係川椒炒四季豆,呢個好好食! 咕嚕肉都唔差...總括黎講.呢間中日台放題,日式野係好差D中式菜係最好!!…Read More