檸檬藍's Profile

放工最鍾意去街邊買小食，行開交加里，見到間舖好搶眼，咪睇下咩黎囉，原來係食burger，就買黎試一試，睇下咩料.......最正芝牛堡睇佢個餐牌，牛堡同芝牛堡放係最上面，一定係最正啦!叫左個芝牛堡，食落真係唔錯!!d芝士夠厚，又濃郁，同佢地自家手打牛肉，夾得天衣無逢，牛肉又鬼死咁juicy，配埋生菜夾係中間，真係無與倫比呀!!!真正自家創食物佢地最好味嘅係粒粒西多士，脆口得黎又唔會好油，甜食又得，咸食又得，係佢地真正自家創食物，所以其他地方無得食架!!wow burger少少歷史其實好多人可能唔知wow burger前身係一間賣公仔麪嘅細舖頭，當時只有一個肥仔又要煮又要收$$，一腳踢。後來有個妹妹加入左，算係幫輕左d啦!聽主理人講，佢地有分店，都係因為有伯樂，肯投資佢地間舖，先有依家咁嘅規模!!…Read More

其實尼間野都開左好耐啦，以前都成日食，貪佢夠平，仲可以填得飽個肚。鍋貼最正叫得做鍋貼大王，梗係要試下佢d鍋貼啦!!鍋貼賣相雖然唔夠靚，但係第一口咬落去，外皮脆口，當牙齒咬破鍋貼皮嘅同時，肉汁好像飛彈般噴射而出，真係多汁到爆，超好味!!!其他美食除左鍋貼之外，仲有好多好味嘅野，例如蔥油餅，菜飯，多材料嘅碗仔翅，生煎包，咸豆漿等等.....有尼d食物坐鎮，唔怪得生意越黎越好啦!!不過，如果可以嘅話，環境可唔可以做靚d呢?因為一個廚房已經佔左成間舖嘅一半，搞到客人要同侍應爭路，真係要改善下啦!!題外話最近去開西灣河尼間買野，見到有個貌似呀Rain嘅侍應，幾靚仔架!!…Read More

其實如果無錢食野，又想食得飽嘅，揀權記雲吞麵係唯一嘅選擇!!不過，你要預左會無咁好食，大佬，十一蚊一碗係咁架啦!!雲吞好食 牛腩就差少少其實尼間食野，都還可以，d牛腩雖然無咁好食，但勝在有味咬得開，雲吞係佢地嘅招牌，大大粒雲吞食落好彈牙，原來包餡嘅料有一隻大蝦，唔怪得之咬落去口感咁豐富啦!!如果嫌d味唔夠喉，可以加佢地秘制嘅辣椒油，辣得黎夠香，好過癮架!!食完覺得好味嘅，佢地仲有得賣辣椒油，俾帶返屋企，慢慢品嚐添。感想整體黎講都唔太差，野食其實無乜問題，係食野環境無咁好!!不過，十幾蚊仲想點呀!!…Read More

係西灣河搵野食，眾所周知一定要去太安樓架喇，係果度有幾多小食，但係食完野，都要買d野黎飲，通常都會買珍珠奶茶。太安樓Today珍珠奶茶太安樓嗰度有三間賣珍珠奶茶，其中一間經常幫親嘅係Today尼間，佢地成日都有新野出，好多諗唔到嘅珍珠奶茶，都有出過，真係唔驚悶親自己條脷架!!!而且佢地又好細心，每個季度都會出d時令飲料，春季就會出d祛濕嘅飲品，冬季就出d滋潤嘅飲料，總之照顧晒所有人需要!!奶蓋一定要試佢地嘅奶蓋同某間嘅奶蓋好唔同，奶好creamy，食落去咸度適中，簡直係must have buy item。佢地依家仲有新口味，oreo奶茶，又係好正，不過，最好加埋紅豆，口感勁豐富，oreo加紅豆再加奶茶，新鮮得黎，味道又唔會太過突兀，感覺好match!!!…Read More

最近行開旺角，見到有間雞排店，叫豪大大雞排，係台灣好出名，不過，有睇開網上嘅資料話，香港尼間無咁好味，連身邊嘅朋友都話比台灣嗰間無咁好咪，我本身好戰心強，偏唔信尼d流言，咪膽粗粗試下囉!!食左有d後悔:(隻雞排唔親眼睇，都唔知原來有成個頭咁大law一隻雞排盛惠廿五蚊(其實以尼個價錢，買個飯餸黎食咪仲好)，食落口其實無想像中咁好食，又多骨，而且d肉有d「鞋」，只不過佢個皮好脆，其實食完之後，都唔會有再買嘅衝動!!而且仲有d後悔!!:(…Read More