小飛茄's Profile

睇完youtuber介紹，放假就嚟試試佢，要左一碗小辣豬骨湯豬軟骨米線同一碗小辣酸辣湯豬頸肉薯粉，係咪我問題，我揀標準米線同薯粉，但係淋到不得了，2種都係一夾就斷.......咁如果揀佢選項淋d既咪要用匙羹食？豬軟骨太淋，冇左軟骨既口感，豬骨湯完全飲唔到應該要有既豬骨味，酸辣湯就唔酸，炸醬唔錯，成餐唯一好吃係豬頸肉，不過唔好點會醬，好怪唔識形容，50蚊同56蚊，試過一次就算，幾件野都煮到晒火，經過都唔會想食 …Read More

女朋友一直都話想試味千拉麵下午茶，話好抵食，三十幾蚊有碗拉麵食好抵，我自己一直對味千都冇乜特別感覺，去試下冇所謂，今日星期六出到旺角都2點幾，去到味千門口望下，原來星期六都有下午茶，仲要爆場添，咁係真好似幾抵，望下個餐牌，33蚊可以食到一碗叉燒拉麵，又好似唔錯喎，我就要左一碗吉烈豬扒拉麵（42蚊）， 用手機落單仲要即刻比埋錢，等左一陣第一碗叉燒拉麵到左，好香蒜蓉味，食落味道都正常，叉燒都正常，不過到我果碗吉烈豬扒拉麵就好奇怪，豬扒同拉麵分開上，我覺得都合理，不過望下碟吉烈豬扒完全唔係一塊豬扒切開，好似頭頭尾尾咁拼唔到埋一塊完整既豬扒，再望真d點解d肉會紅色既..........即刻用筷子整開佢外層炸皮，真係有冇搞錯入面係港式燒味鋪既叉燒嚟既！？ 4舊都係咁，粉就好厚包住d叉燒，唔怪得拼唔埋， 食到最後一舊仲有酸臭味，完全唔掂，42蚊當自己買個教訓，呢世都唔會再食老千拉麵…Read More

女朋友講左好耐話想試呢間小草，咁我對呢間小草都唔係咁大期望，因為一直係米線谷都聽聞好多人廣告，野食就一般，前排3，4月左右嚟過摸門釘，門口又冇講幾時會開，開飯就寫住營業中，咁冇辦法啦，到前日搭巴士經過見到有開喎，仲有幾枱人食緊，咁就落車試試佢，仲見佢好大張banner寫住下午1515-1700所有野食都85折，上到嚟環境都舒服既，幾好坐，要左一碗封門牛肉炸醬同蕃茄牛肋條金湯米線48蚊， 另一碗就黑毛豬梅肉片紅燒牛肚同豬軟骨酸菜魚湯米線48蚊，仲要左2個小食，一個檸檬炸雞20蚊同一個烤茄子28蚊，仲要左杯凍檸茶兩碗米線一嚟到比我感覺係唔錯喎，石鍋熱辣辣咁，好有特色，不過奇怪既事就出現喇，明明一碗係封門牛肉同另一個係黑毛豬肉，但係2碗既肉片，都唔可以叫做肉片，係肉碎嚟，係一模一樣，完全都冇豬肉片同封門牛肉既，我果碗個湯先係最奇怪，我要既係酸菜魚湯，湯入面冇魚唔緊要，連酸味都冇，夾上嚟果d好似雪菜多過酸菜，飲淡湯直頭就係連鎖快餐店早餐果種雪菜肉絲湯既味，真係打左個突，雖然冇乜期望，不過都唔係咁掛，除左呢幾樣野，其他野都正常既，牛助條，豬軟骨都唔錯，牛肚我同女朋友覺得係好食既，檸檬炸雞上面係有好多檸檬鹽既炸雞，廿蚊嚟講普著通通啦，仲有個烤茄子就蒜蓉同蔥多過茄子，完全係食蒜食完埋單150蚊，落左樓下女朋友先醒起乜唔係有85折咩，係喎，我記得有望過張單，係1518落單喎，佢都冇做到85折比我，算啦反正我地都唔會再食！…Read More

剛剛口痕想食蝦餃，經過將軍澳呢間賣點心既包點料理，竟然見琴有得賣蝦餃，20蚊3粒都ok啦，止下口痕，買既時候仲要等多幾分鐘先有，新鮮蒸出嚟熱辣辣， 一心買完就即刻返屋企食，返到屋企打開仲熱辣辣，即刻放粒入口，嘩！一咬酸既! 咬多下直頭有陣豬肉霉味，即刻吐返晒出嚟，我信邪再試第2粒， 一樣! 又係又酸又霉，完全唔掂喎，浪費左我20蚊一定要200字先可以比劣評，打夠200字，200字，200字，200字，200字，200字，200字，200字，200字，200字，應該差唔多夠200字啦…Read More

屯馬全線開通左之後，梗係要去下平時唔會去既地方，今次嚟左土瓜灣搵食，原本諗住去楚撚記試下，因為之前聽過好多人講好食，不過去到門口就見到1700先開晚市，結果誤打誤撞就見到呢間星廚坊，見門口貼左d午市小炒就試試佢啦，我地成3點左右先嚟到，估唔到都仲有點心食，門口收銀同我地講如果要點心就要即刻落左單先，咁我地就要左蝦餃同燒賣，又幾抵食喎兩種都係$9.9（2粒），之後要左一個麻婆豆腐飯同一個魚香茄子炆米，點心上枱熱辣辣，都幾大粒，之後2個先誇張，2碟都係超大碟，好彩果日同女朋友都好肚餓，先食得晒，2樣都係$48，價錢對得起質數，幾香幾好食，會再返嚟幫襯，仲見到有d晚市外賣小炒都係$55左右，下次可以試外賣…Read More

女朋友一直都好想試下，今日又同我講要去試下穌媽，咁見接佢收工就去試下啦，今日落雨8點幾去到都要排2個，平時冇落雨真係唔敢想像要排幾耐，等左15分鐘入得喇，女朋友等緊位果時已經係到睇定youtube一陣要嗌d咩食，咁坐低就即刻落左咖央多士$32，招牌砂煲老鼠粉$88，豬腳肉骨茶$56，同一杯柑桔話梅$25。一落完單阿姐就拎左2碗剩肉骨茶嚟，我以為係咪嚟錯，原來女朋友話坐就就有得飲，仲要任飲！？ 咁早知唔洗叫果個豬腳肉骨茶啦，因為真係極之普通，反而任飲果碗好飲過要比錢果碗，係咩玩法呢。之後就到杯柑桔話梅......完全冇話梅味，飲落好似維X紙包飲包果隻柑桔檸檬咁既味，可以話係一模一樣，第3樣上枱就係咖央多士，可以話係今餐最好食，多士夠脆味道唔錯不過唔夠熱，熱d會好食d，到最個砂煲老鼠粉，真係把鬼，一上枱個阿姐話撈一撈就食得，咁我即刻去撈，一撈落去！? 吓！? 點解會痴晒底，佢都係一個好普通既炒銀針粉，炒完倒落個砂煲到，上面再排幾粒蝦米仔同銀魚仔，再打隻蛋係中間，我完全諗唔明呢個粉點解要用砂煲上枱，仲要收我$88，小弟就住港島東，成日都有落太安樓搵食，呢個炒銀粉同太安樓大隻佬炒果d味道真係差唔多，人地只係收$30，份量又差唔多，呢到只係多左幾粒蝦米同銀魚，可以話完全唔值呀。如果好食既我願意比咁既價錢同再返嚟食，但係收到咁貴既價完全冇水準就真係唔會再幫襯囉，唔係咁差下話！？…Read More

好老實，成日行尖沙咀都經過呢間雪糕店，以前一直都聽人介紹話好好食，標榜冇添加，生果味係全部唔會落糖去溝，純天然味道，今日見到app有半價，咁既然有半價就一定要試下啦，點知真係出事喇，嗌左一種紅火龍果既味同Tiramisu既味。嘩.......真係馬蟻人先食得落，兩種味都甜到癲! 你話Tiramisu味會甜，我ok當本身Tiramisu係甜品咁諗就一定甜啦，但係個紅火龍果味真係痴線，好似係浸完糖水既火龍果咁，果種甜係死甜，唔同平時水果果種清甜，甜到食完第一啖已經好想飲水，仲話冇添加？ 我真係唔信，好伏伏伏伏伏伏呀！仲有我比個半價code個店員睇，佢黑我面喎，你間鋪做得呢d優惠吸引人嚟就一定揀半價先嚟試架啦…Read More

竟然係開飯搵唔到呢間粉麵鋪，其實係6，7年前已經成日經過呢間鋪，一直以為佢係同隔離間鋪係新舊鋪既分別，所以就次次都走左入左手面果間，但係直到前幾日先發現原來唔係，終於去試試佢呢間鋪頭粉麵都係走平價路線，最平廿蚊就有碗魚蛋粉，平均都係30蚊左右，原來仲有生滾粥同少少燒味飯食，我地要左牛雜米同牛丸河，湯底夠濃，味道唔錯，牛丸一碗有4粒，爽口彈牙好濃牛味，好食，另外牛雜份量算多，樣樣有齊，對得住個價錢27蚊咋仲想點，不過米粉就偏淋，唔夠爽口，河粉就夠滑，相比起河粉好食d， 以後出旺角又多個平價既選擇…Read More

有日見到那個好多人介紹就打算收工去食，8點半去到那個門口已經見到排晒隊，而且隊尾有個牌寫住便當賣晒冇得食，咁冇辦法啦，唯有沿住埃華街望下有咩食，路過見到間台灣野叫老厝邊，入面又坐滿人喎，見到開飯有160個好評就試試佢啦。我地2個人叫左3樣野，一個芋泥蛋餅，一個炸排骨便當同一碗紅燒牛肉麵，開飯d好評真係不能盡信，個蛋餅係好食既，我諗160好評都係因為蛋餅，其他2樣真係極之重口味蛋餅係好食既，芋泥夠香滑，蛋皮薄有蛋香，好食過阿木果份紅燒牛肉麵個湯真係好重牛肉味仲要好咸，佢加埋d雪菜咸上加咸，牛肉係金錢展但係完全冇咬口淋到爛，仲要黐牙好似湯渣咁，感覺上係同湯一齊煲咁，唔掂最後係個炸排骨便當，炸排骨正常，豆腐粒正常，飯同飯上面少少魯肉都正常，不過佢d配菜就咸到痴線，果幾塊細細塊煎蛋咸到夠係幾碗飯，個什菜係用魚湯煮，不過又係咸到癲，唔食配菜都還可以總結就係如果你返工係體力勞動，成日出汗既，就可以嚟呢間食下，一定補充返晒流失既汗水！…Read More

9月係我同madam生日既月份，佢就提意不如食餐飯互相慶祝，佢連餐廳都搵埋，女人果然係細心d, 係團購買左一個 Tea set $198, 都幾多野食一開始上枱既係蟹肉意粉個意粉好好食，味道岩岩好，好多蟹肉之後黎既就係一個8吋pizza同一d小食pizza都好多種類比你揀，唔錯，幾好食不過冷氣太勁，d野食好快凍晒，madam話”pizza凍左唔好食”，結果我被迫食左好多件，整體上黎講野食係唔錯，不過下次黎要叫佢較高返少少溫度…Read More

之前一直都有個師兄不段叫我去試下，終於前幾日就去試試，由禧利街行上去，過左生記轉入畢街直行就會見到一間細細間既上堂食堂，師兄叫我點都要試下堂食既感覺。一坐低老闆就問係咪堂食，答左佢都仲未叫野食已經拎左碗湯黎，感覺就好似一收工返到屋企，媽媽問完你返工攰唔攰呀，都未答佢就已經有碗湯係眼前，望望餐牌有5款餸揀，2餸40蚊，3餸50蚊，師兄話每日都會有一款係魚，我就揀左凉瓜牛肉同叉燒炒蛋，好快野食就送到，賣相唔錯都幾大份，味道都幾好，仲有碗湯係冇味精(因為附近幾間送既湯都好重味精), 真係一個唔錯既選擇，附近返工既朋友可以試下，仲有一樣野要講，外賣自取係會減2蚊…Read More

琴晚有個同事突然興起話不如今日去宵夜，介紹一間佢話食過最好食既炸雞店，好! 就試下你係咪真係咁好食，夜晚11點幾收工即刻出左旺角，上到黎環境都幾靚，韓國炸雞店都係播下k-pop果d，一如以往未黎之前已經上左開飯喇望下人地食評同相，見到蛋卷好吸引又幾好食，韓國壽司咁，不過用左蛋去取代左飯，加埋個醬一齊食，好好味，之後同事叫左一籃炸雞，佢話唔係炸雞，應該係烤雞先岩一送到黎時候已經聞到好香，果然唔係炸，層皮烤到剛剛好少少脆口，入面雞肉仲好嫰滑，唔錯，第一舊唔覺得辣，慢慢越食辣味越出，幾過引，我地每人都叫左杯野飲，我要左條鯊魚(冇酒精)，係見到有條鯊魚好得意先叫黎試下一開始佢係頭插住沙冰，見佢咁可憐先掛佢係杯邊變左鯊緣子，杯野就冇咩特別，味道似波子汽水變左沙冰，3個人去食，埋單5百幾蚊，今次剩係食左2樣野，味道幾好，下次試其他，佢仲有其他烤雞同年糕，不過最好叫多d人一齊食，因為份量都幾大…Read More

譚仔係我人生不可缺少既一間米線鋪，對食我辣既我黎講譚仔個特辣真係超正，太鍾意果種感覺，一路食一路流汗，辣得好過引，不過次次黎食特辣都會比隔離位既人望到實，可能人地會諗呢個死肥仔食唔食到架，叫特辣辣死你呀，我發覺就連鋪頭d姐姐都會望住我食，每一次食都係酸菜韮菜，或者有時會食下魚腐，不過今次想講既係佢地新推出小食---生腸本身自己經常食開炮台山分店，有日返工有同事問我試左新野未，我仲唔知道有新野，原來當時炮台山仲未有得食，結果就去灣仔試下，賣相唔錯，份量都算多(可能因為我一個人), 味道有驚喜，小小辣好惹味，非常爽口，食完一粒會想去即刻夾第二粒，真係會有唔停口果種感覺，之後每次去食都會叫生腸，必食之選…Read More

2年前黎到上環返工，發覺食野選擇唔多，係大約一兩個月前有一晚收工，見到有間新野裝修緊，已經有個招牌名掛起左，叫做橋香園，即刻上黎開飯望下是什麼料子，睇完食評有d都唔錯，終於有多個選擇，唔洗成日食南記，等到佢開張即刻試試佢，聽人講牛肝菌好食，自己試過都唔錯幾好，仲有幾樣推介，就係蘿蔔，冬菇，肉筋條，都係幾好食，平均一星期都會食一兩次，不過水準就真係麻麻地，我自己本身可以食到好辣，而每一次都係叫大辣，有時會叫勁辣，但係每一次個辣都唔同味，有次叫勁辣仲比左清湯我..........我一打開碗心諗點解一d紅色都冇，唔通呢個係勁辣既玄妙之處!? 一試真係便知龍與鳳，清到不得了，其實味道本身係唔差，不過就真係要認真keep下比辣既水準…Read More

我唔是打手!我唔是打手!我唔是打手!因為好重要，所以要講3次!之前由一位老友係whatsapp post左張傳單出黎，見到$268一位任食海鮮火鍋無限時，任食海鮮無限時喎?心諗唔_係呀，今時今日仲有呢咁好既野咩，咁真係要試試佢，幾經辛苦終於約到班朋友，早3日前book位已經話得返太子果間有位，唔理照殺book左6點半，一行7人浩浩蕩蕩向太子出發，一入門口見到有幾個獎狀，火鍋大王至專大獎，乜咁把炮既咩? 坐低之後其實冇人食過，都唔知點叫，好快阿雪姐(偷偷地望到佢名牌)已經送左2碟小食黎，辣辣地既豆(唔知叫咩豆), 又幾好食，好開胃，之後收銀枱既哥哥已經問我地雞煲要咩辣，其實有d奇怪我地唔係黎食海鮮火鍋咩，點解會有雞煲，不過唔理要左一個小辣一個大辣，因為我地7個人分左2個煲，雞煲未到之前有鮑魚同聖子食!?原來人人黎都有得送一人一隻，食埋岩岩好雞煲到，因為我自己係可以食得好辣既人，所以2個雞煲我都覺得唔辣，不過就好香幾好食，唔錯，如果辣返d就perfect池喇。食完雞煲開始我地海鮮火鍋，我地加左30蚊要左龍蝦湯底，因為分2煲既關係所以龍蝦開邊，每煲半邊，湯底幾得意有西瓜同南瓜一齊煲，一黎個海鮮拼盤，真係好正，排得靚之餘望落係堅新鮮，有花甲，海蝦，鮮魷片，帶子仔，刀貝，象拔蚌仔(其實唔係咪，不過個樣好似)，鯇魚片，仲有其他丸類有種丸第一次食成粒黑色，朋友話係墨汁丸，韮菜餃，魚皮餃。食完一盤又一盤，我地食到第唔知4定5盤再嗌既時候，我同收銀枱哥哥講海鮮盤同其他丸同餃樣樣都要d，佢答我“好肚餓?” 哈哈! 我話係呀, 佢即刻樣樣都幫我落order, 咁做生意先留得到客，我一定會返黎再食，希望唔好black list我地(因為我地嗌左好多盤:()，仲有漏左講一開始送唔止鮑魚同聖子，仲有2揸西瓜汁，唔錯幾好飲，飲完西瓜汁仲有其他汽水都係任飲，啤酒就另費，今晚食都我地個個嗌飽都唔洗3千蚊，一人大約$326，唔錯唔錯，I will be back!…Read More