smalllin's Profile

星期一,又係開始辛勞的一天, 工作前要享受好早餐先有精神工作由於星期一係深水埗工作, 見到有間小食店, 就入去食碟豬腸粉做早餐:)呢一間的豬腸粉真係一流, 又香又滑, 比起係其他地方的好食好多不過真係回味無窮, 越唔健康的就越好食, 呢個係真理腸粉來的時候已經落好麻醬, 不過豉油, 甜醬, 芝麻同辣醬要自己加我見係度食的人都實叫豬腸粉食, 無一例外我呢碟係大的 $11/9條 , 中的就$8/6條, 小的就$6/4條我另外加左隻粉果, 都幾好食, 不過對比豬腸粉就沒咁出色雖然沒食佢的粥品, 不過見到隔離枱碗粥都幾正幾吸引, 下次可以一試招牌豬腸粉外觀 : 8分 - 賣相不俗味度 : 9分 - 因加了豬油, 香味十足, 醬汁自行加上, 一定合自己口味口感 : 8分 - 尚算軟滑, 腸粉皮不厚, 有彈性份量 : 9分 - 我食大碟, $11有9條, 十分抵食粉果外觀 : 5分 - 一般沒有特別, 味度 : 7分 - 都算唔錯, 不過不失口感 : 6分 - 材料太碎, 大粒返一點會好的份量 : 7分 - 不太細隻…Read More

我同老婆仔好鐘意食日本放題，係2個幾月前眼見神串一做團購紙上燒放題，咁就買左去試下:)因為限定紅日, 或星期六日先可以用團購卷，所以的booking好爆，我地等左2個月先有得食:(等左咁耐，我地好心急食呢餐，所以當日我地6點就好準時去到:)之後陸陸續續都有其他客入坐，10分鐘就差不多爆晒人了差不多全部都是用團購卷的呢間食店都幾乾淨整齊，座位之間有足夠的空間，坐起來的舒服:) 之後有人開始分發餐牌，可以點的食物只有餐牌前後2頁，食物款式不算多:(佢實行專人落order制，不用你填紙仔 另外佢有沙律、溫泉蛋、蜆湯、飲品以自助形式供客人享用:)一開始經理說會安排一個紙上燒併盤給我們，看到餐牌上的餅盤有龍蝦、和牛、黑豚肉、雞肉同一些瓜菜，都好似唔錯:)不過當實物來的時候，都有出入，我地隻龍蝦不知去了哪，只換了2隻大連鮑魚仔，經理話因龍蝦無晒貨喎，真係失望之極不過的和牛同黑豚肉又算幾好食，鮑魚就一般喇:)食過紙上燒後，我地就點左三文魚同希靈魚刺生食，刺生不算好肥美，不過不失:)之後叫左的串燒食，牛肉串燒不錯，不過雞軟骨好似燒燶左，另外其他的食物都一般喇另外甜品有而瑞士卷、Tiramisu、雪米糍同泡夫瑞士卷唔係我杯茶，沒食到Tramisu個樣就一般般，食落去沒有咖啡味、的cream似蘿白糕的口感、食左一口就唔想食了不過雪米糍同泡夫就唔錯:)總括來講，我們今次用團購價$139另加$38服務費的價錢食呢間，並不覺好抵，因為食物質數只是一般，不過都叫見識過紙上燒:)如果以原價$388一位來說，就一定不會來食了:(…Read More

過去了的星期六晚，同老婆仔去The One 睇戲睇6點半場，到8點散場果陣大家個肚仔都開始奏樂了原本大家仲想話去食橫x拉麵，不過一諗起呢個時候，果度條蟲餅長到打幾個圈，分分鐘等到變食宵夜結果都係打消呢個念頭喇，唯有去佐敦睇下有咩好食:)我地由吳松街入去，起初睇到有幾間食咖哩的，可惜老婆仔say no，怕熱氣喎:(行行下老婆仔見到前面有個好大的招牌，寫住巴蜀烤全魚，話去八下咩來的我的呢的食肉獸鐘意豬牛羊啖啖肉，從來沒想過要變做一隻貓去食魚喎:)點知係度食完後，好似愛上左佢呀去到店門前，見到都好多人等緊位入去食，我同老婆仔就係八下入面的人食咩先:)見到入面張張枱都有成盤魚係枱面，個盤仲大過我個keyboard呀一陣陣香味飄入我地個鼻，直沖上腦，老婆仔已經餓到半死，又見落緊雨，話一於係度食魚店舖的裝修簡單舒服，都是用木椅木枱，感覺上有似好有風味:)不過地方略為淺窄一點:(入到來沒有人係唔點魚食的，佢有8種唔同口味，好似有香辣、香麻辣、剁椒、泡椒、酸菜、蕃茄、雜菌同豆豉口味揀:)有辣有唔辣，口味多，照顧到唔同口味的人，幾有心思呀:)而且仲有3個唔同size揀，分全魚、大邊、小邊全魚 $218 : 原條中間分開2半上大邊 $148 : 半條魚上細邊 $118 : 半條魚的上半身(沒左魚尾)叫一爐魚仲會有2碗白飯比你送嫁唔夠的可以加配料，好似都係十幾至二十幾蚊，都化算:)另外仲有魚湯米線賣嫁，老婆仔唔鐘意食白飯，可以叫碗飽肚用:)由於老婆仔唔想食辣，所以我地叫左蕃茄味的烤魚(大邊)，另外叫左個芫茜皮蛋魚片米線比老婆仔專用首先係個米線先到，老婆仔第一時間就飲左啖魚湯先，飲完淨係同我講左2個字 --- 鮮甜佢話味道清甜，好有魚味，唔係味精湯呀:)之後又試下魚片喇，呢度出名賣魚，的魚片又點會差得去邊喎，不出所料，老婆仔已經話正，係新鮮貨!!再等左一陣，主角終於都出場喇近距離一睇，我地嘩左一聲，咩原來真係咁大條魚嫁:)條魚係用香料烤過再放係蕃茄湯上熱住個盤出來的，的香味真係令到我地口水都流晒由於怕係到骨，我地少少地咁拆肉食，的魚肉好鮮嫩，加上用香料烤過，完全沒有鯹味，我呢隻平時唔多食魚的食肉獸都一試上癮不過我最鐘意係的魚皮，超級香呀，有的似新彊羊肉串燒果種香味我用湯汁加魚肉好快就送晒2碗白飯，不過的白飯有的爛，個人不太喜歡:(食到中途，的湯汁開始乾，有個姐仔好主動幫我地加魚湯落去，真係值得比個GOOD佢最後我地不知不覺清晒的魚肉，可惜唔識食魚頭，有的浪費左總結來說呢間店好有特色風味，食物新鮮，色香味俱全:)整條魚係你面前，慢火熱住咁食，可以同朋友細語詳談，慢慢品嚐，絕對係一樂趣無論愛魚與否，都值得一試…Read More

依家日式放題熱吹到全香港都係, 都無咩邊個未食過吧:)不過要好食又好服務又要抵食的唔係間間都得, 我同老婆大人就周圍都搵下邊間好食:)話說上星期收到尖沙咀青葉有SMS比我, 話月尾前SHOW個SMS去食就每個人減$20大元咁之前都有諗過試下呢間, 依家有著數喎, 我呢隻為食狗緊係第一時間BOOK位帶老婆大刷一餐喇果日我地去食5:30時段, 下午就有人打來同我地CONFIRM BOOKING了, 不過佢話是會留枱5分鐘(個個人的鐘都有快慢, 得5分鐘就苛刻左的, 10~15分鐘會好一點:))咁我地就好準時去到, 去到見到我地原來係第一枱客:)不過5分鐘後就好多人來了, 不到15分鐘就全部滿坐, 如果想來呢間食真係要一早BOOK位了:)一開始我地就點飛快咁點好想食的野, 見咁多人同事入坐, 點慢的都怕有排都沒野食來, HAHA先來左個刺生, 我地只叫左三文魚同希靈魚個賣相幾靚仔, 放刺生個盤原來係冰底來的, 唔怕刺生放得耐暖晒, 可以加下分:)食落都尚算新鮮, 不過未算最肥美, 算係合格咁喇:)等左一陣, 有熱食上枱了, 有雜菇炒豬頸肉, 白汁煮魚柳同燒牛柳粒:)個豬頸肉切成薄片炒到香口, 做得幾好:)而個白汁魚柳都不錯, 個汁較得稠濃, 味道剛好, 老婆大人都食左3碟我最鐘意係個牛柳粒, 好有驚喜, 食落好有牛味, 又夠juicy之後見到有一張紙係點鍋物, 都有5款揀, 我地就點左個北海道牛奶肉鍋個鍋一來到就O左咀, 咁鬼死大個鍋, 入面有好多牛肉, 金菇, 豆腐, 粉絲, 我地個胃開足TURBO先清得晒咋佢個湯底都幾濃郁, 應該係牛奶加豬骨湯, 雖然唔知係唔係用北海道牛奶, 不過都幾好味:)其他食物都有一定水準, 好似天婦羅個漿夠薄, 食落唔油; 燒雞翼又香又脆又有肉汁, 外脆內嫩:) 雖然的野食唔錯, 不過服務就差左的, 呢度應該有60個位左右, 另外有2~3個房, 全場有6, 7個侍應左右唔知係人手不足定訓練不足, 我地坐左2個鐘先換左一次碟 另外我5點半一來到就點左燒羊架, 不過去到成7點先至有得比我食, 仲要中途又求又追咁先有:(的侍應禮貌不足, 好似唔多想理你咁, 個個都好似包青天咁做野, 比多的笑容出來好的嘛:(總括來講食物水準算係唔錯, 咁的價錢係絕對食得過, 不過員工的態度有改善的必要!笑容比多一點, 服務主動一點, order跟足一點, 包保客人會多一點:)…Read More

今日跟上司去一大清早就去左大坑道工作, 做呀做, 做到差唔多3點先有得去食飯咁大家都肚仔打晒鼓喇, 上司就想係附近求其食茶記, 食飽就算不過我當時靈光一閃, 諗起有間人人都激讚的超滑蛋蛋好似係附近喎, 就即刻用iphone4上openrice查地址喇:)好快就比我搵到呢間正野, 我就帶埋上司一齊來試下有幾好食喇由於我有做好功課, 一坐抵餐牌都唔洗睇, 就同一個貌似老闆娘的呀姐點滑蛋叉燒飯不過呀姐話賣晒, 我即時"dom"晒心口呀沒法子了, 鬼叫咁遲先來, 我見其他客食緊滑蛋蝦都好似好正, 的蝦隻隻都係巨無霸, 可惜我唔食得蝦唯有叫左個滑蛋牛肉飯:)至於我上司唔多like食蛋, 正唔知叫咩食之際, 老闆娘好熱情咁介紹佢地的雞脾飯, 話同滑蛋飯一樣咁高人氣喎我上司又唔想食飯, 咁老闆娘好nice又話可以要公仔麵都ok嫁, 上司咁就即刻扑鎚 (唔知係咪我上司靚仔所以咁就佢)等左陣我個滑蛋牛飯就來了, 一睇的蛋到就知無來錯喇, 見住的蛋汁好似甘露咁掛係的牛肉上面, 真係引死人喇再睇下的牛肉, 好似唔洗錢咁鋪滿成碟飯, 比起出面其他食店的偷工減料太有人品了:) 正想開始消滅面前的滑蛋牛飯之際, 老闆娘叫停左我, 心諗咩事呢, 唔好阻我享受好喎原來老闆娘拎左碟豉油比我, 叫我淋的落蛋度先好食, 我就當然照做無死之後終於都可以品嚐眼前美食了, 當我第一口食落去, 先係感覺到一絲絲蛋香, 的蛋係滑落我食道的:)佢的豉油好清甜, 唔會好咸, 而且加左爆香左的蔥, 同的滑蛋做到絲絲入扣, 真係絕呀!!牛肉份量好多, 都好嫩滑, 不過就牛肉味不足, 可能叉燒同蛋會好食的:)至於我上司的雞脾麵係我食到1/3先到, 都幾耐, 不過係有原因嫁:)老闆娘話係即時生炸出來, 要皮脆肉嫩咁先比得客食喎:)睇到隻脾又真係好肥美喎, 而且旁邊仲有條腸仔同荷包蛋, 係之前沒想過會有的, 好有驚喜我上司一切開的雞脾肉, 的肉汁就巴巴聲咁流出來, 真係正到無朋友呀我地食完, 再飲埋餐飲後肚仔都無比滿足, 正想埋單之際, 老闆娘話仲有啫喱送, 可惜我地飽到食唔到喇:($35有咁足料的美食, 有野飲, 仲有甜品送, 絕對係超值, 下次點都要帶埋老婆食多次先對得住自己…Read More

上星期五同老婆仔同未來外母行銅鑼灣, 老婆仔因之前食過一次重慶咖哩話好食, 想再試下喎之前成日行過見到有間阿拉丁咖喱屋, 價錢又唔貴, 咁就3個人去試下喇~0~我本來想去拎位先, 因呢間野好似都好多人食, 上到見到仲有位, 不過要齊人先比入, 當老婆仔接埋未來外母上到來, 終於都可以入坐叫野食了:)佢係樓上鋪, 有2個鋪位, 不過都幾多人食, 夜少少來就要等位了我地叫左蒜蓉薄餅3份, 咖哩菜角, 乾汁咖哩牛腩, 椰汁香料咖哩羊, 香料波菜雞蒜蓉薄餅 - 不夠蒜蓉香, 不過都熱辣辣, 可以接受咖哩菜角 - 睇落去似的小食店的咖哩角, 油左一的, 入面只符薯蓉, 食唔到雜菜乾汁咖哩牛腩 - 呢個就唔錯, 的汁夠香夠濃, 如果的牛腩切細舊的會好點:)椰汁香料咖哩羊 - 味道都好, 不過未至於話好正:)香料波菜雞 - 都好食, 不過上次重慶大廈食果間好食的最後的汁有多, 我加多一份薄餅食埋就走了總括來講佢的咖哩都可以, 不過比起重慶大廈華X士沒咁正:)佢叫中規中舉, 如果係香港區唔想過海都可以去食:)…Read More

前一個星期日, 同老婆仔睇戲前突然想食一下正宗咖哩, 於是就去左重慶食咖哩了之前係Openrice做過功課, 睇到華加士雖然唔係好多食評, 不過去過食的都讚好, 於是就揀中佢我地好早去到, 未到6點, 得我地一台客, 有個印度人好友善咁歡迎我地:)間野幾乾淨, 地方不太大, 得8~10張枱左右, 好有住家feel:)我地叫左雜菜咖哩角, 乾燒咖哩羊肉, 波菜咖哩雞, 蒜蓉薄餅, 瑪沙拉茶同檸檬梳打雜菜咖哩角 - 超好味, 大大隻, 一的都唔油, 入面係咖哩雜菜加薯蓉, 口感好正, 又香 乾燒咖哩羊肉 - 的羊細細舊, 不過都幾多, 香料味十足:)波菜咖哩雞 - 的汁好正, 少少辣, 好香, 又多濃:)蒜蓉薄餅 - 好香, 好鬆化:)總括來說食物味道一流, 服務好, 一定可以再來食個印度人好好笑容, 又會主動介紹你食咩好, 又會問你食幾辣:)佢係識廣東話的, 方便溝通:)老婆仔食過一次後就上癮了…Read More

之前同老婆仔係團購睇到$48就有3個幾鐘的放題食，諗住搵到寶喇:)都知到佢沒有日式食物, 沒刺生, 不過$48就唔能要求太多了我地12點去到, 一坐低就我就9秒9咁點野食, 老婆仔就去拎cake仔食(的cake仔係自助的)因為睇到之前有食評話的野好耐先來, 又漏單多, 所以都怕怕地:(點左野食沒幾耐, 就有一個部長走過來話無晒河粉, 牛肉河賣晒我話你地剛剛先開始做生意, 一開始就賣晒?? 之後佢就改口話係尋晚賣晒, 今日沒貨咁都算了, 再過一陣, 又話叻沙都沒有, 咩都沒得食又話中越泰放題, 生牛河又無, 叻沙又無, 咖哩又無, 好似比人搵笨咁佢都中式熱食一般般, 有個糖醋魚塊比較好一的:(其他的熱食好多都係洋蔥, 青椒, 辣椒多, 肉就得3幾舊....唉:(仲有的野食好耐先出來, 有單又亂, 有的野去左旁邊張枱, 有的唔係我地叫的又來左最後老婆仔叫左個紫米露, 不過好稀, 唔係咁得:(的cake仔得一批, 比人拎晒就唔會再加的了......一定唔會再有下一次了!!(補充 : 最後要每人收$10服務費的)…Read More

今次係第二次來花月底了, 我地今次揀左食全段時間, 6點就入坐了, 不用等位:)不過到8點幾開始第2輪特價時段就開始多人了因為我同老婆豬一早就來到食, 沒咩人, 環境唔係好嘈而且周圍的人好斯文, 比想像中好好多, 不會像美食廣場食物種類都好多, 如果食2個鐘時段未必食得晒冷盤 :刺生 - 都新鮮, 好像都有6款左右:)生蠔 - 全部即開的, 雖然細細隻, 不過好鮮甜, 有海水味, 我食左半打海鮮 - 我記得有長腳蟹, 青口, 翡翠螺,, 海蝦, 都唔錯火腿 - 有4-5款高級即切火腿, 好好味呀芝士 - 有好多款, 最鐘意係合桃芝士溫泉蛋 - 呢個一定要食, 好滑好正沙律 - 新鮮, 款式都多其他的有凍雞, 冷麵, 泡菜......熱盤 :燒豬頸肉 - 好味煎鵝肝 - 都唔錯, 不過就細舊左的黃金海膽焗龍蝦 - 好好肉, 好爽, 又香, 食左成6隻燒牛肉 - 不過不失, 還可以的燒羊架 - 可以接受燒味 - 沒食到, 唔知咖哩 - 的咖哩有4款, 不過的味道就唔係咁得:(日式湯麵 - 好似有豬骨湯, 地獄湯, 蕃茄湯底, 我食左蕃茄湯, 好香濃:)韓式年糕水餃/炒麵 - 水餃一般, 炒麵太辣了其他西式及中式熱盤仲有成十幾款, 都幾好甜品:綠茶Tiramisu - 呢個唔鐘意食, 的味怪怪地cheese cake - 都可以朱古力蛋糕 - 都可以北海道牛奶燕窩布丁 - 好好味:)杏汁焞燕窩 - 呢個就真係一流, 好香, 燕窩都有幾多下自制班戟 - 好似食熱香餅咁, 都好好雪糕 - 用haagen dazs, 有6種味道, 正呀食到咁上下會有人打鐘, 即係有熱辣辣的巨大梳乎厘出來, 不過我就唔係咁鐘意食佢:)總括來說,佢的食物款式多, 食物質數比上年好左, 不過價錢就貴左唔少如果想食抵的, 最好食6:00~8:00的特價時段, 因為人少, 不用排隊…Read More

我同未婚妻仲有未來外母3個人係澳門睇完水舞間, 食完buffet, 買晒手信, 影晒靚相, 最後一站就係去食六記粥麵了之前係Openrice做足功效搵水毚粥食, 睇來睇去六記係最多Good的, 所以都決定呢間:)我地果日5:30就去到, 點知原來要6:30先開始做生意, 好在老闆都好好人, 比我地坐係度等:)原來諗住去行下街, 去瑪嘉烈圓完葡撻再返來的, 不過大家都怕行得遠, 結果都係度等好在沒走開, 未到6:30, 已經不停有人入來坐低霸位等食, 6:00已經滿晒人,真厲害終於到6:30, 我地一早做晒功課, 已經知咩食, 叫左一鍋水蟹粥 , 一碟蝦子撈麵, 一客米通鯪魚球, 鳳爪菜(細)水蟹粥 ($120) : 好大鍋, 4個人食都可以每人食到2細碗以上, 佢唔係用糕蟹, 真係用水蟹煮的, 好甜好有蟹味, 如果2個人想食多的款, 可以叫一碗的, $50一碗:)米通鯪魚球($38) : 有10大粒, 外面的米通好脆, 的魚肉好鮮好彈, 加上的蜆芥汁食真係一流蝦子撈麵($24) : 蝦子幾好, 都算鮮味, 不過的麵先係主角, 好爽好彈, 正鳳爪菜(大$36,細$27) : 的鳳爪好入味好淋, 的汁幾好味:)食完覺得沒來錯, 下次我都會再去食過...hoho …Read More

之前同女朋友係旺角唔知食咩好, 咁行行下去到朗豪坊附近, 發現到呢間佳記茶餐廳本來諗住周圍都係的黃色行業地方, 係度開的茶餐廳都係比附近的人打躉, 都唔知間野得唔得。點知有意外驚起比到我地我女友點左個焗牛脷意粉 ~ $45我就點左個咖哩雜扒飯 ~48 佢的焗飯/意粉餐好抵食, 有湯, 有奶油脆豬包, 有野飲跟個包包好脆好正, 比起好多西餐廳得個凍餐包好食好多:)個牛脷意粉好大碟, 普通女仔2個人食都夠晒飽, 的牛脷有好多塊, 又厚, 的汁好濃, 應該用茄汁加上蘿蔔蓉整, 幾正個咖哩好鬼香濃, 的扒有豬, 有雞, 有腸仔, 有煙肉, 有火腿, 都幾多送的, 我地食完飽到上心口質數好過西餐廳, 又大碟過大排檔, 又唔洗加一, 佢做左我地旺角飯堂了…Read More

話說我女朋友同我講話呢間的紅豆沙翁超正, 成日都周圍介紹人買來食我有次接佢放工時又買個食下囉點知一口咬落去, 好鬆, 好軟, 的紅豆好沙, 夠甜, 沙糖份量剛剛好....超正依家我成日都掛住佢的紅豆沙翁…Read More