PoLynn's Profile

我哋6:30去到，餐廳未有其他客人。我哋揀坐喺鐵板前面，可以睇住師傅燒🤣🤣儀式感十足牛：師傅煎到大概五成熟，入面好嫩😋😋😋蝦：好大隻虎蝦，肉質彈牙，而且鮮味十足🥰（碟中間嗰個醬應該係蝦膏？好香）伴碟嘅菇：師傅用牛油嚟炒，好香炒飯：原來用鐵板炒出來既飯都可以好有鍋氣薑味雪糕：第一次食薑味嘅雪糕，辣辣地，好新穎。🤣燉蛋同菜：麻麻哋，唔夠味差唔多$500/head抵食😍😍👎🏻👎🏻用來掛手袋既鈎喺枱底，我要成個人dup 低頭，瓹落枱底，先掛到個袋，有啲狼狽😳…Read More

平時來開呢間食lunch，貪佢夠近，滕椒湯底又幾香。不過今日真係太過份啦。😡1pm俾完錢開始等，我係60號，等左半個鐘，62-69全部出晒，我仲等緊。等到一點半都未到。而且，個藤椒湯底越做越衰，點解好地地一個湯底會有螺絲粉既臭味？🤮🤮🤮唔知係啲材料問題定係湯底問題。如果唔係lunch hr 就來完，趕唔切去過第二間，真係會走😵‍💫…Read More

時間：2:30-5:30人數：2人價錢：折完之後$681 （5:30離座有8折，呢個優惠幾抵）食物：1.啲蝦🦐數量多，而且新鮮有膏。係啲水到夾上嚟嘅時候仲會彈吓彈吓，冇揸流攤🫡2.凍海鮮有鮑魚、蜆、魷魚🦑、扇貝。不過值得一讚嘅係調味料區有牛油同蒜粒，仲有其他醬料，用嚟燒扇貝真係一流！😋😋😋職員補貨補得好快，職員見到得返一半扇貝，就會即刻補返滿。👍🏻3.肉類唔算太多，有牛仔骨、雞翼🍗、牛肉粒、豬肉，叫做牛雞豬都有啲，牛肉粒就麻麻哋，其他正正常常冇乜問題4.飲料選擇多，有四個雪櫃，不過主要都係甜嘅飲品/汽水，茶嘅選擇就好少，得一格。環境：1.我哋兩個人，坐緊一張四人枱，係啱啱好。因為枱上面有個燒烤爐、邊爐仔、裝蝦嘅筒仔、垃圾桶仔、兩個人嘅碟同筷子🥢，都真係放咗唔少嘢。如果一張四人枱係四個人坐，真係會好迫。2.為左方便食客夾蝦，所以餐廳將啲枱放咗喺蝦池隔籬，客人就咁坐咗喺啲蝦隔離😂呢個體驗幾得意。不過夾蝦嘅時候要小心隻蝦掙扎，啲水會四圍彈，有機會會彈到其他食客。服務：1.員工服務好好，會主動幫手燒烤同埋剪蝦👍🏻👍🏻👍🏻…Read More

今日Walk in食鍋霸，午市三點入場，唔使等位。我哋食嗰個係120分鐘$219/人既餐，同侍應阿姐講得好清楚，但係我scan QR code 點野食嗰陣，發覺佢幫我哋落左貴一級既餐（120分鐘$299/人），但我哋已經點左兩樣貴啲既肉，所以即刻叫佢取消返。講返用餐體驗：環境：兩個人，有梳化位坐，舒服👍🏻衛生：張枱同梳化都乾淨，唔會有黐立立嘅感覺食物選擇：算多元化，唔會食嚟食去都係嗰一兩樣，墨魚滑好食食物質素：雖然啲蜆幾大隻，不過好多沙🤮🤮湯底（胡椒豬肚雞鍋）：放咗紅棗，所以個湯底煲煲吓會有少少甜，幾好食。不過，到最尾埋單，我哋食嗰個係120分鐘$219/人既餐，就算星期五六日加多$10 ，唔知點計到最尾變咗$582。不過我哋趕時間，埋單嗰陣俾完錢就走左，冇問清楚😵‍💫😵‍💫後來睇返張單，真係唔知點計🤕🤕…Read More

喺呢度食咗幾次，今次真係背脊骨落。點左兩個菜，一個上得好快，另一個等半個鐘都唔上。問個女侍應，話就快到，又等多10分鐘。都係未到，結果唯有取消。如果多人嘅話，都理解，但事實係有一半位都係吉嘅，等咩？如果你哋冇呢個菜就直接講，點解要客人等咁耐？要人等咁耐一句，唔好意思都冇句。最後取消咗，連原因都唔講。俾錢嗰陣仲搞笑，企我哋後面嗰個人等咗1分鐘都冇，個職員就同佢講：唔好意思要你等咁耐。我哋等咗咁耐，佢哋好似應份要你等咁。呢間嘢真係差到痹Blacklist!京葱牛肉之前食過，有wok氣，覺得唔錯。不過今次來食，試左孜然葱牛肉，孜然味完全蓋住wok氣。…Read More

是咁的，今日我用Panda點左個爽魚米線12：22落單，聲稱自取時間係12：42，咁我12：40落到間鋪頭到等啦。12：45 問下店員拎得未，佢問左我電話號碼幫我睇下，「未到」。我諗住咁多人買外賣，遲少少都正常既。13：00 再問店員，都係未到，我繼續等。13：15 再問多次，都係未到。佢見我等左咁耐，就問另一個同事（唔sure係唔係廚房同事）有冇我張單。之後佢再覆返我話依家同事幫你跟緊。如是者，我又再等多5分鐘，喺13：21終於攞到我嗰一碗米線。我哋呢啲打工仔，得1個鐘既lunch hour，用左1個鐘時間去等個米線，返到office 個個同事食飽，傾下計／開始做野，而我就仲食緊個lunch。所以，真係唔建議喺lunch hour 呢間譚仔三哥，等左成粒鐘，真係好誇張....…Read More

今晚OT，見呢間鋪頭幾多like，就試下新野。原本見咁多like，好期待，但係一去到間鋪頭，就覺得伏左。聽店員口音應該係菲律賓人，但睇鋪頭裝修同擺設，老闆應該係香港人，唔肯定間鋪頭係咪轉左手。因為食物同open rice上既評價真係差太遠，所以有呢個懷疑。鋪頭本身面積不大，但啲野擺到好亂，仲有幾個大紙箱放喺到，感覺真係唔似係間餐廳🙄似倉庫多啲。講到食，我order 左豬排炒烏冬，真係極之伏。量少😒豬排勁「鞋」🤮成個烏冬得鹹味太難食，唔會再食呢間。…Read More

今朝同媽咪去左譚仔食早餐。兩個人，叫左個過橋米線、青瓜同雞奕。講左過橋米線先，我只可以話：真係越來越差，一來份量少，同我兩三個月之前來食個份量真係明顯有出入，二來豬潤唔係好熟，中間仲有粉紅色。青瓜同雞奕都ok啦，不過不失。講到服務，我要俾0分。我叫左野食之後，叫佢拎一杯凍水俾我，但係佢都係拎左杯熱水俾我，今次都唔係第一次，上次來我叫佢拎凍水，佢又係拎熱水俾我，我心諗：咁大間鋪，連冰都要慳？連凍水都唔肯俾人，唔通想逼人叫凍野飲？而且員工態度又唔係好，我又譚仔觀感越來越差。…Read More

呢間鋪其實我覺得有啲玩野，因為一開頭我係門口到見到佢大大張poster，show到啲下午茶好似好吸引咁，所以諗位叫個下午茶，點知坐左入去，個waitress先話星期六日無下午茶，真係俾佢吹漲:(，星期六日竟然無下午茶。咁算啦，我就叫左個雞扒肉燥飯加杯金香奶奶。啲雞扒係即炸，送到上來熱辣辣，唔錯，但一咬落下，有陣不尋常既so 味，可能個鍋之前唔知炸過咩來，留左啲味係到，有so味既雞扒，唔掂。不過就要讚一讚個肉燥，撈飯好開胃。而個凍金香奶茶有茶香，唔會過甜。…Read More

之前諗住去TM食，點知執左，惟有來呢間。食得唔太開心，食物質素普普通通啦，都有60分既，不過啲管理真係唔得，聽到啲staff 講野真係搞到我無咩胃口，心同感受啊，諗起以前一個無理上司。個日我食食下，聽到有staff 係到抱怨個老闆mean，交唔到數就“小”，雖然我都知好多行業都要跑數，不過呢間係甜品店，客人多寡係靠product quality同宣傳，又點可以“小”前線員工呢？！出來做野俾人鬧下好正常，但起碼上頭要有道理先啊，如果言之無物，無理取鬧，真係勁黑人憎！又聽過TM間野之前炒左幾個人，人心惶惶，搞到啲員工都無咩心機做，都唔知係米咁，搞到執左。可能飲食業好多公司都係咁，不過真係聽到啲人親口咁講，真係有少少唔好受。都係打份工姐，洗唔洗啊。。…Read More