Bernice_b的个人专页

16:30 出爐, 我16:15 開始排隊16:30 有員工通知排在某個位置後的客人未必有包賣我堅持等待 其後未再有員工出來作出任何通知16:40 排隊人龍才可以有微微移前排到17:20終於能進店 當時只餘吐司及2款小盒子更目睹收銀同事收錯錢落單過程其實很快 有可能是收銀拖慢整個購買流程買完後外面仍有很多客人在排隊 他們基本上已經沒有機會買到包因為根本沒有員工通知後方排隊的客人希望能作出適切改變 以免客人白排…查看更多

因為趕時間，便隨便走到一間不需等位的餐廳用餐，誤打誤撞就來了這裡。食物質素再好，服務態度差都會令人卻步，不會再有下次的光顧。男店員表示我們的用餐時間為1.5小時，我們因為趕時間，1小時就交枱了。用餐期間，有位講國語的女士坐下來，沒有掃瞄安心出行，表示自己叫外賣。男店員則用英語回覆，請女士到門外先掃瞄安心出行，再在外面看餐牌叫外賣。據我了解，叫外賣不需要掃瞄安心出行吧？而且男店員用英文回覆，我也聽到一頭霧水。用餐後想去洗手間，男店員表示有人，叫我回坐位等等。我看到洗手間門沒有鎖上，我推門查看確認（因本人十分趕時間），男店員馬上衝過來以不耐煩態度表示：「我都話裡面有人，小姐係返埋位等啦。」由於趕時間，我與另一位友人先行離開，還有一位朋友獨自在餐廳用餐。我們一走，男店員便馬上結帳，但我們的友人仍在用餐，是因為我們坐門口位置，害怕我們沒有付款便離開嗎？總括以上種種因素，即使The Waffler’s Double Burger好多吃，我們都不會再光顧了。…查看更多

與友人相約北角，因下雨便隨便進入一間餐廳。到達時大約12:30，未需要等位。我們叫了Espresso Tonic, Matcha Latte, Mixed Cheese Croffle, Avocado Lobster Salad.兩杯飲品真的較遜色，Expresso Tonic用的咖啡偏酸，整體個人來說不太喜歡。Matcha Latte 濃稠，但同時亦明顯飲到粉粒的感覺。Avocado Lobster Salad中的蟹肉沙律(少少咸)與沙律菜配合得很不錯，令我們不會覺得吃沙律菜只有很寡的感覺。是次最推薦的食物就是這個Mixed Cheese Croffle了。終於不是「柴」的煙肉！這個要大讚。上面的芝士脆片有驚喜到我們。如果有酒精飲品，我們應該可以吃十份芝士脆片！吃完整份亦不會覺得很油膩很「滯」，反而是應有的飽腹感。如果要客人二訪，相信咖啡的部份要加強了。…查看更多

第2次幫襯啦.滑蛋叉燒飯蛋香而且真係做到滑蛋質地唔會過熟 令到個飯保持濕潤食到最後都冇一啖係剩食白飯!!!豉油都唔洗落太多.西多士好厚阿傻的嗎食完一個飽到上心口炸得好靚 上面層牛油都算幾大塊我輕輕喺個面到掃左一下就撩開左佢勁邪惡阿 肥妹can’t handle 個包其實炸完都好軟 唔係隔夜包冇哂水份嗰隻 唔會硬到脆多士咁.凍奶茶真係必飲一入去餐廳已經聞到成間都係茶味好濃滑!!!!!.下次嚟會試下佢D茶餐同炭火叉燒飯…查看更多

成日行過呢間餐廳，今日朋友話想食泰國野，仲主動揀埋，哈哈！.19:45 左右入座，剛好有4人位，唔洗搭枱。1. 串燒6串 2雞2牛2豬2. 串燒6串 1雞1牛1雞腎1司華力腸2雞軟骨3. 馬拉盞通菜4. 燒豬頸肉飯.串燒好香口阿 不過同時地都算係咸左D同埋都幾大串，食完兩三串都飽飽地啦.菜就正常發揮啦 我覺得一般菜嚟講都幾難炒得難食.燒豬頸肉飯係白飯+燒豬頸肉如果唔係燒豬頸肉有汁點 白飯都幾難就咁入口燒豬頸肉數量都算多 我地最後仲食唔哂 浪費左:(.整體嚟講算OK，係有D咸呢方面要留意（我返屋企飲哂成支７５０ｍｌ既水）…查看更多

嚟到九龍城唔知食咩好，行過清新牛肉館就唔諗了..平日直入唔洗等位。.叫左個2人餐 $2101. 牛肉餅依舊出色多汁 噴到周圍都係 大腿都噴到 熱死我大大舊 好正.2. 辣子羊肉冇咩特別 食唔到辣味 有筍既脆口 但羊好似冇咩味同埋有D油.3. 麻油雞醬好香 雞件都好滑 唔錯.4. 酸辣湯飲得出好多胡椒粉 個辣味有D假入面有牛肚同牛肉絲 出面好少冇見過.我地2個女仔冇叫額外叫飯 都夠食但下次再食都係散叫好了牛肉餅必食…查看更多

明知TVB節目有伏但家母想食，只好帶佢去啦～～.7:30嚟到已經有人等緊位，我地等左15分鐘左右，唔算好耐，入面都幾多位，安排我地坐最入既卡位，廚房同廁所都喺隔離。.3個人叫左6款食物,1個甜品,1杯飲品 (5分滿分)1. 鹽酥豆腐 $38 呢個有驚喜 炸到剛剛好 唔會乾身 (其實係食左鹽酥雞之下有比較有傷害)2. 九層塔手抓餅 $28 食得出有九層塔既味道 但個餅冇咩特別 當主食都可以 小食就不了3. 炸紅槽肉 $45 呢個有D油膩 但其實醃得幾入味 我會再比機會佢 (如果我再嚟食)4. 酥炸鹽酥雞 $38 好乾而且好鞋口 豪大大都好過佢5. 干貝櫻花蝦荷葉飯 $88 糯米飯底 入面有蠟腸蝦米等配料 媽媽話D糯米有小小唔熟 但又煮又蒸我諗唔會掛?6. 三杯雞 $88 媽媽都讚阿呢個  話返屋企要學煮個人覺得咸左少少 但雞都幾多 推薦7. 綜合芋圓 $45食完上面D野 再3個人share就剛剛好 但都係普通質素 芋圓都幾大粒 同埋都有13粒45蚊值唔值就見仁見智啦8. 黑糖珍珠奶茶 $22媽媽話珍珠硬左D 但幾好飲.媽媽話要食既餐廳 點都要帶佢去明知有機會中伏都要去(好彩呢間都唔算中伏) 因為媽媽開心就好了…查看更多

次次諗起想食都冇位，今次醒目啦！提早一星期就book位！抵讚既係打過去Miss Call會有個小姐打返嚟問係咪想book位….Book分兩段時間: 1930 / 2130我地揀左1930，1915到左都未有位可以入.我地其實一心係為左椒鹽粟米而來其實餸都係咁左佢有手指公推介既.1.     黃金椒鹽粟米 $58我地冇睇清楚原來佢係有黃金上到枱先知 係我地問題黃金沾滿粟米，粟米都夠乾身，但冇咩驚喜位.2.     黃金蛋黃魚皮 $68呢個我覺得必嗌 但係食得出好熱氣黃金沾滿魚皮 一啲都唔姑寒阿！每一塊都好脆！！！同埋好大塊！我地要篤爛佢做細塊D先食….3.     避風塘鮮魷 $90本身糾結要黃金鮮魷定魚皮，咁揀左魚皮，就揀返另一個有鮮魷既餸啦！呢個朋友揀既，都好夠味，D配料好多而且炒得好香！反而有驚喜阿呢個！.4.     菠蘿拔絲咕嚕肉 $88個拔絲只係碟邊裝飾，肉既份量都幾多，好似食極都有，入面有桃有菠蘿，唔特別。.5.     香煎黑松露手打蓮藕墨魚餅 $88一上枱已經聞到黑松露香味，本人對佢都幾期待！而佢冇令我失望！入面食到大大粒既爽口既蓮藕，配埋墨魚到，一軟一硬，口感幾豐富！而且唔會冇味，每一舊個份量適中，食完唔會覺得好似食左陣風咁！.6.     激椒避風塘水魷 $89食開三小辣既我覺得佢唔算好辣，D魷魚唔算好多，食佢個味為主。仲有芽菜同粉絲墊底，我地冇叫飯，食埋佢個底都飽啦。.總括，佢比同區既’’大排檔’’嚟講唔算貴，4個人食每人都係$13X，幾抵食。但又未至於要早一星期book位咁誇張。有機會都可以返轉頭食既。…查看更多

第一次聽海潮呢個名係朋友喺IG見到之後話我知🤣睇埋圖我即刻過：Gogogo!!!!!咁啱約左朋友去觀塘游水😎點可以放過食海潮既機會😌.喺Apm行過去途中 仲遇到啱啱食完海潮既親友證明真係堅😍.等左15分鐘左右就入座了入面都坐得幾迫 但係迫迫地都幾開心啊😃.一坐低見到餐牌 都搵左一陣個撈通喺邊😂我地2個人 叫左撈通 魔鬼多 椒鹽燒賣 凍檸茶2杯 埋單$116.嘅手撕雞五香肉丁麻辣撈通 （唔係好記得exactly 個名 反正都係前後幾樣倒轉😂）雞肉絕對唔係鞋烚烚既雞胸 係脾嚟🤤嫩幼唔鞋口 蔥油+麻辣已經好夠味仲有五香肉丁既咬口 加通粉既彈性口感好豐富 一啖食到幾個質感（如果唔想咁咸可以試下叫少蔥油 下次我會試下😂）.不嬲都好鍾意食多士西多類既我呢個面包令我感嘆佢哄到好脆 但同時又有面包既軟熟牛油份量適中 唔會食到成口都係油琴日食完今日已經想再食 點解星期日唔開😭.後加左個椒鹽燒賣兩條女好似三日冇食過嘢咁食完前面嗰兩樣罰都仲係覺得未夠喉見到有個小食就決定叫埋試下😚喺街邊小食檔通常都淨係食到普通炸燒賣呢個炸燒賣炸得好香脆 但係食落口都唔會成舊都係油加埋椒鹽同埋辣椒油完全係bonus 味道.總括嚟講 喺海潮一定係我頭三位喺觀塘會食嘅餐廳…查看更多

自己本身住附近但好少有機會行嚟呢邊咁啱有朋友嚟搵我 終於都有機會嚟試下啦.兩個人叫左三樣野1. 10隻煎韭菜豬肉餃（可以選擇烚/煎）2. 涼拌大拉皮3. 涼拌土豆絲.韭菜豬肉餃🥟足料 每隻都飽滿但唔算好大隻餡料都幾夠味 雖然只有10隻但個感覺好似食極都仲有.涼拌大拉皮🍜醬汁係麻醬加醋略嫌個醋太酸 好搶 搞到完全冇麻醬味但係拉皮好滑 大豆芽同青瓜爽口口感不錯 要挑剔嘅就真係個醋唔係好夾.涼拌土豆絲🥔有驚喜:) 好香花椒油味 仲有啲麻辣味（不過唔辣的）土豆絲同大拉皮同樣都係用醋 但係呢個同大拉皮唔同土豆絲加蘿蔔加醋個味係完全好夾一啲都唔突兀 呢個下次嚟一定會再食.姨姨仲送咗兩杯豆漿俾我哋豆漿係佢自己每日新鮮整嘅我哋去嘅時候佢啱啱攤凍緊好香豆味同埋係少甜 大讚多啲幫襯小店 都仲會食到一份人情味…查看更多

第二次嚟到梔子都係決定叫返上一次食過既沙律煙三文魚青蘋果藜麥沙律🥗沙律上有合核 杏仁 松子等等既果仁增加咬口 唔會好似淨係得沙律菜咁齋既口感沙律仲有柚子醋 令到整個沙律提鮮酸酸may may咁 好開胃 藜麥就冇咩特別 都係正常味道煙三文魚有少少咸 希望佢地會揀返隻冇咁咸既.芝士磨菇釀雞翼🍖每隻都好飽滿 可以睇到咬開後真係真材實料 有粒粒蘑菇 芝士亦都好夠味雞翼外皮煎得好香一份有四隻 好味到我哋三個人要爭最後一隻.鮮雜菌菠菜忌廉長通粉長通粉略嫌煮得有啲硬個人覺得呢個長通粉整體冇咩特別（可能係因為食完個雞翼先食）.飲品方面朋友本身想飲熱朱古力 但係發現餐牌冇問咗職員都係得朱古力咖啡建議餐廳可以加返…查看更多