SNCYummy's Profile

一心諗住試吓杯手打檸檬茶，點知伏到爆！杯嘢淡到水咁，一啲檸檬味都冇，飲落仲要勁澀，真係好難飲。賣到咁貴，CP值勁低，完全唔值呢個價。最差嘅係個店員啲態度，由頭到尾都黑口黑面，落單問多句都勁唔耐煩。總之，貼錢買難受，一定冇下次，blacklist硬！大伏  非常差…Read More

🤓星期四晚收工過嚟食，第一次嚟，諗住唔會好full，點知都爆滿😱，等左一陣就有位，估唔到入面都幾大，地下同樓上兩層，加埋都有10幾張枱，大枱比較多，👍🏾環境都算闊落舒適，似乎好適合一大班人或者家庭聚會👏👀見到張張枱都食雞煲，我梗係唔執輸啦，仲要價錢超抵，百零蚊👅✍🏻餐牌嘢食選擇勁多，唔同肉類嘅小菜，仲有好多特色小菜，🤤有別於一般嘅小菜大排檔，價錢都好經濟，難怪閒日都咁full🤔同朋友兩個人嗌咗一個1⃣飄香醬皇雞煲，2⃣蜜椒金薯安格斯牛仔粒，同埋3⃣金銀蛋時蔬。☑薯仔細細粒炸過脆皮邊，好正，牛仔粒好鬆軟，啱哂我cool緊牙🤣驚喜原來入面有菇粒，so yummy，成碟餸都係甜甜地好滋味🥰☑雞煲好香，嗌左BB辣，都怕會好似出面果啲噤無左辣味就無哂味，丫！出奇地又唔會喎！仲要好入味，咸度適中唔會一味咸！兩人食半雞剛剛好！👏👏第日一大班人食飯又多個選擇😋😋…Read More

之前有一段日子好鐘意周圍去食 buffet ，務求搵到一間價錢相宜但質素又好的，不過真係好難，好食的又會好貴，便宜的感覺真的很廉價今次，終於比我發現呢間相當不錯的選擇，如心海景酒店九樓的Café circle實在是驚喜點解覺得好？食buffet 首要緊係食物啦，我係食佢最新推出的”食晏啲時段” 1:30-3:30，我還以為會比較hae ，原來一啲都唔 hae，食物種類好多！仲好精緻！(一定要用埋OpenRice coupon ，$200+10%超抵)無論係前菜，沙律，冷盤，以致熱食，甜品都有近二十個選擇最愛推介: 沙律吧的紅菜頭冰鎮蝦好鮮甜足料又夠綿的香菇肉片粥泰汁豬排意想不到入味又鬆軟明太子海鮮炒飯 芝味超強必試即煮麵檔的香辣湯底，令人欲罷不能甜品區的自製pαncαkє 好鬆軟必食流心芝士撻(我見到隔離枱一次食六個)麵包布甸甜度口感適中，必試鮮荔枝肉的果凍另外呢度令人值回票價就係好 nice 嘅員工同好 nice 嘅環境，服務好有效率也非常 friendly 無論 party 還是家庭閏蜜聚會，整個環境氣氛絕對不失禮食完第二日就再book 左10月尾同朋友慶祝生日再去！！…Read More

之前元朗剩係得一間野川嘅時候都已經食過幾次，鍾意佢哋夠和風夠地道，唔會太花巧但係食物都有好有質素最近新開左呢間野川系列嘅半自助放題加粥底火鍋，就梗係要來試吓啦星期四晚，人唔算好多， book咗枱就好方便啦，呢間分店都算大間，仲要入邊裝修好得意，用咗好多日本經典卡通，夠晒鬼馬一坐低，侍應服務好好，招呼周到，揀咗一啲自選火鍋配料之後就梗係即刻出去睇吓自助吧有咩食啦冷盤壽司甜點當然唔少得，自選沙律格好多唔同嘅配料，梗有一款啱我口味熱盆就有炸物，小菜，老火靚湯，食物一啲都唔馬虎，炸三文魚骨超正啊當然重頭戲依然係個粥底火鍋啦，先上刺身拼盤，好新鮮，又夠大件，當係餐前小食絕對一流見到個海鮮拼盤，真係哇出嚟，鮑魚好大隻，係肉蟹呀，真心正，好耐未試過出街打邊爐會有肉蟹食啦侍應好細心咁提醒埋每樣海鮮要煮大概時間，以防我哋over cooked食完晒海鮮，我哋嗌咗嘅火鍋配料就嚟啦起初仲擔心食海鮮加配料會唔夠飽，但係估唔到佢份量都幾多，未食粥已經覺得好飽，但係梗係要食埋個粥先得啦唔使自己郁手，坐定定仲有侍應幫忙整呢個海鮮粥，超級好食，吸收晒海鮮嘅精華，入邊仲要加入左菜莆，好有咬感， 每人二百幾蚊，食到捧住個肚走，非常滿足…Read More

其實澳門菜都只係試過喺澳門食過一次，口味幾獨特，有好多新奇嘅食材，真係未試過係香港食澳門菜，見到YOHO MALL開咗呢間，好似都幾正，就入咗去試吓餐牌選擇都好多，無論係沙律，肉類，小食，甜品，粉面飯，都有得揀我哋兩個人嗌咗一份小食拼盤，一個意粉，同埋燕窩葡撻做甜品如果你食厭咗平時啲西餐嘅小食拼盤，呢個小食拼盤絕對有驚喜，除咗有香烤蔬菜之外，仲有澳門名物芝士馬介休薯波，蒜香雞球，炸魷魚圈，兩個人食，啱啱好馬介休薯波好鬆脆，外脆內軟，下一次應該會單點一份另外就係嗌咗呢個十月初五蝦子松露意大利麵，估唔到會咁大份，仲要好足料，每條意粉都有好多海鮮汁包圍着，口感豐富，好美味最後就係呢個燕窩葡撻，絕對值得一試，蛋漿夠厚身，咬落知味，上面嘅燕窩亦都令成個甜品升格不少…Read More

話晒都係私房菜，以為會有啲貴，原來係噤抵！！呢個英國28日熟成牛真係好正，估唔到咁軟，廚師唔會問你幾成熟，因為佢會將煮得最完美嘅送上枱，大推大推！！薯條都好正啊，又粗又夠爽，好好味！仲有呢個龍蝦湯，就算好大碗，味道好濃郁，超及滿足！連埋呢個三文魚沙律都只係二百幾蚊，真係一般西餐價錢，酒店級水準希望遲啲出咗名之後，唔會好難book枱啦入嚟元朗真係要試吓必食！…Read More

香港嘅韓燒放題越來越多，但係價錢都越嚟越貴，今日就試咗呢間”平昌”佐敦分店，$188位，價錢相當大眾化，上到嚟先知 原來係曾經Hit爆香港香港嘅7080看燒旗下嘅分店今日星期一，所以唔算好爆場，但係用OpenRice可以訂到枱緊係照訂枱安心啲！環境都算鬆動，每台都相隔有一段距離，值得一讚！睇睇Menu,:)嘢食選擇都算多，豬雞牛羊海鮮都有唔同嘅選擇俾你揀，仲有好多熟食太肚餓嘅我又等唔切燒，一上嚟就嗌左啲熱食頂住先！海鮮泡菜豆腐湯同埋蔬菜煎餅，兩樣都係韓式入邊中我嘅大愛！個湯大概係二人份，入面都算足料，味道適中唔會好辣，又唔會好似飲滾湯咁稀薄，滿意！…Read More

旺角雖然我都知旺角好多Cafe同餐廳，但係要搵到一間坐得舒服又夠靜，環境又唔錯嘅餐廳就真係要有緣先遇到今次你呢間真係有驚喜，喺銀城廣場樓上，本身一啲都唔起眼，但係一出 lift 見到個燈牌，已經覺得老板一定有花心思去佈置自己嘅餐廳，入到去有種美式嘅摩登西餐感覺，環境好闊落，窗口位感覺好高級。肚仔餓當然要睇下有咩食啦， Menu選擇好多，幾乎西餐中所有類型嘅食物都有，亦都有set dinner，價錢一啲都唔貴，一個價錢就有沙律，湯，主菜，甜品，同埋飲品仲有個餐前送的墨西哥脆片美國肉眼扒，意想唔到有咁大塊，medium well 煮得啱啱好見到Menu就得嗌番薯條即刻心心眼，真係唔多餐廳有，絕對係大力推介，炸得超香脆又好味！抵食！另外嗌多個菠菜雞肉意粉，每條意粉都有菠菜汁包圍住，好好味好fresh 啊！…Read More

最近見好多朋友係呢間餐廳打卡見人地啲相，似乎好有睇頭，火鍋控的我當然要試試原來都好多間分店，揀左近近地荃灣大鴻輝一出lift真係Wo出來，入面嘅裝修好有特式係用一道道嘅實木通花屏風做分隔”包廂”，好有feel 。兩個人坐四人座的包廂，好大好寬敞，難得的好地方Menu選擇都好多，淨係睇湯底名個個都好似帝皇級咁嘅享受，最後揀咗個雙拼鍋之前係OpenRice見啲人話呢個極上雪花肥牛好正，雖然個價錢有啲貴，但係見到個份量，同埋食落個質素，絕對係值得，性價比高！呢個肥牛香軟得來口感好夠豐富！最後仲有兩個雪糕球送返，好滿足呀！…Read More

元朗都幾多德國餐廳🤔，最近見到元朗食街開咗呢一間，又入去試吓😍入面唔算大，不過都幾寬敞，都幾有外國餐廳嘅感覺，再加埋一份外國feel 十足的大型Menu兩個人嗌三樣嘢估唔到會食剩要打包$88芝士薯條好似有啲貴，但想食都照嗌，點知上到泥係噤大盆，仲要勁多芝士，又香又脆，如果三五知己過泥happy hour 真係必嗌，配埋呢度嘅draft beer 真心正豬手當然係德國餐廳必定要點嘅美食啦，不過都試過好多間，唔係間間都好食，有啲騷味實在太利害啦，始終都係小店做得有心有驚喜，外脆內軟，多重口感，又唔會好肥膩，最驚喜係切好左先上枱，非常貼心！配埋則邊啲薯仔酸菜真係無得頂！另外嗌左個ribs, 無失望，味道啱啱好，最怕果啲太濃味，食到要係噤飲水睇埋openrice 先知原本已經有七間分店，下次想食應該緊有間係左近😛😛…Read More

呢一年都算係不停食雞煲不過今晚食呢個都算係驚喜！大家都知雞煲無辣確係爭啲，但我唔食得辣，所以都係揀無辣，一上菜見到噤多配菜，正丫！自己炒炒佢，好香好香，有辣香但食落唔辣，雞好入味又滑！真心推介所有唔食辣雞煲嘅人！仲有兩隻飽魚，雖然細細地，但都即時升級了，係鮑魚雞煲丫應該係全港第一間Ps隻飽魚都係幾好食的，睇得出心機我地嗌嘅餐係極品每鮮火鍋套餐即係有海膽刺身>飽魚雞煲>任食火鍋+龍蝦海鮮拼盤+精選火鍋料>啤酒汽水雪糕任飲任食豐富到噤。。我地怕食唔哂，所以無要刺身，當然都食到捧住個肚走！湯底揀左杏汁白肺湯，滋潤又清甜！精選配料有好多手工食品，牛肩甲無得輸！鮮蝦滑彈牙之餘鮮味十足！好好食！另外， 任食火鍋料寫紙可以點，可以出去拎自己想要既份量，仲有得點半份，貼心！Over All，呢間絕對係好野！地方又夠舒適！仲有個密瓜雪糕都超級好食架！！！！…Read More

銅鑼灣後街唔知幾時開始變成了中高檔食街係度搵食絕對唔會錯朋友被「深宵食堂」呢四個字吸引住，話要試下閒日晚上人唔算好多裝修間單得泥好有日式家庭小店的感覺🏡感覺親切，睇睇menu ，原來價錢都好親民Food menu 選擇都好多燒物當然唔少得🍡🍢仲分左肉類蔬菜類好細心先上日式炒雜菜🥗一直以來都好鐘意食日式炒雜菜甜甜的好正，雖然好簡單，但食材新鮮都好緊要！呢度都做得好好！😋😋紫薯甘栗餅好大件好香丫！即叫即炸，皮都算薄，外面好脆，入面好鬆軟！正丫！我會推介呢度嘅炸物！食左一口雞！好正！唔會太咸，個雞好滑，配埋個醬食match！仲有係我次次食日本嘢都嗌嘅芝士年糕…Read More

嗰日同朋友行開佐敦嘅時候，突然發現呢一間小店，細細間，但係個門面好起眼，門口嘅紅燈籠同埋趟門都好吸引我入去原來係一間拉麵店，入面大概有10個座位，好有日本feel ,拉麵店嘅老闆應該就係大廚，佢會係我地面前煮拉麵，如果佢唔講廣東話，真係會以為自己係日本雖然呢間店只賣拉麵，但係拉麵嘅選擇都好多，各式各樣，我諗任何人都會揀到啱自己嘅口味我揀咗香噴噴嘅黑蒜油豬骨湯拉麵，Cool牙嘅關係，我揀咗軟麵，完全啱晒我嘅口感，食起上嚟冇難度朋友揀嘅係辛辣地獄拉麵，實際上一啲都唔地獄，好惹味好正。兩個湯都非常濃厚，但係又好清澈，食得出係有心機嘅湯底。叉燒都煮得剛剛好，入味得泥仲好有燒肉嘅香味一邊shu拉麵一邊聽住餐廳播嘅....廣東歌😂都好有特色，如果係播日文歌一定會以為自己瞬間去左日本**有特色熱飲絕對係加分位…Read More

之前去深水埗做嘢嘅時候，喺太子發現呢間，睇外面裝橫都幾得意幾有特色 就約咗一個朋友今晚來試吓佢全間店嘅裝修都有一種復古酒吧feel ,上樓梯嘅感覺好特別，上面環境都好寬敞好大好多位，仲有一排窗邊位可以望到街景一坐低見到呢一set 餐具都覺得好有心思好得意Menu選擇好多，啤酒飲品都好多唔同選擇，我同朋友揀咗好耐最終我哋揀咗一份BBQ tray，大蝦意粉同埋見隔離枱食芝士條食到好滋味，所以我哋都跟住追加左咗芝士條BBQ tray 呢樣野都幾得意，係可以選擇兩款肉類，一款配菜，同埋一款蔬菜我哋揀咗燒西冷牛肉，同埋燒鴨髀，配菜揀咗甜番薯條同埋燒粟米件燒鴨髀真係好得意，好少餐廳有得食，燒得好入味同埋好多肉好正啊！個龍蝦汁蒜香大蝦意粉好香呀！每條意粉食落都好juicy，個龍蝦汁好惹味，又一啲都唔會腥上面隻大蝦都好鮮，蝦肉好彈牙！個芝士條炸得好脆，真係好多芝士係入邊啊！香港好似唔多地方有得食， ＄38有七條真係好誇張好抵食，食到我哋兩個都非常之飽…Read More

遲啲有朋友生日，想話book間bar去玩返晚，所以今晚就嚟咗呢間show Time度睇下場試吓佢啲嘢食。Happy Hour 上到嚟，人不多，正 ，但都有幾張枱有人食緊晚餐，第一感覺好舒服，因為樓底夠高夠闊落，同埋裝修都好精緻。同埋呢度都算多野玩，肯定唔會悶！之前上網睇過，佢嘅餐牌選擇都唔少，酒吧來講都算幾有心思製作，有得嗌 dinner combo，同埋有啲happy hour 優惠小食，我哋就散帶咗四款嘢食首先嚟嘅係墨西哥粟米脆片，一上枱已經哇一聲，我哋以為會係細細碟咁，原來係咁大份，粟米片有脆又香，上面林左好厚嘅肉醬芝士，再加埋啲切到細細粒嘅彩椒，好惹味，口感好豐富之後就係水牛城雞翼，每隻雞翼都比秘製嘅醬汁包着，食落好多汁雞翼都好滑。另外仲嗌咗carbonara 同Pizza，意粉都有正常西餐廳嘅水準，Pizza拉絲得好犀利上面嘅火腿好多，食到我同朋友兩個人都飽到不得了坐坐下都越來越多人，我諗搞party或者自己同朋友幾個人來happy hour 都好過癮！…Read More