Candyfoodparadise's Profile

為咗補祝母親節，所以特登訂咗espuma 最新嘅Menu。第一道嘅Tapas係黑白芝麻吞拿魚伴青檸雪葩。係炎炎夏日入邊，青檸雪葩嘅醬汁非常之清涼同埋清新，再加上圍邊嘅黑白芝麻非常之趣口所以口感非常之有層次。第二道既Tapas嘅係辣味蟹肉撻，佢嘅賣相非常之靚，再加上佢非常之鬆脆嘅撻皮同埋辣辣地嘅內餡，直頭係又正又靚呀。第三道嘅Tapas係龍舌蘭青檸野雞搥，上碟嘅時候，職員仲特別提醒我因為佢哋會例龍舌蘭落去所以記得拍片影底火燒嘅片段。雖然加咗龍舌蘭但係火燒完之後酒味有轉淡嘅情況，所以唔需要擔心酒精太濃，反而恰到好處咁帶出咗雞肉嘅鮮味。到咗第一道上嘅main dish 喺山水畫。同樣地又係賣相非常之靚，作為一個麻麻哋鍾意菠菜嘅人來講竟然會覺得菠菜出奇地好食。無論係包係雞肉入邊嘅菠菜，打成汁嘅菠菜，同個黑米糯米飯非常之夾，就令我有少少諗起泰國嘅風味添。第二道上嘅係西班牙橡果黑毛豬柳龍蝦汁砂鍋飯。黑毛豬柳嘅份量非常之充足，厚切又大件，再加上濃濃嘅龍蝦汁飯，非常之特別。甜品方面都有兩道。第一道上嘅係焙茶朱古力沖繩黑糖窩夫配雪糕(全份)，可以揀兩球Movenpick嘅雪糕。同樣哋嘅賣相非常之夢幻同埋可愛，大大個棉花糖下面鋪滿左心形嘅waffles。espuma 嘅waffles出曬名高質素所以完全唔需要擔心好睇唔好食。第二道嘅係脆蛋白綠茶慕斯卷蛋。出面果層綠茶慕絲有淡淡的綠茶香氣非常之解膩，所以唔會話太過甜膩，加上脆蛋白嘅鬆脆，卷蛋既鬆軟，令到成個甜品嘅口感非常之豐富。…Read More

從外面看全是白色的，鋪面上方只有一塊綠色的茶葉做標誌，簡單而美麗，給人一種簡單恬靜的感覺。士多啤梨窩夫配雪糕 真的令人有初嚐的感覺，窩夫鬆軟充滿麵粉香，配上新鮮甜美的士多啤梨🍓和一大球士多啤梨雪糕，雪糕中充滿果肉，要慢慢吃，慢慢欣賞廚師為我哋製作的甜品。雪糕冰抹茶 係我的最愛，抹茶甘香，一飲便覺得有一種好清新嘅感覺，配上濃濃的抹茶雪糕球，天衣無縫，一邊進食一邊享受陽光，簡單而快樂。日本白桃白牡丹 是一個唔簡單的飲品，先冲好白牡丹茶再加入日本白桃汁中，果汁中有茶香，茶香中帶果汁的甜，一口一口的細嚐，陶醉於食物的浪漫中。…Read More

又到下午茶時間，太興的下午茶真係物超所值， 30多元一個套餐，但最重要的係非常好味。今日食咗一個輕盈燒鵝湯米粉，燒鵝米粉送上是已經聞到燒鵝的香味，有一種很濃香的煙熏味，幼幼的米粉收了湯的精華好好味，雖然下午茶係輕盈版但係份量都好足夠，這裏的奶茶香滑，每次都好。另外一個是 台南肉燥米粉，肉燥鋪滿整個碟米粉，份量不少而且非常惹味，我特別喜愛有足夠的蔬菜，讚。…Read More

今日又約朋友見吓面吃個下午茶，我哋去完愉景新城購物，之後去荃錦中心「意樂」吃下午茶。好耐冇食香口的食物，所以今日選咗一個「吉列豬扒配田園沙律伴粟米」沙律醬係用咗日式麻醬，蔬菜都新鮮，吉列豬扒炸得唔錯，雖然係薄薄的一塊但幾好味，唔會好油膩。朋友叫咗「日式芝麻燒雞炒珍珠飯」味道不錯，珍珠米的軟糯配上雞肉粒及香口的白芝麻，一個簡單的下午茶餐。這裏啲奶茶及咖啡都唔錯。…Read More

今日約咗兩個長輩去飲茶，疫情下大家都好少接觸，今日就出嚟傾吓計大家問候一番。兩位老人家都好鍾意食炒河粉，今日叫咗一個涼瓜斑頭腩炒河，味道相當不錯，涼瓜切成長長薄薄的一片片，走了油令質感非常之滑及完全冇苦澀味，雖然這是唔夠健康的處理方法，但是相當好味。斑頭腩有很多肉，雖然是雪藏的但也處理得非常好，這個河粉相當不錯。脆皮咕嚕肉惹味香脆，每件肉都唔係好大件方便進食，而且肉質不錯，上桌時每件咕嚕肉都脆卜卜的，吃到最尾那一件還有香脆的感覺非常好。鴛鴦麻辣燒賣一籠有各兩件，麻辣燒賣其實都不錯，花椒味很重有麻香，但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。老人家喜歡懷舊的芝麻卷，一碟有四件，這一個甜品就麻麻哋，味道不濃而且比較硬身，有少少失望。但總體而言這裏飲茶是相當不錯，疫情前疫情後服務員的態度都是很好的，值得一讚。…Read More

又係午餐時間，疫情下吃飯只能四個人一起啊！今日去咗Citywalk 1的唐宮小聚，他們的枱擺得好疏，很符合政府的要求。每次你總會點 白玉王鴿，一隻只售$38，超抵食，因為它的味道非常好，皮脆肉嫩而且仲有好多肉汁流出。荷花蒸飯 荷葉香味四溢，擔擔面也是不錯的選擇，湯底濃郁不太辣很開胃。焗鮑魚酥 也是非常精緻的點心，外型吸引，細細隻的鮑魚放在焗好的撻皮上，中間還放有很幼細的菇菌，又香又脆。黑金流沙 外型靚到爆曬燈，裏便的流沙非常好味，又吸引又滋味。點來聚聚 係一個點心拼盤，內有墨魚汁餃，芋薯流沙等，每件點心放於一個小巧的蒸籠中，外型取勝，食味一流。…Read More

約咗兩個朋友吃下午茶，大家都話好想食九龍冰室的法蘭西多士。今天食客非常多，我哋要排隊入內。整間餐廳也坐得滿滿，好食的食物一定好多捧場客。鮮茄濃湯系列 這兒做得不錯，先茄濃湯真的很濃郁，甜酸度剛剛好，今日配了鮮牛肉，牛肉好稔滑，鮮茄的份量亦都好多，一個很有營養的通粉餐。套餐還有炒鮮奶滑蛋和牛油多士，滑蛋真的很滑，不錯。奶茶濃香順滑，回味。扎肉雞絲河粉也不錯，湯頭濃郁，扎肉有三大片，雞絲味道有鹹香，不錯的下午茶。西多士出場啦，這兒的西多士厚厚的一大份，熱辣辣，油份控制得很好，外脆內軟，加上夾心的花生醬香口滋味，大家一齊分享，這樣又度過了一個愉快的週六下午時段。…Read More

今日帶朋友品嚐 四川風味 的酸菜魚，其實他倆都不好辣的，但吃酸菜魚冇辣也差了一點點，於是都點了有辣的和加上最佳拍擋 - 粉條。上桌時已聞到一陣陣好吸引的酸菜味道，樣子又非常吸引，店子食神推介，酸菜和魚一樣好吃！我嚐了少少湯，味道不錯好醒胃，吃了一口酸菜，好味不太鹹，用筷子夾起魚片，很挺很大片，魚片質地很滑彈牙而且唔會好辣，非常好味。粉條QQ的，但吸收了湯汁所以有些辣。我們叫了白米飯，我覺得吃酸菜魚要配上白米飯來吃才是最佳配搭。叫了兩杯欲望酸梅汁，好大好大杯，酸酸甜甜好解渴。我叫了一個 幺妹兒冰粉準備留給不常吃辣的朋友，因為冰粉可以解辣，真的很奇妙。紅糖糍粑這兒做得不太好，有些死實的感覺，我喜歡較鬆軟的那種。雖然疫情還在，一般食肆都不太多顧客，但這兒要排隊等位，很不錯呢！…Read More

好耐無去「味千拉麵」進餐了，以前食拉麵的選擇唔多，一食拉麵就想起味千，食下拉麵食下鰻魚飯。現在拉麵的選擇好多，會試吓別家的味道。今日和友人相約在愉景新城，午市開的食肆唔多，有啲係防疫休息，有啲係未營業。叫了一個豚肉拉麵$58 ，是一番人氣的選擇，豚肉顏色比較白好似唔太入味，但吃起來味道是可以的，糖心蛋也做得很靚，蛋黃顏色非常吸引。拉麵的質地熟度剛剛好，都係一碗好食的拉麵。熊本味千拉麵$52，有叉燒，糖心蛋及木耳，味道很不錯，回味一下最早接觸的日式拉麵。芝士薯餅$25 做得唔錯，控油好，香脆又滋味。…Read More

McCafe 咖啡唔錯好耐冇去過麥當勞 因為實在太多人，想跟友人坐一會傾吓計都唔可以。但係今日愉景新城的McCafe 因食肆要控制人數 所以好少顧客。先量體溫後入座，買了一杯 Mochaccino ，Latte 及一客火腿扒碎蛋三文治，在清靜的環境下品嚐 Mc咖啡，另有一番滋味，原來這裏咖的質素不比昂貴咖啡店差，真係要好好欣賞一下。…Read More

今天是「雄記粉麵」營業的最後一天，雖然天氣不太好，天陰有毛毛細雨，但不減食客的熱情，舖頭內高朋滿座，各人都不理會政府的食肆人數要求，食客熱情地來到品嚐最後的雄記味道。我沒有堂食只買了外賣，當然包括我喜愛的魚肉春卷，今日叫一個粉面只可以+1條魚肉春卷，有食客想多叫一條春卷但老板都婉拒了，一份食物只可以加一條春卷，因為要留給之後來捧場的食客享用。熟客們都紛紛向老闆和老闆娘道別，這就是他們經營30年儲蓄下的人情味，這兒雖然沒有熱情的招待，但各人都守住自己的本份提供簡單美味的食品。㊗️你們身體健康，好好享受退休生活，再見。…Read More

即將光榮結業 成為集體回憶😋好多商鋪結業時都留給大眾一種集體回憶，有時會過份推捧，但雄記應該是給大家記住它的美食，魚肉春卷，南乳豬手，牛腩 … … 等等。因為疫情比較緊張 所以我買了外賣回公司吃，盡量避開人羣。叫了酸辣咸菜肚絲米缐加魚肉春卷，熱辣辣的米缐一打開 便聞到好醒胃的酸菜味道，豬肚絲本身已很入味，各樣材料合起來認真好味，而且是雄記的特有味道。我剛去的時候師父在炸腐皮魚肉春卷，我今天可品嚐新鮮炸起的春卷，外皮香脆，魚肉彈牙，日後到那裡才可品嚐到這種味道呢。…Read More

每樣事情都要小心，平日要戴口罩勤洗手用搓手液，每樣都做足事事會小心，但總不免要出來抖一抖氣吃一個午餐。Olive Cafe 午市推薦，有美國極黑毛豬、Olive 美國牛扒，還有其他好多選擇，最精彩就係任食沙律、日本白飯和是日餐湯，還免收+10%服務費。我哋叫咗一個美國牛扒，唔需要講幾成熟因為係用鐵板上，你自己可以控制生熟度，喜歡幾多成就幾多成熟。醬料可以自己去吧枱選擇，有即磨黑胡椒、岩鹽、燒汁、日本汁醬等等，各適其適。今日嘅餐湯係忌廉粟米湯，係自助形式到吧枱取，還有菜絲沙律，自己配上喜歡的沙律汁。真係要讚下個餐湯，忌廉粟米湯非常香滑，新鮮的粟米粒好多，飲得好開心好滿足。鐵板上的牛扒奉上時有五成熟，簡簡單單的灑上黑胡椒及岩鹽便非常好味，香濃的牛肉味真的不錯，而且肉質嫩滑，不錯，不錯。煙三文魚白汁意粉 都好好味，簡單的一個意粉也是一個很好的午餐。…Read More

宜家家居美食站的豆付味新地很香滑今日專誠去ikea 吃新地，前天有兩種口味 Tiramisu 及 豆腐味新地，我吃了tiramisu 口味，今天只得一種口味- 豆付味新地。哈哈，味道唔錯喎，有淡淡的豆腐香味，新地上面灑上少少黃糖，可以點綴一下又可以提味，新地滑滑的，唔會太甜，只售$4.50 好抵食。…Read More

多次路經荃錦中心時 見到排了一條長長的人龍，是排隊等買外賣- 脆皮鹹豬手，他們是選用波蘭優質豬手焗製而成。今日見到還有差不多時間就開始發售，而且人龍不長所以便去購買一隻品嚐一下。購票後要再等一會，服務員將一袋袋的脆皮咸豬手送到顧客手中，原來每次是有限額20隻，顧客似領獎般取物，很有趣。取了豬手，聞到很香的味道，要不是在疫情下不得胡亂在外未潔手就去取食，我一定會先咬一口，可惜現在帶了口罩，只可以回家才品嚐。整隻波蘭豬手是未切開的，皮真的很脆，但覺得有點over，所以肉有點兒乾身，但皮就冇一點肥膩感，鬆鬆脆脆，還配上一個黑椒汁，都惹味。以$38 一隻燒好的咸豬手，回家便可送飯送酒，冇得輸。…Read More