ice2010's Profile

朋友生日想食放題, 之前因為安排問題, 原本唔想再食, 不過壽星女叫到, 就比多次機會你啦.預早book枱, 因為當日7點時段比大陸的客BOOK晒, 所以要到9點先有位. 算吧我也唔想全部大陸遊客, 得我地三個唔係. 所以無問題, 9點就9點啦, 到8:55我地早到, 因為我知道, 一定要等......好在我地三人有講有笑, 都無問題....不過真係唔明, 點解要在街排, 唔可以放我地入去坐先. 最多唔點野食啫......真係在企風吹雨打, 食放題咩....入到去, 我地當然即點單啦, 上菜都算快, 也無咩漏單, 味道亦很好...刺身, 羊架, 天婦羅, 全都有, 種類及款式亦很多, 朋友生日, 仲有三個雞蛋布甸送, 不過在訂位時要講明有人生日啊.由於覺得味道很好, 有些東西, 如刺身, 我地入第二次單, 之後發現, 味道同質素都唔同, 差咗好多....好似海膽手卷咁...第二次點時, 啲海膽味道怪怪的....第二次點的刺身, 也是薄了很多, 好似唔同晒咁.....…Read More

去沙田行街買旅行用品, 到食飯時間好多人, 去到廣場攞晒飛仔, 睇吓邊咗有位就食邊間啦.今次係這間, 有些意外驚喜.帶子意大利飯, 帶子大大粒, 食落不算新鮮, 不過口感尚可, 也有帶子的少少鮮味.意大利飯煮也不錯, 配起來很清新的感覺. 食物普通, 不過因為環境好舒適, 服務都好好, 人多都無好似趕客走咁.如果唔使等位的話, 我都會再黎的.…Read More

好耐無食茶木, 因為怕排隊,好掛住佢地蜜糖磚塊 , 男朋友話銅鑼灣開咗兩間, 所以我同男朋友分別在兩間排, 今次點都要排到為止. 果然好快就有, 這個方法果然有效 我是第一次去這分店, 裝潢都好靚, 好大...SO GOOD.第一時間當然係睇下食咩啦. 難得可以食, 當然要上黎openrice寫吓食評啦我點選了牛肉麵+水果花茶牛肉麵真係超好味, 佢係厚厚的牛肉, 有根的腩位, 有好濃的牛肉味, 口感超好, 仲有肉汁添, 配上濃濃的牛肉湯底, 好好味, 係我愛食牛的我黎親必點之選, 值得推介. 水果花茶, 味道清新, 因為怕肥, 所以選這個, 健康啲加上有水果食.(男朋友的)鹵肉飯, 我食咗幾口, 味道香濃, 除咗鹵肉, 仲有啲好似雪菜(我估係掛)的配菜伴飯，味道偏濃又唔油, 我比較喜歡這個鹵肉飯多過台灣食的, (因為上次去台灣食的太油了), 不過我都係鍾意我的牛肉麵多啲 朱古力咖啡, 賣相好靚, 係朱古力咖啡冰沙黎, 有朱古力咖啡味, 除咗有滑滑的mousse, 仲有cookes, 真係後悔無選這下, 不過最後都係我飲得多過佢.蜜糖磚塊, 水準之作, 有大大個雪糕, 上面仲有mousse, 生果, 而入面仲有焗得香脆的好味吐司, 加上雪糕一齊食, 真係超......好味了,排隊也是值得的.推介推介....下次我會再黎架 :)…Read More

上次同屋企人黎食過, 好正, 今次見openrice有優惠, 即係黎食多次今次同朋友黎, 睇到話有個回味雞煲新推出, 見過待應著力推介. 所以就叫咗煲試吓,雞煲有分一隻同半隻, 我地試諗住試吓, 所以叫咗半隻:), 雞煲有分小辣, 中辣, 大辣, 我地就選了小辣.雞煲一上枱，香噴噴以經好吸引, 個待應仲好細心咁教我地, 可以先食完雞煲, 之後加湯用黎打邊爐.咁咪得於可以多一個湯底. 又幾正喎個雞煲啲雞好入味, 熱騰騰香噴噴, 半隻雞話咁快我地四個人就食晒, 早知叫一隻啦.原本朋友想加多半隻，但因為真係點得太多菜了, 所以我地都係決定食完唔夠先再加. 唔好浪費嘛除咗雞煲, 我地仲叫咗肥牛(當然係必點的啦),手打龍蝦丸(這個次次黎我都必食, 成隻龍蝦打成丸, 上枱時仲有個龍蝦頭同尾一齊上, 嘩, 都係好吸引, 推介), 菜(我地成班女仔, 點少得菜呢), 響玲(這個也是我必食的, 這間的響玲好有豆啲, 我估係自己做的, 因為我在家或其他打邊爐時, 都食唔到咁有豆味的響玲), 四寶丸.食物好之餘, 我也要贊一贊服務. 真係好細心, 我放咗件衫在櫈上, 待應好主動幫我用衫套套住. 服務真係好好.所以黎Openrice好大家分享吓因為我有openrice Coupon ,賣單時仲有9 折, 真係超正.…Read More

行完街, 路經加拿芬餐廳入面環境裝修唔錯, 入面有一大排落地窗座位。我點選了個午市定食, 比想像中平, 有前菜, 味增湯, 主食同甜品，都係60度, 這環境, 我個人就覺得係超值.我選了滑蛋吉列豬扒定食飯，前菜係雜菜沙律, 有少少黑酢, 唔錯, 連平時唔係咁食生菜的我, 都入到口.味增湯都算濃, 豬扒定食個豬扒脆卜卜 ，仲有肉汁添, 正. 但我覺個飯份量少咗啲, 我覺得男仔未必夠(我估), 因為我就剛剛好~ 甜品係一個巴乎, 超正但我個FD話係次次唔同款, 上次佢係生果拼盤, 無我今次個咁正, 哈~ 正明我比佢好彩我個FD就選了咗和牛肉薄燒。(我當然搶黎影張相先啦)我偷食咗一件, 唔錯, 以薄薄的牛肉包捲住乾蒜和蔥(佢話係和牛黎)，好味。但只有4件, 我又無理由食晒佢架.(份量多啲就好了)食完之後, 我覺得係值得推介, 所在返黎寫食評因此初時我睇咁的格局, 我真係以為收好貴, 又估唔到原來收幾十蚊一個Lunch, 都可以咁的環境同服務, 真係估佢唔到.我下次都會再黎.…Read More

朋友生日, 去咗海洋公園玩, 聽聞有間餐廳可以近睇到企鵝, 當然要去試吓啦~~~(我是企鵝痴)店內場暗暗的, 但我坐的位置, 都係超位企鵝, 咩都直了.我地點了個午餐, 可能環境關係, 比想像中好味.我初時以為會似啲飛機餐咁, 無咩味道(可能成日諗住, 環境咁正, 唔會太好味)但上菜時, 又出乎我所料, 頭盤的沙律, OK, 加黑酢, 味道尚可, 主菜的帶子天使麵, 好味, (可惜我掛住影企鵝, 無影野食), 如果可以熱啲就仲好, 甜品蘋果批, 好味, 唔太甜.總抱十分之好, (不過我個FD話我, 在企鵝邊食咩都實贊好的)徝得推介.…Read More

媽咪話好耐無食過放題, 聽朋友講滿屋啲野唔錯, 就諗住一家去食吓, 開心吓.預先打電話去BOOK枱(7人), 佢話好滿, 只有六人枱, 佢又話會加返個位比我, 所以無所為啦...我地已預早去到, 首先係排隊, 排隊乘電梯, 之後排隊入去, 真係唔明點解唔比人入去先, 入去唔比落單都可以啫, 酒店自助餐都係咁的啦, 啲人又打尖又無人理, 唔通要我當街當行, 一家大細去同人吵嗎? 無工作人員安排的嗎?入到去, 我明白, 你地係多人幫親, 也預先知道是六人枱, 但都應該比多張櫈我掛, 要我3張櫈坐4個人, 問佢地要多張櫈, 又話無, 又話之前已講明六人枱, BOOK枱時我也講明是7人拉, 你都話會加個位比我.現在問你要張櫈, 又唔係要你加枱, 都唔得.明明附近有張7人枱, 無人坐, 話轉又唔比, 佢有BOOK枱時, 我也有的啊, 難道佢比錢我無比嗎?加上店內坐位太細, 冬天衫也多, 真係坐不下, 大家有眼見. 氣得我姐姐走了, 原本諗住一家人好好的聚餐, 搞成咁, 再好食都無用啦.如果唔係排咗咁耐, 我地都真係想走的, 二百幾一個人, 唔算平. 但也有很多選擇.食物係比五X花, 松X的新鮮, 款式也不少...太漏單太多了, 第一碟菜上枱時間係半個鐘, 半個鐘前最後落單, 實質即係得一個鐘食.差不多一上枱, 我地就清晒啲野食, 唔明點解食放題要食啲咁...好似乞食咁....最後落單時, 仲問我地有咩未到, 基本上大部份都無到, 你不如問我有咩到咗好過啦, 我回覆: 好多都未到喎, 佢回覆: 咁不如你入多次啦. 我幫你跟.我回覆: 如果我入多次, 會唔會一次過黎晒今次同上次啲野架.佢回覆: 唔會.之後, 我就再點了少少. 心想佢信唔過. 果然, 真係一次過黎晒今次同上次啲野. 成枱都係, 好彩我無信佢, 只係點多咗少少.黎多咗唔係大問題, 又唔會收多我錢, 但我唔想浪費. (大家也要愛謢地球, 食幾多叫幾多嘛, 電視都有廣告啦)總括: 食品這價格算合理, 但安排同服務, 就真係不感恭維了....二百幾一個, 去食酒店自動餐無咁嬲, 起馬服務好啲. 唔使排隊…Read More

同屋企一行6人打食晚飯, 想舒服唔好迫, 咁就睇左中呢一日新搬遷既食店---南燒北鍋本身都無特別既期望, 雖然睇廣告睇得多,但實際未試過, 當然要步步為營啦呢間最好就係無限時…你坐到佢打烊都得, 傾多陣計都唔會有問題講正題了食物---食野最緊要安全, 所以叫d大路野一品鍋: 好足料, 眼見的, 有豬骨, 雞腳, 粉腸, 豬手(好多骨髎原), 咸菜, 粟米, 番茄…唔錯牛柳粒:係安格斯牛柳粒,入口即溶, 口感厚實,一D都唔"鞋", 鞋口即係虐待自己個口,佢唔鞋, 抵讚肥牛: 薄, 同埋鮮!其實如果厚, 我不如食牛扒,使乜打邊爐..而薄,正正係要碌一碌即食得個陣效果, 所以, fit!美國大桶蠔: 好大隻, 唔錯~響鈴: 好有豆香, 入口唔會成口油, 呢個真係抵讚!!<--叫左3次........四寶丸: 鯪魚丸, 梅菜豬肉丸, 墨魚丸, 蝦丸我最中意蝦丸, 以鮮蝦打成漿很彈牙, 好有蝦味; 豬肉丸有梅菜, 感覺健康D; 墨魚丸同鯪魚丸, 不過不失.仲有其他食物, 不過呢幾款堅正,所以真係重點推介, 其他食物就大家自己試下啦服務---正如開頭咁講, 今時今日既服務態度好多都唔夠,呢一間就真係一流1.自動波加水食全餐都未試過乾塘, 全程夠水碌, 比起好多唔識自動波要人叫先醒水, 呢間真係典範2.撇油食牛一定好多油, 食到咁上下, 成個湯底都變左啡啡黑黑咁, 但呢一間野, 夠膽搵人來幫你撇油, 將d牛油撇走晒, 食慾都返晒來3.指導大部份食店, d侍應都只係負責落單傳菜賣單然後收工呢間就幫埋你jump野飲, 我見到隔離d食容唔知點樣配撘好咩, 佢地可以分享下比食客知真係keep serving 而唔係純粹 serve 左就算"今時今日咁既服務唔夠架...點先夠?學佢啦"…Read More

上星期六與一班朋友出黎聚舊, 諗住打邊爐, 行過太子小肥牛, 問咗個接待, 佢話差2張枱就到我地, 咁諗住2張枱,等吓無所謂啦, 所以一班人就在入面等. 等吓等吓半個鐘. 眼見有人入...查問之下, 佢話他們是訂咗枱的...心諗, 人地訂咗位, 無法啦, ...之後再等...朋友在一問之吓, 話仲有3張枱等...點解等咗咁耐, 仲多過之前.有無搞錯....我真係唔明, 點解會越等得耐, 越排得後....真係一肚氣, 發生咩事...個姓李的接待, 不停比人入. 就係無我地....我地成班企在你門口咁耐, 你唔係諗住我地幫你做妹, 做排隊的效果嘛.入到去已好夜, 叫咩無咩, 叫刺身無刺身, 叫海鮮, 無海鮮, 只得返啲急涷野.急涷的牛丸, 牛肉, 當然係無咩味, (雖然平時都唔係好, 但未至於好似今次咁, 好似賣不去, 比我地咁)小肥牛幫襯過好多次, 其他的真係算OK架, 但一定唔會好似這間咁.服務係0, 仲要你等餐飽, 野食無味道. 叫咩無咩.就咁就食咗餐, 一肚氣, 咩都無食過咁的火鍋.以後唔會去.…Read More

去尖沙咀行街, 睇到新張期內有85折, 好似好抵咁.所以就試吓...店內環境好西日FLEE, 好靚.但就偏暗咗啲, 但也算有氣氛.我地叫咗個Tea Set.個餐上枱時真係好驚喜. Woo~ 架上的.真係估佢唔到. 好似酒店咁靚...入面有2件創作壽司, 真係估佢唔到喎, 咩叫創作壽司啦, 就係同出面啲唔同的, 我食時一睇, 嘩, 一件壽司有成6-7款配料, 食落好有層次口感. 可惜份量少咗啲. 如果多啲就好了...因為個SET每款一件, 我地2個人食, 試唔到全部款式. 必食推介, tea set中有個朱古力蛋糕, 超好味, 有好濃的朱古力味, 食落全件也是朱古力似的, 朱古力愛好者的我, 成為必食推介. (朱古力味超好味, 不過要最後先食, 因為朱古力味超濃)我地2個人就咁坐咗一個下午了好有貴婦FEEL唷~~~…Read More

去太古行街街, 度度都要排隊, 唔想排隊的我, 路過Outback, 唔使排喎,所以就食這間啦.我地點咗雜綿頭盤, 款式多, 有雞腿(香脆可口), 肉碎薯條, 豬仔骨,夠入味, 味到香濃, 最好味, 值得推介. (下次我都會再點)海鮮意粉, 分量唔多, 味道OK, 但海鮮全是急涷貨色, 不過也可以一試. (由於份量少, 唔係咁抵, 下次不會再試)豬仔骨, 味道好, 不過可能因為尺寸大過頭盤的, 所以無咁入味, 我都係覺得頭盤的好味啲.最驚喜的, 返而係佢的餐前麵包, 好香麵包味, 食時仲熱熱的, 口感一流. 好好味. 真是平凡中的一點驚喜.…Read More

好耐之前食過一次, 之後都想食, 不過次次睇到咁多人排隊, 真係打消念頭...不過上星期行街, 睇到唔使排隊喎, 咁就選你啦^^我地二個人, 叫咗兩個晚餐, 頭盤賣相都幾靚, 味道都唔錯, 不過份量少咗啲, 同唔熱...主菜, 我叫了牛扒, 好味, 有肉汁, 不過份量都係少..朋友叫了意粉, 佢的就較大碟, 但唔夠我的牛扒好味...甜品普通, 我都係鍾意自己點的多啲, 因為始終風月堂我最鍾意的是他的甜品.但因為晚餐已包甜品, 所以我地都無再點甜品了.…Read More

上個星期六去了朋友推介的火鍋店. 好正, 所以忍唔住要黎寫個食評, 推介吓入口的裝修好特別 (好得意, 唔似火鍋店:):):))環境好乾淨, (不過八卦之下, 原來係新開張不久), 希望能保持啦, 至於野食呢, 主打辣野, 真係超....正, 比十個贊, (可能因為我好鍾意食辣)我地食叫了個: 四川麻辣湯底, 好味 可能因為個湯底好正，所以令到牛肉, 丸丸, 菜有好香濃的麻辣味, 超好味~~~可惜的是...原本無諗住寫食評, 所以無影到相, 下次再去時, 我再同大家分享吓…Read More

舊同學聚會, 想去個靜靜地的地方聚聚, booking了位去baby cake, 點知都係要等...:(入到去, 環境唔錯, 工作人員的服務都ok, 不過就迫咗啲.餐牌有baby封面, 果然係主題餐牌, 可惜我對佢又唔係特別喜愛, 所以無咩感覺,我地一人叫了一個set, 我叫了三式的. (餐湯, 主菜) , 飲品要另加錢, 連飲品要二百幾, 都唔平啊.味道一般啦, 都無咩特別驚喜, 但如果野食熱啲會好啲囉, 雖然西餐啫, 都唔使涷的嘛.飲品叫了一杯白朱古力特飲, 都幾好味.整體係唔錯, 都值得推介, 最唔好的只係要等啫.…Read More

上次黎食過拉麵, 心養養想再黎, 所以今次就拉同事一齊黎再食過今次我叫黑豚肉拉麵, 黑豚肉好有鮮肉味, 麵又爽口, 我連湯也飲晒真係食幾多次都唔厭, 超好味!!我極力推介.朋友就話我跨張, 佢叫了個紅紅的"東京岩醬擔擔麵" , 我就怕怕了, 因為我唔食辣的, 不過我朋友話唔係好辣, 加上有好香濃的麻醬味, 好似好吸引咁.朋友話我無介紹錯, 話下次黎佢都會再黎食.不過, 我係唔會變心啲, 我支持我這個黑豚肉拉麵.另外, 這裡仲有富士蘋果汁賣添, 好少地方有得賣架, 我當然試吓啦~…Read More