kkpigpig's Profile

已經來這裡幫襯超過三次了，應該最少有兩次是食蒸魚套餐吧，確實兩佰元的套餐可以有一條石班，我相信這個價錢是可以的，當然如果能加多一個蔬菜在這套餐內會是更吸引的。其他菜色我比較喜歡黑醋拔絲咕嚕肉，是少數在其他食店找到有同樣水準的菜色，大部份食店以白醋入菜色令味道較酸，甚至會出現嗆喉的感覺，這裡是用了黑醋，而且加入糖調味，容易入口而且適合大小朋友享用。我相信專注做好特定菜色，總比什麼都做而又不能無樣都做得好會來得更佳。…Read More

PizzaHut 外賣已經唔係第一次叫，但服務水評及店舖經理態度簡直不知所謂，我落單時已經標明用信用卡結賬，最近已經唔係第一次送到來話無簽信用卡個張單，要求俾現金，否則將所有食物攞走回舖攞番簽信用卡張單再送來，這樣做的食物唔變壞有鬼，一來一回個幾鐘，打電話去舖面同個經理講要求下次小心的，佢竟然答話好忙無攞單好閒，呢的咩服務態度，唔使錢架，呢間公司請的咁既經理黎倒米，我就唔敢再食啦，佢地唔帶眼做野原來係個客錯。垃圾…Read More

今年剛巧復活節假期沒有外遊優惠, 所以決定再去澳門進行美食探索之旅, 誰不知天公不做美, 連場大雨. 當日去到官也街時正值準備下大雨, 唯有找地方避一避, 就走上了這間咖啡店, 要行樓梯上一樓的, 樓梯比較狹窄只能兩人則身而過, 坐位大約20個, 沒有特色食物, 可說如非避雨應該唔會走進去的. 價錢偏貴與食物質數不符.…Read More

不經不覺已經在這裡食了四餐，回想第一次試食時已經覺得唔錯，午市只要惠顧主菜，無須加錢已經可以享用沙律吧。讚不是因為免費就減少款式，是跟平常沒有分別的。自始之後每次到銅鑼灣都會想再次光顧，結果發覺晚市水準一樣保持得非常好，每餐都一樣好味。還有店員招呼亦是好到無可挑剔的。所以強烈推介給同事朋友…Read More

日前參加一個酒店的婚宴:), 可能當日場地唔多夠人手啦, 叫服務員給我褸套, 叫了很多次及不同待應後才可給我, 這酒店的服務確實須要改善, 同時服務我坐嗰圍的待應生全程笑容欠奉:(, 不知發生何事?致於食物,  主人翁愛環保, 沒有食用食翅, 改了花膠燉湯:), 湯渣另上(這個構思很好), 而且味道亦不錯, 確有驚喜:), 令人想再添飲, 但待應分湯後隨即將剩湯拿走, 眼看時間尚早, 為何如此急呢? 再一次感覺此酒店的服務的確很差, 如此欠熱誠的服務辦婚宴, 對婚宴主人翁實在不敬, 浪費了廚師帶給食客好味道的感覺.另一重點期待的東星斑, 上菜時竟來了不知名的魚, 十分驚奇, 印象中東星斑如果廚師不把魚蒸過火的話, 是鮮,嫩,滑的, 但此魚並非蒸過火, 但食落口感覺實有差, 經主人翁再三查問後發覺, 酒店婚宴負責人說是什麼混種斑, 我相信飲宴中魚是其中一個重要菜式, 廚師縱然有超凡廚藝也難將功補過, 令人覺得婚宴場所行為不負責任, 當所有參加者是吳下阿蒙吧! 其他食物也只是一般貨色, 絕無驚喜, 所以提醒有需要辦喜事的人不要過信酒店, 小心.:( …Read More

有幾次行過呢間舖都想入去試下佢的食物得唔得, 但因為始終係舖仔, 又或者時間唔夾, 多數無位所以無:(, 我地兩公婆食野最唔鐘意等位, 所以到咗昨天先至試一試佢, 睇下有幾成.昨日下午行過見到舖內只有一枱客, 於是就入去試食, 我叫咗雞絲喇沙, 老婆食海南雞飯. 喇沙一上枱賣相有八分似, 食落都有七分, 應該係我係香港食過既最接近星洲水, 至於雞飯, 食物確係涼咗, 但雞能夠全熟而保持嫩滑, 已經算好:), 可以每樣食物上枱時好似喇沙咁熱騰騰就更好啦. 俾七分啦.…Read More

合成這間糖水舖, 好歹都已經路過好幾次, 每次都係見到門口企滿了想食糖水的人. 初時根本不知道為什麼這麼多人願意企係到等到有位為止. 今天終於可以一試佢既實力.今天下午兩口子本來想去清真牛肉館食餡餅:), 及掃掃街食的小食點心來飽肚當食晏. 結果清真牛肉館依舊人頭湧湧, 還企到一街都係人圍在門前, 故打消餡餅念頭繼續前行.路過合成時已經是行到"過晒龍"的, 因為今天合成門前沒有人在等食, 可能早吧! 我們就二話不說走進店內先食糖水再去掃街.我就點咗碗旦蓮子, 太太就叫紅綠豆. 一吃就發現果然名不虛傳, 蓮子軟綿鬆化, 無牙都食到. 紅綠豆起晒沙, 唔會因為早而煲得唔夠火喉. 難怪晚飯後經常人潮濟湧. 值得推介.:)…Read More

第一次食佢既芝士蛋糕都係因為見到團購有得買, 好似$49一個, 超抵.試過之後, 發覺呢間舖既芝士蛋糕水準十分好, :) 無論紐約芝士, 雲石芝士都令人食過番尋味.尤其係紐約芝士蛋糕, 芝士味濃郁之外, 整個蛋糕口感軟滑, 絕無粗糙感覺. 值得推介.至於雲石芝士蛋糕在製作過程加入朱古力做花紋, 外觀更勝一籌.所以依家每次見到團購都最少買兩個黎招呼自己個胃一下.正…Read More

當日兩公婆一心想去筲箕灣行下街, 或者到海事博物館八卦一下, 然後慕名去華星試下既.點知早咗去到筲箕灣, 行下行下見到間食點心既, 咪走入去整番個早茶啦, 叫咗大路既燒賣, 牛肉球及腸粉, 發覺點心真係屬於普通個類, 沒有什麼特別之處. 最後都叫多碗蠔仔粥:), 反而呢碗粥幾好味, 都有唔少蠔仔係到.雖然價錢唔係特別平, 普普通通食一餐都唔會太差啦.…Read More

因有同事曾經幫襯功夫點心, 覺得都幾 OK, 所以同老婆去試下睇下得唔得.今次去咗天后分店試下, 可能我地早食, 當日唔算多人, 坐得唔算迫, 上點心時間唔使話等好耐.:)試咗同事推介既酥皮香麻蘿蔔糕, 炸得真係皮脆內軟, 而且有的芹菜粒既香味, 真係值得推介, 其他既重有馬拉糕, 燒賣皇, 牛肉球, 同煎糯米雞等都不妨試食, 甜品就介紹大家試下雪沙香芒卷果然的點心係有的功夫仔, 此店可以再試..…Read More

因之前係尖沙咀山林道總店食過, 覺得味道的確唔錯, 所以今次見有團購, 雖然係天后分店, 都即刻買黎試下.希望唔好令人失望就好啦.先講裝修, 的確比山林道新穎的, 白色簡約唔錯:), 但坐位真係迫咗的啦.食物方面, 水準可以保持, 但份量就減咗好多, 我都知通脹, 但唔應該做團購時將貨就價,此舉即時令我對此店好感大減:(, 希望這些食物做得比較好既店舖唔好太快學壞啦.其次係做團購跟既小食就真係食之無味, 棄之可惜:(, 將雞腳同青瓜呢兩樣可以好好味既食材做得太差了.…Read More