quizding's Profile

經過附近見過呢間cafe嘅廣告好多次，從來冇諗過幫襯，因為一睇萬利廣場個style, 就自不然覺得裡面全部係街坊野（入面有日本城、好多小型修甲舖、賣女裝嘅等等）。冇諗過會有其他style嘅野。殊不知喺角落頭有間咖啡專門店，當日係星期六中午時份，人流少，空位多，坐低隨意order左xen special coffee，我對呢樣野冇乜研究，所以隨意揀，見到有客人詳問，店員都會逐樣解釋。飲一啖，咦，都好溫和好易入口喎，唔會過苦或酸，再加些奶，我較愛加了奶嘅感覺，因為滑d除了咖啡，亦要左個panini, menu冇vegi choices, 所以就同店員講我要芝士panini(menu本身係火腿芝士）。水準不過不失吧，烘得燶左d,店員奉上時已主動提出，如果覺得太燶，可再整一份比我，態度實在令我欣賞總括而言，此店清靜人流少，店員友善，對我呢d對咖啡冇乜專業認識嘅人黎講，宜輕食輕飲同埋hea或看書.…Read More

呢排Great局部地進行裝修，salad bar已率先換左位置再營業了通常12：45左右開始便會有長長嘅人龍，排隊買沙律，今日夠早去到，大約12：35啦，只有兩三個人排緊，好野！ salad bar長長嘅，分開三個員工負責，首先要話比第一個知，揀medium / large size, 佢就會攞嗰個size嘅兜，客人就可以開始指指點點揀材料，只要放得入個兜度，你都揀得，佢就一路放入去第一段嘅bar主要係菜類，都有六七八種; 第二段就有各種其他材料，例如紅菜頭，栗米，車厘茄，雞心頭，亦有肉類，不過是日green lunch, 所以冇留意有d咩肉 ; 尾段有嘅料，有dried tomato(like!), 蛋，提子乾, cheese,等等揀到個兜好full,最後揀埋個dressing,等佢mix,冚蓋，便大功告成，可以出去cashier比錢，medium size盛惠$49！我唔太enjoy喺office食lunch,但係可以食到全自選嘅材料同dressing,都ok啦，整體而言，材料都好新鮮，幾滋味架！我鍾情酸味食物 ，所以dried tomato必選，佢係用橄欖油浸住嘅，感覺好潤！另外，因為有提子乾同cheese, 所以食嘅時候覺得幾豐富，唔會寡或者太清淡，當日揀左italian vinegar dressing, 微酸，亦同材料好夾，呢餐健康，又唔會食到好full好眼瞓，可順利繼續晏晝嘅工作！…Read More

落雨天又涼涼地，想食d熱野，坐低左都未拿定主意今餐食肉定食素，睇睇menu,都有好幾種素食選擇（雖然肉類更更更多）最後揀左番茄什菜烏冬，同埋炸豆腐，烏冬係番茄濃湯底，唔係唔好食嘅，不過我覺得醬油湯底同烏冬可能會比番茄配烏冬可能會更夾更好味至於炸豆腐 ，雖然係炸嘅 ，但味道屬清淡，感覺唔熱氣最奇怪嘅事發生喺埋單個時，$62加一即係$68.2，比一百蚊，找番一張廿蚊紙加一堆碎銀，我攞起張廿蚊後，個waiter竟然想極速走，我伸手繼續，佢話唔好意思，但我攞左兩個兩蚊，佢又神速走人，我冇再叫佢...只係心中對此店減了分，服務係好嘅話客人自然會比tips,何需如此呢？…Read More

一品螞蟻menu入面有成十幾樣素食選擇，而每日嘅set lunch亦有一兩款green choices, 送coffee or tea, 當日我就揀左什菜支竹湯麵。當日週日午飯時間，要攞飛等位，等左10分鐘左右啦。湯底有幾款，揀左酸辣，惹味但唔會過辣嘅，麵又有得揀，揀左髮絲麵，幾好食嘅。飲埋杯奶茶後，加左個甜品：香蕉梳乎厘pancake加朱古力雪榚，好特別呀，pancake唔係一般pancake皮，而係梳乎厘質地，軟綿綿咁，為呢個green meal畫上完美句號！…Read More