IZT's Profile

星期五即興去左呢間餐廳慶祝結婚周年紀念。如果早啲係open rice book 會有折😅呢間酒店近幾年開，仲係好新，M square 就係酒店內，近海邊位置。餐廳內非常開揚闊落。我地帶左BB 來，完全冇問題，仲可以有位開BB 車。係西貢搵呢啲餐廳唔係咁易😂所以貴少少都照去。講返食物，我地點左軟殼蟹沙律、墨汁意粉、安格斯牛配煙肉漢堡包。沙律中上，軟殼蟹炸得乾脆，蔬菜亦算新鮮。墨汁意粉反而最令我地失望，調味唔係幾好，只有蒜味，唔係幾慣🥲最有驚喜係個burger, 好重牛味，煙肉少少甜帶出肉味，薯條起好食，外面超跪👍兩個成人食份量好夠✅平日消費$300 就可以憑餐廳比既泊車券去酒店lobby free 5個小時！！可以免費係西貢玩成大半日！！…Read More

呢間台式火鍋係人氣店，平時好多人等位。午餐早到唔使等位，非常好。我哋叫咗$98一位60分鐘限量火鍋，佢嘅台式熟食係自助放題形式，種類非常多，仲有好多台式飲品，包括珍珠奶茶都係任飲，所以午餐淨係熟食都夠做。餐廳都好乾淨，食物分類做得好好，例如有一邊係專放菜同丸，另一邊係專訪台式熟食同飲品。全部嘅種類都好多，好難一次過講晒。湯底只有兩款係唔使加錢，我哋叫咗酸菜腩肉，幾開胃。另外佢限量嘅肉質素都非常好。不過都係嗰句，食佢啲台式熟食已經好滿足，甚至令到我食唔曬啲肉😂例如有台灣香腸、鹽酥雞、炸豆腐，仲有好多好多。…Read More

早餐食得太多粉麵，於是去呢間餐廳試吓西式早餐，叫咗個雞扒餐，有茄汁豆、香草煎雞扒、多士、煎雙蛋、熱咖啡。多士夠脆，唔會太燶。茄汁豆暖暖的，唔會凍冰冰，非常好。雞扒煎得唔錯，有香草係上面，增加食慾。煎蛋係用模具去煎，夠厚，有蛋味。最值得讚係杯咖啡，咖啡味濃，又有奶香，係我鍾意嘅味道。朝早都幾多人食，係一間平民嘅西餐廳。佢嘅廚房同堂食位置係分開兩間舖，所以完全唔會有油煙味，唔會整到啲衫一浸味，呢個係非常好的😀…Read More

朋友即將移民加拿大，臨別在即，我地4人請客歡送。他說會懷念日本食物，就去了德美食多一次。哈哈，其實加拿大的日式料理比香港的更好喔。我哋點左好多野食：蟹子沙律牛油果軟殼蟹卷大盛B-壽司24件自家制燒腐皮餃七味燒墨魚咀李白 桃花仙人酒大蝦天婦羅客蟹棒卷安格斯牛肉串大蔥雞肉三文魚腩刺身食完叫做飽。其實都食過呢間好多次，很遺憾佢既食物質素每況愈下，令人痛心，唔覺佢有心做。收費就中上，食物就叫比爭鮮好啲，唔夠新鮮。服務態度可以話係差，根本跟唔上現代嘅步伐。最後一共食左$1785。…Read More

朋友英國回港，一行四人相約在Moko 飯聚，因為貪佢有得免費泊車，其他人坐地鐵又方便。好早已經book 左呢間，可以叫熟食，順便燒下靚牛肉。燒肉部分叫左：日本和牛拼盤（西冷、肉眼、三角位）和牛牛小排100g和牛牛香芯（2件）厚切熟食、飲品就有：極上牛柳三文治豚之盛盒三得利啤酒松葉蟹魚籽丼火炙三文魚親子卷全部都好好食，特別係啲燒牛肉，超有牛香，回味無窮。可惜性價比唔高，食極都唔飽，唯有叫下啲熟食頂肚。好彩最後都唔洗去m 記消夜。間餐廳好早就last order，我哋傾到餐廳打烊先走。埋單一共$1861…Read More

巴士站落車，是但搵間食個晚飯，呢間兩步就到，入去試下。叫左個羊肉粉，啲羊肉小到不得了，少少韌，重點係成碗嘢都冇味，食到有啲懷疑人生。碗羊肉粉難食都算，叫咗杯酸梅湯，完全唔係個回事呀大哥，我只係追求最普通個隻味，佢唔知比左咩我飲，比藥水仲難飲，完全搞唔掂，飲咗兩啖就放棄，埋單走人。成間餐廳嘅佈置、坐位、餐具都好有大陸style。夜晚冇乜人食，一個人可以坐卡位係唯一優點。我發誓唔會再去呢間顛覆食物味道既餐廳。…Read More

晚餐到紅磡的港口冰室用膳，叫了個星洲炒米、熱檸茶，盛惠港幣$58，與同區其他茶餐廳比，算貴少少，呢個價錢應該有湯同加埋凍飲。所以晚市冇乜生意，只有幾枱客。咁都好，我一個人到可以坐闊落卡位，唔洗同人隔😂Anyway, 講下食物質素先，個星洲炒米，佢地用個款彈牙粉絲我唔係幾鐘意，因為影響左口感，傳統理應要係要碎少少、乾身、濃咖哩味嘅。依家就好怪，係彈牙版既星洲炒米😅配料方面有幾粒蝦、火腿、蛋、洋蔥，真係少得可憐。味道就平心而論係ok 既。至於餐茶就正常，茶底唔錯咁啦。午餐還好，晚餐不會特登再去食。…Read More

呢排成日出街食，食到有啲悶，同埋意識到食左好多油膩唔健康既野，所以今餐想食啲清淡少少嘅。最後選擇咗湯加，因為貪佢有條魚食吓，而家可以白飯免費轉藜麥飯，又好似健康少少😅我點咗條黃花魚，有湯又有飯。啲藜麥飯都易入口幾好食，不過份量就實在太少啦，差啲食完都仲肚餓🥲黃花魚好嫩滑，但有啲細骨，要小心食用，個湯係胡椒味嘅，湯入面有啲菇菌之類嘅嘢。呢個套餐要六十幾蚊，叫做可以接受，畢竟係夜晚。個場係明顯唔夠人手，得過阿姐要負責落單又要負責收錢。如果多人埋單嘅時候，要等好耐個阿姐先得閒幫你落單，但佢服務態度良好的。…Read More

朝早跑完步，經過黃埔想去食個早餐，咁啱經過新澳就入左去食。香港人嘅早餐多數都係粉麵，食咗咁多年有啲悶，所以叫塊雞扒食下。呢個雞扒餐份量OK，雞扒都叫煎得幾香，其他配菜都正常發揮，有丹麥多士低讚，係杯凍檸茶差咗啲冇茶味，作為一間茶餐廳，水吧係好重要嘅，佢哋可以叫做失敗😅總括嚟講，我又唔會覺得係差評，係中等水平，但冇乜事就唔會特登過嚟食，間餐廳都幾full，坐得唔係幾舒服，要同人搭枱，不過好又一餐，唔好又一餐😂…Read More

今晚去左airside 覓食，平日夜晚好少人，成個food court都勁多位，唔使同人迫，坐得舒服，非常正👍今次揀咗Needs burger，點咗個經典漢堡包套餐同埋一個花生醬果醬漢堡，一共$150。套餐包一罐汽水同芝士薯條，薯條份量正常，不過呢芝士味就一啲都唔濃，有啲失望。花生醬果醬漢堡，一開始都擔心係啲地獄料理，但食落出奇地夾，好好食，係一啲意想不到嘅食法😂漢堡包裏面有一大塊好raw 既洋蔥，食到我標曬眼水😵至於個經典漢堡飽就非常之普通，可以唔洗叫😬…Read More

在崇潔街見到呢間小店，有涼皮同串燒就去支持下。點了雞絲粉皮及幾串串燒，包括豆皮、雞腎、牛舌等。串燒有得選擇辣度。套餐包飲品，叫了豆漿。先講個雞絲粉皮，麻醬好香，雞絲份量充足，有勁多配料，例如花生芫荽，超好食👍串燒方面正常發揮，價錢合理，豆皮第一食，口感乾脆，送酒就一流。其他串燒不過不失咁啦。豆漿係樽裝，解辣一流😬有試過湯麵既套餐，都係覺得雞絲粉皮最值得叫😂店舖收八達通，夠方便，唔洗擔心帶唔夠cash😬…Read More

最近經常到這間餐廳食早餐，基本上崇潔街既早餐店我都試過曬，呢度係我最滿意，而價錢又最實惠嘅一間。我試過沙嗲牛肉麵，今次食雪菜肉絲米粉、配多士奄列、熱檸茶。只係$32！佢嘅早餐最低讚係有條菜，相比好多餐廳呢個價位係唔會有嘅！佢嘅雪菜肉絲份量，非常非常之多，湯底比較濃，我比較喜歡這種。奄列正常好味。餐茶正常，茶底都OK。餐廳嘅裝修就好舊，非堂樸實，係做街坊生意為主。午餐同晚餐未試過，有機會可以試吓。我見佢好特別，個餐牌有晒成個月唔同日子嘅餐😂…Read More

是日即興在沙田新城市廣場覓食，見到呢間裝修靚，價錢正常，係last order 前衝入去，唔洗等位非常好。可能侍應趕收工，有少少黑面，不過fine，食飯最重要。我哋兩個人，叫咗一個招牌海膽香煎帶子忌廉意粉，同一個MO burger.前者超級鮮味，每條意粉都吸收左d汁嘅精華，非常之好食，帶子、蟹肉、海膽都好鮮味。個burger嘅size就比想像中細咗啲啲，但食落非常可口，牛肉味夠，麵包夠脆👍絕對不是金拱門質素😀…Read More

午餐來到這間居酒屋用膳，原因是聽同事好評推薦。去得居酒屋都預咗貴，但同時都會對品質有較高期望。我點了厚燒玉子鰻魚丼，原價是$200 幾蚊。上餐第一眼覺得賣相很好，食落感覺正常，合格，鰻魚很滑，醬汁味道不會太濃。最有驚喜反而是，那塊厚厚的玉子燒，吃起來非常可口，原因是落了大量牛油，除了濃郁嘅蛋味還有非常濃烈的牛油味。這個非常特別的口感是一般玉子燒不會給到你的感覺。但如在健康的角度，就會覺得不妥當。麵豉湯正常質素，沒有特別。…Read More

Airside 商場開幕不久，於是趁熱鬧揸車來逛一下。環境有點似簡化版的K11 Musea😂下午茶時間選了這一間，因為太耐冇食魚生了，又見到呢間餐牌價錢非常之親民！我首先點了一個五色海鮮丼，上菜見到比想像中細碗，但係魚生size 同質素都合格有餘，都幾滿意，畢竟只是$48！魚生有三文魚、北寄貝、大蝦、帶子等。然後又叫了好多唔同嘅壽司同串燒，例如軟殼蟹牛油果卷、燒牛舌、鰻魚壽司等等。每碟大概$10 幾到$20蚊。埋單連加一，一共$245，兩個人都食到好飽😂…Read More