Saputra Chan's Profile

20蚊一盒飯，足料又好味。陪伴咗我捱過好多個糧尾，係真正嘅救命草。即使平時加餸都非常抵！距離元朗西鐵站十零分鐘路程，周圍一帶都冇邊間可以比到，快靚正。今時今日嘅香港，仲搵到呢啲性價比咁高嘅飯盒同燒味，唔推對唔住自己。支持！懇請店主繼續保持落去。…Read More

行過見到炸雞店諗住試一試，見到餐牌個韓式炸雞好似好正咁。膽粗粗就點咗個白洋蔥汁炸雞餐，等多十零分鐘出餐，滿心期待…但係個炸雞同啲汁係竟然係凍嘅… 同埋啲雞好似放咗好耐咁，一啲都唔脆口，又冇肉汁… 薯條又係咁！點解可以炸雞，炸薯條，炸物都沒油香？唔通呢啲係新式健康食品？可能我見識少。個價位又唔係平，65$先得嗰幾件雞，仲要好似全部都預製組件咁… 連最起碼個擺盤都冇… 又唔食得！又唔睇得！唔會再去食，亦都唔會推介… 巨伏！…Read More