Sir KY's Profile

平日中午12點經過深水埗已經見到舊店現金支付嗰間排緊隊, 好彩呢間用電子支付嘅分店有位拿拿林走入去。嗌咗一個三餸車仔麵，必點酸齋 大大舊又入味；鍾意食豬腸既同樣不能錯過豬腸 都係非常入味 仲要有肥膏既香味; 另外陳皮魚蛋都係一個不錯既選擇，細細粒但係味道十足。今次其實已經係短期內的二訪，上一次食南乳豬手都係入味同好食，仲要有三大舊，認真抵食。鍾意食油面既可以叫瑞士汁同辣汁，甜辣味道夾。車仔面嚟講呢個價錢好抵食兼滿足，大推！…Read More

要喺葵廣芸芸眾多食肆分一杯羹已經唔易，而明知葵廣已經有兩間章魚燒店仲要插旗開店更是狂人之舉， 冇返咁上下自信都唔會咁做。呢間章魚燒店位於葵廣一樓位置。 嗰日星期日去到人流唔算多，不其然對食物質素有少少擔心，不過由畀錢嘅過程，店家嘅熱情就慢慢釋除左呢個疑慮。我地嗌左兩隻味，分別係海量明太子章魚燒同地獄辣辣章魚燒。海量明太子章魚燒 ($33/6粒) 地獄辣辣章魚燒($32/6粒)雙拼+$2大推地獄辣辣章魚燒，醬汁非常惹味，食開譚仔三小既我表示唔辣但食得爽，我有少少後悔唔隊一整盒地獄辣辣添😂(下次去再嗌喇唯有)。明太子章魚燒就例牌味道，因有醬汁足料關係所以啖啖醬釀章魚波波既感覺，好滿足。講漏咗一個重點就係章魚好足料！ 每粒章魚燒都有兩至三粒章魚，真係佛心到一個點！…Read More

以前返工返觀塘海濱嗰頭已經食過幾次, 佢個豬扒撈米線係無得頂。事隔幾年重臨舊地 (慶幸間舖仲喺度) 再嘗豬扒撈米線，今次挑機嗌左大辣。感恩過左幾年味道不變，酸菜甜酸味好正，而辣係辣得好過癮。豬扒有只有少少肥位，我覺得一塊好食既豬扒就係要咁樣。囗水雞嗌左例牌share。我鍾意食嫩損下肉就覺得ok，但如果鍾意食啖啖肉，呢個就唔係你杯茶。辣度略嫌太溫和。蠔仔豬軟骨米線，蠔仔如圖大大粒。食米線未必一定食老譚既，呢個都係你既選擇。下午茶&晚餐包冷熱飲品。…Read More

未去 Return Coffee 幫襯之前最深刻嘅印象就係佢哋個九宮格menu。周末 menu同平日有啲唔同，不過佢既食物選擇絕對可以滿足到周末一餐當兩餐chill一chill既感覺。漢堡控既我叫左日本和牛煎蛋竹炭堡配薯角 ($140)呢個我可以形容為世一 burger！比burger專門店還要好食。無論牛肉香, 肉汁, juicy都係一絕。醬汁食到係類似檸檬加沙律醬清新既感覺，食完係滿足而不漏。Espresso Martini ($78)啡酒之前飲過Irish coffee, 嗰款係熱飲。大熱天時想飲杯清爽啡酒，呢度既 Espresso Martini係你既選擇。酒好勁，我估佢係跟傳統真落vodka，飲得好爽但上腦好快，啡味濃，係好好飲。至於帕尼尼蟹肉蛋沙律($95)就正常發揮，係好味既。而 Return Refreshing Black ($51) 係柚子梳打咖啡，呢杯好多咖啡店都有，味道都係嗰隻啦。…Read More