ktk's Profile

結婚週年紀念，特別同太太來汀蘭居士食口碑幾好嘅buffet. 呢度環境清靜優美，星期三嚟，人唔算多，可能落雨關係，食物有和牛、黑毛豬、生蠔、海鮮，最欣賞嘅就係炆三文魚及新鮮生蠔！我同太太都好鍾意食生蠔，美國和愛爾蘭嘅生蠔都新鮮，極力推介呢度buffet, 下次會再來！…Read More

好久沒冇寫食評了,終於冇法忍受下一定要寫出這編食評.叫左:古法糯米雞, 賣相一般,比起大家X細隻好多, 有一件冬菇外, 其他只有雞肉, 味道太咸.            酥皮焗义燒包, 賣相好差, 完全同以前差得遠, 打開個包就傳出好重豬肉腥味, 味道只食到好咸嘅醬味.           煎臘味蘿蔔糕, 賣相冇咩特別, 用筷子一夾完全散開, 味道食唔到有臘味味, 溝粉多過蘿蔔肉, 得個油字.           黃沙豬潤腸, 又細皮又粗嚡, 同以前差好遠, 無端端加左芹菜, 都唔知為咩? 豬潤又小又細, 味道完全唔合格.           麵醬牛肉釀茄子, 賣相大家睇都睇到啦, 味道得個油字, 唔怕血壓高就怪, 牛肉又薄又係食到一口粉. 本人真係唔知米芝蓮係咩?信者?…Read More

行經突然走左入去,開頭真係有D驚,個場好大,但得4-5台客.不過,冇所謂啦,我不入地獄誰入地獄呀!叫左:金銀菜豬展煲豬肺湯,菠蘿咕嚕肉,金銀蒜茄子蒸鮮魷金銀菜豬展煲豬肺湯:一打開個煲就飄出好重金銀菜味,好香!個湯煲得好夠味好濃,足有成10碗,兩個人飲真係飲湯都飽.可惜小小,湯渣見唔到豬肺,不過真係好好味.菠蘿咕嚕肉:真係估唔到,HK$28有噉嘅質素同份量,菠蘿香甜夠味,酸酸甜甜好開胃,咕嚕肉唔會似出面得個炸粉,好有肉地又夠多,真係超級正.金銀蒜茄子蒸鮮魷:份量又係唔細,茄子好淋又夠入味,金銀蒜好香夠野味,用來送飯真係一流.鮮魷爽滑份量又足,十分好味.食完真係好飽,坐下飲杯茶,欣賞一下可以比美IFC嘅夜景,十分舒適.侍應走近貼心地查問:食飽未,先生可以上糖水嗎?雖然好飽,真係都要作戰到底,來吧!紅豆沙,味道都OK,如果,果皮味再重D就真係太好啦!飯後報告:物超所值,一定會再來.…Read More

新開業以來今天第一次去幫襯.之前食過舊店都唔錯.誰不知真係一山還有一山高,差中自有強中手.第一入座時只係14:20問可否比個午餐menu睇睇,侍應居然話14:30就得下午茶餐冇午餐啦!我話都未到14:30,佢就走左去啦!算!叫下午茶餐.叫左:五香牛展擔擔麵+鮮肉小籠包+豆漿,上海粗炒+生煎包+豆漿豆漿平平無其,冇咩好講.五香牛展擔擔麵:真係令我眼界大開,咩叫"半例"即係一分錢一分貨,兩細舊牛展,真係細到食唔出咩味道,個擔擔麵,麵質都算唔錯,煮得唔會太淋.個湯底香辣野味.鮮肉小籠包:小籠包味道一般,個皮比較厚,反而肉汁唔錯.上海粗炒:粗糙難食,又細碟味道又差.可以不試.生煎包:表面好睇,反轉燶到似燶多士一樣,味道一般料又小.食完都唔飽,真係冇下次.…Read More

因團購關係試新口味曲奇.有5種味道:咖啡,港式奶茶,港式鴛鴦,杏仁牛油,特濃朱古力杏仁.咖啡味:香濃足味,口感比較硬,唔夠脆口.港式奶茶:奶茶味淡唔多起眼.港式鴛鴦:完全食唔出有鴛鴦味,咖啡味太濃.杏仁牛油:本人覺得最好味又最似嘅口味,杏仁香濃好味.特濃朱古力杏仁:只有朱古力味唔覺杏仁味.整體:味道冇咩特別,好一般.…Read More

第一次為佢寫食評.叫左:滷水鴨半隻,豬大腸一條滷水鴨:好重滷水味,鴨肉太瘦又乾,味道比較嚡冇咩鴨香味.:(豬大腸:又淋又夠味,可惜肥左D,食多兩件都好膩,但價錢都幾貴.:(整體:水準下跌左好多,價錢又貴.…Read More

因團體去幫襯.叫左:鮮檸柑桔蜜,日式豚肉卷,帆立貝叉燒極濃蕃茄湯拉麵,柚子沙律,天婦羅廣島蠔極上濃湯拉麵鮮檸柑桔蜜:太甜.日式豚肉卷:豚肉好硬又乾飯又爛.:(帆立貝叉燒極濃蕃茄湯拉麵:帆立貝彈牙,叉燒好淋肉鹹香野味,蕃茄夠味酸香好味,糖心蛋好細隻做得唔好食,拉麵麵質唔糊,可惜太厚粉同唔滑.柚子沙律:柚子味重沙律都幾新鮮,味道唔錯.天婦羅廣島蠔極上濃湯拉麵:天婦羅好油炸粉好硬好難食,廣島蠔唔新鮮炸到好濕,湯底太淡,拉麵一般.整體:唔會再去囉,又貴又難食.…Read More

之前食過都覺得唔錯,所以再去.叫左:羅宋湯,烤焗豬柳意粉配西班牙野菌汁,忌廉汁白菌焗鮮三文魚粒配珍珠飯羅宋湯:酸辣好味.麵包普通.烤焗豬柳意粉配西班牙野菌汁:烤焗豬柳好淋又夠味有小小似食鹹豬手,意粉彈牙幾淋,西班牙野菌汁味道好香唔錯.:)忌廉汁白菌焗鮮三文魚粒配珍珠飯:忌廉汁香滑好濃味,白菌味道可以,焗鮮三文魚粒好大粒又夠香口唔太乾,飯焗得剛剛好,值得encore.整體:值得再來,好食又底食.…Read More

今日忙到午餐都冇啖好食,所以提早去開餐.叫左:熱情果橙香特飲,意大利風乾火腿沙律,雜菜湯,醬燒雞翼配香脆薯角,雞肉蘑菇意大利雲吞天使麵,泰式咖哩雞飯,夏威夷薄餅,咖啡味意式奶凍熱情果橙香特飲:香橙味足幾好味,可惜有小小過甜.意大利風乾火腿沙律:風乾火腿味太淡,沙律一般.雜菜湯:份量太小,味道酸酸十分開胃.醬燒雞翼配香脆薯角:辣醬野味帶小小酸,雞翼肉質滑.薯角香脆可口.雞肉蘑菇意大利雲吞天使麵:雞肉嫩滑,蘑菇爽口,意大利雲吞普通,天使麵幾滑又爽口.泰式咖哩雞飯:香辣好味,雞肉夠滑.:)夏威夷薄餅:薄批好香脆,個汁唔會過酸,幾好味.:)咖啡味意式奶凍:咖啡味太淡,一般,奶凍都算滑.食完真係好滿足. …Read More

之前試過都ok,所以再來幫襯.叫左:蘑菇湯,醬燒辣味雞翼配脆薯角,烤美國有骨豬柳伴天使麵,流心蛋.芝麻包.雞肉腸.意式沙律煙肉配挪威煙三文魚,抺茶意式奶凍蘑菇湯:幾creamy好香菇味又夠滑,片麵包好好味,好脆.醬燒辣味雞翼配脆薯角:辣醬好野味帶有小小酸味,雞翼肉質滑.薯角好香好脆.烤美國有骨豬柳伴天使麵:烤豬柳好大件肉質好滑,個汁好重黑醋味好開胃,天使麵爽口唔硬.流心蛋.芝麻包.雞肉腸.意式沙律煙肉配挪威煙三文魚:流心蛋做得好juicy,芝麻包香脆味美,雞肉腸粗嚡味道普通.意式沙律普通冇咩特別,煙肉鹹香幾好味,煙三文魚味濃夠鹹香味.抺茶意式奶凍:抺茶味太重太甜,一般.整體:出品唔錯,可以再食.…Read More

今日約左朋友去飲茶,選擇去海港.叫左:濃湯灼唐生菜,福建炒飯,點心拼盆,紅燒乳鴿,香芒糯米糍濃湯灼唐生菜:普普通通,都算爽口嘅.福建炒飯:用料唔小,飯唔會過濕,香口清新幾好味.:)點心拼盆:有蝦餃皇,蜂巢糕,潮州粉果,鮑魚燒賣,豆沙包.蝦餃皇:爽口彈牙幾好味:),蜂巢糕:好香黑糖味唔太甜,潮州粉果:皮做得唔錯唔會硬,鮑魚燒賣:只有一隻鮑孫仔,味道普通.豆沙包:幾重桂花味,清香味美,有小小驚喜.紅燒乳鴿:又瘦又多毛,味道太淡又唔熱.香芒糯米糍:芒果肉香甜又好味,糯米好淋唔錯.整體:唔錯,可以再食.…Read More

本人都喜愛吉列,今日去到朗豪坊走去試下近又吉列黑豚專賣店.叫左:吉列廣島蠔定食,吉列松葉蟹二本爪吉列廣島蠔定食: 有麵豉湯,凍豆腐,4粒吉列蠔同白飯,麵豉湯好普通 ,凍豆腐似食百福豆腐完全唔得,吉列蠔細隻到似蠔孫,粉醬又硬又厚,吉列蠔炸到好濕完全失敗.白飯太淋.吉列松葉蟹二本爪:幾個字可以形容:乾硬冇味.整體:唔會再來囉.…Read More

午餐時間唔多,走去華星食快餐.每人叫左一個常餐.常餐$38:有牛油多士,叉燒意粉,火腿雙蛋連熱飲.牛油多士:好厚身大大件好有質感,牛油比起其他店舖特別,鹹鹹地好好味,多士即叫即做,熱辣辣又脆又唔會膿.:)叉燒意粉:可轉通粉,叉燒普通淡味唔香,意粉好淋個湯做得唔錯.火腿雙蛋:可選炒蛋或煎蛋,炒蛋好滑,唔會老.奶茶:茶味唔夠,淡口唔滑.整體:可試,但水準下跌中.…Read More

又到開飯時,見到門前餐牌改左,又係加價,真令人失落.:(不過都係底食嘅,以前全部特餐都係$30,現在分左$30,$32,$34叫左:鹹魚蒸肉餅,回鍋肉飯鹹魚蒸肉餅:雖然唔係好大碟,味道果然一流,鹹魚唔會太硬或冇肉食都幾鹹香,肉餅有口感唔會爛餸飯一流回鍋肉飯:這個好食與否真係見仁見智,回鍋肉係豬腩肉做比較硬身,個皮都幾硬,辣度都幾野味.本人嘅口味就覺得麻麻.:(整體:都重係底食嘅.…Read More

今日走左去宜家家居食tea.叫左:炸雞翼,肉丸意粉,芝士沙樂美腸釀雞,煙三文魚炸雞翼$13:有4隻,比之前食過嘅又亁又嚡又冇味.:(肉丸意粉$19:有10粒連意粉,肉丸好淋又夠味,加上士多啤梨醬更美味必食之選,意粉就可有可無,完全唔得.芝士沙樂美腸釀雞$33:最差之最,硬過石頭又冇味,雞肉嚡到似沙紙.煙三文魚$33:份量都可以,三文魚新鮮鹹香有油香,可惜有魚骨,最重要又加左價,原本$29.:(整體:又加價,食品質素又下降.…Read More