crossngan's Profile

外賣晚市二人套餐，薑蔥霸皇雞加蜜桃咕嚕肉，兩個白飯，兩個燉湯，外賣收費加兩蚊，共$170，等左40分鐘先出到先評味道，10分可俾7.5分，雞肉夠滑，咕嚕肉雖經過外賣盒焗過，不過不失但是，萬事就係差一個但是，薑蔥霸皇雞只係俾個雞架，無翼無脾，我食左個寂寞味道，難道外賣盒太細放唔入要放棄最多肉既部位？但係個外賣盒係有大有細，都唔使專登選個細個盒架？曾在堂食叫過二人餐，半隻雞正常上碟，轉成外賣就出事，縮數縮到太恐怖，慎之慎之…Read More

下雨天走過見到, 應該像是剛開不久, 也只有一桌有客,  叫了一客小籠包, 一碗大腸面先評小籠包:價錢三十多元; 個子偏小;  味道也算正常, 但肉汁少比較乾身; 擺盤不合格,  幾個黏在一起分不開; 皮是厚, 像餃子的厚;最不可接受是, 小籠包皮懷疑還沒有蒸熟透或蒸得不夠水份, 有好多面粉的白點仍在表面清晰可見大腸面的面, 普普通通, 湯沒有什麼味道, 但大腸是鹵得很香很軟, 值得一讚小籠包的失敗, 真是對此店失望, 接受不到一家以小籠包為主打的店, 但弄的小籠包如此的差,  希望有所改善吧…Read More

一間新開的拉面店, 主打蝦湯拉面, 記憶中好像出名的一幻拉面都是, 不知味道上能否比得上入座當天星期日, 晚上七點多, 人流不多, 一半入座我個人試左 1.蝦餃子 2.味噌蝦濃湯拉麵1. 蝦餃子不太感覺到蝦子味道, 不過煎得香脆, 扣分位是有些破皮2. 味噌蝦濃湯拉麵, 賣相不俗, 叉燒一片, 半隻蛋, 粟米心, 長蔥絲, 加些少櫻花蝦皮, 簡簡單單; 麵條是一種像波浪起伏有彎度的捲麵, 有些許鹼水味, 尚可接受; 嘗一口湯, 湯味濃郁,味噌和蝦鮮味和平相處, 咸度適中, 一口面一口湯, 基本上湯底已是主角, 最後見碗底, 下次必再來離開時和服務生閒聊數句, 原來剛開張三天, 師傅,用料都是日本來, 整體服務, 食物質素不錯, 值得推荐…Read More

第一次試，以為都係普普通通菜式，想不到每個菜都十分出色，共叫左三個菜1.馬來西亞肉骨茶，有濃厚四物味，除了排骨外重有豬肚，幾特別2.沙嗲羊肉串，羊肉好冧好入味，細細串沾上甜甜地沙嗲醬，意猶未盡，下次必定要再來試多幾串3.蝦麵，個湯好香蝦味，感覺好似幾斤蝦濃縮成一碗湯，麵係參參，油麵配米粉，一粗一幼，兩種口感唯一缺點係價格稍高，份量偏少，如果男士可能不太夠相都無影，因為清晒但味道上我覺得值得寫篇食評來俾個讚佢…Read More

第一次叫2人套餐, 份量十足, 前菜色澤暗淡, 觀感似一早整定一大盆, 不太新鮮, 個湯不過不失最有驚喜係個酸菜魚, 酸得來又有些少辣, 魚肉鮮嫰, 食到最後兩個人連個湯底都唔放過, 十分回味第2次散點, 叫左冰鎮鮑魚, 水煮牛肉, 炒四季豆, 配白飯(其實2人套餐都有, 建議都係2人餐抵食), 餐牌上係寫4隻鮑魚, 端上時只係2隻約5cm, 原來已是中size, 如再細小就會有4隻($38 例都不能有太高要求), 入口都食到鮮味, 煮得算是入味; 水煮牛麻辣度十足, 牛肉也夠嫰, 絕對滿足到嚐辣一族, 四季豆也入味, 不俗總括來說, 此餐廳值得推荐, 下次再去試下羊肉菜式~…Read More

第一次食, 兩個人叫左一碗雲吞面, 烚菜心, 星米價錢:雲吞面 $25烚菜心 $12星米 $36我食菜心, 星米, 烚菜心個份量略少, 得3,4棵, OKAY, 烚菜咁簡單表現唔到佢既質素!個星米! 就食到我發火! 賣相唔得, 唔夠鑊氣, 用料普通到只有2,3 隻蝦仁, 幾條叉燒, 幾條餐肉, 無蛋, 無咖哩味, 最火滾係, 食到最底竟然有鹽粒! 我以為食到砂! 唔係咁求其呀! 從未試過咁差既星米! 重要$36!? 普通茶餐廳$23既星米 都好食過佢啦! …Read More

第一次小弟請我食飯:), 佢推薦到此餐廳食放題, 估唔到CWB 竟然有$200 既放題食 食物質素不俗, 種類都幾多下, 有壽司, 刺身, 串燒, 日式沙律, 鍋物.. 特別要讚的是串燒, 師傅燒得火侯十足, 我個特別喜歡食牛舌串燒, 又嫩又香, 我俾10分滿分! 其他的如刺身, 都食得出是十分新鮮, 待應既服務都唔錯, 見到佢地會同客人有傾有笑, 總括來講, 對此餐廳印象好好, 會再同朋友前往一試…Read More

好掛住Outback 的黑糖麵包, 所以同友人約左一齊去開餐,以為時間尚早, 所以心諗不用訂位都應該有位啦; 上到2樓6:15pm, 係門口見到全店大約重有5/6位, 心諗一定有位啦;門口的女侍應, 佢一口就話要個半鐘後交位, 再補多句係 7:30pm, 我一聽已經有的興, 而家都已經6:15pm, 7:30pm 交位咪只剩下1個鍾15分? 我同佢講: "都唔好得個零鐘咁趕啊, 重有咁多位, 你地上菜都未必夠時間啦, 8pm 就差唔多啦", 但係女侍應用好生硬的語氣話: "我地有好多booking, 如果你地7:30pm 交唔到位, 我地唔會俾台你, 你地考慮下先" <--- 哩句先係最興!我再詢問下朋友, 大家都不想一餐原本應該輕鬆享受的晚餐變成趕頭趕命的拚搏, 即走!臨走望一望Outback 店內稀疏的坐位, 真係心有不甘, Walk-in 客咩咁唔稀罕? 7:30pm 唔交台唔俾位? 全台有5/6 空位都俾唔到2個位我2個鐘? 真係荒謬我十分喜歡Outback 的食物, 係非常之好味, 只係我唔會再去東企業廣場2樓1號舖哩間Outback 了…Read More

叫左客咖哩牛筋腩飯, 先評質素:牛筋唔夠林, 牛腩煮過Long, 薯休唔入味 再論賣相:為什麼廣告與實物可以差距如此之遠,再一次警戒自己, 信廣告5成已經夠多了看看比較圖...我好想到消委會投訴.…Read More