之前團購網見到$13X可以任食原價$380既日式串燒,諗住試吓, 點知中左招.....等我試吓組織案情:由於之前訂左6.30pm而我亦準時,不用排隊便即刻有位, 環境係較細, 但乾淨企理.職員有禮亦勸快,一入座已講明是晚用餐程序: 食物會無限供應, 但要自取, 聽完開始感到唔妥......到場時已見到有幾盤錫紙盤, 入面裝有食物, 放係一條bar枱上面, 埋去睇吓, 有炸餃子, 中華沙律之類, 旁邊有一jar jar汽水, 其後送出來的食物漸漸增多, 繼有司華力腸, 墨魚丸, 雜菜沙律, 牛油金菇, 茄子, 炸雞翼, 燒雞翼, 牛肉串, 雞肉串, 炸雞軟骨, 燒粟米, 年糕.....等等......每款食物都有一盤, 一些較受歡迎的食物如燒雞翼初期會再添.由於我坐得較近bar枱, 又由於我準時到, 食物一送出我便即時攞到, 所以很幸運地我可以食到比較"暖"既食物. 無錯, 係"暖"的食物. 串燒唔同打邊爐, 燒好左既食物會好快攤凍, 而師傅每次要燒一大盤食物, 可想而知上得菜黎已經唔會熱得去邊. 食物初出係暖的, 但當再番攞時就已經凍左, 而凍左既肉串食落似肉乾, 溝好左既沙律會出水, 炸物凍左會變硬, 我比較幸運, 食到暖野, 但眼見一些七點後入場的食客, 就只有凍冰冰的食物.....另外, 食材亦認真麻麻, 任食的食物, 就好似旺角街邊串串的貨色, 但又唔及旺角的好味.......唯一可口的, 係限量一人一份的4寶, 包括燒蠔, 燒帶子, 燒蝦, 燒牛肉粒, 係好食, 但唔係任食.......望住餐廳牆上的餐牌, 有好多可看似吸引既燒魚燒牛靚啤酒, 叭一啖中華沙律, 飲一啖走氣可樂, 感覺有點怪怪的, 點解身處居酒屋但食緊旺角串串?坐左接近一個鐘, bar枱上一盤盤凍冰冰既食物已經乏人問津了, 我才發覺所謂食物無限供應, 原來不是指食物會源源不絶由廚房供應, 而係你唔食哂就唔會有新既食物出了, 眼見同場好多人都停哂手, 我又望住個經理, "其實我地未飽啊, 只係唔想再食凍野硬野咋...."........最後, 好無奈的, 唯有埋單......出左餐廳, 感覺好唔抵, 第一, 串燒食法應該係點即燒即食既, 燒一大盤野然後叫人出去攞, 錫紙盤下面又無火熱住, 感覺真係好似食緊到會, 點解要去餐廳食到會呢, 提供熱食物不是餐廳的基本責任嗎? 第二, 除左一人一份的4寶算好野之外, 其他食物邊到值$380? 有無人會俾$380任食司華力腸炸雞翼中華沙律呢? 其實食之前睇番前人食評已經知兇多吉小啦, 但已經俾左$13X, 唔去就無哂, 去又要再俾加一$38, 呢種係咪餐廳既策略呢? 諗住購一筆算? 定係想宣傳但計錯數呢? 我真係唔知...但好肯定既係, 如果要俾差不多$180一位, 我寧願用哂去小肥羊打任食邊爐, 去譚仔食土匪雞翼, 去和花亭食壽司, 都一定唔去呢間餐廳.記得張coupon有效期去到8月, 希望餐廳老闆睇到呢篇食評, 改善吓, 唔好再係咁, 唔該.…Read More
The above review is the personal opinion of a user which does not represent OpenRice's point of view.
1
slimbody
又或者等我補充一下:1. 店家的服務唔錯, 環境亦唔差, 只係店舖細左D, 之前已經講左.2. 問題一: 食物唔夠熱正確D講, 係食物上菜頭20分鐘唔夠熱, 之後就已經凍哂啦. 而凍左的食物味道唔好, 口感唔好, 呢個係事實. 3. 問題二: 食物質素可能我太天真, 係團購見到標明原價$380, 便聯想到食到$380既質素. 亦幻想所謂任飲任食, 係可以食到店內餐牌大部份既食物. 但呢D可能係店家既廣告口號, 等你有個美好憧憬. 如果你自覺俾得百幾蚊就預左只食下些下價食物的話, 我無話可說, 但就請店家唔好收$38加一, 因為真係唔值.4. 問題三: 經營模式其實我想店家正視的, 是經營模式. 燒一大堆食物, 然後要人出去攞, 本身係問題所在. 我記得酒店自助餐都係類似模式, 但我所知人地係有用熱水助住D食物兼且有蓋蓋住喎, "乾杯"的食物又點呢? 純粹一個錫紙盤? 食物凍左有無處理? 唔想浪費食物嗎? 為何不讓客人入單再整呢? 怕整唔切? 為何只限兩小時任食呢? 一晚要做兩場? 5. 我都知百零蚊唔係好多錢, 唔應該有太多要求, 但起碼: i) 店家提供熱的食物係基本責任, 而這一次所見, 店家並無考慮過如何處理這個問題, 如果七點先到, 俾左錢只得到凍既食物, 食客會點諗? ii) 我無諗過店內的食物會有分"散客專用" 及 "團購專用", 而"團購專用"的食物又會同散客的差唔多, 呢樣野原來又係團購價個到暗示左. $380蚊係散客價? $138係團購價嗎? 噢, 原來我太無知.....我第一次食日式居酒屋, 依家先知百幾蚊原來係好少錢, 所以唔配食好野, 店家會否因此用一些下欄去敷衍我呢? 對唔住, 我唔想講到咁盡, 但以上係我食完餐飯既感覺. 或者, 店家根本就不應該參加這次團購.
carloslht
佢講緊既係經營手法既問題，團購既目的係為左用優惠價的價錢去享受原價的食物質素，你自問你食既食物值唔值380 再加一先啦!!!!餐牌上既野，講明唔包，當然唔包，絕對認同，但原來佢話包既野食，都係唔包架。酒店既野，唔會熱到蕩嘴，但佢地至少會keep住食物既溫度，保證客人唔會食到凍既食物，除左冷盤。唔好意思呀，我用左酒店既質素同呢間餐廳比，因為佢地收緊酒店既價錢，唔記得左原來鍚紙凍盤同無氣可樂好貴架
Vengeful
wow you sure have spare time to write a lot hateful comments :/i dont know about you, but i think the restaurant is not as bad as you think, i think its pretty decent for its price.
slimbody
Actually, I always have a meal outside but seldom write comment in here. I know my comment was so mean but it is my true feeling. It is happy to hear that you have a decent dinner in this restaurant. Thanks for your reading.
CK_TT
support you Vengeful, don't know why so many these people. Are they from competitors?? I really wonder!!
slimbody
抱歉英文唔多掂, 都係打番中文之前寫完食評見有幾個留言, 都知間餐廳幾"火"吓. 所以不時番上來睇, 估唔到依家已經變成食家之間既罵戰啦? 或者再澄清下, 我唔係乜野寫手, 亦唔係乜野同行或對手, 只係一名普通顧客, 因為貪便宜買了團購來幫襯.我唔知散叫食物質素可以有幾好, 所以我只集中評論我因著團購所吃到的食物. 評論中全是我親身經歷, 信又好唔好信又好, 我都無得去證明了.閣下又是誰? 會唔會係餐廳老闆或者職員呢? 如果係的話, 請好好檢討吓經營手法及用心做好食物, 唔好再在此罵戰, 互相指罵只會換來一班睇花生騷既網民, 對生意毫無幫助的. 一間餐廳好不好, 除左網上評分外, 朋友之間亦會口耳相傳的, 好餐廳自然多人食, 好食自然好評多, 相反亦然. 又者閣下只係一名普通食客, 我便在此向你講對唔住, 好多謝你用時間睇我篇留言, 係我小人之心, 錯怪好人.
Tung_spy
i am really pissed off....CK_TT....i guess u are the boss of the restaurant, u have several nickname here and all begin with "CK" ...What u are saying here is juz rubbish, there is nothing to help with your business if you juz saving your comments here in Openrice..... I suggest you to change the operating style and learn from failure...I tried your restaurant tonite with the 138 coupon .... You can see my official comments later ....Thanks~!
Date of Visit
2011-03-31
Dining Method
Dine In
Spending Per Head
$180 (Dinner)
