wingyiu927's Profile

之前一直好想試呢間家庭式經營嘅餐廳但都冇機會見到佢covid到依家都一直努力苦苦撐落去二話不說即刻約咗2個frd星期六去dinner入面環境安靜，適合傾計，waiter服務好好我地食量唔大點咗1個set dinner，2個maincourse，但都好飽。而且由前菜、湯、到煎比目魚、意大利飯同煎豬鞍，最後到甜品焦糖燉蛋都非常好食，比我食過唔少嘅出名西餐廳更出色。味道真係好驚喜🥹下次會再同朋友食，都真心好推介大家去試，全晚連我呢枱得兩枱客真係有啲心酸。😢…Read More

真材實料，醬汁同配料選擇都好多而且份量夠，材料都新鮮，價錢唔算太平但都係性價比之選，加錢個鹽燒雞扒唔鞋而且唔會太咸住附近所以成日都keep住幫襯果汁都好新鮮，不過沙律嘅質素更驚豔到我，會繼續支持小店…Read More

西環嘅甜品店唔少，但一間服務好又抵食嘅真係唔多今次係第3次過黎，之前都係食開中式糖水老闆娘好好人，推介我試心太軟/心太軟用叉拮開有流心效果食落去朱古力味好香濃唔算太甜心太軟外皮唔算好脆但入面保持到濕潤冇平時心太軟焗得太耐會變到乾爭爭嘅通病連埋雪糕食成個口感好驚喜好好食/我覺得以街坊小店呢個價錢同呢個質素配埋雲呢拿雪糕同其他配料都幾高性價比👍🏻👍🏻/不過即叫即整嘅原因等得有d耐趕時間嘅話就唔好叫喇…Read More

傳統甜品店已買少見少，難得西環仲有一間傳統中式甜品小店，價錢公道，而且甜品足料，平時夜晚dinner後過黎食碗糖水，坐起度傾下計都幾開心。舖頭企理，甜品好快送到，今次只係食咗芒果類甜品，偏酸但可以接受，希望下次可以試下其他種類。老闆娘好有心，大部分中式糖水都係親自手磨，呢後番心機同堅持都值得繼續幫襯啦！天氣再凍少少食碗芝磨糊同杏仁露應該仲正。西環開咗好多西式餐廳，想搵間地道嘅甜品店都買少見少，仲去藍店源記？不了！…Read More

第二次lunchtime黎食，2個人叫咗烏冬定食、海膽海鮮炒飯、瑞士雞翼同海膽黑松露凍豆腐。飯同烏冬份量唔少，都算得上性價比高但唯獨係個海膽黑松露豆腐，完全俾圖片呃咗！非常過份...其他菜式水準尚可，服務ok…Read More