Yung1027's Profile

轉眼間太子一帶又換咗一啲新小店，舖頭門口係落地玻璃，望入去餐廳感覺係好舒服(話係波希米亞風格)，我都食過佢嘅lunch同dinner，食物水準都好平均，記得第一次dinner order咗{黑松露野菌意大利飯}，坦白講嗰次印象係嫲嫲…因為個飯只有幾片野菌(真係得幾片)，好似食忌廉汁撈飯咁😣，當堂大打折扣，之後加$ order個Tiramisu做desert，估唔到又整得幾好喎👍🏻相隔幾星期後再去食lunch，叫咗個大蝦意大利粉，個source似用咗千島醬，非常開胃，可惜個意粉口感過硬，如果軟返少少就Perfect😋，其實整體食物水準唔太差嘅(部份有待改善)，－試無防，睇吓有冇啱自己口味🙂嘅食物．…Read More

「喜萬年酒樓」• 呢個名字由我小時候已經好熟，由於當年佢位於屋企對面大廈(熙信大廈頂樓兩層)，每個星期日早上屋企人都－定會一早去攞張大枱，住附近嘅親朋戚友都會車輪轉咁坐底飲茶食點心，直至酒樓差唔多落場⋯時代不斷轉變，酒樓亦搬過兩次，然而現在店舖細咗，但食物質素都仍然保持水準👍🏻，最鍾意食佢嘅蝦餃同炸鯪魚球，真係好鬼大粒😋，炸芋角呢啲點心唔係－般點心店可以食倒，非常鬆脆👍🏻，亦唔會食到－口油；一般點心食黑椒牛肚通常都係得3、4片，但係佢呢個黑椒牛肚份量唔少，相比起價錢都唔算貴。呢間酒樓嘅點心，值得一食再食．…Read More

前後食過兩次，基本上已經試過曬menu上嘅食品，以呢個價錢，食fusion菜式其實唔係貴，Chef的確好有心去做菜式，配合中西法混合料理，真係有驚喜！第一次走入呢間餐廳，完全冇食客，menu主要有三道、四道同五道菜，由於唔知質素如何，只係試吓食三和四道菜…。由頭盤小食到主菜至甜品，每一款都有特色，例如海鮮蘑菇湯係用一個中式茶壺承載，大雪卡(鴨肉鵝肝春卷)擺盤就好似煙灰缸上放一支雪茄，卡邦尼雲吞中間是流心蛋被泡沫包圍，每一個套餐都係用鹹蛋黃糖雪糕做結尾，有興趣食Fusion菜可以試吓佢嘅五道菜式。PS：如果真係好肚餓⋯咁就可能要先打少少底啦😆…Read More

同事食過呢一間放題讚不絕口，為食嘅我當然唔可以錯過啦，當日晚餐時段座無虛席，冇book位嘅根本食唔到⋯由於我地人多，先嚟一個大魚生船，所有魚生都好新鮮😋，吞拿魚、油甘魚、三文魚都係厚切上，海膽食落都冇一陣腥味，牡丹蝦肉質鮮甜、彈牙，值回票價。原本以為只係魚生好食，原來熟食都唔差喎…燒牛肉粒、燒魚鮫、燒菠蘿、炸紫薯、仲有每枱每人都有一客燒鮑魚，都好美味，唯獨是我覺得鵝肝同燒蝦差啲啲，可能係我本身對燒中蝦麻麻，十居其九都係燒到好乾，唔同燒大虎蝦或者龍蝦嘅質感，因此唔太鍾意食，可能太多客，到最尾食雪糕都要等好耐，而且想食嘅味道都冇曬🤷‍♀️，唯有下次再食😆…Read More

大角咀一直都有好多食肆，開一間接一間，亦有好 多相繼結業，餐廳前身亦係呢區出名船長餐廳，某 年唔知係咪轉咗老闆，之後轉埋名。 雖然冇精緻擺盤，一分錢一分貨，但性價比高👍🏻，set嘅份量亦啱啱好👏🏻，亦覺得唔係求求期期煮，無論係牛扒、羊扒都juicy😋，even 全熟都唔會好乾，絕對唔係某啲掛名 cafe但其實係茶餐廳級數嘅食物，所以久唔 久都會去呢間餐廳。唯獨美中不足就係飲品款式有啲少，如果可以加多几款mocktail就更加好…Read More

去Staycation好多時package都會包早晚餐，但有時都想搵吓附近有咩餐廳試吓，呢間餐廳個名就聽咗好耐不過就未試過，既然今次有機會當然嚟試吓啦⋯一般食西餐其實冇乜特別，來來去去都係嗰類，點完餐後送上熱辣辣麵包，麵包出奇地好食(唔知係咪因為肚餓)，再嚟致愛嘅生牛肉他他，用多士加埋牛骨髓伴牛肉他他，正👍🏻! 跟住有medium Rare嘅eye rib😋，食物質素算係average之上(我個人覺得咋)，但今次反而有個期待就係‘火焰雪山’，因為唔係太多地方有得食，亦估唔到份量算大，如果有4個人Share會啱啱好。整體來講用餐都几滿意，走嘅時候見到下層Bar都好多人飲酒、chill吓，都唔錯喎！…Read More

呢個afternoon tea set本人食過兩三次，雖然係兩三個月前嘅事，而家tea set食物種類有少少分別，但overall都ok，一樣有鹹點及甜點，而且仲係食得飽嗰隻，以呢個價錢，又對住開陽景觀，三五知己識住嘢吹吓水，真係唔錯。講返食物水準，送到嚟時候食物仲係微熱，除非你狂風掃落葉咁食，否則總有啲點心係凍咗，呢樣真係冇計⋯最好先食蝦多士(凍咗會覺得好油膩)，其他鹹點不過不失，可最後先至食個咖喱汁🥯。甜品反而係我比較喜歡，有別一般酒店嘅甜cake，椰汁西米糕及椰絲糯米糍唔太甜，佢嘅芒果糯米飯的確幾好味，之後我哋覺得唔夠喉再encore一個😋。…Read More

太子附近其實好多食點心小店，幫襯過呢間舖頭兩次，除咗正常嘅點心之外，都有啲特色點心喺其他舖頭好少食到，例如春風得意腸粉，佢哋嘅腸粉皮其實算唔錯，起碼唔會太厚，仲有芥茉醬炸豆腐，其中有一款千島醬脆皮蘿蔔糕，好唔好食就見仁見智，本人覺得用呢種味道煮反而失去原有蘿蔔糕嘅味道，不過都可以一試；原籠蔗糖馬拉糕都好鬆軟，如果未到在香一啲就更好，最開心就係呢度居然有得食我至愛嘅蒸黃金糕。仲有好幾款特別點心，都要等下一次，以點心嚟講整體算唔錯啦。…Read More

之前食咗呢間餐廳嘅lunch set, 其實佢哋都有Afternoon tea set提供，餐廳內其實好開陽，所以一邊嘆茶一邊食tea係好舒服🤗。講返個tea set...整個擺設已經好靚，頂頭嗰個係旋轉音樂盒，一放上枱已經忍唔住不停影相😅，有時候除咗食物質數外，整體賣相靚亦會加分，基本上食物portion唔係好大，但最估唔到會有其中一個點心係原隻鮑魚😮甜點比例亦唔算多，可能自己唔太好’馬卡龍’，因此甜點上扣咗少少分，如果能夠換上一啲精緻甜品例如mouse cake，水果奶凍...etc就更好。…Read More

原本想試呢間餐廳嘅Brunch，最後選擇佢嘅Tea set，之前喺FB見到某位太太大讚呢個T set好味🤔，相又影得几靚，所以試吓⋯結果有啲後悔🤭。由於現時疫情關係，加上係平日，餐廳都唔多人，就算訂檯無指明要「花樹」下卡位，餐廳都安排打卡位比我。通常食英式下午茶自己比較鍾意飲花茶，但這個Tea set portion 比較少，所以今次飲cappuccino。餐廳主打日式fusion菜，心諗Tea set小食唔會太差掛，但可惜⋯四款鹹點味道一般，感覺似擺咗成日，有點乾，墊三文魚底麵包更出奇地硬😨。最難食係scone嘅jam，味道勁似藥水😣，如果唔係Tea set賣相同環境影得靚，價錢又唔算貴，舒舒服服坐底hea 吓，同三五知己傾吓計，我諗我未必會幫襯🤭…Read More

記得小時候住灣仔，屋企附近有鐡皮屋檔嘅漁蛋粉，永華麵家，灣仔舊街市嘅茶檔⋯通通已經變成回憶looo⋯好食嘅粥麵店，隨咗麵要彈牙爽口，湯底都好重要；細個嘅時候好喜歡食炸醬撈麵，因為辣辣哋，又有一碗湯，自從老舖結業，要食到兒時嘅味道真係少之又少。其實呢間舖已經幫襯咗N咁多次，佢嘅雲吞、水餃、牛腩湯麵係好好食，而我嘅最愛就係炸醬撈麵😋，同小時候嘅味道一様，絕對唔差得過老牌麵店，後來知道廚師曾經喺兩間出名麵店學廚，唔怪之得食落有老店嘅味道⋯PS: 順帶一提.…以前嘅麵店通常會有開胃菜(酸蘿蔔)比客人，而呢間亦都有👍🏻…Read More

近手年大角咀多咗好多食店，經過一段時間某啲食店已經改頭換面，呢間主打星州菜嘅餐廳，第一次幫襯係食下午茶，因為覺得價錢唔貴，味道亦唔錯，所以再試吓晚餐。如果我冇記錯，初初開業時見佢餐牌上有胡椒蟹、蝦⋯etc，但而家好似冇咗🤔，換嚟比較大眾化嘅食材。今次叫咗咖喱羊扒同牛腩，其實咖喱味道唔錯，係牛腩唔夠＂淋＂，羊扒有啲羶；可能食啦沙會穩陣啲，唯獨是餐廳坐位太密，而且窄，會令食客感到唔舒服，反而影響生意⋯其實餐廳繁忙時間可以set用膳時間80-90分鐘，將每枱隔開少少⋯反正唔係fine dining 餐廳，大家都係食完嘢坐一陣就走，咁咪仲好。…Read More

知道呢間餐廳開業嘅時候已經想去試，除咗想知道佢食物水準处，亦想睇吓餐廳設計會唔會有梵高嘅格調。餐廳前面係店舖，售賣以梵高畫作嘅產品，直入便到餐廳位置；餐廳佈置頗舒服，不會有壓迫感，係一個約朋友傾計飯敘嘅好地方。由於今次係星期六中午時份，餐廳只能提供Brunch(亦只有呢款)，所以選擇唔多，我選擇咗4 course，沒有order pasta，除咗清雞湯真係太清之外，頭盤至主菜味道同埋賣相都算Ok，但沒有驚喜，試吓亦無妨。…Read More

整體來講呢個Tea set 係好好食嘅(如果你係超Like法式甜品)首先The butterfly room 門口已經有售desert counter，Tea set 亦有其中幾款，出邊嘅Tea set甜品多數係細細件，而呢度係大大件㗎😱⋯但佢嘅甜品又真係好好食喎😝！就連我另一半唔太好法式甜點都有好高評價。特別一提: Vanilla Mille Feuille ( Tea set 嗰件）係超好食，唔太甜、非常鬆脆，係必食嘅，其次就係Mango tart；喜歡食Dk Chocolate mousse 絕對唔會失望..。比個少少Tips大家，如果你只有兩個人又想試曬佢嘅desert，就唔好食scone 同蛋糕仔啦，要留到最尾(如果仲有胃口食)…。至於鹹點，雖然portion較少，但非常精緻(除咗叉燒酥)，亦有少少Surprise。整個tea set有5道，最尾主要係朱古力，有啲帶有酒味，唔錯。…Read More

4月份仲未係太熱嘅晚上，去到大角咀揾食，見倒呢間餐廳主打招牌菜威靈頓牛柳 (印像當中已經係N年前食過)，由於工序煩覆，好多西餐廳都唔會做呢道菜，既然佢係主打咁當然要試吓⋯可能店舖細，座位相隔近，如果隔離枱有人坐，一邊食嘢一邊傾計唔係太方便，食物質素其實都唔差，頭盤有鮑魚、鵝肝，餐湯，算係用心去做菜。記憶中嘅威靈頓牛柳係將牛排塗上鵝肝醬，再蓋上酥皮烤焗而成；個人覺得牛柳味道太淡，雖然話靚牛柳係唔須要落太多調味料，但也可以加少許海鹽調味，另外有一個建議，若廚師上碟時可把戚靈頓牛柳切成幾片會方便客人享用，又或者餐廳提供非常鋒利餐刀😉。…Read More